سلة فواكه
New member
- إنضم
- 2007/04/05
- المشاركات
- 4,025
شلونكم ياااابنات ؟؟؟؟؟؟
طبعا بقولكم شالسالفه
انا قبل ايام المراهقه كنت اصبغ شعري بالهبببببل خبركم يعني هالسن الوحده تحب تشوف روحها حلوه وملفته للنظر الكل يمدحها ويعجب فيها
صبغته كم مره لكن بروحي بالبيت ما كنت اروح الصالون كنت اخاف على شعري ......
كبرت وطولت وطول شعري معاي ههههه وقلت خلني اتركه في حاله بلا صبغ ولا شي يرتاح على الاقل وتركت شعري وصار انعم وانعم وانعم من قبل لما تركت الصبغ...
من سنه ونص تقريبا زوجي كان يزن فوق راسي ويقولي انتي شعرج علىىىىى طول اسود ليش ما تغيرين شكلج ليش ما تسوين نيو لوك ومن هالكلام وطبعا انا زوجي من النوع الي ما يتكلم ولا يعلق
رحت الصالون سويت لي هاي لايت وياريتني ما سويت
مكان الهاي لايت صار لييييييف ومكان الاسود ناعم
ما تتصورون يا بنات مكان الصبغ شلون خششششن وجاااااااااف
قبل كم شهر كان عندنا عرس ورحت الصالون وطلبت وحده معينه تسوي لي شعري هذي دايما اخليها تسوي شعري لانها ماشاء الله روووعه ويدها خفيفه واعرفها من زمان حتى الصبغ الي تحطه روووعه بس انه ما فكرت اروح لها لما صبغت شعري لان الصالون بعيد وكنت ابي شي علسريع
لما شافت شعري على طول قالت لي هذا مستخدمين مع الصبغ بليدج
قلت لها شنو بليدج
قالت هذي مااااده تستخدم في الصالونات تنخلط مع الصبغ عشان اللون يطلع اكثر بالشعر ويوضح حاااسبي وهالمره اذا بتصبغين شعرج اكدي على الي بتصبغه لج انها ماتخلط الصبغ ببليدج لانها ماده تجفف الشعر وتتلفه وتعدمه ومو بس جذي لها اثار جانبيه بعد سنوات يطلع مكان الصبغ شيب وفعلا يابنات ملاحظه كم شيب طالع لي مكان الصبغ مع اني توني في ريعان شباببي :icon28:
يابنات ارررررررررررد واقولكم انتبهو من البليدج وحاسبو منه والا شعوركم بتروح ملح لااا سمح الله
