ولدي والبلغم00ضروري

[فدتك روحي]

السلام عليكم ورحمة الله وبركاته
اخواتي ولدي من فتره مرض بالكحه وارتفاع الحراره ووديته عند استشاري اطفال وقالي ولدج عنده التهاب شديد وعطاني ادول للحراره ومضاد حيوي
والحين بعد اسبوع تقريبا ردت الكحه بس مصحوبه ببلغم لدرجه وهو نااااايم يتم يكح لين مايصحى وهويبكي وعقب يرجع كل شيء صالي يومين على هل حال مب عارفه شو اسوي ماريد اعطيه ادويه بس مليت من كثرهن 0000 خبروني شو الحل وخاصه الكحه ماتييه اكثر شيء فلليل

عمر ولدي 20شهر والسموحه منكم:sadwalk:والله كاسر خاطري ​

 

[ميوسه]

راح ارد عليك على بال مايردون عليك الاستشاريات


انو اقلبي طفلك على بطنه واضربيه على ظهره ظربات منتضمه لحد مايطلع البلغم

كرري هالعمليه في اليوم كذا مره جدا مفيده وتخلصه من البلغم


وشي ثاني ادهنيه كامل جسمه بزيت زيتون دافي وسوي له تدليك كامل لجسمه ودفيه وخليه ينام راح يطلع البرد


ان شاء الله راح يتحسن


موفقه

 

[شذى الأحلام]

عطيه زيرتك
zertc

انا بعد ولدي نفس المشكله على طول احتقان في بلاعيمه

 

[( روح )]

إختي في الليل وقبل لا ينام ولدج ادهني صدره وظهره بالفيكس

بيريحه وبيرقد عدل

واذا قام فالليل يكح حطي لها قطرات بوفاس على صدره فوق البجامه
عيالي كلهم استخدم وياهم هالطريقة والحمدلله ينامون ويرتاحون عقب نوبات الكحه

بالنسبة للبلغم تعرفين شو تسوين

سويله طبيخه ( بتلقينها عند العطار قوليله ابغي طبيخه للصغاريه)

فوريها في الماي لمده 10-15 دقيقه

وعقب ما اطفين عنها النار حطي فيها عسل

وبعدين برديها

وحطيها في الثلاجه

استخدميها لمده 3 أيام

عطي ولدج منها مرتين في اليوم الصبح والمغرب

بس لازم تعطينه لين يرجع ( افضل شي)

نص كوب يكفيه بس دفيها له قبل تعطينه لا تعطينه اياها وهي بارده

بتلاحظين إذا رجع يطلع البلغم اللي في صدره بس ( سبحان الله )

وإذا ما رجع بطنه بيمشيه وبيطلع البلغم منه

عطيه لمده 3 أيام ورا بعض

ولا تخافين...نحن نستخدمها من زمان ومافيها اي خطوره
حتى اسئلي أمج عنها

دايماً لبسيه جوارب على شان ادفي ريوله



ونصيحه لكل الأخوات

اللي تبغي تفك عيالها من الكحه والسعال والبلغ وتفك عمرها

تقطع كل انواع الشيبس عنهم هو البلا والسبب الرئيسي للكحة والبلغم والله مافيه فايده

وبعد فترة بتلاحظون تحسن ملحوظ وإن الكحة ما تصيبهم إلا نادراً

عن تجربه والله

كانوا عيالي دايماً يكحون ودايماً استخدم لهم جهاز البخار

بس الحمدلله من قطعت عنهم الشيبس هم والخير رباعه



ودواء zertic

هذا للحساسيه

بس لا تعطين ولدج ادويه من غير وصفه طبيه

وما يشوف شر إن شاء الله


​

 

[دندنه]

حبيبتي انا استخدم بروسبان لعيالي علشان البلغم
قالي عنه الطبيب واذا استخدمته يبدون عيالي يكحون
خصوصا باليل لكن مع الكحه يستفرغون ويطلع البلغم كله
مع الاستفراغ وبعدين يرتاحون وينامون لان الي مضايقهم طلع
بس ترا ما يطولون بالاستفراغ يوم او يومين بس

 

[حنين العراق]

حبيبتي الله يكون بعونج ياغالية

وحفظلج ابنك ربي
ويخليليالج بخير وصحة وعافية

اتمنى انك تكوني استفدت منارشادات اخواتنا العزيزات

امنياتي لابنك بالشفاء باذن العزيز القدير


تحياتي

 

[فدتك روحي]

السلام احلى كلام

السلام عليكم ورحمة الله وبركاته
:icon26::icon26:حبيباتي والله العظيم اخجلتوني بردودكم:blushing: العسل وطيبتكم:blush-anim-cl::blush-anim-cl: مني لكم جزيل الشكر والدعوه الصادقه بظهر الغيب لكل من دخلت موضوعي ونصحتني او حتى دعتلي:icon26::icon26: ربي يبد عنكم كل هم وحزن ويسرلكم اموركم دنيا وخره ويسترها عليكم في الارض ويوم العرض آآآآآآآآآآآآآميييييييييييييييييييييييييين ياااااااااااررب:c016:​

اختكم فالله
فدتك روحي

ملاحظه من اليوم ورااايحه ماشيء شبس شكرا على النصيحه0000000:a200:

 

[شهودة]

فدتك روحي عزيزتي أنا مثلك والله حالت أطفالي مثل طفلك الله ايشافيهم والله مليت من الادوية والدكاترة ودايما زعلانه عليهم صدرهم يخر خر
الزيروتك للحساسية أنا ابني أستخدمله ياه لأجل الاكزيما والبروسبان بالنسبة لاطفالي ولي ابدا ما نستفيد عليه
رورح روحي كلامك صح كل البلاء من المواد الحافظة
أعتقد انه افضل شي الاعشاب والطب البديل

 

[حنين العراق]

السلام احلى كلام ​

السلام عليكم ورحمة الله وبركاته
:icon26::icon26:حبيباتي والله العظيم اخجلتوني بردودكم:blushing: العسل وطيبتكم:blush-anim-cl::blush-anim-cl: مني لكم جزيل الشكر والدعوه الصادقه بظهر الغيب لكل من دخلت موضوعي ونصحتني او حتى دعتلي:icon26::icon26: ربي يبد عنكم كل هم وحزن ويسرلكم اموركم دنيا وخره ويسترها عليكم في الارض ويوم العرض آآآآآآآآآآآآآميييييييييييييييييييييييييين ياااااااااااررب:c016:​

اختكم فالله
فدتك روحي

ملاحظه من اليوم ورااايحه ماشيء شبس شكرا على النصيحه0000000:a200:

welcamoo hayaty
any time
:icon26:​

 

[رشروشه]

اليانسون اكثر من رائع جربي وان شاء الله تدعيلي

 

[شمالية شرقية]

بروسبان
شراب مضاد للسعال
مكون من اوراق اللبلاب
خالي من الكحول والسكر والالوان الصناعية
امن لرضع والحوامل وكبار السن


مجرب وروعة وانا احب اعطية لعيالي وافضلة الف مرة على المضادات الحيوية لان نتيجته حلوة حيل