وش رايكم تكفووون بمشكلة أختي ؟؟!! آآه بس ..

  • بادئ الموضوع بادئ الموضوع تكتك
  • تاريخ البدء تاريخ البدء
ت

تكتك

New member
إنضم
2009/08/13
المشاركات
69
بسم الله الرحمن الرحيم ..

انا اول موضوع أكتب هنا .. أبــي أستشارتـكم .. ضروري .. تروني شوي وانفجر من اليوم وانا اصيح على اختي..



مشكلة أختي من زواجها بشهر شوال الى الحين ماشفناها الا يومين وبعدين خذاها .. تخيلوا من يوم تزوجت حتى السفر ما سافرت الا للمدينه المنورة يومين وارجعت وراح عند اهله زوجها وقعدت .. عندهم اسبوع و جلست بالمجلس حقهم ماعنده غرفه وتخيلوا ماشاءالله البيت مليان من خواته وأخوانه .. حتى ماتقدر تطلع ولا راحوا ولا جو بعدين سافرت للرياض هو شغله هناك .. ومن يوم جت لقت الشقة مرة وسخة والبيت ابد مو كامل وقعدت تنظف وترتب وحالته حاله من غير احد وهي كانت تعبانه مرة .. وبعد كم يوم بس جت امه واخته واولادها واخوه .. والبيت اصلا صغير ما يتحمل وهي لسه عروس..

وقعدت تطبخ وتطبخ .. لهم وترتب وتغسل لهم وهي بعد عندها جامعه وماتطلع الا الساعه اربع العصر ..
وقعدوا اسبوع .. عندهم ..

والله انها ما ارتاحت ابد .. طول الثلاثه شهور وهو بس عزايم وهذا داخل وهذا طالع عليهم تقول متت تعبت .. من الكرف حسافه بس اهتمامي .. قبل العرس راح بس كذا بسبه الكرف..

والحين يوم جت عطلت الحج .. قال خلاص تروحين لأهلك وتقعدين كل العطلة .. الأسبوعين

وجلست يومين عندنا .. وبعدها كلمها وقال الحين تجين على اقرب طيارة ولحالها تخيلوا ..

أمي جت للرياض وتبي تسوي عمليه ابيك تجين تصيرين مرافقة معها .. وهي عنده بنات
وابيك تجين تطبخين .. لها وتجلسين معها بالمستشفى ..

وقالت بشرط بالعيد ترجعني قال خلاص ولا يهمك ..

وعلى طول ابوي حجزلها وراحت له .. واليوم يوم عرفه .. دقينا عليها قلنا هاه متى تبين نطلع نأخذك
من المطار .. قالت مو اليوم يقول بكرا .. الصبح ..

وبكرا العيد .. قالت امي ماهي مشكله وحنا ميتين عليها من زمان عنها وحتى والله المكالمات مانكلمها
زين من كثر ماهي مشغوله .. وباليومين الي جت فيهم كله راح نوم تقول ابي ارتاح .. بعدين نسولف ونجلس مع بعض ..


وقبل شوي امي كلمت عليه .. قالت له .. هاه متى تبغانا نطلع نجيبها من المطار .. قال شوي واكلم

وقبل شوي ارسلت اختي رساله تقول لامي وش قلتي له منتفخ وزعلان .. وحتى مايكلمني ..

وصارت سوالف وش كبره علشان امي كلمت عليه .. لا ن امي اذا سألت اختي قالت ما ادري عنه .
ماقال شيء .. وامي تبي تحطه بالأمر الواقع ..


آآه بس .. هي مرة تعبانه نفسيا من جلسه المستشفى والضغط الله يعينها وش رايكم من اللي معه الحق ..

وهو بعد ترى كذا مره كذب علينا .. ايام الملكة قال وقال وقال لاتخافون بس يوم تزوج طلع له وجهه
ثاني الله يعين بس .. ََ






​
 
بسم الله الرحمن الرحيم
لا تكبرونها بنتكم وتحبونها وتخافون عليها حطولها خادمه ولا انصحوها تشور على رجلها تحط خادمه

انتوا لا تكبرون المشاكل- اجعلوا الامور من بينكم والمرة سارت لرجلها وهي لسه ماتعرف تتصرف معاه لأنه توها طالعه من بيت ريلها صارلها 3 شهور
امه في المستشفى يعني قدرو الريال عليه ضغوطات وشغل وانصحوا بنتكم تتواصل معاه وتفهم منه هو شو يبا منها

اكيد هو محتاج منها التقدير والرعاية.

فكري حبيبتي الوضع الآن ليس للحكم وبنتكم راح اتشوفونها بأمر الله لكن تجعوا رغبتكم برؤيتها تحطم حياتها مع زوجها

ارضوا بالواقع وليش يعني انتوا ما تكلمونها نادر يعني التكنلوجيا جعت التواصل سهل ومعليش انتي تقولي تعبانه ومش مرتاحة الاجر وين من كل هذا كذا في البداية وعدين راح تكون الاوضاع اكثر استقرارا

وهذا يوم عرفة ادعولها ولعمتها والله يوفقها


والان هدوو الاوضاء ورجاءا ما تتدخلوا في حياتهم لامن قريب ولا من بعيد هي لسه عروس وما استقرت اوضاعها ولا تدخلوا الشيطان عليهم
 
ماعليش اختي على ردي - بس اللي هذا اوله ينعاف تاليه - من البدايه خلي اختك تتخذ موقف وتبين اللي لها واللي عليها - الله يعينها
 
الله يعينها يارب قسم باالله موب حاله صراحه لاتسكتون كذا تعب عليها وشذا هي تزوجته ولا تزوجت اهله انصحكم تكلمونه يغير الشقه ويبعد عنهم احسن والزيارات مو دايم وشذا الحكرة ذي حتى في بيتها ماترتاح وشذا العائله قسم بالله ارتفع ظغطي والله يعينها
 
الله يعينها بس انتو لاتضغطواعليها هي مسكينه مابيدهاشئ
 
الله يعينها ودايم الرجال في الملكة كلام في كلام ما في تنفيذ وبعد الزواج يطلع المستخبي
 
::

الله يفرج همها ويعينها..

حسبنا الله على كل ظالم وبس..
 
ياحياتي انتم والله ماقصرتم ..
وكل اللي قلتوه صح .. وانا قلتلها قولي بس ابي ارتاح بس هالاسبوع قبل الجامعه وقبل عمتها تطلع من
المستشفى ويبدون الضيوف يستهلون عليها .. علشنا عمتها طلعت من المستشفى

والمكالمات احنا نكلمها بس مو دايم لانها دايم مشغوله واذا جلست تكلمنا شوي وتقفل

اقولكم بس امي قالت لزوجها .. بس ابي اشوف متى الطيارة .. وزعل قال ليش اهلك يدخلون بحايتنا ..

والله اني رحمتها .. هي تبي تنجن ودها تجي وترتاح عندنا .. بس ما تدري شلون .. تقوله وهي لسه صغيرة عمرها 19.. سنة ..


الله يعين بس ..
 
الله يعينها شكل هذا شهر العسل الله يصبرها لو انا منها اكلمه اقوله مو كذا العيشه والله حرام

حسبنا الله ونعم الوكيل الرجال ابد ما يتغيرو الله الكافي
 
شوووفوا يا بنات وااااااااااااااضح من ردودكم انكم باقي عزابياااااااااات

ترى ما في الوضع شي كايد عشان تتحاملون كذا

خلاص هي مو ببيت ابوها وعندها اخوات يتقاسمون الشغل بينهم

واضح انها اول بنت تتزوج عندكم

عشان كذا انتوا متشفقين عليها بقوه ,,,,,,,,,,,, وامك مكالمتها لزوج بنتها غلط ان تبي تستفسر او تتأكد تتصل على بنتها ,,,, وان ما عندها خبر فتكلم زوجها ,,,,,,,, مش امك اللي تكلمه هي ما لها كلام الا مع بنتها

انا بأيد البنات في سالفة _اللي هذا اوله ينعاف تاليه_اذا زوجها مثل الخاتم بايد امه واهله
بس واضح ان زوجها اراءه وقراراته من رااااااسه

اذا هي ملت من وضعها وشايفه انها ما تقدر تستحمل

تحاول انها تستعطف زوجها وتكلمكه وتشرح له,,,,,,,,,,,,

وتذكري انه ماله غنى عن اهله,,,,,,,,,,,, والزوجه بدالها زوجه

والله يوفق الجميع
ويعينها,,,,,,,,

تحياتي,,,,,,,,,,,,,
 
أنا والله ماقلت شيء بس طيب معقوله خلاص مالنا حق فيها يعني خذاها زوجها خلاص ننساها
موب كيفيه .. لازم على الاقل نشوفها لو مده اسبوع لانه من غير شر ماراح نشوفها الا وقت العطل وزين بعد اذا شفنها
اذا كانت هذي اول عطله سوى كذا اجل بعدين يبي يقول انطقي .. مافيه اهل

بعدين امي ماقلت له شيء لانه اختي يوم كلمته امي قالت ما ادري متى كل يوم يقول بكرا علشان كذا امي كلمت عليه
تبي تتأكد ..

اصلا لو هو قايل خلاص ماهي جايه يمكن احسن بس ليه يأملها ويأملنا .. على انها تبي تجي ..

واليوم العيد .. مسوين لها حفله علشان اول مرة يشوفونها بعد زواجها عمامي واهلي

بس ما اظن انها راح تحظر .. لكن الله ييسر الأمر ..
 
دام عندها بنات ماله حق يطلبها ترافق مع امه او تقوم بخدمتها

الله يصبرها

والله لا يضيع لها تعب

اتركوا البنت تحل مشاكلها

وحدها

وان طلبت العون وقتها يتدخل ابوها
 
الله يعينها ..انا مع كلام الاخت ام سعود11.
 
الله يهديكم ويصلح حالكم

مقدره شوقكم وخوفكم على بنتكم

بس ترا هي ما صار لها شهرين وشوي متزوجه

وهو شكله يبي حطها على المحك

يشوف هي سنعه ولا لأ

وما شاء الله عليها الظاهر انها تبيض الوجه

لكن صبر وترا كل الوحدة ما بينت لزوجها لهفتها على شئ منعها

يعني لا تبين ملهوفه على السفر

وان شاء الله جايه إجازتين قبل الصيف يعني راح تشوفونها

وانتو زوجتوها تعرفون انها بتسكن بغير منطقتكم يعني الصبر

وماتضيق الا تفرج عليها بالدعاء والصبر

خلوها تتمسكن الين تمكن

احسن من تتفرعن ويصير مشاكل هي في غنى عنها

ولا وش رأيك تكتك
 
لا تسكت من أولها لازم تاخد موقف اذا سكتت من اواها خلاااااااااااااااص راحت عليها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل