الله ربي 17
New member
- إنضم
- 2011/06/01
- المشاركات
- 7
السلام عليكم اخواتي انا عندي مشكله وابغى لها حل ايجابي رجاء, انا زوجي مجنون تمشيات مع اصحابه طبعا يطلع اليومين والثلاث, في بداية زواجنا كنت ازعل ولا يهمه بعدين صرت اقوله انا ماعندي مشكله بس لاتزودها واعطنا حقنا ومشيت الموضوع وصبرت عشان عيالي, الوضع تطور صار يسافر خارج المدينه مع اصحابه واذا قلت ليه قال واحد يبغى يشتري سياره ويبغى مشورتي,ومره اصحابي بيسافرون وابغى اتمشى معهم ,المشكله اني في مدينه واهلي في مدينه يعني يضيق صدري اذا سافر وخلاني ,اخر مره قال بروح الرياض اشتري سياره قلت اروح معك ضايق صدري وابغى اغير جو رفض,على فكره هو عنده تذاكر مجانيه يعني مو خسران شي, قال انا ماني رايح اتمشى بروح اشوف السياره وافحصها لانها مستعمله قلت اذا صرت مشغول حطني عند اختي او اخويه رفض قال مابقطك على الناس صارو اخواني ناس , قلت: ولو يقول لك واحد من اصحابك بروح معك بتقول حياك الله قال بيني وبينك بيروح معي صاحبي فلان يبغى يشتري سياره والمشكله السفره الي قبلها كانت عشان يشترون لصاحبه هذا سياره, انا خايفه يتعود على الموضوع او يتطور لسفرات للخارج وش الحل ياصاحبات الرأي السديد ,الي بتقول متزوج وحده ثانيه والا رايح يصيع تحتفظ برأيها لنفسها ,بعدين زوجي مو حق حريم هو بس مجنون فله.
