وين ألاقي الثقه جاااااااااااوبوني

[الكراويه]

شلونكم بنات
أنا اليوم حبيت تشاركوني الراي لاني فعلا محتاره
توني واصله من السفر بعد ما سمعت نصايحكم اني أروح معاه
وبالسفر متغير حيل صاير رومانسي يغني ويقصد ويحب بسهر كثير
وفي احد المرات والهوى كان بارد بعز الصيف بس بأوربا جوهم غير جونا بارد حيل
قالي نتمشى شوي قلت له الجو بارد قال ما عليه خلينا نعيش أجمل لحظات حياتنا
ونستمتع لاحقين على الجو الحار هههه رحت عاد أنا ولبست الجاكيت إحنا داخل
البيت بس بالفله حديقه كبيره جلسنا بره وقالي كلام كثير ومن بينه حبيبتي عطيني
الثقه قلت له شلون أعطيك قال خليني على راحتي وشوفي وين أوصلك
سكت وراح عاد الكلام قال حبيبتي ما طلبت شي كثير بس أبي الثقه ضحكت وقلت
طيب كيف أعطيك تنشرى بالجمعيه وقام يشرح لي اني لازم أصبر وأنه يبي راحتي
ويكرر عطيني الثقه قلت تبي الصراحه مو على كيفي هذا الشي خارج عن ارادتي
بآخر الكلام حس أني خيبت ضنه ودخلنا واحنا زعلانين لاني قلت أنا ما أقدر أتحمل الشريكه
بنات توقعون غلطت لما صارحته يطلب مني أعطيه الثقه شلون أعطيه أحس أن اللي يطلبه صعب
صعب جدا أشرحوا لي بنات شلون أمشي معاه مغمضه شلون اثق فيه شلوووووووووووووون
جاوبوني بنات يمكن أفهم منكم​

 

[الكراويه]

شلون أقدر أعطيه الثقه عقب ما تزوج علي
آسفه ما شرحت لكم ضرفي

 

[سوووكرة]

طيب يعني هو تزوج وقضى خلاص الشكوى لله

قربه منك اكثر بهالفتررة

وعطيه الثقه يعني لاتتدققين بالامور وين ورحت ووين جيت ومن تكللم

اهتمي بنفسك وببيتك وعطيه حقوقه وخليكي زينه معه والله يصلح الحال

 

[أم راكااان]

وين زوجته ؟ ليش تزوج ؟ وش عذره ؟ وكم لكم سنه متزوجين ؟


اعطي الثقه الرجال شااااااااااري خاطرك لكن معك حق ماتقدرين تثقين معك حققق .

 

[مدنفة أوصالي]

ياحبيبتي والله اللي باين لنا ( وحنا برى البرواز ) انه شاريك

ويحبك والدليل على كذا سفرتك شكلها رضوى لك والزواج

هو تزوج ماتقدرين تقدمين ولا تأخرين في الوضع ولكن حاولي

انك تبينين له مدى جرحك وايضا وكيف تحبين حياتك تكون معاه

لقدام، ادري والله صعبة انه تدخل مرة جديدة بحياة شخص كنتي

تظنينه لك وبس ولكن هذا الله وهذي حكمته ...

الله يفرج همك حسسيه ان الثقة بترجع مع الوقت واذا شفتي

عشرته ماتغيرت معاك وانه نفسه الشخص اللي حبيتيه

ووثقتي فيه زمان .. الله يعينك ياخيتي

 

[بدون جروح]

والله ياعمري اني اتمنى لك الخير لاتخسرينه شكله مشتري خاطرك وحاولي ترضينه خلاص الحين صار كل شي وتزوج فكري الحين اشلون تخلين مكانك نفسه ماتخذه زوجته الثانيه ..

وفي الختام وربي حاسه فيك الله يحنن قلبه عليك يارب ويسخره لك كم سخره البحر للموسي عليه السلام ..​

 

[الكراويه]

بنات اللي أعرفه 1+1 = 2
ثقه + خيانه = من سابع المستحيلات
فهموني شلون اثق شلون شلوووووووووووووووووووووووون
أنا مو قصره في حقوقه بالعكس وأدلله كثير
بس أعطيه الثقه شلون
أنتم يمكن ما تعرفوني كثير
أنا حساسه كثير وقلبي قلب طفله
مرات ألعب بألعاب عيالي يشوفني يضحك علي ويدللني كثير
من داخل أنا مجروحه يحاول يرضيني ولكن هذا الشعور غصب علي
مو قادره أستوعب أنه يكون مرات معاها
كل مره أقوله طلقني وهو يبكي وأنا أبكي
ودي يا بنات أفهم شلون أتأقلم مع هذا الوضع وشلون أثق فيه شلووووووون

 

[الكراويه]

وين زوجته ؟ ليش تزوج ؟ وش عذره ؟ وكم لكم سنه متزوجين ؟


اعطي الثقه الرجال شااااااااااري خاطرك لكن معك حق ماتقدرين تثقين معك حققق .

تزوجها علشان ضروف غصب عني وعنه
أكثر من عشر سنين متزوجين

ما أقدر أثق لانه هذا شعور ما أقدر أتحكم فيه
ما عندي كنترول أحب وأكره على كيفي
هذا شي غصب عني

 

[الكراويه]

أبي الغاليه ناعمه الهاشمي ترد علي
الثقه شلون أعطيها لزوجي
أنا احبه كثير كثير ولكن مو واثقه فيه هذا الشي غصب عني
ياما مثلت عليه وعلى نفسي
ياما ضحكت معاه وأنا من داخل أبجي
ياما لهيت نفسي وبعدت تفكيري عن خيانته ياما ياما
بس الثقه هذه شلون أقدر أعطيه

قلت له بصراحه أبيك تكون الحين مثل أخوي وحس فيني أكثر
أنا أتألم صدقني الفراق والطلاق أحسن لي ولك
لا أنت تتألم ولا أنا أتألم
لكن يا ناعمه هو رافض
أنا مجروحه
لا أبي فلوس منه ولا بيت ولا أي شي
ابي راحة البال اشتريها بأي ثمن
ما طلبت أكثر
ناعمه تكفين ردي علي