اهلآ يا ام الشيخ الصغير
آن شاء الله تستفيدي من المعلومات اللي اقول ايها .. انا زرت سيرلانكا مرتين الصيف اللي فات والللي قبله
نبدأ اول شي في العاصمه كولمبو :
1) انا سكنت في فندق قلاداري يطل على المحيط الهندي تمآما صرآحه الفندق مرره ارتحنا فيه
2) وفي فندق تاني اسمه اعتقد سنمون الفندق مررره فخم ورائع وفيه سوبر ماركت ومطاعم ...خاصه مطعم ماكولات بحريه الجلسه فيه مررره قمه الروعه والروقان والاكل جدآ لذيذ
3) فيه شقق فندقيه اسمها قلوبل
وبالنسبه للاسواق هي ماشي حالها بس ح اقولك الجيده :
(اودل) فيه ماركت هذا ارقى شي عندهم هو شويه غاليه
وماجستك سيتي موول مناسب
وفيه (مون دي) برضو كويس يعتبر محل كبيير
والباقي تعبر اسعارها مناسبه ورخيصه وهي عباره عن محلات كبيره ( نو ليمت - هاوس اوف فاشن ـ فاشن بق- روما فور-)
وفي ملاهي تبعد عن كولمبو ساعه صراحه ما اتذكر اسمها
هذا بالنسبه للعاصمه كولمبو مافيها تمشيات وخرجات غير الاسواق
نجي للمنطقه الثانيه ( بنتــوته) قريبه من العاصمه
صراحه منطقه قمه الروعه هي منطقه ساحليه مافي تمشيات غير البحر لو سكنتي في ( بنتوته بيتش) تشوفي كل مناظر الطبيعه في مكان واحد الغرف تتطل على النهر والبحر وفيه الطبيعه الرائعه وممكن تاخذي قارب من هناك وتتمشي في النهر وح تشوفي مكان التقاء البحر والنهر سبحاان الله ..صراحه الغرف مررره نظيفه والمكان جدآآ رائع خصوصا لما نزل علينا المطر في الصباح تقريبا كن ينزل علينا يوم بعد يوم في الصباح وفي العصر والجوو هناك مناسب لا برد ولا حر
نصيحه ..(( اسكني في هذا المكان ولا تفكري تدوري غيرهـ قمة المتعه هناك))
لكن الاكل في بنتوته ما تلاقي بسهوله احنا كنا من نفس المكان اللي سكنا فيه في مطعم بيتزآآ كل يوم ناكله
والمنطقه الثالثه (( كاندي)
الطريق من كولمبو لكاندي ممتع جدآآ وانصحك تروحي لها بدري من الصباح عشان تتمتعي في الطريق ح تشوفي مناظر قمة الرووعه شي لا يخطر على بالك وح تشوفوا شلالات ونصيحه وقفوآ عند الشلالات احنا لعبنا عندها لما تعبنا شي جنااااان مستحيل تملي منه وفي الطريق فيه استراحات شاهي وقفنا وشربنا شاهي ولا في الخيال مع الكيك يم يم احنا وصلنا لكاندي متاخر شوي لانو كنا نوقف كثيير كل الاماكن روعه ماتتفوت لازم نوقف عندها ونتصور
نجي لنفس كاندي احنا سكنا في (hotel thilanka) المناظر اللي يطل عليها الفندق جدآآ رائعه هو وسط اشجار ومناظر روعه
في كاندي فيها الحديقه الملكيه مررره حلوه والجو هناك كان مناسب
والمنطق الرابعه والرائعه ( نوراليآ) اكثر منطقه حبيتها لاني احب الجوو الباااااااااارد والمطر
المطر كان يوميا والطبيعه تفقع العين هناك احنا رحنا من كاندي على نوراليآ
فيها حدائق منها حديقه الزهور
بس احنا ماخرجنا فيها كثيير لانه المكان اللي سكنا فيه لوحده يكفي الغرف صرآآحه ماكانت كويسه مآشي حالها بس الحديقه والجلسه قدآم الغرف تنسي العالم كله ما ندخل الغرفه غير وقت النووم وباقي الوقت جالسين برآآ الضباب كان يجي علينا واحنا جالسين لان المكان مرتفع اسم المكان (( تي بوووش))
وفيه فندق كبييير وفخم بس ما اعرف اسمه لو اخذتوا لكم سواق ح يدلكم على كل شي
بس الصرآآحه مافي مطاعم هناك ابدآ كويسه في مطعم اكلنا منه لانو حلال اسمه ميلانو ماشي حاله والباقي اعتمدنا ع السوبر ماركت
بالنسبه لكاندي ونوراليآ تكفي تجلسي فيها يومين بس لكل منطقه وحتى بنتوته
آن شاء الله اكووون ما قصرت معاكي وتستفيدي من المعلومات واذآ عند اي استفسآر انا بالخدمه
واتمنى لك رحلهـ سعيـــــــــــده وموفقه..
دعوآآآآتك لي بسفرهــ ممتعه هذه الاجازه...
............ وهمتكم يا بلقيسيات يا اخواتي:a194: ....
