يارب احس ان هالحب ابتلاء بس كيف اتخلص منه

[بصير أقوى]

السلام عليكم ورحمة الله وبركاته

يابنات انا عضوه قديمه لكن اخذت اسم جديد يمكن لان المشكله حساسه
تعرفون كثير اعمل نفسي قويه لكني احس اني اضعف نساء الارض
ياناس زوجي فيه عيوب الدنيا وحريم احسهم يقولون ماشالله عليها
على هالزوج لكن ماانكر فيه اشياء حلوه ومميزات
انا مابي اصلح علاقتي بزوجي خلاص ولا ابغا اصلحه انا بدعيله
ولاعاد اسوي مخططات ولاعاد اقرا عن هالشمالي الشرقي

اللي ابيه تعرفون وشوا؟؟؟
ابي اصير قويه
ابي اشيل جزء من حبه واخلي جزء يخليني اعرف اعيش معاه فقط
يابنات اذا زعلنا احسها نهايه العالم ودموع وهم واصرخ واكسر
واقعد المه بليل وابكي ابيه يرضا حتى لو هو غلطان
انا اقول يمكن هذا ابتلاء عشق زوجي حد الجنون شفت منه الويل ولا كرهته
ادعولي طلبتكم يقسي قلبي مادري يصلح حالي
وانصحوني ارجوكم

 

[حبيبي دودي]

ماراح ندعي ان ربي يقسي قلبك عليه راح ندعي لك ان ربي يهدي سركم ويسخره لك يارب

كل الي عليك حبيبتي اثقلي شوي ااذا كان هو غلطان لاتعتذرين منه لان اذا تعود على كيذا مستحيل راح تنصلح اموركم

الله يصلح حالك ويهنيك يااااارب

 

[سومة بلقيس]

ياااااااااااا قلبي انا ما بدعي عليك بدعيله ربي يسخر قلبه لك وينور بصيرته
وعلى فكره انا مثلك تمام وربي كنت اكثر من كذه بس الحين الحمد الله صرت
عاااااااااااااادي اذا جاني اهتميت ولا بالغت واذا راح نسييييييييته ولا ذكرته
وكذه صار يستغرب من تصرفاتي والتغيير بس انتي شوي شوي وبتقدرين​

 

[القاسية الحنونة]

ياااقلبي انتي شكلك فيض من العطاء والحب بس بما انك عضوة قديمة يعين عارفة ان هالاسلوب مابينفع معاه هالاسلوب بينفره منك زياده ويقسي قلبه زيادة وبيذلك زيادة..ياقلبي اقري المواضيع اللي فيها العضوات اتغيروا وانتصروا عالشمالي وصار هو يجري وراها ولا يرضى بزعلها ..تبارك الرحمن
اقري هالقصص وادخلي في تحدي مع نفسك للتغير عشان مصلحتك انتي مو عشانه هو
ربي يسخره لك ياارب وتكوني ملكة بقلبه

 

[أسأل الله الفرج]

بصير أقوي يالتني أعرف وشلون كان قلت لك لأني مثلك أبي حبه ينزع من نفسي ولايكون إلا بقدر ما أرضي به ربي,كم من المواضيع قرأتها وعجزت أطبق لأن زوجي معدد ,صدقني كأنك تحكين حالي أنا تزوجت صغيره وتربيت على ما يبي والحين تغير فما عرفت وشلون أتعامل بعد ماكنت أعرف,أتمنى وادعي من ربي وأقول يارب لا تعلق قلبي بأحد سواك,واجعل حبه في قلبي بقدر مافيه رضاك,لأني تعبت إن تعاملت معه مثل ماقريت زعل وقال أنت ماتهتمين بي وخلها زعل ونكد وراح البيت الثاني وتركني,لذا أجد أن التطنيش مانفع معه بل يتمادى ويعاند عشان كذا اسكت وينحرق قلبي,وياليت أقدر أقولك بحل كان ماقصرت لكن الحل بيد رب الخلائق اللي يملك قلبهم أن يسخرهم.

 

[مكان القمر]

http://www.niswh.com/vb/showthread.php?t=292267

هذا الموضوع مناسب لمشكلتك

 

[السحر الحلال]

ادعولي طلبتكم يقسي قلبي مادري يصلح حالي
وانصحوني ارجوكم

المودة والرحمة جزء من الحياة الزوجية
ولكن ان زاد عن حده؟؟
فمن حب شئ عذب به
اليك
"اللهم مارزقتني فيما احب فاجعله لك فيما تحب
اللهم لاتجعل ف قلب غيرك وانسني بك يالله
اللهم ان اعوذ بك من غيض قلبي
اللهم ارزقني حبك وحب من يحبك وحب كل عمل يقربني اليك
اللهم اجبر بكسر قلبي
اللهم ارني الحق حقا وارزقني اتباعه

 

[سنكرس]

الله يصلح حالك مع زوجك ويقدّر لك الخير حيثما كان .

 

[قمر بعيونه]

الله يصلح حالك ويسخر لك زوجك

 

[رازيا]

تدرين شو مشكلتنا انه نحن نعطي ازواجنا اكبر من حجمهم علشان كذا نجلس نعاني منهم ونشتكي
لكن لو خلينا هذا الزوج صديق مو حبيب كان افضل بكثير وحياتنا تغيرت
لو تعلمتي انك تحبي نفسك اكثر وتطوري من ذاتك وتقرائي في قسم دورات وقراءات صدقيني حياتك راح تتغير
مشكلتك هي نفسك مو زوجك
الزواج عقد بين اثنين مثل الشركة وممكن هذا العقد ينفسخ لاي سبب من الاسباب
يعني باختصار الوحدة ما تعلق قلبها الا بالله لانه الله احسن من الجميع والله يرحمنا
والله يعطف علينا ويسامحنا ولكن نحن البشر يا لطيف علينا ما فيه اقسى من قلوبنا
خصوصا اذا غلط الزوج كاخيانة ما نلتمس له العذر ونعتبره انسان مريض ونعطيه فرصة
واثنين وثلاث ونصبر وندعي الله له بالهداية ونخرج صدقة بنية هدايته اقصد بالخيانة هنا مكالمات فقط
علشان كذا علقنا قلوبنا بالبشر ولو علقنا قلوبنا برب البشر كان احنا بالف خير
اعيدي حساباتك وترتيب حياتك
حبي ذاتك
طوري من نفسك
اشتغلي على عمرك
حبي نفسك فقط فقط فقط

 

[تشكرات]

حبيبتي لماذا تغضبين على كل هذا المقــدار من الحب لزوجك ؟؟

أحبّــــــــــيه وأحبّـــيه واحبّــــيه ( فالحب شعـــور رائع تجاه الزوج

الحب يجعلك تصنعين المعجزات ..ويجعلك تحــوّلين حياتك البائسه

الى حياه كلّهــا أمــل ونجــاح بحـــول الله .....ولكن السؤال هنــا

كــــيف هــي الطريقه المثلــى لايصــال هذا الحب للشّمالي ؟؟

أوّلآ ....أعـــرفي نمطك حتى تتقنين التّوازن بين نمطك ونمط زوجك.

اذا كان نمطك بعيد عن نمط زوجك ( لابدّ لك من أن تتنازلي قليلآ

عن بعض خصائص نمطك ..( حتّى لــو تمثّــلي على زوجك ) !!!!!

فالمهم هنــا ( أن تتــقاربــوا روحيّآ وفكـــريّآ ) ..

أظهــري حبّك لزوجــك ( لا مشكله ) ولكن بيّنــي له هذا الحب

بالعطــاء والتّضحــيات والحكمــه ..وليس بالكلام الملــــئ بالعواطف

والكلام الرومــانسي فقط ..فالشّمالي ( يعشق المرأه العـــاقله

والمتّــزنه والعمــليّه ...ويعشق المرأه التي تحبّ نفسها وتحبّ قوّتها

وتعشق شخصيّتهــا ...ولا تعتقــدي أن بهذه الطريقه أن زوجك

ينـــفر منك ولا يحبّك ....لأنّ الشمالي يراك بهذه الطريقه ( حبيبه و

عشيقه وتـــوأم لروحــه ) .....

الشمالي ( للـــوهله الأولــى مــرعب ومخيف ...الكل يكرهه ويهابه )

لكن من داخــــله ( انسان بكلّ ماتحــويه هذه الكلمه من معاني

سامـــــيه ) ...

اخــتي الفاضله ....اذا ايقــنتي أن الشمالي لــه معامله خاصّه وسهله

جدّآ ( ســــوف تــرتاحين وتنعـــمين بهذا الحب المكنون في داخلك

لأنّ زوجك ( سيحبّك فعليّـــآ وبشكل ملموس ) وليس محسوس كما

تظنّي ....فخـــذي حبّ الشمالي بالشكل الذي فطره الله عليه ..

واحمـــديه وأشكــريه ...

ربّـــي يسخّر لك زوجك ويجعلك قرّة عين لـــه ..

 

[بصير أقوى]

لساني مربوط مو عارفه ارد عليكم انا عند الناس قويه وصاحبه نكته واعلمهم كل اللي قلتوه
بس اذا صار موقف وزعلنا انا وهو اصير ضعيييييييفه وابجي عنده احس بذل كبير تكفون
حسوو فيني وادعولي احبه القدر الطبيعي مو توقف الحياه ولا اشوف شي حلوو!!!!!!!!
اييييييي منو هذا صح زوجي بس ماتوقف الحياه اجل لو يتزوج علي او نفترق وش يصير
لان نص اهله معددين

 

[بصير أقوى]

ياربي مادري وشلون اشكركم بس احسن شي بدعيلكم بظهر الغيب

 

[رازيا]

ليش انت خايفة انه زوجك يعدد مثل اهله
طيب ليش ما كنتي واضحة من الاول علشان نعطيك الحل السليم
شو رايك تكتبي مشكلتك مع زوجك بتفاصيلها يعني اعطينا معلومات اكثر عن حياتك

 

[عيون بهيه]

حالتك ليست حب ...وانما تعلق وخوف من فقدانه.!
سمعت بحاله نفس حالتك بالضبط على قناة دبي وقالها الدكتور نفس الكلام تعلق وليس حب

 

[بصير أقوى]

رازيا ياروحي انا اقولك هو يحبني وموجود معاي واذا زعل اموت انجن احسه نهايه العالم
اجل لو يتزوج وش بسوي؟؟؟ انا كذا تعبانه يعني احتمال والمشكله يااختي حتى لو مشكله
عاديه تعرفين الشمالي تكبر براسه وانا مااحب الزعل يطول ماعرف انام ودايم اخاف افقده
يمكن فيني خوف من فقده وفيني شك فيه لان عايلتهم من بعيد الكل يمدح يوم دخلت معاهم
الكل متزوج اما جدام الناس او بالسر او عنده عشيقات وزوجي تعبت معاه فوق ماتتخيلون
بس احسن من اول بكثيييير طبعا بفضل الله كنت دايم ادعي

 

[بصير أقوى]

عيون بهيه اي والله يمكن
ياناس عارفه ان هذي اقصر الطرق لفقدان الشمالي الشرقي
لكن ياعالم ياهو ياناس مو بيدي والله انا اليوم مافكر فيه انا عزت علي
نفسي وش هالذل ؟وش الحياه؟اجل هذا حب؟لااا ماشفناه بالقران ولا بالسنه
ولا بقصص الصحابه ولا باهلنا

 

[رازيا]

اسمعي مني ارجعي اقرئي ردي الاولني
قلت لك لا تعلقي قلبك ببشر لانه البشر مو مضمونين
علقي قلبك بالله فقط
كم طفل عندك وكم سنة صارلك متزوجة وهل تعرضتي لخيانة منه وشو نوعها

 

[بصير أقوى]

رازيا انا يمكن قبل الزواج كنت شخصيه مهمه والكل يستشير ومضيعه وقتي وشاغلته كثير
لكن الحين الشمالي ومعتقله ولا روحات ولا جيات حتى التلفون لاتكثرين قدامه وكثير اشياء
ماني عارفه ماني عارفه

 

[بصير أقوى]

لي سنه وشهرين
وخيانه مامسكت عليه ممسك او دليل بس سهر للصبح وتلفونات
وانا عروس الحين تغير شوي لله الحمد بس كانه كان يعشق له
وحده والحين خف تلفونه سايلنت فالبيت ولايرد وسهر خف كثيييييير
ولي ولد يجنن يسوا الدنيا