السلام عليكم ورحمة الله وبركاتة
كيفكم أخواتي ؟
انا انسانة نوعا ما ملتزمة وعارفة ربي مؤمنة بقوتة و عارفة ات الفرج من عنده لكن حبيت اشاوركم لانة الله جل في علاة امر رسولة بمشاورة اصحابة بالرغم انه يتلقى الوحي فياليت الاقي عندكم الاخت الفاهمة المتخصصة بالمشاكل النفسية الي تشور علي وتساعدني وتصبر علي
انا ياخوات ودي اتغير نفسي افسخ جلدي الكئيب وابدلة بجلد قوي متين براق
مليت والله مليت من التناقض الي انا عايشة فية مليت من النكد والحزن مع انه الحمد لله حياتي احسن من كثير من الناس لكن انا قلبي مو راضي دايم متحلطمة ومتحطمة وكثيرة الشكوى ومالة من نفسي لا تستغربون والله مالة من نفسي احيانا اتمنى اموت مو عشان شيء بس عشان ارتاح بس اذا تذكرت اني ماقدمت لربي شيء اتراجع عن هالفكرة واخاف
حاسة اني مخنوقة فراغ في فراغ للاسف
حياتي فيها محطات ودي اتكلم عن كل محطة فيها عشان تساعدوني وعشان ارتاح حاسة نفسي ودي افضفض
من ايام الثانوي كنت في اولى ثانوي شاطرة وحالمة ومهتمة بدروسي اما الشكل اكس ظفيرة طويلة مريول وسيع اجتماعية لكن ماعندي الا صديقة وحدة (يعني اسولف مع الكل لكن الي امشي معها وحدة بس واحيانا يجلسون معا بعض البنات ) اكبر خواتي والوالدة عصبية شوي ولكن كانت زي صديقتي كل شيء اقولة لها لحد هذا اليوم مماسبب لي الكثير من المشاكل
والوالد حنون جدا الله يخلية لنا
و كنت مسالمة جدا ماعرف اخذ حقي نهائيا بالرغم اني اتعرض للكثير من المواقف المحزنة والصعبة لكن مارد اسكت واحط بقلبي واجلس كم يوم بس اقلب بكلام الناس ونفسيتي زفت وبعد هذي الصفة مازالت فيني الاالان تحسنت شوي قمت اررد نوعا ما لكن الحساسية ماراحت ايام وانا اعاني والناس والله مادرو عني
عكس اختي الي اصغر كانت احيانا ادافع عني اقوى مني الله يجزاها خير والحين قلبت ضعيفة مادري لية
الوالدة كانت احيانا تضربني تخيلو بالثانوي وانضرب والله يهديها عادي عندها ماتهتم بلبسي لذيك الدرجة يمكن عشان الضروف ماتساعد وكذلك لاننا بنات كثير نوعا ما
وطبعا مشاكل هي والوالد ماتنتهي واحيانا تشابك بالايدي امي قوية وصعبت المراس وانا اخاف منها
لكن فية شيء ميز الفترة هذي هو انه كانت معظم المدرسات اتجاههم ديني
فكانت بالرغم من بغض المشاكل الااني مرتاحة البال ملتزمة نوعا ما الحمد لله ومنشلة بدراستي فكانت احلى ستين عمري ويازينك ياراحة البال
والزواج اصلا مافكر فية ولا يطري بالي ولا حركات الحب ولا غيرة (يعني مثل المراهقات ) معني كنت انخطب لكن لما اسمع اني مخطوبة اخاف مادري ليش مع ان الوالدة رافضة بس ولو اخاف
لحد ثالث ثانوي الترم الثاني انخطبت صديقتي تغير كل شيء فيني مادري لية صرت ابي انخطب مثلها مع اني مو غيور لكن كأنة ولعت فيني احساس الانثى الي كان ميت داخلي
افقت ماعرف للمكياج ولا عندي عطور وحتى ملابسي شراكة مع اختي ونصها صدقات من خالاتي
في هالفترة كان متقدم لي شخص بصراحة لقطة محقق وجامع نفسة ولا هو راعي خرابيط
فقلت ليش ماقول لامي اني موافقة وحتى الرجل كان يحبني طبعا قرابة واسمع من خواتة هذا الشيء لكن الوالدة الله يهديها رفضت وحتى ليتها رفضت وبس قامت تحتقرني وتتقول اني مشتبة على العرس ( يعني بالعربي كان بي شبق ) ماعني ماعرف هالسالفة ولا حتى فكرت فيها كان همي القى حبيب احبة وبس ورفض الموضوع رفض منقطع النظير وطار العريس مع انه كان شاريني حتى بعد زواجة كان يقول ان قلبة معي انا بس ماعلينا منه الله يستر علية هو وزوجته
دخلت الجامعة والقسم الي انا ابي علمي بحت وكنت اتوقع اني راح اكون معيدة لكن بالواقع صرت كسلانة جداجدا مانجح الاوانا حاملة مواد وثاني عدتها وتفكيري محصور بالزواج وبس والوالدة رافضة هالموضوع جملة وتفصيلا والي زاد الطين بلة كل بنات عمي اتوزجوا وبدو الي اصغر يتزوجون وانا حدث ولا حرج نفسية زفت والمشكلة كنت انخطب لكن الوالدة رافضة الموضوع وتتشرط هذا فية وهذا مافية حتى مرة مادري وش جاني انهرت وقمت اصيح بشكل جنوني رغم انة الموقف بايخ لكن يمكن من الكبت مادري وتعاطفت معي ورحمتني شوي لكن مازالت رافضة
لحد ماجا فارس احلامي وانا كنت ناجحة لثالث والمفروض اني اكون ناجحة لرابع
والمفاجأة الوالدة وافقت وافقت
لكن توقعون هل هو الي راح يكون عنتر زمانه وفية الصفات الخارقة ولي سعادتي بتكون معة
اذا شفت احد ناوي اساعدني راح اكمل قصتي كلة بدون تقطيع اما اذا مافية احد معي فحرام اضيع وقتي
على فكرة انا راضية بالنقد البناء لو انه جارح لاني مثل ماقلت سابقا ودي اتغير من جد مليت من نفسي ياعالم اقراء مواضيعكم ولا استفيد لان الخلل فيني انا محتاجة لمن ياخذ بيدي بعد الله سبحانة ويساعدني عشان اتجاوز مشاكلي
سامحوني على الاخطاء الاملائية
كيفكم أخواتي ؟
انا انسانة نوعا ما ملتزمة وعارفة ربي مؤمنة بقوتة و عارفة ات الفرج من عنده لكن حبيت اشاوركم لانة الله جل في علاة امر رسولة بمشاورة اصحابة بالرغم انه يتلقى الوحي فياليت الاقي عندكم الاخت الفاهمة المتخصصة بالمشاكل النفسية الي تشور علي وتساعدني وتصبر علي
انا ياخوات ودي اتغير نفسي افسخ جلدي الكئيب وابدلة بجلد قوي متين براق
مليت والله مليت من التناقض الي انا عايشة فية مليت من النكد والحزن مع انه الحمد لله حياتي احسن من كثير من الناس لكن انا قلبي مو راضي دايم متحلطمة ومتحطمة وكثيرة الشكوى ومالة من نفسي لا تستغربون والله مالة من نفسي احيانا اتمنى اموت مو عشان شيء بس عشان ارتاح بس اذا تذكرت اني ماقدمت لربي شيء اتراجع عن هالفكرة واخاف
حاسة اني مخنوقة فراغ في فراغ للاسف
حياتي فيها محطات ودي اتكلم عن كل محطة فيها عشان تساعدوني وعشان ارتاح حاسة نفسي ودي افضفض
من ايام الثانوي كنت في اولى ثانوي شاطرة وحالمة ومهتمة بدروسي اما الشكل اكس ظفيرة طويلة مريول وسيع اجتماعية لكن ماعندي الا صديقة وحدة (يعني اسولف مع الكل لكن الي امشي معها وحدة بس واحيانا يجلسون معا بعض البنات ) اكبر خواتي والوالدة عصبية شوي ولكن كانت زي صديقتي كل شيء اقولة لها لحد هذا اليوم مماسبب لي الكثير من المشاكل
والوالد حنون جدا الله يخلية لنا
و كنت مسالمة جدا ماعرف اخذ حقي نهائيا بالرغم اني اتعرض للكثير من المواقف المحزنة والصعبة لكن مارد اسكت واحط بقلبي واجلس كم يوم بس اقلب بكلام الناس ونفسيتي زفت وبعد هذي الصفة مازالت فيني الاالان تحسنت شوي قمت اررد نوعا ما لكن الحساسية ماراحت ايام وانا اعاني والناس والله مادرو عني
عكس اختي الي اصغر كانت احيانا ادافع عني اقوى مني الله يجزاها خير والحين قلبت ضعيفة مادري لية
الوالدة كانت احيانا تضربني تخيلو بالثانوي وانضرب والله يهديها عادي عندها ماتهتم بلبسي لذيك الدرجة يمكن عشان الضروف ماتساعد وكذلك لاننا بنات كثير نوعا ما
وطبعا مشاكل هي والوالد ماتنتهي واحيانا تشابك بالايدي امي قوية وصعبت المراس وانا اخاف منها
لكن فية شيء ميز الفترة هذي هو انه كانت معظم المدرسات اتجاههم ديني
فكانت بالرغم من بغض المشاكل الااني مرتاحة البال ملتزمة نوعا ما الحمد لله ومنشلة بدراستي فكانت احلى ستين عمري ويازينك ياراحة البال
والزواج اصلا مافكر فية ولا يطري بالي ولا حركات الحب ولا غيرة (يعني مثل المراهقات ) معني كنت انخطب لكن لما اسمع اني مخطوبة اخاف مادري ليش مع ان الوالدة رافضة بس ولو اخاف
لحد ثالث ثانوي الترم الثاني انخطبت صديقتي تغير كل شيء فيني مادري لية صرت ابي انخطب مثلها مع اني مو غيور لكن كأنة ولعت فيني احساس الانثى الي كان ميت داخلي
افقت ماعرف للمكياج ولا عندي عطور وحتى ملابسي شراكة مع اختي ونصها صدقات من خالاتي
في هالفترة كان متقدم لي شخص بصراحة لقطة محقق وجامع نفسة ولا هو راعي خرابيط
فقلت ليش ماقول لامي اني موافقة وحتى الرجل كان يحبني طبعا قرابة واسمع من خواتة هذا الشيء لكن الوالدة الله يهديها رفضت وحتى ليتها رفضت وبس قامت تحتقرني وتتقول اني مشتبة على العرس ( يعني بالعربي كان بي شبق ) ماعني ماعرف هالسالفة ولا حتى فكرت فيها كان همي القى حبيب احبة وبس ورفض الموضوع رفض منقطع النظير وطار العريس مع انه كان شاريني حتى بعد زواجة كان يقول ان قلبة معي انا بس ماعلينا منه الله يستر علية هو وزوجته
دخلت الجامعة والقسم الي انا ابي علمي بحت وكنت اتوقع اني راح اكون معيدة لكن بالواقع صرت كسلانة جداجدا مانجح الاوانا حاملة مواد وثاني عدتها وتفكيري محصور بالزواج وبس والوالدة رافضة هالموضوع جملة وتفصيلا والي زاد الطين بلة كل بنات عمي اتوزجوا وبدو الي اصغر يتزوجون وانا حدث ولا حرج نفسية زفت والمشكلة كنت انخطب لكن الوالدة رافضة الموضوع وتتشرط هذا فية وهذا مافية حتى مرة مادري وش جاني انهرت وقمت اصيح بشكل جنوني رغم انة الموقف بايخ لكن يمكن من الكبت مادري وتعاطفت معي ورحمتني شوي لكن مازالت رافضة
لحد ماجا فارس احلامي وانا كنت ناجحة لثالث والمفروض اني اكون ناجحة لرابع
والمفاجأة الوالدة وافقت وافقت
لكن توقعون هل هو الي راح يكون عنتر زمانه وفية الصفات الخارقة ولي سعادتي بتكون معة
اذا شفت احد ناوي اساعدني راح اكمل قصتي كلة بدون تقطيع اما اذا مافية احد معي فحرام اضيع وقتي
على فكرة انا راضية بالنقد البناء لو انه جارح لاني مثل ماقلت سابقا ودي اتغير من جد مليت من نفسي ياعالم اقراء مواضيعكم ولا استفيد لان الخلل فيني انا محتاجة لمن ياخذ بيدي بعد الله سبحانة ويساعدني عشان اتجاوز مشاكلي
سامحوني على الاخطاء الاملائية
