وش رايكم في الزوج اللي يقول لزوجته انتي مو من اولى اهتماماتي بدال الزوجه مية

[ريشه ورديه]

السلام عليكم

الموضوع واضح من العنوان

هالايام أم زوجي مرضت (الله يشفيها ويعافها ويعطيها الصحه والعافيه ويخليها لنا ولكل أحبابها) وزوجي كل شوي يقولي الأم أهم شي بالدنيا هي اللي جابت وهي اللي تعبت وهي اللي ربت ماحد يستحق المحبه زيها
واناوالله يشهد علي اني احثه على برها ومعاه في هالشي بس يقولي الام هي اللي تحب ولدها وتخاف عليه اكثر من الزوجه/ومحبة الزوجه ماتجي نصف محبة الأم ، يعني لو ماتت الزوجه في مية زوجه بدالها ماهي مصيبه
بس المصيبه لوماتت الأم <وبصراحه استغربت من زوجي اول مره يقولي كذا
>قلت< يعني انا بسهوله بتتخلى عني >قالي<ايه الزوجه الواحد يحزن عليها شوي ويتزوج غيرها!!!! لو انا اقول هالكلام يجيني طابوق على راسي:25:
هو من النوع اللي يبيني اخدمه24 واسمع كلامه وأايده على ارائه واختياراته ولا انتقده ولا اطلب منه شي ولا اقوله بنطلع او بسافر لاهلي
يحب اني ادلعه بزيااااااده واهتم فيه واحبببببه موت اهم شي ولا اجرحه
ولوصار مره وطلعني يقعد يقولي< شوفيني طلععععتك ومشششيتك وبستطك وخذت لك اللي تبين شوفينييي طااايعك <وتكون التمشيه من العصر للمغرب بس اما لفة سياره او نقضي من السوبر بصراحه يكرهني بالطلعه من كثر المن <يحسب انه مسوي انجااز
ومره قالي سالفه عن واحد نعرفه >يقول< تخيليي يمسك يد زوجته ويدلعها
قدام امه واخواته والله انه ثور مفروض الواحد يبين قدام اهله
انه مايححب زوجته مـره <قلت ما فيهاشي زوجته بالحلال اهم شي انه
بار في امه هذي زوجته حبيبته
عجب !
ومـره ثانيه يقـولي الله يجعلني فداه روح أمي ويجعل يومي قبل يومها
قلت <الله يجعل يومي قبل أيامكم قال<والله مافي زي الأم وزي قلبها
ومحبتها قلت والله انك صادق وانا اشقت لامي من زمان ما شفتها(كل اجازه احاول فيه اني ازورهم يرفض)قلت وشرايك الاجازه الجايه بروح لاهلي قال صاحيه انتي امي تعبانه وانتي تروحين تتمشين قلت انت وعدتني الاجازه الجايه قال امي تعبت الحين وبنجلس علىشانها<سكتت
وللعلم خالتي تقوم وتمشي وتطبخ وتنظف وتزاور ناس يعني الحمد لله
وضعها زيـن
واناوحيده بهالمنطقه ومن زمان عن اهلي وحشوني
ومره كلمت امي وطولت معها وجلست اضحك وإذا
قفلت يقول وش فيك كانك مو مبسوطه غريبه وش تقول لك امك
!!!!!قلت بالعكس مبسوطه كنا نسولف انا وامي
بس كل ما اكلم امي يسألني هالسؤال!!
ترا بننا محبه وانا ولله الحمد قايمه بواجباتي بيتي نظيف وملابسه مكويه وجاهزه واكله جاهز
وانا جميله وهمتمه في نفسي وكان يقولي دايما اول الزواج
اني ما كنت متصور اني بتزوج وحده بجمالك كنت حاس
اني بموت قبل هاليوم اللي نلتقي فيه
...
المهم
امس وصلت معاي لدرجه الان ماصرت اكلمه ولا اناظر فيه
والسبب
امس طلعني السوق(طبعا طلعة الشهر)
وفي الطريق جاب طاري واحد من زملائه عن زوجته وامه
وان العلاقه بينهم ماش تفاعلت مع السالفه وقلت والله لو خالتي
لاقدر الله تبقى وحيده ماتجي الا في بيت ولدها الكبير انا عندي ام
مستحيل افرق بين ام وولدها
قالي والله لوامي تمرض (صوته كان عالي جدا على انفعال)و انتي ترفضينها
ان اقل شي اسويه فيك اطردك بيت اهلك مع السلامه
الدنيا مليانه بنات والله ما اطاوعك لو تحرمين علي ما اختار الا أمي
بنات آخر زمن الام اهم من الزوجه لوكانت امي سيئه بأيش هي الافضل
ولو كنتي انتي احسن وحده بالعالم ما اتكونين احسن من امي
وطوووووووووووول وسوا لي محاضره
حتى شكيت ان انا مو انا اني زوجةصاحبه:37:
(وللعلم والله شاهد اني طيبببه مره مع خالتي واحترمها
واحبها وهي بعد)
ما سكت الا لما وصلنا السوبرماركت

وهي السوبر قررت اني اعامله زي مايعاملني
قالي بناخذ هذي قلت لا لالا
ما ابيها لاتاخذها
قالي غريبه وش فيك ترفعين صوتك وتنافخين
قلت ولا شي بس هالنوعيه اللي اخذتها مو زينه ما تعرف تختار
والله انك ماش<نفسه
ورجعتها
وهوحس ان في شي
قالي حبيبتي<يتميلح< انتي تحبيني صح قلت اكيد لو
ما احبك ما شفتني معك الحين قال تموتين فيني قلت ايه
ورجعنا البيت وانا ما اكلمه

تخيلو مو سهله انا لي شهور اطلبه اقابل اهلي وهو رافض
وفوق هذا قالي انتي مو مهمه عندي في اهم منك
عادي لو متي بتزوج:17:

وفوق هذا انا وحيده بهالمنطقه واغلب وقته عند اهله ولا مع الشباب
ودايما يسهر ولايبيني ازعل ولا يشوف ان في مبرر لزعلي
يبيني زي الخروفه وراه اذا قال ايه اقول ايه واذا قال لا اقول

صراحه بنفجر كذ انا انسان
واهم شي اني اموووووووت عليه واجيب له هدايا
وادلعه
وانا مدلعته ماينام الا لما اسوي مساج كامل مرتين فياليوم

وطول ما احنا جالسين في الصاله يدي على راسه انعمه

امس جلست ابكي منالقهر وهو يقول الله واكبر انا وش سويت لك
وخرج واليوم نفس الشي

هو جنوب شرقي وانا جنوبيه متطرفه او ش ش فيني من الاثنين






​

 

[ريشه ورديه]

بنااااااااااااات تعبت منه ابيه يحسب لي حساب واش اسووووووووي قولو لي​

 

[Am.zezee]

بصراحه لا تزعلين مني انتي اعطيتيه وجه بزياده الله كل هذا اسويه ولا شكر منه ولا الله يعطيك العافيه ولا لاتزعلين انتي طمستي شخصيتك واحترامك معاه لازم تراجعي حسابتك وحياتك معاه واذا رجع وقلك تفس كلامو انو الام اهم مدري ايش حتى انتي سوي زيو على اساس انك تتكلمين عن امك والله يعينك انا لو اسوى له مساج اذلو اسبوع ياحياتي يا زوجي والله اني مقصره معاه

 

[ريشه ورديه]

هلا بنات

لايشكر ويمدح لواسوي شي

بس طفشني بأني مو من أولى اهتماماته ان امه أهم

 

[دانة الشام]

ياعمري لاتزعلي ولاتقهري بحالك كل الرجال بقولوا متل زوجك تماما تماما تماما ....المهم إنتي من يوم ورايح خلي على لسانك سيرة أهلك وانزلي مدح بوالدك ...الله يطول بعمرك ياوالدي لو تطلب عيوني مابتغلى عليك ...الله يخليلي ياك ياوالدي مافي أحن منك رجل بكل هدنيا...وبعدين حلو يكون إلك رأي يعني دلعي زوجك واهتمي فيه ودلعيه بس لاتلغي نفسك..

 

[فنو بريدة]

الله يهديه زوجك مادرى احس احسن شي انك خليك هاديه لاتبين انك حزينه قدامه ولاجاب سالفه لي امه لاتكبرين السالفه خليك عاديه احس انو زوجك ينزرق خليك دايم فراحه ومبسواطه وكل وما جاب سالفه قولي مثلن صح الله يجزاك خير واسكتي مهما حوال يكبر السالفه علشان ماتكثر الماشكل بينكم ولله يوفقكم

 

[ريشه ورديه]

طيب شوووو اسوي له عشان ما الغي شخصيتي

هو مشكلته لو اعارضه ينقلب ويقول اني اعانده وهو حساس ترا

ويشوف انه مدلعني ومو غلطان معاي​

 

[ريشه ورديه]

رفعـــ

 

[انثى تعشق رجل]

تعرفي مفروض لما قال تحبيني
سويتي نفسك مشغولة بشي وماسمعتي
ولو عاد السؤال قولي له ايش تتوقع
لا تقولي لا ولا تقولي ايه
خلي يقلق ويحس انه زودها ويدلعك شوي
الام اكيد مافي قبلها ولا بعدها
لكن برها لا يعني التقليل من قيمة الزوجه وهالشي لازم يفهمه
وبالفعل استمري بمدح والدك قدامه بشكل كبير وعبري عن اشتياقك لاهلك
الجنوبي طبعه شديد التعلق باهله لكن كل شي له حد ​

 

[ريشه ورديه]

أممممممم

بنات اليوم نفس الشي مطنشته وحسيت اني غلطت لان التطنيش ما نفع معاه

قالي من ايش زعلانه قلت انت تعرف وعلمته كلامه اللي دايم يقوله


قالي ما اقصدك انا اضرب امثله على ناس مو انتي وانا وانتي طيبه وعارفه نفسك الظاهر

قلت ايه لو اني انا اقولك هذي الامثله دايما كان مليت مني وزعلت

قام هو قال خلاص خلينا مطنشين احسن وهو صاد وزعلان ولا يكلمني

رحت عنده< ادري اني غبيه> وقلت سامحني وانا اوعدك ان ما ابين اي شي

يضايقني بس لاتتركني كذا بدون ماتكلمني مالي غيرك

قال لا خلينا مطنشين وكل واحد في حـاله


وش رايكم وش اسوي معاه تعبت وطفشت ابي احد يكلمني​