ولا تجسسوا

[تيله]

حبيباتي اول مره اشارك وانشاء الله تستفيدون من كلامي...ليش الله سبحانه قال(ولا تجسسوا)لان التجسس حرام تحريم قاطع وانتوا ياعضوات اغلبكم اتجسسون ع ازواجكم ويش حصلتوا من التجسس غير عوار القلب وتعب النفسيه وطلاق وضياع ابناء وخراب البيوت والله ان الله سبحانه ماحرمه عبث....وصدقوني ان الله يعطي الوحده على نياتها اذا تجسست حصلت اشياء تتعب قلبها واذا توكلت ع الله اتحصل الي يسعدها...

 

[اماراتية دلع]

مشكورة حياتي على النصيحة عندج حق 24 ساعة و احنا وراهم مثل المحقق كونان

 

[red-rose 1]

يسسسسسسسسسسسسسسسلمو تيله عالمعلومه
وكلامك كله صحيح ..
بس موبأيدنا نعمل هيك ههههههه

 

[سرآب الضامي]

بارك الله فيك نعم مو بس لا تتجسسو

الا بعد لاتسالون عن اشياء ان تبدء لكم تاسئكم

يعني الوحده منا ياكافي لشافت مع زوجها جوال ثاني

قام ابليس يدور ويدرج في راسه ويخذها يمني ويردها شمال

ولا لشافت مثلا نظارات شمسيه بناتي طايحه في سيارة قالت ها

اكيد انه يعرف وحده الله يهديكم بس


لاتتجسسو

لا تسالون عن كل شي

لاتظنون الظن السيئ

 

[medomajed]

كلام عين العقل لانه كلام الله تعالي وعنده حكمة من تحريم التجسس

 

[زين وحلا]

والله انك صادقه يااختي بس هذا طبع فينا بالذات الي خانها مره مستحيل تنسى ولو نست بتشك فيه وتجسس عليه علشان تطمن قلبهااا

 

[{نوتيلا}]

والله انك صادقه

 

[ساماري]

كلامك صح ومنطقي والله ما يجينا الا وجع الراس

جزاك الله خير ​

 

[اولادي كل حياتي]

صحيح كلامك بس الشيطان شاطر ويلعب بمخنا مهما استغفرنا وقلنا ما راح نتجسس بس ما نقدر
الله يسامحنا

 

[عيني عينك]

صـــــــــــــــــــــــــح السانك ياقلبي
الله يكون بالعون غلاتي

 

[ملكةبمملكتي]

مب بس كذا نتجسس وبعدين نغتابهم (ولاتجسسوا ولا يغتب بعظكم بعضا)الله يغفرلنا