ياريت تعطوني افكاركم....كيف استفيد من اللغه اللي معي وانا بالبيت..

[درة العروس]

أخواتي الغاليات ..............

أبدخل بالموضوع مباشرة.......... أنا معلمة لغه انجليزيه سابقا

يعني درست بمدارس خاصه لمدة 3 سنوات .......حاليا ماقدر اطلع للتدريس

وابي افكاركم الحلوه انه استفيد من امكانياتي ويكون لي دخل من خلال عمل من داخل البيت....

ياريت تعطوني اقتراحات واكون لكم ممنونه ولكم مني كل الدعاء.......

 

[nona13]

حبيبتي ليش ما تعطي دروس عبر الماسنجر للبنات

 

[درة العروس]

يعطيك الف عافيه يالغاليه على الرد........

بس ياريت تعلميني شلون اتواصل مع البنات اللي يبون ياخذون دروس عن طريق الماسنجر

يعني كيف اعلن عن نفسي واوضح رغبتي بالتعليم ....

ياريت تكملين معروفك وتفهميني الطريقه ... وابشري بالدعاء الخالص في ظهر الغيب

 

[دلوعة مملكتنا]

انا من رايي تعطين دروس بالبيت ..

او تقدمين خدمات ترجمة مثلا

عندي افكار
فكرةرقم 1
ممكن تفيدج شفتها من زمان يوم كنت بقطر

اتفقي مع مكتبة منطقتكم ..

انه يسوون عرض ترجمة وبرزنتيشن بالانجليش او بروجكت بالانجليش

ويوم يجيهم طلب يحولون لج الشغل على البيت وتجهزينه وتسلمينه لهم

وطبعا يكون لج مبلغ محدد ولهم مبلغ اونسبة

يمكن تحسين ما تبين حد يشاركج بتعبج بس الاضمن يجيبن لج شغل وايد وزباين

فكرة رقم 2
ممكن تدرسين عيال اوبنات الحارة انجليزي تاسيس يعني مش حل واجبات كل يوم وبس

سوي لهم نفس الروضة حتى لو كانو كبار لانه التعليم بالللعب بالنسبة للانجليزي روعة لاحظته على ولدي يستانس تعلم من اللعب اكثر والقصص بعد والتمثيل حتى لو ملابس وشخصيات انتي تشترينها ويمثلونها .. كوني مرحة بالتعليم ..

يعني انتي طوري نفسج ببيستانسون عليج البنات وبيخلون اهلهم يطالبون باستمرار بناتهم عندج

فكرة ثالثة :

تعلمي تشترين ببطاقةالنت من مواقع اجنبية او مصانع صينية الخ
لان فيه بنات يحبن يطلبون بس تنقصهم اللغة ..

خليها بمقابل بسيط حتى لوكرت اتليفون ترسله لج الزبونة


بالتوفيق

 

[درة العروس]

يعطيك العافيه دلوعة مملكتنا على هالافكار......
الله يجزاك خير عالمرور والرد الحلو ............ باحاول اطبق الفكره الاولى كبدايه وان شاء الله ربي يوفقني فيها......
وتسلمين يالغاليه على ردك وتشجيعك .........

 

[دلع بلقيس]

حبيبتي انا من اول المشاركين معك على الماسنجر ,,

بس انت ابدأي وانا معاك وكل شي بحقه وانت حددي المبلغ وعلميني وان شالله انا وانت نكون نتلاقى عبر الماسنجر بالمايك..
واهم اهم شي انك تكوني انسانه دقيقة بالمواعيد.


تحياتي’’

 

[درة العروس]

هلا اختي دلع بلقيس .........
حياك الله ...... انا مستعده........ وياريت يكون في طريقه نتواصل فيها ......بس المشكله انهم قاطعين الرسايل الخاصه ....
وماني عارفه كيف نقدر نتواصل ....عالعموم انا مستعده يالغاليه .....
بس ياريت تدليني عالطريقه على اساس نوصل لبعض بالمسن .....وان شاء الله ماراح يكون المبلغ او المواعيد مشكله.......
والله يكتب اللي فيه الخير.....

 

[دلوعة مملكتنا]

الحمدالله الله يبارك لج يارب

شوفي ارسلي رسالى زوار للعضوة دلع بلقيس فيها ايميلج

انصحج غاليتي يكون عندج خطة واضحة بالتدريس بالمسنجر

عشان تمشين عليها وتستفيد الزبونة وماتضيعين وقتكم

يعني لو هناك تدريبات او تمارين لازم تحددين الوقت بالضببط للتمرين او الاملاء اوالاجابة عن سوال بوقت محدد

وحطي ببببببببالك اول زبون هو اللي يعطي الانطباع الطيب لك عند الاخرين
وبالتوفيق

 

[درة العروس]

دلوعة مملكتنا .......
تسلمين يالغاليه والله يكفي دعواتك وتشجيعك ......والله يسعدك ويكتب لك كل خير يارب
وبالنسبه لموضوع التدريس عن طريق المسن .... عرضت الموضوع على زوجي وانا مرره متحمسه بس للاسف عارض الفكره بشده رغم كل المحاولات .... من وجهة نظره ان الموضوع ماله داعي وانه ممكن تجيني مشاكل كثيره من وراه ......رغم اني كنت مبسوطه مره وبديت احس اني باسوي شي ...
احب اشكر الاخت الغاليه دلع بلقيس .......
وبنفس الوقت اتأسف لك ...والله كان ودي ابدأ معك المشوار بس مانقدرنقول غيرالحمدلله على كل شي ............وتسلموووووووون

 

[*مشاعر مكتومة*]

اهلا وسهلا بك غاليتي
عزيزتي اذت زوجك عارض فكرة التدريس على الماسن حاولي الطبقين الافكار الثانيه اللي ذكرتها دلوعتنا ربي يسعدها ويوفقها فكرة تتعاملين مع المكتبه رااائعه وسهله وانتي بيتك ..
ربي يوفقك لكل خير ويسعدك ..​

 

[لا تحرمنا بعض]

مسائكم سعيد

فكرتي لو تتفقي مع بنات الكليات في ترجمة النصوص و عمل البحوث

أنا خريجة ادب انجليزي و ايام الكلية كنا نتفق مع استاذة تلخص المناهج او تترجم لنا بعض النصوص لضيق الوقت

و في اقسام ثانية مثل المكتبات عندهم انجليزي و بنات مالهم و مال الانجليزي فيجو للشرح و التلخيص

صراحة فكرة تدرسي بالبيت احسها صعبة لأنك متزوجة و وراك مسئوليات

فأحسن اتجهي لعمل الورق فقط هذا رأيي

و ربي ينولك مبتغاك و ينور دربك و يهدي لك زوجك

 

[درة العروس]

تسلمين اختي الغاليه ...... مشاعر مكتومه
وفعلا الاخت دلوعة مملكتنا ماقصرت بافكارها .......... الله يجزاها خير
والله يعطيك العافيه على التشجيع والرد الحلو ...... وان شاء الله ربي يجيب اللي فيه الخير....