وش رايك إذا طلقك زوجك طلقه في وجهك !!!!!

[حياة الشرق]

وش رايك لو زوجك طلقك طلقه بوجهك (انتي طالق قومي روحي بيت اهلك)
وبعد ماتروحين يجي يعتذر من اهلك كنه طفل ويقول والله ماأعيدها وكت معصب....

هل تتوقعين انه في يوم من الأيام بتنسين الطلقه هذي؟؟؟




انا ابي رايكم بالأمر لأني انا صاحبة هذي الطلقه ولاني قادره انساها وصرت احس انه اهانه لي اعيش مع واحد مطلقني؟؟

 

[بقايا حطام]

انا اوب متزوجه..
لكني اتوقع اني بسامحه..يمكن ماانسى..
بس مااعتبرها اهانة..
ليه كل وحدة اطلقت كم طلقة يعني انهانت..؟..
بالعكس هو عرف قيمتك لما رجع يعتذر ومااظن انه له داعي تكبر الامور اكثر من كوذا...خاصه اذا كان في اطفال لك منه..
هذي وجهة نظري..^^

 

[ليتني احتويك]

لحظة غضب والشيطاااااان شاطر يقدر يكبرهاااا لكي هونيهااااا وتهون ترى الاغلبيه من الحريم جربوا الي جربتيه وانااا وحده منهم الله لايعيده من يووووووم انسي يكفي انه جاء اعتذر زي ماتقولي وهذا دليل محبته لكي الله يديمهااااا عليكم من محبه والله يوفقك ...

 

[جورية الخبر]

غاليتي .. مثل ما قالت اختي كثير تعرضوا لهالشغلة
انسي يا قلبي .. وعيشي حياتك .. وكل صفعه في هالدنيا تعلومة ..
صدقيني لعله خير

 

[سكر زماني]

هونيها

وتهون

انسي اللي صار

 

[محرومه من زوجي]

يابنت الحلال حاولي تناسينها..ولا يلعب الشيطان براسك..

 

[متكحله برمشي]

لازم تنسين علشان الحياه تمشي

 

[واثقة]

اعتذاره كالطفل من أهلك رد لكرامتك

 

[نور كندا]

لاتزعلى منى بس يمكن انتى استفزيتيه بكلامك لحتى وصلت الامور لهاد الشىء نصيحتى لك ازا شفتيه معصب لاتتكلمين واتركيه ينتهى من تفريغ كل مايجول بفكره من اهانات وتجريح وتانى يوم عندما يهدا تتكلمى معه وهكزا لاتصل الامور الى الطلاق لاسمح الله

 

[عسكريمه...]

لاتلعبين بأفكارك يمين وشمال وتخلين الشيطان يتشطر عليك ويخدعك بوساوسه ويقولك هذي إهانه

الإهانه انك تهينين نفسك بأفكارك هذي

هو لو ماعرف قيمتك وحس بغلطته وندم ماكان جا لأهلك واعتذر منكم صح ولا لا؟

سامحيه والدنيا صفح وعفو الله يعفو ويصفح في كل مره نخطي وهو خالقنا واحنا المخلوقين بأي حق ............



افتحي صفحه جديده مع نفسك قبل زوجك وانتبهي يكررها وتحاشي أوقات الغضب لأن الشيطان يكون حاضر في هذي الساعات

 

[femme]

اعتذاره كالطفل من أهلك رد لكرامتك

بلاك اللي شين وقوي عين..يطلق ويجي بكل وقاحة بيرجع بدون اي اعتذار او ندم وبشروطه! :cupidarrow:لا والله مارح انسى انه هز رجولته قدامي ابدا ماحييت..والرجال يبان معدنهم واصلهم وقت الازمات:santa_1::thumbdown:.

 

[ياربي انصرني]

ذكرتني بنفسي اول طلقه لي بيموت الا بيرجعني ورجعت وبعدها بثلاث شهور جت الثانيه بس هالمرة رجعت علشان بنتي ولي 17سنه عايشه على حبه وحده من فتامين ط وسعي صدرك الدنيا فانيه يالله حسن الخاتمه لاتخلين للشيطان مدخل واحب اذكرك ان الشيطان يدخل للانسان من مدخل خير ليشكك في حسن النويا

 

[ليلى والذئب]

يحليلك أنساهاوأنسى أبوها بس يعتذر نسيناها وهو مااعتذر لكن المصايب اللي يسويها ويجي يناطح بقرونه الشيطانية......... قولى الحمد لله هذا ولاشي من مصايب الدنيا كانك تبينه ارجعي ويمالك واستخيري

 

[المرهفة]

لو كنت رجعت بدون اعتذار فهذي اهانة..لكن مادام اعتذر فكرامتك محفوظة.
بعدين ترى حتى نحن النساء تأتي على السنتنا في حالة الغضب كلمة(طلقني) ولو كنا نملك حق تطليق الزوج لقلنا له (انت طالق) عند كل مشكلة
ما اقصده..ان الانسان لا يؤاخذ بما يقوله وقت الغضب فهو لا يفكر بما يقول

 

[؛%النادره%؛]

اذا كانت صفاته الايجابيه كثيره سامحيه ياأختي المرأه موكل مره بتلقالها رجال زين

 

[محبة النبي محمد]

مدام اعتذر خلاااااص طاح الحطب
والدنيا لازم تمشي والللي فات مات
الشكوى لله وش تسوين
بعد هذا زوجك مجبورررررررره فيه ...

 

[رامااا2009]

حبيبتي كان يوم جاء يطلق سكرتي فمه بيدك
لانه جااااااااائز شرعا
بس هونيها وتهون

 

[رجاي الله]

حبيبتي انا اشوف انك تطلبين رضاووة وماتطلعين الا برضاوة محرززة عشان مايعودهااا وكل ماطنت براسها قالها ورجع يعتذررر

بالتوفيق ياقلبي

اذا رضاك الحين يصير يفكر كل مرة انة فية رضااوة تعرفين الفلوس تقطع قلبهم