وش رايكم بتجربه الطلاق والزواج مره ثانيه

[لونا.33]

السلام عليكم
بنات انا على وشك طلاق بعد عشره دامت ثلاث سنوات كل شي قضا وقدر وكل شي يجي من عندالله خير
بس اللي مضايقني كيف اعيش حياتي وحيده يعني بدون شريك
التفكير في حياتي الجايه مضايقني
وهل الحياه احلا لما اترك واحد نذل ما عرف قيمتي
وهل بالقى اللي يستاهلني ويكرمني
التفكير قطعني تشبثت في زوجي لعل الحياه تكون احسن
بسسسسس الله ما كتب وهو مايستاهل
المشكله انا ما اقدر اتخيل اتزوج من متزوج او كبير في السن
يعني ما ابي اقل من شاب
بس اللمجتمع ونظرته للمطلقه تخوف
ابي لما يجي طلاقي يجي وانا متقبلته ما ابي انصدم
عطوني كلام يريحني من خوفي من الطلاق
الله ينور لكم ريحوني

 

[سديم العنزي]

حبيبتي ليش فكرتي بالطلاق ..

حاولتي تحلين مشاكلك مع زوجك بطريقة ثانية ..

وهل عندك اطفال ولا لا ؟

خلي الطلاق اخر الحلول .. واستخيري قبل كل والله كاتبه ربنا لك بيصير

انا مطلقة بكر .. مع اني انا اللي كنت طالبة الطلاق الا انها تجربة مُره ..

تقدموا لي 3 بعد طلاقي بس خلاص النفس طابت ..

فكري بالموضوع وادرسيه من كل النواحي

وربي يوفقك للي فيه الخير

 

[تعبت نفسيتي]

اولا :تراني مو متزوجه بس ماحبيت ادخل وماديك كلمتين وادعيبلك
الله يعوضك يارب
وماعليك من كلآم النااس والله لو نمشي ورى كلام النااس كان رحنا فيهاا ياقلبي انا وبعدين ايش عرفك ممكن يجيك واحد يعووضك عن كل الي فااات والله يوفقك ويستر عليك...​

 

[شموخ ذآتي]

الطلاق صعب خاصة لما يكون في اطفال<<ما ابي اخوفك لكن الحقيقة مره

انا زيك افكر بالطلاق كثيييييييييييييييييييييييييييييييييييييييييييييييير..
لكن اتراجع ..
قبل انجب طفلي لأني راح اكون في وضع صعب وراح اتزوج من متزوج
الآن وضعي اصعب لأن لدي طفل وطلاقي من زوجي يمكن خسارتي له سواء الآن او بعدين لما اتزوج..
وراح يضيع طفلي...

فأخترت اصلاح زوجي...لأن الأصلاح ارحم من الطلاق ادري انها تجربه صعبة لكن ربي يعين...

بسألك لك اطفال؟

 

[قلبي مملكة بنتي]

اقول وسعي صدرك والله سبخانه ما ينسى عبده والله ثم والله يوم تطلقت ان الدنيا سودة بوجهي وتعبت نفسيتي كثير ومرضت نفسيا بس بالدعاء والصلاة ربي يحل كا امورك انا مطلقه وعندي بنت وكنت ونعم الزوجه بس الرجال هالوقت ما ينفع لهم الا وحده قوية المهم لمن تطلقت رفضت فكرة الزواج لاني مثلك ما ابي واحدمتزوج لاني وبكل صراحة مو حقت مشاكل ومو قوية والحمدلله تقدم لي واحدمطلق وما عنده عيال لا وازيدك من الشعر بيت ولدعمي طليقي يعني حتى بنتي ما راح تروح بعيد انتي بس توكلي على الله سبحانه واستغفري بنية ان الله يصلح حالك واتركي الباقي عليه

 

[ضيعتني ياابوي]

غلااتي بقوولك شغله حطيها ببالك ترى كلام الناس لايودي ولايجيب ولايقدم ولايأخر انت شعليك منهم انتي مو مجبوره تعيشين بتعاسه على حساب كلام الناس حطي ببالك انك تدورين على اللي يريحك انتي مو اللي يريح الناس اذا والله بنحط ببالنا كلام الناس وش قالو وايش ماقالو وخايفه لايقولون وبقعد تعيسه ونفسيتي زفت عشانه خايفه من كلامهم عزالله عينا خير شوفيني حبيبتي انا اقولها لك من واقع تجربه انا مالي فتره بسيطه منفصله من زوجي ومع ذلك ماحطيت ببالي كلام الناس لانهم بيحكون اليوم مصيرهم بكرا بيسكتون واذا حكوا عاادي اقلها اكسب حسنات من ورا كلامهم واذا على قولتك خايفه تتزوجين واحد كبير بالسن حطي ببالك انه هذا شي بيد رب العالمين يمكن تاخذين احسن من زوجك الاولاني الف مرره والله اعرف لك حرمتين من وحده عندها 5 عيال وتزوجت شاب واصغر منها بعد ومااشين ماشالله بحياتهم ومرتاحين وعسل مع بعض والثانيه تطلقت وتزوجت شاب وتطلقت منه مره ثانيه وتزوجت بعد شاب كل اللي تزوجتهم عقب طلاقها شباب مو متزوجين ولا مطلقين .. حبيبتي اذا ربي كاتب لك نصيب مع واحد شاب صدقيني بتتزوجينه وهذي الدنيا يوم لك ويوم عليك ودوام الحال من المحال الله يكتب لك اللي فيه الخير ويوفقك دنيا واخره ويرزقنا ويسخر لنا ياارب

 

[عفااااري]

الله يسهل عليج

الاستخارة افضل حل

 

[أنامل سحرية]

حبيبتي لونا.33
والله كل شي من الله مقسوم
أخوي ماخلص 29 سنه شاب مابعد تزوج
فاجأنا بيوم إن واحد من أصحابه مدح في أخلاق ناس وإن عندهم بنت مطلقة وعندهابنت
تخيلي راح أخوي مع زوجي بدون ماأدري وقال لأبوها بشوفها(نظرة شرعية)
ويوم شافها انخرش بنت زي القمر ماشاء الله عمرها23 سنة بس النصيب
وانهبل قال مابي إلا هي وحط أهلي أمام الأمر الواقع ورغم معارضتنا وأمي تقول ياولدي خذ إختها كان لها اخت أصغر ما أعرست
قال لواختها أحلى أنا مابي غيرها
وسبحان الله يوم زرنا أهلها حبيناهم وخشت البنت مزاجنا وارتحنالها
ووالله كان زواجه أيسر زواج من أخواني ماشاء الله
وسبحان الله حتى ماتعبنا بالتجهيز أبد
وهي أروع حريم أخواني
فياليت إللي تنقفل الحياة بوجهها من زوجها ماتفكر تفكيرك
لأن كل شي قسمة ونصيب والحريم ماينباعون تمليك لأول زوج
---> معليش على التشبيه إحنا أرقى من كذا
وياحياة كريمة مع زوجي
ولاّ بيت أهلي أكرملي
وسلامتك​

 

[شموخ ذآتي]

معكم حق لنبحث عن حياتنا السعيدة وبكرامتنا...

وشيء يدعو للتفائل ان الوحده تتتزوج شاب<<شجعتوني خخخخخخخخخ

لكن <<جاء التشاؤم
يبقون الأطفال امر محير؟

 

[تؤام روحي وقلبي]

الله يكتب اللي فيه خير

 

[أنامل سحرية]

طب يااختي لونا.33 ويااختي شموخ ذآتي
بأزيدكم من الشعر بيت
ماشاء الله بنت حرمة أخويه من زوجها الأول جلست شهر العسل عند ستها يعني جدتها أم أمها
وبعدين ألحين هي عند أمها (زوجة أخوية)
ووالله الذي لا إله إلا هو إن أخويه يعاملها بحنان وكلنا نحبها
كأنها بنت أخويه
ويقولها بنتي وهي تناديه بابا عمرها 3سنين ألحين مع العلم لما تزوج أخويه أمها كانت مابعد خلصت السنة
وألحين ربي رزقه ولد والإثنين البنت والولد متربين مع بعض
وأخوي مدلعها آخر دلع شغالة وطلعات وحركاااات ماشاء الله
لا وحاجزين على ماليزيا بيروحولها هاليومين
الله لايضرهم
ربي عوضها بزوج حنون لأنها حيل طيوبه وتستاهل كل خير الصراحة
يارب يعوض كل وحده مقهورة من زوجها يااااارب
خلونا نرفع شعار:
يا حياة كريمة مع زوجي أو عند اهلي على أمل أكرملي
خخخخخخخخخخ
وسلامتكم​

 

[ضيعتني ياابوي]

شموخ ذاتي ليكون بعد انتي ناويه تتطلقيين ههههههههههههههههههههههه الضاهر المنتدى شكله بيكون كله مطلقاات خخخخخخخخخخخخ اقوول اعقلي بس يااعمري والله الاطفال هم الضحايا صادقه بهذي والله كل ماتذكرت اني كنت ضحية طلاق وولدي نفس الشي تخنقني العبره بس المكتوب ماعنه هروب الله يسخر لنا بس ويرزقنا

 

[ضيعتني ياابوي]

ياحياه كريمه مع زوجي او عند اهلي اكرملي أناامل سحريه تدرين عجبتني العباره شرايكم نسوي مضاهره بالمنتدى هههههههههههههههه المشكله النااس تسبق الاحداث وتقول وتخاف ومادري شنو لكن ماافكرو بشي اهم من هذا كله ؟؟ اللي هو القدر والنصيب وين يكون ومع من؟ ربما طلاقي خيره لي وعسى ان تكرهوا شيئا فهو خير لكم والله يابنات اقولها لكم قبل طلاقي بايام كنت اسمع كلمااااااات قمة في التجريح ومن ميين من اقرب النااس لي لكن الحمدالله احاول اضهر اني قوويه وهالكلام مايهزني دامني بريح بالي وش علي من كلامهم لكن من داخلي ماكذب عليكم كنت اتألم كثييييييير واكتم بصدري واحيان اروح غرفتي ابكي من القهر لكن الحمدالله احاول ماابين ضعفي ابين لهم العكس وانه مو انا اللي رجال يكسرني حتى لو قالو انتي حرمه وضعيفه بنااااات لاتنسسون دعااء الثلث الاخير من الليل والله يريح النفس كثير ويعطيك تفاائل وراحه بالحياة والله يسعدكم جميعا ويسخر لنا ياارب ويفرج عنا همومنا وكرباتنا عاجلا غير اجلاااا

 

[hadifa]

حبيبتي لونا.33​

والله كل شي من الله مقسوم
أخوي ماخلص 29 سنه شاب مابعد تزوج
فاجأنا بيوم إن واحد من أصحابه مدح في أخلاق ناس وإن عندهم بنت مطلقة وعندهابنت
تخيلي راح أخوي مع زوجي بدون ماأدري وقال لأبوها بشوفها(نظرة شرعية)
ويوم شافها انخرش بنت زي القمر ماشاء الله عمرها23 سنة بس النصيب
وانهبل قال مابي إلا هي وحط أهلي أمام الأمر الواقع ورغم معارضتنا وأمي تقول ياولدي خذ إختها كان لها اخت أصغر ما أعرست
قال لواختها أحلى أنا مابي غيرها
وسبحان الله يوم زرنا أهلها حبيناهم وخشت البنت مزاجنا وارتحنالها
ووالله كان زواجه أيسر زواج من أخواني ماشاء الله
وسبحان الله حتى ماتعبنا بالتجهيز أبد
وهي أروع حريم أخواني
فياليت إللي تنقفل الحياة بوجهها من زوجها ماتفكر تفكيرك
لأن كل شي قسمة ونصيب والحريم ماينباعون تمليك لأول زوج
---> معليش على التشبيه إحنا أرقى من كذا
وياحياة كريمة مع زوجي
ولاّ بيت أهلي أكرملي

وسلامتك​

ماشاء الله ردك يزرع الأمل في النفوس

 

[شموخ ذآتي]

انامل سحرية
مراحب قلبي كلامك بالمررررره مشجع ومطمئن...
لكن بالنسبة لي صعب زوجي يترك طفلي معي اذا تزوجت والمشكله وقتها ما اقدر اطالب فيه شرعا..

ضيعتني يابوي
هلابك حبيبتي..
هو بس لقبك بس يدل على حرمانك..
وتلاقي طفلي اذا كبر بيكتب ضيعتيني يا امي ...
دائما اعزم على الطلاق وبالأخير ارجع ...
ونقطة ضعفي طفلي..
ربك يفرجها

 

[لونا.33]

مشكورين على الردود والله رفعتوا معنوياتي كثير
انا عندي بنت
وموهي اللي خوفني من الطلاق
لان اللي خلقها يحفظها

 

[ديالا2]

حطي في بالك انه كل شي يجي من رب العالمين هو خير بس ليش ووين الله أعلم وخليكي قويه الطلاق مو نهاية العالم يمكن انك تعيشي لوحدك أرحم من العيشة مع واحد كنتي متعذبه معاه
ويمكن يجيكي ألف عله ومرض من المعاناة اليوميه والقهر

 

[لونا.33]

شموخ انثى
لا تحطين ولدك هو العقبه
انظري لحياتك هل بتمشي مع هذا الانسان
ترا حطيت بنتي العقبه من اول ما حملتها وهي باقي شهر
في بطني
وفي النهايه بعد سنتين
اقتنعت ان العيشه معه لا تطاق
وطقيت وكنت خايف لا ياخذ بنتي
تخيلي قلت له خذ بنتك قال لا

 

[شموخ ذآتي]

ديالا2

وربي معك حق...

ولولا طفلي كان قد اتحررت منذ زمن جدتي

 

[شموخ ذآتي]

طيب بنتك راح تكون معك؟ماراح يطالبك فيها؟ واذا تزوجتي مة ثانية ماراح ياخذها منك؟

انا حياتي صعبة مع زوجي...
لكن انا الآن بحاول اصلح الحال كله علشان طفلي...
اذا ما اصطلح الحال برحل وباخذ طفلي حضانه لي ...
ولو تقدم لي شخص مناسب راح اوافق ولو ما انكتب لي زواج ...راح تكون حضانة طفلي لي..

لي سنتين زواج وراح اعطية سنة ثالثة اذا ماتعدل الوضع فراحتي وسعادتي اهم واغلى...