وش الحل مع اخو زوجي؟؟؟؟؟؟؟

[ahla roza]

مشكلتي يا حبيباتي اني لمن اروح بيت اهل زوجي اخوه اللي اكبر منه واللي متزوج دايم يحاول يشوفني والله احيان ابكي من القهر مره ما يحترم احسه بالمره ما يستحي يدخل بدون يستأذن واذا طلع من قدام المطبخ مثلا لازم يرسل عيونه واخر مره تخيلوا لمن شافني انا انفجعت وقام يضحك والله ياني انقهرت وكنت اقول لزوجي بعدين يقولي لا عاد تطلعي من الغرفه وفكينا لكن كيف اروح ازورهم واتقفل في الغرفه وانا والله اعز امه وخواته واهم مره طيوبين بس اخوه اللي ما ابلعه والله اني اكره تصرفاته بشكل فضيع وفكرت اني اقول لخواته بس اهم اصغر مني واخاف يشيلون علي مو متزوجات ولا راح يفهموني وامه ياني استحي منها وزوجته مستحيل تصدق ولو اقول لها بأصير محل تريقه منها ومن زوجها دلوني وش اسوي والله اني صرت اكره اروح لهم بسببه وفي نفس الوقت ما ابغى زوجي واهله يزعلون مني اذا ما رحت عندهم وخاصه انهم مره يحبون بنتي انا محتاره تكفون الله يسعدكم دنيا واخره ساعدوني

 

[سحرالحياة]

مساالنورات ..

..



اذا باقي تقابلتوا وجه لوجه ، اعطيه تفوو محترم ، بدون ماتتفوهين بكلمة ،

حتى ما يطلع صوتك ^_* ، ولا أحد يحس إن في مشكلة ^_* وأخيراً مايقدر يقول لأهله ولا لزوجته شي لأنه أكيد عارف نفسه ^_* ...

سلاام

 

[daloo3aa]

البسي جلال <<< مثل شرشف الصلاة بس حق الحموله تلقبنه عند البياعات اللي يجلسن في الاسواق و كل ما طلعتي من الغرفه تغطي عشان تسترين نفسك ....

الله يستر علينا و عليك ... و احمدي ربك ع العافيه لانه هو و اشكاله مرضى ... الحمد لله ع العافية ...

 

[اجواااان]

ههههههههههه ضحكتيني حلوووه حركه تفوووووو بس حاولي تطلعيهااااا من قلب
عشان يحرم عنبو بليس هالبصباااااص

 

[ahla roza]

يسعدلي قلبك يا سحر الحياه والله اني فكرت فيها لكن للاسف خجوله لدرجه فضيعه ويمكن هذا اللي مخليه يتمادى حسبي الله عليه ونعم الوكيل

 

[ولدي اعز ماعندي]

الله يعينك حاولي انك اول ماتشوفيه يطالع فيكي
قولي كد عيب مايصير
او استحي على وجهك او اتقي الله
والله يكفيكي شره

 

[أحاسيس وطنية]

البسي عباية كتف واسعة

وشيلي الطرحة والنقاب في الغرفة

واختاري مكان بعيد عن الباب او صاد عنه

اذا طلعتي من الغرفة البسي الطرحة والنقاب

كذا احنا اذا زرنا الحمولة صعب ادور في بيتهم وفية عيالهم واللي جاي يزور والديه

وانتبهي تفتحي سيرة لاي احد منهم

بياخذوا منك موقف ويكونوا مع ولدهم طبيعي ضدك

انتبهي

 

[يافعيه]

طنشيه وكانك مو شيفاه الله يحميك من شره ولقدك رايحه عند اهل زوجك استودعي الله نفسك ان يحفضها من كل شر

 

[كلي غنج~]

لو انا مكانك بخلي علي عباتي او بخصص لي عباه مريحه مثل عباة الكتف والغطا علي ...

مو لازم اكشح ويشوفون لبسي...
اهم شئ بعض الناس مايشوفوني واكون متستره

ولا تقولين لاحد ابعدي عن المشاكل ولا يصير لك موقف ...

 

[اخر ايامي]

صايرة معي لكن مع اخو زوجي الصغير مو متزوج لكن انا اجلس بعبايتي او بجلال الصلاة واحاول اتفاداه وماعمري قلت لزوجي شي اخاف اخرب بينهم او تجي على راسي انا اعتبره مثل اخوي لانه اصغر مني 4 سنوات وادري مراهق
لازم تكوني محتشمه وشيلتك على كتفك حتى على طول تتغطي
لكن غريبة وين امه وخواته انا اخو زوجي اذا جاء يدرعم ينبهوني عمتي او خواته او يردونه قبل يدخل وزوجي يقوله قبل تدخل تنحنح سواها فتره وبطل الله يهدية ويشفيه

 

[انثى شقيه]

تفووو عاااشوو الصباايا ههههههههههههههههههه<<اعجبتني هالحركه اقوى شي
ماعليك منه واضح انه نسوونجي ويمووت على الحريم
الله يشفييه من هالمرض ...
انتي تستري ولاعلييك منه والاشكاال هذي ماينفع معها لاتفو ولاغييره
نسووجي حتى الثمااله

 

[كرز توت]

ههههههههههههههههه اما اللي تقول تفووو قويه وربي عجبتني


تستري وخلي جلالك علييك كل ماجيتي تطلعين من الغرفه ولاتجلسين بوجه الباب وبس

 

[مستعصمة]

يا اختي انا مستغرب رد زوجك بارد كثير ولا كانو زوجتو اللي صار معها الموقف ليش التراخي بلموظوع وقفوه عند حدو

 

[ahla roza]

يسعدلي قلوبكم يا اميرات ريحتوني وفكرة العبايه راح اسويها لانه تخيلوا مره شافني لابسه ضيق وكم قصير وميك اب حسبي الله عليه لا وفاله شعري بعد لكن عباية الكتف بتكون اول الاغراض اللي بجهزهم
واختي مستعصيه والله يا زوجي عمره ما يجي ناحية الباب يدور على البيت عشان لا يصادف زوجة المحروس لكن كل واحد واخلاقه واحس زوجي محترمه لانه اخوه الكبير وتبغين الحقيقه حتى انا ندمت اني علمته لو صار بينهم شي بسببي راح اندم المفروض اني اتصرف من نفسي

 

[مدري وش اسمي]

مثل ماقالوا الاخوات البسي جلال طويل وخلي نقابك معك

والله يعينك .

 

[ref8150]

خلي عباتس عليس واذا طلعتي من الغرفه تغطي

 

[سحابه28]

لا انتهبي لا تقولين اتفوو هذا يخليه يتمادى معك وممكن بتخلق لك مشاكل مع زوجك بحكم انه اخوه ويمكن يحرض عليك
وانتبهيي تصدر منك اي حركه او اي كلمه لانها بيفهمها شي ثاني بالعكس خليك على تصرفك محترمه ومصيره راح يطفش من البصبصه
ونصيحه من اخت تحبك لا تقولين لااحد سوى امه اخته زوجته لانه راح يحطونها براسك وهو بيطلع منها
وتعرفين مجتمعنا مع الرجل وضد المراه في هالامور المشبوهه والله يستر علينا وعليك

 

[براءة الورد]

ذكرتيني بنفسي مع اخو زوجي لكن انا كنت اقول لزوجته اقولها توه دخل مايدري اني بالغرفه
عشان تعرف توصله المعلومه ومره كنت لوحدي وهو عينه بتقطعني قمت اعطيته نظره جامده يعني فتحت عيوني زي لمن تخوفين البزران وتبحلقين عيونك فيهم وبعدها احسه بدأ يخفف حركاته

 

[حبيبته لحـــالي]

يمكنش فاهمته غلط ويبي يحسسش انه مثل اخيييش عااد انتي لاتسوين منها سالفه وتسوين مشاكل بين زوجش واخيه
والله جد يمكن يبغا يسوي كذا خاصه انه اخوه الكبير .
وتحياتي لش

 

[@@بنت شيوخ@@]

اختى المحترمه
لمن تروحين بيت اهل زوجك رددى اللهم اكفنى شر(.........) بما شئت .
وصدقينى راح ترتاحين وتنحل المشكله من عالم الغيب والشهادة من غير
تدخل بنى البشر ..وعن تجربه اقوال لك هل الكلام

اتمنا اذا انحلت مشكلتك نعطينا خبر

دمتى بخفظ البارئ
@@بنت شيوخ@@