ولدي

[نحلة الكويت]

:7::7:السلام عليكم
احب استشيركم بمشكله حصلت لي من شوي
انا وزوجي واعيالي طلعنا قبل شوي وولدي اسم الله عليه ما عندي غير هالولد والباقي بنات عمره 8 سنوان حركي حيل ولما نطلع مع زوجي بسرعه يتنرفز منه
قاعدين على الطاوله بالمطعم وشال زوجي شغله من الولد وولدي رجع خذاها فزوجي طق ولدي على وجهه لدرجة ان الطاولات الي يمنا كلها شباب قامو يطالعونا لان صوت الضرب قوي حيل ماهمني بس ولدي حبيبي افتشل حيل وحط صبعه بحلجه وقاعد يطالع الناس شافو ولا لا كسشر خاطري والله مالي خلق اكل ودي اقوم واخيرا هذا المجمع قريب يم بيتنا زوجي قام وخلانا وقال بيرجع مشي وانا مع اعيالي اردهم بالسياره
ضايق خلقي حيل مادري اشلون اتصرف مع زوجي ومع ولدي 000 انتظر رايكم

 

[دلع قلبه]

اهم شي لاتهزين صورة الاب قدام ولده
امسكي ولدك وحضنيه وبوسيه وفهميه ان ابوه كان متضايق من شغله ولانك الرجل والاقوى
حط حرته فيك واذا كبرت انت بتصير يمينه وبتساعده وتهتم فيني انا واخواتك
وامدحيه وطيبي خاطره اهم شي لا تهزين صوة ابوه قدامه
وبعد كم يوم وبعد مايهدئ زوجك كلمية بهدوء وعقل بعيدا عن الصراخ وفرض الرأي
قولي له باابوفلان تدري الرسول اللهم صلي وسلم عليه نهى عن ضرب الوجه
والعلم الحديث اثبت ان ضرب الوجه ممكن يسبب عمى او صمم وهذي حقيقة ترى
يعين لوبحث بيلقاها مثبته
اذكر قصة مصورة في احدى القنوات اب ضرب ابنه على وجهه وانعمى الابن وبعد كم سنه
جلس الابن والاب يتفرج على التلفزيون ويسمع تفاعل ابوه بسس مايشوف وقال لابوه بابا ابغى اشوف
هنا الاب صار ندم ندم يكسر القلب لكن اذا فات الفوت ماينفع الصوت
دربيه على ضبط النفس وابعدي عن زوجك اي مؤثر ممكن يخليه يفقد اعصابه ويتهور..
اهم شي الحين ولدك طيبي خاطره وبيكبر وينسى
اما زوجك ماانصحك ابدا تناقشينه هالوقت,,

 

[نحلة الكويت]

مشكوره حبيبتي وانا فهمت ولدي ان ابوه عصب عليه من حركاته وبعد عمري طفل راح يلعب ونسى بس مادري باكر انشالله افهمهلامثل ما قلتي

 

[قلوب منسيه]

انتي حلولي اذا جيتي تطلعين تحرصين ولدك وتواعدينه بمكافئه اذا رجعتي حاولي ان الولد ماينكد عليكم الطلعه
الله يصلحه ويخليه لكم

 

[دلـــوعـــة]

يااااقلبي كسسسر خاطري ااااه ما احب الاطفال ينضربون قلبي يعورني موووت عليهم
وحتى لو هم نسوا وانشغلوا تلقيني انا مكسور خاطري عليهم طول الوقت
والحين هالموقف عور قلبي
المهم تكلمين زوجك بهدوء انه مايحرج الولد ويضربه قدام الناس
لان بيصير عنده ضعف بالشخصيه وبيحس ماعنده سند لو حد من الناس اساء له
وما بيقدر يواجههم
وخاصة لو ابوه متعود يصربه على الملأ وخااااااااااااااااصة قدام ربعه وقرايبه
نبهي زوجك لهالنقطه عشان مايسويها فيوم
والله يسعدكم ويوفقكم

 

[نحلة الكويت]

تعبت والله احرصه بس ماكو فايده اهو ولد وحركيوبغار من اخته الصغيره ويتحرش فيها دايما اذا طلعنا بالسياره مادري والله شسوي

 

[نحلة الكويت]

مشكورين يا حبايبي على كل ردودكم لاني والله كنت متضايقه وما قدر اقول لامي بتعصب على زوجي واهي ما ترضى على ولدي على الله يسخرنا ويسخر ازواجنا لنا ولاعيانا امين يا رب ومشكورين

 

[عزيت نفسي فيك]

أيام مباركة

الثلث الأخير من الليل

ادعي الله أن يهدي ابنك ويحنن قلب أبوه عليه

ونصيحة انصحي الابن والاب ولكن كلاَ منهما على حدا وبطريقته

وفهمي الاب انه رجل البيت بعده وان له شخصية لا تسمحين لأي شخص أن يهزها

لازم تعرفين ان ولدك صغير ولازم تبنين فيه الشخصية وفرض احترام الغير وتمهدين الطريق الى ما هو آتي

لوصل سن المراهقة يصبح شريك لوالده في كل شئ وتبدأ روح المنافسة


والله يهديهم ​