يابنات لحقوا علي شسوي مع الوسواس؟؟؟؟؟؟؟؟؟؟؟؟

[ترانيم الألم]

السلام عليكم خواتي الملكات................
انا حامل للمره الثالثه ولله الحمد........انا توني بالشهر الثالث ومع ذلك قاعده احاتي الولاده بشكل مو طبيعي حتى تحول الموضوع عندي لوسواس..............دايما اتخيل نفسي شبسوي وقت الولاده واتخيل انه بتصير لي اشياء يمكن تسبب الوفاة لاسمح الله.............بموت من الخوف كاني بولد باشر.......ساعدوني.................طمنوني..........كل من صارت في مثل حالتي اش سوت..........ايش اسوي عشان اطمن..........للعلم في ولادتي الاولى ماكنت احاتي لاني ماكنت عارفه شنو الولاده والطبيبه عطتني ابرة الظهر وماحسيت باي الم او شي..........الولاده الثانيه بدون ابره بس كنت ميته خوف طول الحمل وانا احس اني راح اموت يوم اولد ووقت الولاده عفست المستشفى عفاس من الخوف بس الحمد لله الله سلم.............خبروني خواتي شسوي آخذ ابرة الظهر وارتاح ولا شو.........

 

[احاسيس*]

حبيبتي الله يهديك بس.....اللحين لو انتي مجربه الولاده صدق والطلق وش بتسوين..
احمدي ربك واعرفي انه كله اجرررررررررر ....والله اني اذا ذكرت الاجر..خلاااااااص هانت علي ..
وبعدين امهاتنا جابوا على عشره واكثر.ولا مستشفيات ولاشي..ماماتوا ولاصارلهم شي...
توكلي على الله ...واقري الاذكار زين....

 

[مشوار امرأه]

اتوكلي على الله
وتفائلو بالخير تجدوه
واذكري الله كثير وادعيه كثير ( الا بذكر الله تطمئن القلوب )
واستغفري كثير وهذي تساهيل من الله بس عليك بالدعاء
وان شاء الله ربي يسهلها عليك
اختي كانت زيك كذا خوافه لكن من كثر ما تدعي طول الحمل ربي سهل ولادتها وكانت سهله وبسيطه ولله الحمد والي كان مهقدها ولادها الاولى كانت تحسب نفسها تموت لانها مره تعسرت فيها لكن ربك سهلهاا والحمد لله
الله يقومك بسلامه ويسهل عليك