وش ردت فعلك لو يقولك زوجك انا اكرهك

[الفرج قرب]

<FONT size=5>السلاااااااااااااام عليكم خواتي انا مزوجه من 12 سنه زوجي شمالي شرقي اكيد عرفتو السالفه ما يحتاج هشخص صعببببببببببب  انا عندي 3 بنات وحامل يااااااااارب اجيب ولد يمكن يتغير انسان عصبي المراءه مالها اي حق تاكل تشرب وتربي عيالها بسسسسسسسسسسس انا موظفه  و الحمد لله راتبي ممتاز بس والله حارمني استمتع منه تخيلو استلف ملابس خواتي عشان الدوام السوق اسمع في الرياض السواق ماااااااااايوديني لي سنين اذا بروح اروح من بيت اهلي بس والله يابنات تعبت اجيهم وطلع اقضي اغراضنا وتعرفون البنات وش كثر اغراضهم المطاعم مستحيل مالنا الا البر مليت خاصه اهلي عندهم سواق وكنت البس من افخم الماركات الان يااااااااارب لك الحمد خلاقين مجمعه والله قهر اهله جماعتهم مااااااااااعرفهم كل 3 سنوات اشوفهم مااااااااااااااروح لحد بس لبيت اهلي ولا اروح الا وانا باكيه في الغالب بيتي ماااااااافيه اثاث خرب الفرش وطلعته وزعل والان لي سنه على البلاط بهذا البرد شغالتي راحت ورفض يقدم قمت شريت وحده من هنا ورافض الان ينقل كفالتها والله خجلت من اهلي من كثر ما اطلبهم مشاوير ويقضون لزومي وخاصه اني حامل وموظفه ضروري لي شغاله وعندي بنت صغيره سنتين وهله مثله وطين كلهم قشررررررررررران والله ما سويت لهم اي شي اهم كذا حتى الناس ما يجونهم ودايم يدخل وقولي انا اكرهك عاد كنت اصيح لا قالها الان لا قالها اضحك يموت قهر اقوله تكفى ياقيس عذبتني لا افقد الحب الي كنت عايشته اعرف انك تكرهني بس عادي شكرا  والله نفسي اطلع واخلي له بيته الي فاضي وخلي بناتي له يتورط فيهم خاصه امه ما تبيهم لو ينزلون عندها ما تفتح لهم الباب يطقون ثم يرجعون  انا ما اعطيه من راتبي لانه اقشر والله اسمي ماسمعته منه الا يمكن 3مرات بحياتي والله كثير بغيت انحرف مكالمات بس ربي يحفظني يمكن لاني انظلمت منه كثير اهو شخص متدين ملتحي بس اخلاقه عكس والله يهزاني وطول السانه واجي احط عشاه وارتب له ملابسه من مباء ادفع بالتي هي احسن  ياااااااااااااارب والله تعبت لا اخلاق ولا بيت زي الناس ولا شغاله ولا طلعات بس وجهه وليته طيب ولا حقوق الى متى تكفون ياحكيمااااااااااااااااااات ابي حلل الله يعلق قلبي به وحده فهو القادر على تغير حياتي للافضل انتظركم ولي تمر تدعي لي الله يسخره لي ولبناتي ويرزقني ولد صالح معافي ياااااااااارب وكمان اضيف انه يكلم خيانات وكمان تزوج مسيار وكنت كاشفته بس ماقلت سكت لان مافي يدي الا اني اسكت وطنش لحد ما تركها ولله الحمد اعرف افكار ملخبطه بس احمدو ربكم اني باقي كذا </FONT>

 

[الساعه الرمليه]

لا حول ولا قوة إلا بالله ولا منجى من الله إلا إليه
دواء من 99 داء أيسرها الهم
حبيبتي أولآ لازم تتكلمين معاه في البدايه وقولي له اللي بخاطرك بدون زعل وصياح
لو مشي الحال تمام ما مشي الحال هدديه بأهلك قولي رح أرجع لأهلي وبناتك أنت تربيه رح أشوف حياتي بعيد عن المأساه اللي أعيشها وياااارب يكون عنده دم ويحس للو ما نفع معاه الكلام أبدأي بالتنفيذ لو قادره تخلين بناتك ولو مو قادره خذيهم وحكموا إنسان عاقل بينكم أشرحي له حياتك مع زوجك وخليه يصلح بينكم ....ويكون راتبك لك ويصرف عليك بعد ... لو ما رضي قولي أنك رح تطالبينه بحقوقك من المحكمه وهي رح تنصفك لا تسكتين وتضيعين حياتك مع شخص مايقدرك ولا يقدر تعبك ولا تلتفتين لأي لأحد يقولك أصبري صبرتي كفايه وإن شاء الله لك الأجر بس تعبنا من هذي المشاكل
نصبر وهم يتمادون لأننا خضعنا لهم بالكامل ونسينا أنفسنا علشان ما نهدم بيت لو كان أنسان يستاهل التضحيه كان ضحينا بدمنا بس أننا نكابد الحياه وما نلقى شكر وتقدير لا وألف لا ...

 

[طيبتي اكبرعيوبي]

ما اقدر اسوي شي الا اني ادعي لك .. الله يسخره لك ولبناتك ويفرج همك ويهديه ويفتح ع قلبه .. واذا في مجال خلي بناته يطلبون منه انه ياخذكم للسوق او للمطعم لان غالبا الاب يتعاطف مع بناته ويحن عليهم ..

 

[الفرج قرب]

الساعه الرمليه الف شكر مرورك النقاش فتحته معه مليووووون مره وباشكال مختلفه مره بدلع مره بدموع ومره مسكينه ومالي الا انت ومره بالقوه ومافيه امل ابد يسكت ولا كلمه راتبي الي تقول اعطيه بالله ليش ونفقه ماشوفها والاحترام معدوم والاهانه انواع ولا طلعه ولا احد يدخل بيتي من اقاربه عشاااااااااانه يفشل لو احد بجيني يقول عند اهلها بالله وين انفس الي بتعطي والله لو يقدم شوي من الحقوق اتنازل انا بس بهذي الطريقه لا

 

[الفرج قرب]

طيبتي اشكر مرورك والله اخلي بناته يطلبونه يقول تعالو ولا اشوف وجهك وش رايك عاد صرت اخليه يروح فيهم وانا اجلس الله يسخره رغم انفه فهو القادر

 

[ғ α η т ά s ч ♥]

الراتب لا يقرررب منهه

وااااااااااضح انه مو من حققه

اذا م نفع معآه و لا ششي رووووحي عند آهلكك و خليه يبتلش ب البنات مؤقتن و يعرف ان الله ححق

 

[انسانه متفائله]

الله يكون بعونك واستغفري
بس ابي اعرف حاجه وشلون دين وملتزم وملتحي ويكلم ويخوون

 

[سحابه نجد]

الله يسخرة لج .. ويرزقج الولد الصالح ...

 

[لحـ ـالحياةــن]

الله يسخرر لك زوجك ويهديه ويرزقك الولد السليم المعافي ويرزقك بره وصلاحه وان يعوضك ربي عن ظلم زوجك ببر ولدك لك

 

[دانة الشام]

كان الله بعونك .. عيشي حياتك بما أن لك راتب بين يديك .. استقدمي خادمة وادفعي راتبها من حر مالك .. استقدمي سائق واخرجي مع بناتك انزلي للاسواق واشتري كل ماترغبيه ادعي الناس لبيتك صديقاتك أهلك لاتنتظري منه إذنا هذا بيتك وضيافة الضيوف أيضا من حر مالك اذا فليسكت ولاينطق بكلمة .. دللي نفسك ودلعيها ولاتنتظري منه شيئ .. عيشي ياأختي واشتري صحتك النفسية والجسدية بهذه الطريقة من الحياة ستمرضي لاقدر الله وستشيخي وتهرمي وهو بعز شبابه .. وليراكي سعيدة ومسرورة ..لأن سعادتك ليست بيده .. ربي يرزقك بالولد الصالح وتقر عينك ببره ويعوضك سنين الحرمان مع أبوه..

 

[بنت حمدان]

بالضبط انا مع الاخت دانه ما شاء الله عندك راتب ومستغنيه عنه روحي البنك وسوي بطاقه جديده مايدري عنها اللي تستلمين منها راتبك ومن تستلمينها قطي بناته عليه وروحي بيت اهلك وادا ماتقدرين خديهن معك وقوليله وهدديه ياما يتسنع ويصير رجال يصرف عليك ولا الباب يفوت جمل وعيشي انتي وبناتك مهوب نافعك عطيه العين الحمرا علا فكره كل اللي انتي فيه من سلبيتك الوحده تفكر انها بتحمي بيتها وهي تدلل وتفسد زوجه عليه اسمحيلي والله من قهري عليك حرام يضيع عمرك وبناتك يعقدون ادبيه والله بيتادب ولو بعد مده بس لاتتراجعين ولا تضعفين وانتي الربحانه بادن الله وعطيني جديدك

 

[بنت حمدان]

بعني انا اقصد الصرافه والشغاله يكونون تحت يدك ادا تا دب كان بها وترجعين وانتي مرتاحه ومخدومه وادا ما تادب تكونين ارتحتي بكل الحالتين حل منصف عيشي حياتك

 

[ـأميرهـ]

أسأل اللهـ لكـ أن يسخر لكـ زوجكـ وبنـــــــــات وأن يرزقكـ الولد الصالح اللهم آميـــــــن ..~

حبيبتي أنا ماأقدر أفيدكـ بإستشـــــــارهـ .. بس عندي إحساس تقدري تغييرهـ بإستعانتكـ باللهـ ومن ثم بخبرات المنتدى وخاصهـ عندكـ فكرهـ عن الأنمــــــــــــــاط ..~

وقلت خلني أرد حتى أرفع موضوع وخيتي اللهـ يسعدهـــــــــا وبنات ويبدل حالكـ لإفضل حال ^^

 

[ايـلان]

انا مع دانة الشام كلامهاا درررر
فعلا مادام راتبك ممتاز ليش علقتي سعادتك بزوجك السعاده انتي الي تخليقها عمره ماحد راح يعطيك ياه دام انتي حرمتي نفسك منهاااااا اعزمي زوجك على سهره حلو كل بين فتره خلي هاذا الجوء يعجبه خليها مميزه جداا عشان ترتكز بمخه على قد ماتقدري سويله مفاجات خليه يجي عندك متلهف

اكثري من الاستغفار خلي لسانك حللو معاه حتا لو مايستاهل يمكن يعرف غلطو ويحلي لسانه عليك حتا لو زعق وصرخ لاتردي عليهخلي على لسانك دايم يعطيك العافيه


خليه يحب الكلام الحلو ويتعود عليه غيري اسلوبك معاه لاتكشري طول الوقت اضحكي لو من وراء قلبك انبسطــــــــــــــــي واخرجي وخلي بيتك كله سكينه وهدوا


لاتقولي صعب حطي الهدف قدامك (هدف تغيره للافضل)
وعلى قد ماتقدري حاولي توصلين للي تبغينه

 

[رندا كووول]

خواتي انا مزوجه من 12 سنه زوجي شمالي شرقي اكيد عرفتو السالفه
--------------------------------------------------------
عرفتي نمطه اشتغلي عليه وطبقي كل ماقرأتي عنه ..اش فائدة معرفتك لنمطه اذا ماطبقتي النصائح اللي تعلمتيها..

انا عندي 3 بنات وحامل يااااااااارب اجيب ولد يمكن يتغير انسان عصبي المراءه مالها اي حق تاكل تشرب وتربي عيالها
------------------------------------------------------------------------------------
الله يرزقك بالولد البارر الصالح باذن الله....طبعا البيئه اللي تربى فيها لها دور ف نظرته للمرأة..لكن باسلوبك وحسن المعامله بامكانك تغيري هذه النظره .بالكلام الحلو والمدح والحكمه وبذكائك تجذبي زوجك اليك.
--------------------------------------------------------------------------
بالنسبه للسوق اغلب الازواج مايواطنوا السوق .وانتي تصرفتي من بداية حياتكم تروحي مع اهلك وهو تعود ع كذا.
والتمشيات شيئ طيب يطلعكم البر .واضح ان زوجك مايحب الزحمه واماكن تجمع العوائل وف البر ياخذ راحته.
تمتعي براتبك واشتري ملابس لو تروحي مع سواق اهلك مايهم مدام هو راضي.
--------------
عزيزتي حاسه بينكم جفاف عاطفي عشان كذا راح يدور عليه بر ا بالخيانه وزواج المسيار ..طبعا هذا ليس مبرر له بالحرام ...لكن حاولي تعوضي النقص اللي عنده حتى مايدور عليه برا.
رأيي من رأي الاخت ايلان ابدأي رحلة التغيير وغيري اسلوبك باللين والتصرف السليم تملكي قلبه ويعمل كل ماتريدين ....
اعملي ليالي رومانسيه وخليها كمكافأه لعمل .ما .قام به....اقترحي عليه فرش البيت بمناسبة المولود الجديد..اكتبي رساله كأنه ولده يكلمه ويطلب منه يفرش البيت باسلوب رائع وصورة طفل.
الله يهديه ويسخره لكم .

 

[رندا كووول]

ولا تنسي الاستغفار ف كل وقت له اثر عجيب بارادة الله ف حل المشاكل وتهدئة النفوس ..والصدقه لو بالقليل..
والدعاء له بالهدايه ..وايضا دعاء تسخير الزوج ..واستودعيه الله..
الله يصلح احوالكم

 

[ظل أمرأه]

كيف كانت حياتك أول سنين حياتك كيف كان يعاملك ومتى تغير
شنو اللي كان يحبه..............
أكيد في حكيمات راح يفيدونك هنا اذا جاوبتي
تكلمي عن بدايه حياتك والمواقف اللي صارت بينكم
والله الميسر

 

[غيمت غلا]

اكثري من الاستغفار والله يرزقك الولد الصالح
صلاة اليل لها دور فتغير حياتك جذريا صلي واشتكي لربك وادعيه وابكي صدقيني هذا فضل حل >>مجربه ومحد يقدر ينكر فوائد صلاة اليل

 

[عسل طبيعي]

اكثري من الداعاء في الصلاة ب :" ربنا هب لنا من أزواجنا وذرياتنا قرة اعين واجعلنا للمتقين إماما"

وكل يوم قولي "استودع الله نفسي وامانتي وذريتي وزوجي وقلبي وقلب ذريتي وقلب زوجي وسمعهم وابصارهم وفروجهم وجميع جوارحهم" انا اضيف الشغالة فالدعاء

داومي على قراءة سورة البقرة

الله يوفقج

 

[امرأة اميرة]

الله يفرج همك يا اختي
ما شالله صابرة
ان شالله ربنا بعوض صبرك