وصخ الدنيا .... الله يعزكم

  • بادئ الموضوع بادئ الموضوع سلامي26
  • تاريخ البدء تاريخ البدء
سلامي26

سلامي26

New member
إنضم
2009/09/29
المشاركات
835
السلام عليكم حبايبي

أحسن أن نص مشاكلنا بسبب وصخ الدنيا الله يعزكم ((( الفلوس )))

شوفو شو صار معاي اليوم وشورو علي باللي تشوفونه الصح وعاتبوني ان كنت غلطانة

عزيزاتي أنا من كم يوم جتني فلوس وعطيتها زوجي المصون عشان أنه يديعها في حسابي
وبقن عنده كم يوم وفي هالفترة كل يوم آخذ منهن للمصروف وقلتله حطهن في الحساب لا أخلصهن تراني ماصدق
واليوم الحبيب راح حطهن في الحساب ووصلتني رسالة البنك بإيداع المبلغ وماشفت الرسالة إلا لما جا ياخذني من الدوام
وانصدمت أنه ماحط المبلغ كله شفت انه المبلغ ناقص 8000 درهم صح أنه المبلغ بسيط بس قلتله ويييينها
مع العلم أنه أول مرة يسويها وكل مرة أعطيه مبلغ يحطه نفس ماهو ..
وهو ضحك وقلتله أنت ماتستحي وهو ماتكلم كله يضحك فهمت أنه خذ الفلوس ... وبعد شوي أشوفه متغير كنه زعلان مايتكلم
ويوم قلتله شفيك زعلان قالي مايهمج... وأنا سألته لو أني زعلت يهمك ولا مايهمك ؟؟؟ صدمني وقالي مايهمني ..... والله يابنات أن عيوني دمعت من الصدمة بس مابينتله ..وأنا سكت عنه وخليته ...
لحد ألحين مانكلم بعض ... أحس أني جرحته بسؤالي عن الفلوس ... وأرد وقول أني ماغلط ...

بلييييييييييييز بنات شورو علي شسوي أراضيه يعني بس أخاف يتعود .... مع العلم أنه وايد يحبني وأنا متأكدة من هالشي ...


 
يا حلوه كلمتك له انت ما تستحي هذي أتزعل الأهبل مو زوجك وين أسلوبك كزوجه عاقله وتعرف تتتناقش وتحاور زوجها كان سألتيه في وقت ثاني ومن غير ما تقطين كلام جارح وبأسلوب مو وين الفلوس ليه ناقصه كان قلتي جتني رساله بأيداع المبلغ وطلع ناقص ليكون فيه خطى في البنك ولا شي وفتحي الموضوع بفن والله يصلح حالكم
 
مشكورة اختي
احس عمري كنت دفششششششششششششششة
 
صحيح كلام الاخت
كلمة انت ما تستحي تزعل واايد مب شوي
يعني كانج تقولين له انك تحطت من عيني او ما لك احترام ....هذا اللي حسيته من كلامج
فما بالج بزوجج ؟؟
راضي زوجج ومثل ما قلتي هذا وسخ دنيا يعني ما يسوى
واذا هاي اول مرة يسويها يعني مب متعود عليها
بس انتبهي تعودينه على انه ياخذ من فلوسج
 
حبيبتي عنجد كلمتك انت ما تستحي مررررة بتجرح وانا عارفة طلعت منك لانك قرأتي المسج لحظة ما شفتيه وما صارلك مجال لتهدي وتتحكمي باعصابك..
المهم اعتقد انو لما حكالك انو ما بيهتم لزعلك بس قصدو يقهرك ويجرحك مثل ما جرحتيه يعني مو فعلا من قلبو على ما اظن...
اعتقد اول شي روحي وتصافي معاه ولا تضللو متزاعلين- احكيلو انو في كلمة طلعت منك انت مررة متضايقة منها ومنت عارفة كيف حكيتيها وقولي (انا فعلا آسفة لاني حكيت اللكلمة اللي انت عارفها) واعملي نفسك مستحية شوي ولا تحكيها مرة تانيه مشان ما تجددي جرحها- بس واحكيلو ((اذا كا فيه غربية)) انا بثق فيك ثقتي بنفسي ولهيك مسلماك كل شي ومو مخبية عليك اهم خصوصياتي حتى مالي فتخيل حالك مكاني واجتك رسالة تقول انو المبلغ ناقص (( يعني حسسيه بمشاعرك وبموقفك وبنفس الوقت حسسيه بثقتك فيه وانك معتمدة عليه وانو رجلك وسندك)) اكديلو انك عارفة انو المبلغ رح يرجعلك اياه هاليومين وهادا اللي انت دايما عارفاه عنو وهادا طبعو اصلا مستحيل يضيعلك حق واتصالحو واتراضو
باعتقادي والله اعلم ان كان صح لا تخلي ياخد المبلغ عادي الا اذا فعلا في سبب مقنننننننننننننننننننننع جدااااااااااااااااااااااااااااا واذا صار كدة بعد كم شهر اطلبي منو طلب الك يعني طلعي المبلغ منو من غير ما يحس انو طلبك هادا بدل المبلغ ---- هادا اللي انا شايفاه والله اعلم​
 
والله يا حبيبتي سؤالك عن فلوسك شي بديهي ما يزعل بس اسلوبك يمكن شوي..
راضيه واحرصي تراضينه على كلمتك مو على سؤالك...والله يوفقك
 
من حقج تسألين عن فلوسج بس بطريقه ذربه وبعدين ليش مو انت اتسوين ايداع لفلوسج ليش زوجج اللي يسويلج ؟ ؟
 
مشكورين خواتي على آراءكم البديهية

اختي غدير لنو هو اللي دايماً يخلص مواضيع البيت الخارجية




مشكوووووووووورين وماقصرتو
 
بنات ابشركم
تم الموضوع بسلالالالالالالالالام ورجعت المياه لمجاريها ولله الحمد
 
انا مع البنات انك غلطتي بكلمة ماتستحي والبنات ماقصروا بالحلول
لكن مسألة انه يأخذ من فلوسك بدون استاذان منك لا الصراحة هذي تزعل ولو تعود عليها بيصير عادي عنده يمد ايده على فلوسك بدون اذنك يعني حطي حد للمسألة هذي
 
صدق وصخ دنيا وبكل صراحه من حقه يزعل كان قلتي حبيبي اذا محتاج الفلوس الباقيه خذهم بضحكه نذاله خخخخخخخخخ يمكن يفهم


بس اقول روحي راضيه وشتريله حاجه حلوه وغاليه حبتين

الله يفرج همك
 
الحمد لله على السلامه والله يبشرك بالخير

بس مو المفروض تخبرينا شلون تمت بسلام

وليش خذا الفلوس خخخخخخخخخخ حشريه(حب استطلاع)
 
ليش تخلينه يودع فلوسج مو انتي الرياييل مالهم امان مره ثانيه انتي ودعي فلوسج من غير مايدري عشان لا يتعود ياخذ من فلوسج ولا يطمع فيهم وعيب علي ياخذ من فلوسج

المهم انتي غلطتي عليه ولازم تبررين السالفه
حاولي تهدينه وتراضينه ومره ثانيه ودعي فلوسج بروحج عشان لاتحرجين نفسج ولا زوجج
 
هلا والله حبوبه والحمدلله والله يسخرك له ويسخره لك ومشكوره انك طمنتينا ما احب أشيل هم *ـــ^
 
الحمدالله انه رجعت المياه لمجاريها عاد انتبهي وامسكي نفسك
وخلك دوم هاديه ورايقه وجد الفلوس وسخ دنيا اهم شي جد تكوني مبسوطه ومرتاحه
الله يوفقك يارب ويسخره لك ويسخرك له
 
والله يا حبيبتي سؤالك عن فلوسك شي بديهي ما يزعل بس اسلوبك يمكن شوي..
راضيه واحرصي تراضينه على كلمتك مو على سؤالك...والله يوفقك
راضيه الدنيا ما تسوى وتاكدي ما عاد يسويها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل