ولدي ما كمل الثلاث سنوات وألفاظه لاتطاق

[عشقي عيونه]

السلام عليكم ورحمة الله وبركاته

خواتي حبيت اسمع نصايحكم مب عارفه شو اسوي مع ولدي اللي باقله شهرين ويكمل ثلاث سنوات..
من يسمع كلمه حفظها وقام يرددها لكل حد مثل يالكلبه و يالحيوانه ويالسباله:icon28: ..المشكله انه امفشلني مب مخلي حد فحاله الكل عنده حيوانات :أنا، جدته، عمته، خالته، الكل ماعدا أبوه :icon1366:
..وكل ما اعصبه عليه.. أو أحد يسوي عمره أنه زعل عليه يقول عادي انتي سباله حيوانه كلبه..وكله يعصب ويحب ياخذ أغراض غيره وألعابهم وإذا ما يرضون يقعد يصيح ويقول هالألفاظ لحد ما ينعطى الشي اللي يباه ..طبعا جدته اتموت عليه لأنه ابن آخر العنقود وهي كله تدافع عنه وما اتخلي حد يرفضله طلب مع انها تتضايق من تصرفاته لأنه يحب التخريب وخاصة إذا عصب .. الله يعيني عليه ويهديه ..
شو رايكم كيف اتصرف معاه؟؟؟؟؟؟؟​

 

[أ.نجوى ناجي]

طيب اختي من اين يسمع هذه الكلمات هل تسبيه بها؟؟

 

[عشقي عيونه]

هلا غاليتي أ.نجوى ناجي ...لا والله ما أقوله هالكلام لكنه يسمع عيال عمومته لما يتضاربون مع بعض تعرفين الصغار وكلامهم..واحاول يوم اعصب أقوله بصوت عالي الله يهديك أو الله يدخلك الجنه على أساس يحفظها ويقلدني بس هو يكتفي بقول(إنتي) يعني الكلام سيرجع لك ...