ولد خالتي عذبني سااااااااااعدوني

ض

ضـحـيـتـ صـمـتـ

New member
إنضم
2009/09/17
المشاركات
4
السلام عليكم ورحمة الله وبركاته
انا عندي مشكله ومالقيت لها حل ابدا
انا بنت عمري 14 وقريب بدخل 15
مشكلتي مع ولد خالتي مع العلم انه اخوي بالرضعه
اول شيء ولد خالتي عمره تقريبا20او21 حاول كذا مره معي
كان بتحرش فيني بالكلام وحتى الحركات وحتى بنظراته
تعبت منه ومن نظراته
وفي مره من المرات اكتشفت انه يحبني
وهو درى اني دريت انه يحبني
وصار يكلمني في المسن وكل يوم يتمادى اكثر من الي قبل
وكل كلامه عن الجنس وبعد كان يقول لي وش رايك انا وانتي نجلس مع بعض اذا جيتو عندنا وكلام كثير كان يقوله لي طفشت منه اخاف يتعرض لي واضيع والله خايفه
وهو بعد يحسبني ماعرف عن الجنس ولا عن كلامه ومعاني كلامه
اخاف اقول لواحد من اخواني ولا وحده من اخواتي
وتصير مشكله واخوف اقول لمي ولا لمه وتكبر المشكله اكثر
والله مدري وش اسوي وقسم بالله اني محتاره
وخاااااااااايفه انه يتماد اكثر
تكفون قولولي وش الحل الله يخليكم ويفرج همك ساااااعدوني

اختكم في الله/ضـحـيـتـ صـمـتـ
 
حاولي تتحاشينه حبيبتي و لا تيلسين في مكان واحد معاه و ألحين روحي سويله بلووك و ديليت ترى الشيطان شاطر والله يحبج عشان جيه حماج منه واذا شفتيه تمادا بحركاته خبري امج عليه
والله يحميج و يستر عليج حبيبتي
 
حبيبتي
لازم تقولي لمك امك فاهمه وأدرى منك في الامور هذي قبل لايطيح الفاس باالراس وتندمين خصوصاً انك بعدك صغيره
 
سوي بلوك ودلييييييييييييييت


ح ـتى لو كآن آخ ـوك ...خآفي على نفسك ترى محد خآيف عليك كثر نفسسك


وآمك طبعـآ ..

بس آنتي سوي بلوك ودليت آلحين وتجنبييييييييه قد مآتقدرين ..


يعـآفيك ربي ..}~
 
لالالالالالالالالالالا حبيتي الوضع هذا ماينسكت عليه
لازم تقولي لأمك عليه
وبعدين أخوك بالرضاعة وشلون يسوي كذا
وتقبلي مروري
والله يوفقك ياقلبـــــــــــي

 
حبيبة قلبي انتي لا تسكتين
وبعدين يصير شي تقولين ياليتني قايله لامي
حبيبتي روحي الحين الحين وحطي له بلوك تكفين هذي الخطوه مهمه لاتتهاونين فيها
لاصارو عندكم لاتقعدين وياه ولاتحطين عينك في عينه
حتى داخل نفسك لاتلاحظين هل حبك او لا لانه ماراح يفيدك بالعكس بيدمرك أولا هو اخوك بالرضاعه
يعني ماراح تفكرين فيه بعدين كزوج.حبيبتي روحي قولي لامك مو لازم بالضبط
بس قولي لها انا ماارتاح له احسه يسوي شي غلط.. بليييييز قوليلها بعد ماتندمين وهي فاهمه وماره عليها مثل هالمواضيع لاتحسبينها زي تفكيرك ..دعواتي لك... عمرك صغير لكن واضح انك بنوته ذكيه حيييل وتخاف على نفسه بالتوفيق ياعسولة قلبي. أختك أموونه
 
هلا قلبي

قلبي انا انصحك نصيحه لوجه الله ابعدي عنه واحذفي ايميله

وقولي لاامك قبل مايطيح الفاس في الراس

نصحتك ياغلاي وبكيفك
 
هههههههههه ماشوفه مشكله ابد الله بالعقل عرفناه بالعين ماشفناه وذا غلط وخطا واعتقد تعرفين تتعاملي مع الخطاء مو محتاجه مشوره
 
ونا111سه قال:
هههههههههه ماشوفه مشكله ابد الله بالعقل عرفناه بالعين ماشفناه وذا غلط وخطا واعتقد تعرفين تتعاملي مع الخطاء مو محتاجه مشوره
أنقر للتوسيع...

اولا ما أشوف شي في الموضوع يضحك!!!!!!!!!!!!!!!!!!!!!!!!

ثانيا هذي مصيبة وانتي تقولي ماشوفه مشكلة

اخوها من الرضاعة يلمحلها بكلام جنسي وانتي ماتشوفي مشكلة؟؟؟

البنت عمرها 14 سنة وانتي تعتقدي انها تعرف تتعامل؟؟؟؟؟

أما انج غريبة

هذا أول إنذار شفوي مني اذا تكرر هذا الاستهتار بمشاكل الناس بعطيج انذار رسمي

هذي اعراض ناسيا اختي مب لعب لاتضحكي علشان ماينضحك عليج أو على ذريتج في يوم من الأيام
 
عندك حلين
اولا وهو المهم
انه لمن يحاول يتحرش فيكي صديه وبقوه وعلى صوتك عليه خوفيييييييييييييييييييييييييييييييييه
وقوليه ايش تقصد وايش قلت الادب دي انت ماتستحي على وجهك انا اختك يا عديم الاحساس
ورب المصحف لو عتها تاني بفضحك وبعلم ابوي وامى والعيله كلها خلهم يشوفوك على حقيقتك وتهاوشي معه


هو بيخاف ولا بيعيدها تاني
الخجل والالسكوت ما بينفع ابداااااااااااااااااااااااااا
لو ماتقدرين
الخطوه التانيه لابد لك تصارحين امك وهي تتصرف او تقولين حق ابوكي او احد من اخوانك
بتصير هوشه وزعله ومشكله بكيفه بس اهم شي ما يقربك تاني ويتأدب
اهم شي انتى وطز فيه لا تفكرين كثير ولا تخافين وترتعبين كنك عامله عمله
ولاتسترين عيبه الى ماينستر
 
ضروري تبلغين امك

ومثل ماقالوا البنات اعطيه ريموف من المسن وريحي بالك
 
انتي ابتعدي عنة ..ولا تعطينة وية ....خلاص انحلت المشكلة ..
انتي وبنفسج وبشخصيتج
راح تتغلبين علية ..
 
مايصير كذا ذكريه انكم اخوان وش فيه هذا يحسب البنات لعبة عنده هذا مايحب اللي يحب مايتحرش ولايقول اجلسي معي بروحنا اللي يحب يخاف ويدافع مو كذا وانتوا اخوان يعني محرمين على بعض حتى لو كان يموت فيك

مثل ماقالوا اللي قبلي احذفييييييييييه وقولي لامك ولاتخافي اكيد امك ماراح تقول لاخوانك ولا لخالتك بتكلمه هي بنفسها وهو يعرف انك مانتي رخصية ياعمري
 
ايش تسوين خليه يتربا علي يدك هذا اصل مافيه خير هذا وانت اخته من الرضاعه يسوي كذا ولا تعطيه وجه ولا تقابليه في اي محل ولاتجلسي معاه ولازم امك تدري اهم حاجه عند البنت سمعتها واذا مسويتي كذا لاتلومي احد لومي نفسك
 
لا حول ولا قوة إلا بالله

حبوبه امشي على ثلاث خطوات عشان شخصيتج تكون قوية ..ولا تخافين منه ولا من غيره..لأنج صغيره
والدنيا تحتاج نكون فيها أقوياء
1- بلوك ودليت
2- لا تمشين او تطلعين او تاكلين او حتى تشربين او حتى تروحين السوق والحدايق إلا مع خواتج الكبار
خليهم يحتونج خليهم يسولفون وياج حتى لو عندج مجله ازياء ثقافه خليه في يدج وافتحي موضوع مع خواتج بكلمه

شوه رايج؟...ومن هناك راح تتناقشين معاهن وحتى مع اخوانج من امج وابوج..

خففي من زيارة خالتج روحي مره في الشهر او مناسبات خاصه بالبنات والحريم...ماله داعي زيارات الغداء والعشاء
كفاية تأدين صله رحم مره بالشهر... عشان ينساج وانتي تتجنبينه...أدري أمج راح تغضب من تصرفج
بس كوني واثقه أن هذا لصالح نفسج..واذا بغيتي تخبرين ماماتج خبريها بطريقه ذكية..ترى مرات الامهات
يتسرعن في الحكم على بناتهن..

3- اكثري من الدعاء" فالله خيرٌ حافظاً وهو ارحم الراحمين" لأجل تحسين بحماية ربانية.. وادعي ان ربي يبعده عن طريجج ويشغله بنفسه..والأهم اكثري من جلوسج مع خواتج وامج حتى لو شفتي محد يسولف وياج في البداية

بس صدقيني عن تجربة انتي لازم تفتحين موضوع حلو وخفيف والكل يحبه في البيت مثلاً عن الاكسسورات او عن الذهب..

وكلمة أخيرة لا تضفين أي شاب من الأهل أبداً..وخففي زيارتج لهم..مره فالشهر يكفينا..وعن تجربة

وربي يحفظج من كل شر...وطمنينا عليج بين فترة وفترة انزين حبوبه
 
اختي
اذا ماقلتي لامك لمين بتقولين


وبعدين هذا مو اخوك

تدرين والله لو كنت مكانك بستخدم طريقة بلوك وديليت

وبعده على طول سيده على غرفة اخواني

اخرلهوم السالفه كلها

على كم دمعه

واخليهوم يروحون يعلمونه كيف يتعدا على اختهوم

واذا انتي خايفه من العنف

بسيطه هدديه قوليله بقول لامي وامك


ونشالله تنحل مشكلتك
 
الله يجزاااااكم خير انا خلاص بحط له بلوك ودليت وراح اهدده بخواني وامه وامي والله يجزااااااااكم خير
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل