وش رايكم ابي اعرف وش يحس فيه؟

[غربيه شماليه]

السلام عليكم
خواتي مساء الخير عليكم
عندي اللي بقوله لكم وابي رايكم فيه
انا من تزوجت وانا من سالفه لسالفه مع زوجي بسبب خواته
لين الله اكرمني وطلعنا عنهم من شهر 11 اللي فات ومن ذاك الوقت الى اللحين وانا الحمدلله مريحه راسي انا وزوجي من المشاكل

بس قبل كم يوم اكتشفت ان اخته عند اهلها لها تقريبا3 شهور زعلانه مع رجالها
طبعا اللي علمني عمتي باعتبار ان الناس كلها داريه عن اللي صاير

انا سكتت وما بينت لها اني ما أدري حسيت فشله كل ما صار شي اطلع انا اللي ما دريت
حتى الناس بتشك في على بالهم اكذب

انا لقيت بجواله قبل فتره رساله من الرجال يبي يشوفه عشان يحلون المشكله بس انا ما اهتميت

انا اللحين ابي اعرف اللي عندي ورا ما علمني يعني كل الناس عادي وانا اللي غريبه
يعني لهالدرجه انا مو كفو يعلمني ولا ايش؟

 

[نضوج أنثى]

لا تكبرين الموضوع في رجال مايحبون يتكلمون عن مشاكل اهلهم وبعدين مو خبر حلو هو عشان يقولك حتى انتي اتعلمي ماتقولين له كل شي عن اهلك السالفه كلها مو عدم ثقه بس فيه ناس كذا ماتحب تتكلم

 

[دلع قلبه]

الله يهديك ويفتح على قلبك
انتي طلعتي من عندهم عشان تفتكين من المشاكل تقوم تدورينها بنفسك
سبحان الله!!!
فعلا اللي ماينشغل بالمعالي ينشغل بالتوافه
عزيزتي اذا كانت صايره مشكله بينك وبين زوجك
ودك كل حريم اخوانك يدرون وخصوصا اللي كان بينكم وبينهم مشاكل!!
جوابي بصدق على هالسؤال بينك وبين نفسك
مشاكلهم تخصهم وش لك فيها لها الدرجه محتاجه توجعين راسك؟؟
واذا قصدك ان زوجك مخفي الامر فرجال غير عن تفكيرنا هو اكيد مايبغى يزعجك بمشاكل اهله ومن حقه يحتفظ بمشاكلهم الخاصه
مثل ماانتي تحتفظين بمشاكل اهلك وماتبيني لزوجك وتبيني ان اهلك متفاهمين وحياتهم مريحه..
نصيحه لوجه الله لا اريد بها جزاء ولاشكورا
حياتك مع زوجك لا تعلقينها بسالفة انه قالك عن اهله ولا ماقالك
خلاص انتي افتكيتي من اهله ريحي مخك واشغليه بالمفيد والتطوير
ودعي الخلق للخالق
لاتخلقين مشكله وزعل ونكد عشان ماقالي وماقلت له...
الله يهديك ويفتح بصيرتك..

 

[غربيه شماليه]

السالفه اللي صايره كبيره بمعنى الكلمه
يعني اقلها لو معلومه ان اختي زعلانه
انا معك انها ما هي بشاره بس والله انه يقهر
مفشلني عند الناس كل ما قالوا شي قلت ما دريت ولما اقوله ولا يجي له طاري يقول ايه من زمان!!!!
يسطح

 

[دلع الحوريه]

أختي لا تهتمي بهذي لامور وبعدين لا تنسي انك كنت ع مشاكل مع خواته واكيد هو يقول بنفسه يمكن ماتحب تسمع مشاكلهن ولا يمكن تشمت بخواتي ولا ولا ولا ويمكن زي ماقلت اختي الرجال مايحب يتكلم بمشاكل اهله زيك انتي اكيد ماتحبي تقولي مشاكل اهلك عند زوجك >>>>يعني خليك بحالك وريحي راسك وحمدي ربك انك ارتحتي بيت لوحدك .
ولله يوفقك ويديم السعاده بينكم يارب

 

[غربيه شماليه]

مدري ليش انتن فهمتني غلط
يعني من المحبه اللي ذابحتني ابغى اعرف علومهم
لا وعلى طوول الاستهزاء >اللي ما ينشغل بالمعالي ينشغل بالتوافه
والله لو يشبون بانفسهم ما هموني

لكن كلامي اذا مبهم اوضحه
الكلام على الرجال الاخبار والعلوم ما تطلع
و عند الناس اشووفه بعيني سواليف وعلوم واو اعلم احد ما يصدق فيه
عندي زي الجدار وبرا غير

وكل هالكلام مو لازم المفروض ان كلامي واضح من البدايه

 

[الـخزآمى]

عادي يالغاليه عندك وعندي خير اقول ريحي راسك ولاتهتمين...انا مادري عن شي وكل حريم اخوانه يعرفون كل شي الصغيره قبل الكبيره حتى الاغراب يعرفون وانا لا...ومطنشه والله شاريه راحت بالي

 

[الدنيادين وسداد]

اهلين اختي
ليش تقولين فشله اذا مادريتي عن السالفه وغيرك درى يعني قصدك بيقولون الناسرجلها مايقول لها شيءخلهم يقولون كذا احسن وبعيد عن العين
ثانيا والله لو انا ادري عن اي مشكله سواء لاحد من خوات زوجي اوغيرهم واي احد يسألني اقول لا مادريت وش استفيد اذا قلت ايه ادري
الله يصلح الحال

 

[غربيه شماليه]

وبعدين برد على دلع قلبه يو تقول جاوبي على السوال
اللحين كل الناس داريه بسالفتهم
حبكت علي انا ؟

وبعدين على قولتك اذا بيني وبينه مشكله ما ودي حريم اخواني يدرون>>والله اهم شي عندي تنحل المشكله
اصلاًُ حزتها ماني فاضيه افكر بالناس من درا عني ومن ما درا

انتن مسكتن السالفه عشانها على اهله يعني كني ادور المشكله

انا اتكلم على سلوك الرجال في اي شي يواجهه مو على نفس المشكله اللي صايره

اتمنى تكون وصلت الفكره

 

[-موج-]

لا تغثين نفسك...خلي زوجك على ماهو لان اكثر الرجال بهذا الحال,ولا تهتمين..لان اذا قلتي اي كلمه يمكن تنحسب ضدك..فاستمتعي بحياتك وادعي ان تكون حياتك مريحه وهذا المهم..اهل الزوج غالبا يجي منهم وجع الراااااس...

 

[ღ لحن الحياة ღ]

عذراااا !!!

غريبة أختي

مالفائدة بعلمك للموضوع ؟؟؟

ترفعن عن توافه الأمــور

أخبرك كان بها ما أخبرك لاتستدعي مشكلـة

هذه أمور أهله وهو حر بهــا ,,,

وان كنت لن تتقبلي آراء الأخوات فلماذا كتبتِ أستشارتك ؟؟

هداك الله

​

 

[خارج السرب]

يالله بقووووولك هالكلمتين واتمنى اتمنى ماتزعلين مني

الحين انتي وش اللي تحسين فيه

يعني النااااس هذولا ماتحبينهم ولا يهموووونك فااكيد مايهمك اخبارهم خير شر >> اكييييد الا اذا لك مقاااصد ثانيه >> ماادخل بالنوااايا

واذا على زوجك هو مو طفل عندك يعني اذا ماكسبتي ثقته واحترامك عنده من الاساااس لاتلوووميه اذا خبى عليك
يعني اكيد فيه شي خلاه مايعلمك بشي >>> ممكن تطلعين سوالفه او انه مايثق فيك او مايحب يسولفلك لعله موجوده فيك >>>لان الانسان لما يثق ويرتااااح اللي قدااامه يقوول اللي بصدره كله بدون حتى سؤال

وفيه شي مهم من حسن اسلام المرء ترك مالايعنيه
يعني هالاخبار ماتعنيك لا تزعلي لانها ماقيلت لك

وفيه بعد شي زوجك شخص عاقل بالغ حر
مو كل سالفه ليه ماعلمتني وليه ماادري وشو

وفيه شي بعد >>> ياكثر الاشياااااء

احلفي انك تعلميه بكل شي يخصك ويخص اهلك وصديقاااتك ومن هالكلام >>> اكذب لاتحلفين ههههه بس شوفي نفسك

وفيه شي بعد اخيييير
يااااختي خفي على الرجااال شوووي
هاذي اخته ويعرف انك ماتحبيها
ويخاف انك تتشمتي فيها او ان اخته ماتبيك تعرفين وقالتله ماتقولك وهذا حقهاااااااا كااخت له انه يحفظ اسراراهااا
مثل ماانتي توصينه ليل نهااار مايطلع اخباااارك لاخواته واهله
وترى حنا دافنينه سوى ههههههههههههه >>> يعني كلنا يالزوووجات مانحب اخبارنا تروح لاخوات الزوج خصيصآ وهذا حق من حقوقنا
ليه هن بعد مالهن حق فهالشي

وسلامتكم >>> تبلع ريقهااااا

لاتزعلين يااختي احيااان لازم تعرفين اشياء ماتحبينها بس بتساااعدك بعدين

 

[خارج السرب]

اممممم

مو كلمتين اللي فوووق

مجلد كامل ههههههههههه

احسن حاااجه فيني مااحس بنفسي اذا كتبت من قلب عشان لو احس ماطلعت اللي بخاطري ههههههه

 

[اتعبني هواك]

ياحياتي بكيفهم اهم وبنتهم معهم وش لك بوجع الرآس
بكره لويصير شي بيقولون ايه تتفرح ببنتنا ومابقى احد ماعلمته الا احسن خلك
كذا واللي يسأل قولي علمي علمكم وتوني ادري منكم انها زعلانه
والله يصلح مابينهم إن شالله وبس اسكتي لكن انك تقولين له ورى ماقلتلي ان اختك بينها مشكله اهي وزوجها مهماًكان حجمها اشوف انها موحلوه يعني موخبر يفرح علشان يقولك انتي بنفسك تقولين انها مشكله كبيره طيب يمكن مفتشل الرجال ولايبي يتكلم خلاص سوي نفسك موداريه عن شي وبس..

 

[كوب نسكافه]

ياقلبي لاتزعلي ولاتعصبي
هما كذا الرجال00

بس انتي شكلك ياقمر تعلمين زوجك بكل شي00
عشان كذا زعلتي عليه00
تبغينه يعاملك نفس الشي

 

[صمت وخجل]

لا تغثين نفسك...خلي زوجك على ماهو لان اكثر الرجال بهذا الحال,ولا تهتمين..لان اذا قلتي اي كلمه يمكن تنحسب ضدك..فاستمتعي بحياتك وادعي ان تكون حياتك مريحه وهذا المهم..اهل الزوج غالبا يجي منهم وجع الراااااس...

 

[غربيه شماليه]

اولا افهموا الموضوع بعدين ردوا
وسالفة ما اتقبل الاراء انا ما كتبت الا عشان اعرف رايهم لانه يهمني
وبعدين اختي خارج السرب
سالفة اني احلفه ما يعلم احد ذي ما عمري سويتها ولا اظن اني بسويها

مع انه يسوي حركات ما لها داعي
وصلت انه يعلم اهله وقت حملي انا وش بجيب
يعني فيه انتهاك للخصوصيه اكثر من كذا

بس اللحين انا لهالدرجه ما وصلت لكم الفكره للحين
ما ادري متى تجي اللي تفهمني وتفهم وش اقصد

 

[خارج السرب]

طيب
انا اسفه اذا فهمتك غلط
يالله انا معك للاخر
وترى اذا انتي ماتقوليله لاتعلم احد
يمكن غيرك يقوله لاتعلم احد

وانا معك بسمعك للاخرررر بس لاتعصبين ولا تستعجلي بالتفكير

 

[rawiah]

لاتشغلين نفسك بتوافه الاموووووووور

مااشوف انها مشكله انك مادريتي عادي جدا

ولاتروحين تسالينه عن اخته كانك مادريتي روقي المتقا

مصيره يقولك

 

[غربيه شماليه]

هههههههههههههه
اعجبتني انا معك للاخير
بس انا كلامي واضح انتي حطي نفسك بمكاني سالفه تخصه وكبيره ولها 3شهور وهو يدخل ويطلع عاادي ولا كن فيه شي وبعدين تكتشفين اللي صاير وش يتكون ردة فعلك
وش بتحسين فيه ؟
وانتي زوجته كل يوم بوجهك وانتي بوجهه
وعلى كلمة( انتي تقولين له كل شي عشان كذا تبغينه زيك)
احس انا مالها دخل بالسالفه
انا ماقلت اقول ولا ما اقول
اذا كل الناس يسولف معهم وعايش معهم طبيعي
وانتي لا
لا يقولك ولا يعلمك
يسافر +ويطلع مع العيال ولا يقولك
<مره صارت عزيمه كبيره بمناسبة جية عمي من المانيا كان يتعالج كل الناس جو
هو مر جدتي بالبيت وقالتله تجون قال طيب
جدتي وعماتي على اساس العزيمه وصلت وهو جا للبيت ولبس وطلع وانا علمي علمكم
من البكره دقت علي امي وسالتني ليش ما جيت وقلت لها اني ما دريت
والله ما صدقتني وجدتي زعلت علي تقول لو انه عرس رحتي تركضين لكن عمك المريض بالطقاق>
حطي نفسك بمكاني وجاوبي
وعلى فكره
والله بسبة ذا الموضوع جدتي زعلت علي 6 شهور اجيها ما تكلمني