ولدي والحضانة

[um_lolo]

السلام عليكم ورحمة الله وبركاته

ولدي عمره 3 سنوات ومتعلق فيني وايد .. لذلك حاولت اوديه الحضانة عشان يندمج مع المجتمع الخارجي .. المشكلة انه كل ما اوديه الحضانة وأدخله الصف يلصق فيني بزيادة ويقعد يقول لا تروحين عني اقعدي معاي .. ولما أهرب منه وتمسكه المعلمة يقعد يصيح شوي وبعدها يسكت ويظل مع المعلمة يتكلم معاها بس ما يلعب او يندمج مع الأطفال .. الحين صار له تقريبا اسبوع في الحضانة وهو على هالحالة .. ما ادري كيف أخليه يتعود على الذهاب للحضانة بدون ما يصيح لو رحت عنه .. وما ادري كيف أخليه يندمج مع الأطفال .. مع العلم هو يحب المدرسة بس مشكلته لما اوديه يخاف اني اتركه ولو هربت منه يقعد يصيح وبعدها يظل لاصق بالمعلمة .. هو يلعب بالالعاب في الحضانة بس ما يشارك الأطفال اللعب ..

أتمنى ألقى حل لمشكلتي مع ولدي الله يهديه ..

 

[um_lolo]

مافي ولا رد ؟؟ ساعدوني خواتي جزاكم الله خير

 

[أ.نجوى ناجي]

عادي أختي في البداية هكذا ثم يعتاد , أنتِ اتفقي مع المعلمة أن تعطي له هدية عندما يندمج مع أخوته في الروضة , اشتريها أنتِ واعطيها لها تعطيها له , وهو شيئا فشيئا سيعتاد على الأمر ويحبه .. وأنتِ أيضا اشتري له أدوات جميلة وشجعيه حتى يحب الذهاب للروضة ولا تقلقي غاليتي