وين راتبي ؟؟؟

[همس البحر]

هلا بخواتي الموظفات...
حابه اسأل كل موظفة تقدرين تدخري من راتبك كل شهر ؟؟
لأن لي 4 سنوات في مجال العمل وكل شهر اسأل وين يروح راتبي :icon1366:​

كل شهر عندي مصاريف السواق واهلي ونفسي ادخر شي للزمن ماقدرت :dunno:​

افيدوني ياموظفات ؟؟​

 

[انشودتي الكويت]

كاااااااان غيرك اشطر انا لي الحين 11 سنة اشتغل وراتبي عالي بعد بس ماني عارفة شلون اوفر

 

[همس البحر]

مافي احد يرد علي وينكم يابلقيسات ؟؟؟؟

 

[مساء الحب]

حبيبتي همس

فعلا لو تركنا نفسنا ماحنوفر شي بس قدامك طريقتين للتوفير اما:

-الدخول في جمعيه : بس لازم تخطيطين على الفلوس الي راح تجيك من الجمعيه يعني مثلا حسب المبلغ اذ كان كبير ممكن تستثمرينه بشي او تحطينه باسهم

والشاطره هي التي تنتفع من مبلغ الجمعيه يعني موب تستلمه وتحطه بجيبها بعدين يروح على مطاعم وشوبنج -------

- الطريقه الثانيه هي وضع حساب ثاني بالبنك ماله بطاقه صراف بحيث كل شهر تحولين جزء بسيط من راتبك الى هالحساب وتتركينه ولا تسحبين منه الا في وقت الطوارئ ( في موضوع بهالقسم تطرقت له احد الاخوات ماني ذاكره اسمها )

 

[العروس]

مرحبا ، عزيزتي استخدمت طريقة حلوة وانفعت اسمها طريقة الهدف ( من عندي ) .
أهم شيء يكون عندك هدف توفرين علشانه ( حج ، بناء بيت ، ...)
تحديد قيمة المبلغ اللي سيتم توفيره شهرياً وإذا أنتي خرايه ما تبقى الفلوس في يديك ابدئي بــ 500 أو 1000 وزيدي المبلغ بعد فترة .
وفيه طريقة ثانية استخدمتها مع زوجي ونفعت ( طريقة التوفير بالغصب والقوة ) :
شهرياً أطلب منه 1000 ريال ( وماقدرت آخذ أكثر تعرفون المصروفات هالأيام ) وأحتفظ بها لين توصل مبلغ حلو أو ينسحب قبل الموعد أيضاً بسبب المصروفات :dunno:

 

[اضواء الرياض]

خواتي اقولكم على شي ان سويتوه ربي بيبارك برواتبكم وراح توفرون وهذي الطريقه مجرّبه منّي
زوجي كان راتبه عالي مره بس سبحان الله في اخر الشهر ماعندنا شي
وبعدها زوجي اشتغل شغلهه ثانيه بس راتبها عادي بس صرنا نوفر
والطريقه هي
حسبنا الراتب كامل وطلعنا منها مبلغ زكاة
وصرنا كل شهر نسويه والحمدلله ربي بارك في راتبنا

 

[اسرار ليل]

اختي العزيزة همس البحر احيي فيك هذا الحماس على التوفير ..زين فكرت وأنت في أول الطريق .حنا مافكرنا إلا بعد سنين,,,المهم حبيبتي اولا :تصدقي بمبلغ شهريا ,ثم اعملي ميزانية لمصروفاتك وادخارك .....وستجدين النتيجة التى تريدينها ان شاء الله ....ودمتِ

 

[اميمة الحلوة]

في طريقة ثانية هي انك تتصدقين كل يوم اول ما تقومين من اليوم من غير ماتشوفين كم وتحطينها بحصالة وكل يوم جمعة خلي زوجك بعد الصلاة يعطيها لمستحقيها والله العظيم البركة بتنزل في كلشي وهاي الطريقة بتلاقينها في كثير من المنتديات ومتجربة من ناس كثير

 

[خديجه 555]

حبيبتي الغالية عند استلام الراتب ادعي بهذا الدعاء اللهم بارك لنا بمدنا وصاعنا واجعل البركة بركتين واكثري من الصدقة ولاتردي سائلا

 

[ام خالد717]

مشكورين ويزاكم الله خير على
الافكار الحلوة والله اني كنت محتاجتها حيل
بس يزاكم الله خير وفي ميزان حسناتكم
ان شاء الله
وخصوصا فكرة الصدقة وايد عجبتني
اسفة يا اختي همس البحر لاني ماقدرت
افيدج بشي بس حبيت اقولج مشكورا وااااااااايد
لانج افدتيني وايد
والله يوفق الجميع​

 

[جبن سايل]

الله يعينك الكل يشكي من عدم البركه في المال

 

[حلا العرب]

حبيبتي...
كأنك كنتي تتكلمي عني...

أنا كنت كذا... نهاية الشهر أروح بعدني أشحت من عند أختي :no:

بس جلت لازم أنظم حياتي....

و لازم أرتب نفسي...

فحددت هدف..

1) القضاء على قرض البنك... و عشانه دخلت جمعية..

2) نويت الحج.. و عشانه فتحت حساب..

3) أحط فلوس عشان مشروع خاص.. و عشانه دخلت جمعية أخرى!

4) حطيت مبلغ ( مش للتوفير ) لأ...
حسبته للطوارىء, مرض لا سمح الله, سيارتي ضاعت .. حاجات كذا... و عشانه صرت أوفر مبلغ أيضا..


5) حسبت مصاريفي بالورقة و القلم... و في اليوم 4 مرات أراجعهم ... بس بحماس داخلي...! و تعرفي شو أثر فيني...؟؟ صرت أتذكر تقسيماتي.. و كم يبقالي.. و صرت قبل ما أشتري شي.. أحسب ميزانيتي... و الحمدالله رغم كل المصاريف, يبقى لي مبلغ لا بأس فيه من راتبي..

 

[حلا العرب]

و حبيبتي أهم حاجة ... و أجولها الأهم............

الصدقــــــــــــــــــــــــــــة

شهريا طلعيها بنية احتساب الأجر لله تعالى ... وبتشوفي بركات فلوسك

 

[عساني ماأفقده]

انا زيك اختي ودي ادخر من اربع سنوات بس لحد اللحين ماسويت شي

السنين اللي فاتت اذا جا اخر الشهر مامعي ولا ريال
وماادري وين يروح راتبي مع اني الحمدلله التزاماتي مو كثيرة
كان يروح على شوبنج وليته شي يسوى

سبحان الله راتبي ماكان فيه بركة

بس الحمدلله هداني ربي وخليتهم يقتطعون من راتبي لصالح كفالة يتيم كل شهر مية ريال بس



والله العظيم ان راتبي له شهرين وانا احس فيه بركة
تعرفون عطلة وسفر واسواق والحمدلله ماتصدقون اذا قلتلكم يبقى فيه

(مانقص مال من صدقة)



نصيحة الاستقطاع رهيب كل شهر ياخذون من راتبك اي مبلغ ىوانتي تحددين مدة الاستقطاع

 

[لجيّن]

ما شاء الله افكار حلوة

 

[مغامرة]

تسلموووووون على الأفكار حبايبي ​

 

[همس البحر]

شاااااااااااكرة للكل على الأفكار الحلوة...

 

[ام الغالي فيصل]

باالتوووووووووفيق

 

[جسدبلاروح]

حبيبتي همس

فعلا لو تركنا نفسنا ماحنوفر شي بس قدامك طريقتين للتوفير اما:

-الدخول في جمعيه : بس لازم تخطيطين على الفلوس الي راح تجيك من الجمعيه يعني مثلا حسب المبلغ اذ كان كبير ممكن تستثمرينه بشي او تحطينه باسهم

والشاطره هي التي تنتفع من مبلغ الجمعيه يعني موب تستلمه وتحطه بجيبها بعدين يروح على مطاعم وشوبنج -------

- الطريقه الثانيه هي وضع حساب ثاني بالبنك ماله بطاقه صراف بحيث كل شهر تحولين جزء بسيط من راتبك الى هالحساب وتتركينه ولا تسحبين منه الا في وقت الطوارئ ( في موضوع بهالقسم تطرقت له احد الاخوات ماني ذاكره اسمها )

طريقه رائعه انا ماشيها عليها والله رووووعه
جربي وتشوفين كيفي نفسك ان راتبك اقل من اللي تستلميه الان
مثل انت تاخذين 10 الاف لا قولي راتبي 8 الاف وادخري الفين كيفي نفسك ان راتبك 8 بدل 10 والله مع الوقت تشوفين انك توفرين 3 بدل 2الفين
وانت وشاطرتك بعد قللي السوق والله ما ذبحنا الا السوق واللي ما له داعي

 

[جسدبلاروح]

ولا ننسى شئ مهم

الصدقه
وربي انها البركه والنجاة يوم الدين والنيه الصالحه ​