ولادتي فين

[تالة المدينة]

السلام عليكم

أخواتي محتاجة مساعدتكم
انا بكرية و دخلت التاسع و كنت اتابع مع دكتورة دلال بوقس
في سليمان فقيه و دحين هي مسافرة و ماتجي الا ثاني اسبوع
برمضان و مو لاقية حجز اتابع عند اي دكتورة وانا مررره
خايفة من اخر الثامن معاي مغص في منطقة الرحم زي مغص
الدورة أخاف تكون ولادتي قريب و مدري وين اتابع او عشان
أولد عائشة بقلق شيروا علي الله يسعدكم**

 

[تالة المدينة]

مافي رد

 

[القاسية الحنونة]

انتي من المدينه؟؟

 

[تالة المدينة]

لا من جدة

 

[ام ديما وبس]

انا مو من جده

 

[مدري ليش]

ماعرف مستشفيات المدينه بس دخلت أرفع موضوعك

 

[ليليــــــــــا]

مقدر افيدك حبيبتي بس روحي للمستشفيات الحكومية افضل لك واحسن

انا من مكة واحسن دكتورة هي دكتورة حنان بمستوصف الخالدية

 

[القاسية الحنونة]

انا احسبك من المدينه..جده مااعرف فيها شي الله يسهل علينا وعليك

 

[الجريح الصامت]

الله ييسر لك ولدتك وتقومي بسلامه وتفرحي بجيت البيبي وان شاء الله بنات جده يفيدوونك اللهم اااااااااااااامين

 

[روعه الخيال]

حبيبتي انا توي والده عند الدكتوره سعاد في سليمان فقيه الدكتوره رااااااااااااااااااااااائعه
بس انا ما اخترتها لاكن ولادتي كانت بليل ومالقيت غيرها بس هي رااااائعه الحمد لله
بس كنت عند الدكتوره سحر ملودي وهي سافرت ونصحتني اروح عند الدكتوره خديجه او شرين او عفاف النوري ممتازه يمدحوها كثييييييييير الله يسهلك يارب

 

[تالة المدينة]

الله يعطيكم العافية
عزيزتي روعة الخيال الدكتورة اسمها شيرين ولا نسرين وسعاد
ايش جنسيتها

 

[تالة المدينة]

كمان عندي سؤال لو جاتني الولادة و دكتورتي
مو مداومة يعني مو إجازة بس خلصت عياداتها
وراحت بيتها يتصلوا عليها ولا اي احد يولدني
اتكلم تحديدا عن مستشفي سليمان فقيه
لانه سمعت انه بقشان اي أحد يولدك مو شرط
اللي متابعه عندها
وينكم يا بنات جدة **