ياعمري يابنتي .. اخوها يعذبها .. الحقي يادكتورة وش اسوي . ** تم الرد **

[أنثى وردية]

السلام عليكم
اهلين يادكتورتنا الغالية ..
بنتي عمرها 7 اشهر واخوها اكبر منها عمره سنتين و10 شهور ..
يضرب اخته مع وجهها ويسحب شعرها بقوة ,,, تجلس تصيح بقوة وتعبر وتزعل ولا ترضى ابد تجلس كل شوي تتعبر وتبكي .. شكلها تذكر الموقف .. ياعمري يابنتي ..
يجيها فجاة بطريقه مااتخيلها ابد وكل يوم حركة وشكل اخر من المباغتات ..
احيان يمر بسرعه الصاروخ ويسحب شعرها معه .. اصلا يكون رايح بيجيب حاجه او يكلم احد او اني اجلس ارضعها .. يعني انا ما احطها عنده بلحالها ابد .. يجيها بين ايديني ..
امس رمى عليها من بعيد حاجه ثقيلة جات الضربة خلف اذنها .. والله من قوة بكائها احس ان دمها سايل ..جلست ابكي معها ..وابوها جلس يهاوشة والله ماجاب خبرنا ..
(البنت لها شهرين تمص اصابع يدها .. سمعت في برنامج ان الطفل اذا مص اصابعه معناه انه عايش في خوف )ياربي وش اسوي معها .. قلبي يتعطع عليها
احيان اضربه اذا ضربها واحيان اوبخه واهاوشة واحيان احبسة في مكان ..بس ولا فايده ابد .
حتى في البيت انواع الخراب والفساد .. (هذا ممكن اتحمله بس كلشي ولا يضرب اخته )
حتى يخرب ادوات واغراض اخوه ويجي يضربه ولا في فايده منه يرجع يخرب اغراض اخوه .
مع انه اخوه الاكبر منه مايضربها ولايغار منها ابد ..ولا كان يغار منه ولايضربه ابد ..الى اذا اعتدى على اشيائة الخاصه ..
سؤالي..
كيف اتصرف مع الابن الصغير اذا ضرب اخته ؟
كيف اتصرف معه اذا خرب ادوات واغراض اخوه الاكبر ؟
كيف اتصرف معه عند الاشياء الخطرة .. مع انه يعرف انه هذا شي خطر ؟

آسفه على طولت عليك .. أبي التعامل الصحيح الله يجزاك خير ..

 

[أ.نجوى ناجي]

بالنسبة للغيرة وضرب الطفل الاصغر ذكرناها في كثير من الاستشارات اعملي بحث وستجدي الكثير في القسم , بالنسبة لموضوع اغراض اخيه الاكبر خذي صندوقين وزينيهم وخصصي لكل واحد منهم صندوق حتى يشعر بالخصوصية في اشياءه وكل واحد منهم ينشغل بأدواته الخاصة , بالنسبة للأشياء الخطيره حذريه من الشئ ولو كررها في هذه الحالة ممكن تضربيه على يديه مثلا ليتفهم ان الامر خطير , خلاف ذلك لا نستخدم الضرب نهائيا

 

[أنثى وردية]

شكرا لك دكتورة
بس هل فيه ضرر على رأسك الطفله من كثر الشد .. احس شعرها يطيح ..
وشكرا طولت عليك وابشوف عن الغيره لاني مافتحت مشاكل اخواتي هنا ..

 

[أ.نجوى ناجي]

طبعا لن تتركيه يشد شعرها طول الوقت انتي طبعا بتبعدينه بلطف ولما تقرأي الاستشارات ستفهمي ان شاءالله