ولدتى؟ تنفستى عدل طلعتى 100% تعالى عندنا تجمع

[الدلع طبعىH]

السلام عليكم
اشلونكم وشخباركم ؟؟
طبعا بما اني احب هالقسم فكرت احط موضوع يفيد الحوامل واللي والدين الحين وخاصه اللي تكون اول تجربه علشان يستفيدون

فقلت ان كل وحده فينا اولدت الحمدلله وتنفست عدل مدل واطلعت من النفاس جنها بنت سمبتييييييييك

اتقولنا شنو كانت اتسوي في النفاس (من تصبح لحد ماتمسي) يعني شنو تاكل - شنو تشرب -شنو الادويه اللي تاخذها - اشلون تعتني بنفسها يعني باختصار برنامجها مال النفاس كله

ها اشرايكم مو خوش موضوع ويكون ملف كامل عن احسن البرامج حق النفاس والكل يستفيد منه

يالله عاد نبي برامجكم لاتبخلون علينا فيهم وعلى منتدانا الغالي

ولي طلب خاااااااااص
كل اللي تكتب برنامجها انها تدعي حق كل العضوات اللي تاخروا بالحمال ان الله يرزقهم بالذريه الصالحه عاجلا غير اجلا اللهم اميييين

الموضوع منقول بس عن جد نبى تفاعل للستفاده من تجارب الاخرين:fish:

 

[الدلع طبعىH]

وش دعوه يعنى ماولدتو لاعمركم جاتكم الدوره انا ماطلبت شى بس اعتناء

 

[نيازك]

لالالالالالالالالالا تزعلي يالدلع

انا لما اولد لازم فطور بيض مسلوق وكوب حليب او خبز نخاله مع شاهي نفاس اوتصلح الوالده الله يحفظها طبيخه وهي تمر بدون نوى بالخلاط مع الماء والطحين الاسمر ثم على النار ومعها قرفه وهيل وزنجبيل ويانسون لمده ساعه واكلها بملعقه واول ما اقوم ملعقه صغيره حلبه وكمون وحبه سودا الغداء مطازيز مع فقع ولحمه والعشاء زي الناس وقبل العشاء نفس الملعقه الصباح والا اجلس بالماء والملح استعمل خوا جوا على الجرح او علاج الدكتوره <المضاد> هذا نظامي تقبي مروري

 

[سـارة]

اولد واجيكم ان شاء الله

ادعوا لي ربي يسهل ولادتي ..

 

[ريااانة]

انا اعجبني طرح اختي الدلع لا ني حامل بالرابع وماعندي خبرة ابدا بجدول العناية بالنفاس
عموما فيدونا اخواتي اللة يجزاكم خييييييييير

 

[بنت كليب]

افيدوووونا تكفووون انا لسا ماحملت ولا ولدت ومتزوجه خلونا نستفيد....
تاخذون اجر على هالمعلومااات...

 

[مشاعـر]

خوش موضوع والله .

انا توني والدة ولا عندي خبرة لاني بكرية ...

ربي يرزق كل محرومة

 

[*شوكليت*]

ادعولي أولد بالسلامة في موعدي , عشان أجيكم واشارك معكم :msn-wink:

الله يرزقني الولادة السهلة الهينه واتقومني بالسلامة آنا وطفلي ,

اللهم ارزق كل محرومة الذرية الصالحة ,

آميييين *​

 

[اوقات]

مساء الخيرات""

انا لما ولدت استعملت نظام فيافي من عالم حواء (بس ماطبقت كل النظااام

لان فيه اشياء ماحبيتها

اقوم الصبح بدري واكل تمر مع كاس حليب

ثم اناام واصحى عادي على غشر وافطر فطوور كويس

وقبل الغداء اشرب شاي الاعشااب اللي حاطتها فيافي

واتغدا كويس والعصر ارجع اشرب شاي الاعشاااب

بعد العشاء اشرب شوي مره منقوعه

ثم اتعشئ عشئ كويس

بس ماتبخرت احسه مو كويس

تقريبا هذا اللي اتذكره الحين

 

[ربي رحمتك]

انا والله في نفاسي الاول اكلي مثل الزفت
لكن العنايه كانت لا باس بها
يعني كنت اتشطف بارطاء منقعه في مويه واخففها لما اجي اتشطف فيها
لانهم قالوا لي انها تخيط الجرح وتشد المنطقه
وبعد كنت منقعه مره واشطف فيها اول نفاسي
وكنت اخذ لهوم من وحده مسويته واحسه ابدد مو زين لانه لازم تستمرين عليه حتى بعد الولاده كل دوره
والا تروحين وطي

الحلبه شربتها اول 10 ايام ومقدار بياله شاهي
يعني بس اخذت منها الريحه فقط بدون فايده وكانت مرررررره خفيفيه

واستبدلتها بماش مع مرق اللحم وهذا هو غداي مع قطعه خبز بر

اما الفطور ما كنت افطر الا نارد
والعشاء اي شيئ خبز وجبن ومربي يعني خرابيط
لكن خذوا نصيحتي ترى الاكل هو اللي يرجع كل شيئ مثل ما كان لحد يتساهل فيه مثلي
بس هاه مو تغتثين من كثر الاكل لاااااااااااا
خليك وسط
واهم شيئ لا تجوعين مثل ما كنت اسوياجوع ولا اهتم ما دريت انه مو زين ابد للنفاس

لكن تبون الصراحه احس اني لما طلعت من النفاس اني مو زينه

 

[H_A_M_S]

بنات انا راح اقولكم على نظامي

على فكره انا اللحين نفاس ولي 35 يوم باقي لي 5 ايام واطلع الحمد لله

الحمد لله انا اللحين ناشفه وما احس اني خربانه

نظامي هو:

الغذائي:

على الريق الفجر ملعقة عسل مع حبه سوداء مفيدين.....( لتقوية الرحم)

فطوري الساعه 8 حنيني مع كوب حليب ...الحليب احط معه ملعقة حوائج ااخذها من وحده ماعرف مكوناتها

لازم الفطور بدري علشان ماتجوعين....لان الجوع اكبر مسبب للخوا

الغداء مرقوق مع حلبه وحبه سوداء.......مستحيل اكل رز ....(راح ينفخ البطن)طول الاربعين يوم

العصر راح يجي ناس يقهون اكل من الاكل اللي جايبينه...(بكذا ماراح يصيبك جوع)

بس اهم شي القهوه احط مع الفنجال مره ...(علشان الشمم)ولازم يكون عندي تمره خاصه اكون مجهزتها ..تكون تمره معفوسه مع رشاد مع ملعقة حوائج من اللي قلتها قبل

المغرب اشرب شاهي الاعشاب
العشاء مرقوق نفس الغداء

بنات انتبهو من البارد لاتشربين ابد بارد...(مررررررره يخرب)

والبطيخ والشمام والحوامض خاصه الليمون والملوخيه والباميه والموز....كلها مو زينه ابتعدي عنها

والحبوب المسكنه لاتكلينها ابد مهما وجعك بطنك لانها توقف الدم ماتخليه ينزل ...اذا حاسه بوجع اشربي شاهي الاعشاب مررره يسكن وترتاحين بعده
.....................

اما اهتمامي بنظافة المنطقه وشدها :

اول شي اجهز بخاخين حقت الماء ... واحد احط فيه ماء ورد ... والثاني خل احمر مخفف

كل ماروح الحمام استخدم واحد منهم

ماء الورد...(يفتح المنطقه ويعطيها نظاره)

خل التفاح...(يقضي على الالتهابات, مره مهم حتى لو مافيك التهابات,وبعد يفتح المنطقه)

ماتتروشين الا بعد الولاده باسبوع وبعدها عادي تروشي كل يومين...(علشان ماتصابين بالخوا)

كل ماتروش اتنقع قبلها بمغلي الارطا والملح...(مره مفيد لشد المنطقه)

اذا طهرتي حطي في البرواز حق العلاج خل احمرمخفف مررره (كوب ماء مع ملعقتين خل) وخذي منه بروازين او ثلاثه ودخليه من جوه

اما شد البطن البس اكثر من مشد فوق بعض...الحمد لله بطني رجع زي ماكان

جربت المشد على الطريقه الاندونيسيه سوته لي خدامتنا بصراحه ماقدرت اتحمل وخفت انه يسبب نزول في الرحام من قوه علشان كذا خليته

وبنات اهم اهم شي الحركه تحركي كثير لا تقولين والد ولازم ارتاح غلط ارتاحي بس اول اسبوع الين يلتام الجرح بعدين خلاص ...(علشان يتقوى رحمك ويرجع لوضعه الطبيعي)

وخلاص

اي استفسار امرو ان شاء الله ماقصر

وادعولي اذا حملت ان الله يثبت حملي...لاني انا اللحين مسقطه على خمس شهور

 

[H_A_M_S]

انا والله في نفاسي الاول اكلي مثل الزفت
لكن العنايه كانت لا باس بها
يعني كنت اتشطف بارطاء منقعه في مويه واخففها لما اجي اتشطف فيها
لانهم قالوا لي انها تخيط الجرح وتشد المنطقه
وبعد كنت منقعه مره واشطف فيها اول نفاسي
وكنت اخذ لهوم من وحده مسويته واحسه ابدد مو زين لانه لازم تستمرين عليه حتى بعد الولاده كل دوره
والا تروحين وطي

الحلبه شربتها اول 10 ايام ومقدار بياله شاهي
يعني بس اخذت منها الريحه فقط بدون فايده وكانت مرررررره خفيفيه

واستبدلتها بماش مع مرق اللحم وهذا هو غداي مع قطعه خبز بر

اما الفطور ما كنت افطر الا نارد
والعشاء اي شيئ خبز وجبن ومربي يعني خرابيط
لكن خذوا نصيحتي ترى الاكل هو اللي يرجع كل شيئ مثل ما كان لحد يتساهل فيه مثلي
بس هاه مو تغتثين من كثر الاكل لاااااااااااا
خليك وسط
واهم شيئ لا تجوعين مثل ما كنت اسوياجوع ولا اهتم ما دريت انه مو زين ابد للنفاس

لكن تبون الصراحه احس اني لما طلعت من النفاس اني مو زينه

تدرين اكبر غلط سويتيه انك تتعشين على معلبات

لان المعلبات مو زينه حق الوالد

ولازم تتعشين عشاء ثقيل علشان ماتجوعين وانت نايمه

والمره ماتتشطفين منها اول نفاس بس لا استمر ي عليها اربعين يوم حتى اذا جاتك الدوره بعد تستخدمينها

واللهوم لا تاخذين الامن وحده واثقه منها ومجربه بعد
لان بعضها مو زينه تكبر البطن

والمره الجايه ان شاء الله تهتمين بنفسك

 

[فاصله]

الله يجزاكم خير ونبي بعد تجاربكم ----- اكسبوا فينا أجر

 

[Tatoo]

هلا ياقلبي انا طلعت النفاس ماشالله اهبل ونظيفه وضيييقه مرره بس قبل ابدا ادعولي ربي يعوضني لأني طلعت النفاس على ولد متوفي:tears: ويارب تعوضني وجميع بنات المسلمين يارب وترزقهن الذريه الصالحه
أول ماقوم من النوم اشرب حليب زنجبيل كوب وخبيزات بسمنه وفيهن حلبه بس الحلبه العشرين الأولى من النفاس
بعدين الغدا مرقة لحم وكان فيه فقع واحياناً مرقوق مع كوب عصير برتقال طازج (انا سألت دكتوره عن الي يقولو العصير يخرب النفساء وقالت بالعكس ونصحتني بالبرتقال لأن فيه فيتامينCيساعد على التئآم الجرح)
والعصر اتقهوى قشر قهوه وتمر برشاد وحبة سمرا مع سمنه
المغرب اشرب الثلاث ايام الأولى بس مره مع عنزروت
العشا نفس الغدى مرق لحم مع مرقوق بعد العشا اشرب كوب شمر
وتوضاء بديتول ومويه واستخدمت لجرحي كريم ميبوووو مرررره يجنن بعد الله
العشرين الأخيره كليت على الريق رمان مطحون مع ملعقة عسل
اخلطهم قبل الأكل مقدار ملعقه صغيره واكلهم قبل الفطور
وتكبيت بس ثلاث مرات بعد العشرين كبو هوا موجود عند العطار واذا تسوينه انتي احسن والمكونات موجوده بس ابحثي بقوقل
وبس والله نزلت على الأكل هذا 13 كيلو:cupidarrow: ماشرب غازيات ولا عصائر مو طبيعيه ولاحلويات
واستخدمت تحاميل طبيه معقمه آخر ايام الي فيها كدره
والحمدلله طلعت عروووس:blush-anim-cl: