وش الحل برايكم...في قصة أختي؟؟؟!!!!

نـــوران

نـــوران

New member
إنضم
2009/08/16
المشاركات
33
السلام عليكم ورحمة الله وبركاته
أنا محتاره في موضوع أختي وأبي رايكم ياملكات ويا أميرات

القصه ....
أن أختي عزيزه كثير على قلبي ووأحبه وأتمنى لها السعاده في الدنيا والآخرة
أختي في ثالث كليه والسنه الجايهإن شاء الله تخلص الكليه

المهم أنه تقدم لها ولد خالتي ...
خلوني أعرفكم بشخصية ولد خالتي هو في نفس عمر أختي ودرس في كلية الجبيل والسنه الجايه آخر سنه له ويموت في أختي كثير يحبها حب جنان.. طيب وحبوب وأجتماعي لكن أشوي دلوع الماما..لأنه كان حثولتها لـ13 سنه لين جابة على راسه ولد ، يحب الخيل خصوصاً أن عند أهله أسطبل للخيول،،أهله حالتهم الماديه متوسطه
المهم......
يوم تقدم لها.. أمي طارت من الفرحه خصوصاً أنه ولد أختها وماراح تحصل أحسن منه
لكن أغلبية أخواني وهي بالذات رافضته وحتى بابا
طبعاً لكذا سبب أولها* أنه ما عنده وظيفه ،، * ومو مأمن مستقبله وين راح يعيش خصوصاً أن أهله يسكنون في منطقه تبعد عن اهلي مسافة ساعتين

طبعاً وصل القرار الرفض لولد خالتي .. لكنه مو مستوعب الصدمه ومو متخيل شريكة حياته إلا أختي لدرجة أنه طلب يدها 3 مرات ودائماً يجيه الرفض ...
أمي تحاول أنها تقنع أختي بالموافقه في كل مرة خصوصاً أنها دائماً تحلم(( أنه متزوج من غيرها وهي ندمانه لأنها ما وافقت عليه))) طبعاً أمي مستقله حلمها عشان تقنعها أكثر لكن أختي مصرة على رايها...

المهم ........... بعد شهور تقريباً كلمت خالتي أختي بالموضوع في التلفون لا وفي وقت الأختبارات النهائيه مسكين أختي ما عرفت كيف تركز في المذاكره وجلست تتمسكن لها وأنها ماراح تحصل أحسن منه ( طبعاً القرد في عين أمه غزال):nosweat:.....لحد ما وافقت أختي

وبعد هالمكالمه بأسبوعين تقدمو لها رسمي
وقبل لا يجون جلس بابا مع أختي وتكلم معاها في الموضوع وهل أنتي موافقه من نفسك ومقتنعه ومأحد ظغط عليك ( طبعاً بابا ما يدري بمكالمة خالتي لأختي عن ولدها):dunno:
وقالها ترى هذي المرة مافيها رجعه... لكن للأسف أنها موافقه طبعاً في قرارة نفسها 60%
مسكينه أختي أحس أنها مثل الضايعه
تقولي أختي ياليت هاذيك المكالمه ماكانت وياليتني قلت لبابا أني مو موافقه... لكن طاح الفاس في الراس

والحين ينتظرون التحليل..

لكن بعد شهر بداءت أختي تراجع نفسها وأتخذت القرار النهائي بالرفض وهو أنها مو متصوره أن ولد خالتي يكون هو شريك حياتها اللي تعتمد عليه .. مو عارفه كيف تخبرهم خصوصاً أنها تقول أحس أني لعبت بأعصاب الولد كثير لكن هم اللي ضغطو علي
وترى للعلم ماأحد يدري الأ أنا وهي بس
ساعدونا ويش الحل برايكم هل تستنى التحليل ،، يمكن يكون النتيجه سالبه ويخلص الموضوع بدون حزازيات ولا تصير إجابيه بعدها ما في رجعه
الموضوع
 
احسن شىء الاستخارة ثم الاستخارة
ولو اختم لا تبغاه ليه قالت موافقه
اولا الفاس ماطاحت فى الراس ولا حاجه
لما ترفض الحين ولا تيجى مطلقه معاه كام طفل
ايهما افضل
 
،‘

توآفق عليـ ه‘
ليش يعني ترفضـ ه‘
وبعدين هآه ولد خآلتهآ . .
وبإذن الله رآح يحصل على وضيفـ ه‘

وتنتظر التحليل
بس اذآ طلعت الامور كلهآ أوك
خلاص لا ترفض

=)

،‘
 
بسم الله الرحمن الرحيم

مالها سوى الإستخارة وربي يكتب لها الخير إن شاء الله

إنما لي العتب عليها كل العتب كله ياأختي .... ما كان عليها أن توافق لمجرد مكالمة هاتفية فالرفض الكثير ثم القبول والرفض يكسر من رجولة الرجل ويشعره بالإحباط وبجرح عميق صعب أن ينساه

فعليها حفظ الود خصوصا أنهم اقاربكم وليسوا أجانب عنكم

فإن كان ذو خلق ودين فأنا من رأيي تستخير وتتوكل على الله
فإن لم يكن كدلك فلتستخر الله ولتسعى في أمر رفضها

وحبذا لو يكون الرفض هده المرة بطريقة كريمة لا تجرح أخانا وياليتها تتحجج بإكمال دراستها أو غير دلك ولا تقول على أن الولد لم يعجبها ...... حفاظا على كرامة اخيها في الله.

أسأل الله أن يكتب لها الخير أنا يكون ويصلح لها شأنها كله ولا يكلها لنفسها طرفة عين اسأل الله رب العرش العظيم أن يكتب لها الخير ولاخينا واسأله عز وجل أن يحل عليهما شهره الفاضل لما فيه خير لهما بإذنه عز وجل.
وفقها الله أختنا الحبيبة
 
أذا السالفة من أولها كذا فلأفضل لها الأنسحاب ولا تتطور الأمور بعد الزواج وتجيب العيال مدامها ما تبغاه لا تجبرونها على الزواج حتى لو ولد خالتكم ولكم التوفيق من الله
 
يعطيكم العافيه جميعاً على مروركم
ومساعدتكم حتى بمواساتي
والله ثم والله إنها أستخارت أكثر من مرة إذا ما كان فوق العشره مرات
لكن وش نقول أنا معا راي كلمات مبدعه ..
عشان كذا أنا خايفه من المسقبل يمكن أكثر منها
بس ما أقول إلا الله يسهل الأمور
 
يعطيكم العافيه جميعاً على مروركم لموضوع كثيييييييييير شاغلني
ومشكرين على مساعدتكم لي وحتى بمواساتي ما تدرون أشقد ريحتوني
وأنا مع راي كلمات مبدعه وزيزو
وهذا اللي أنا خايفه منه... المسقبل كثير يخوف
 
آآآآآآآآآآآآ ه لو تدرون كم مرة أستخارت فيها على هالموضوع
الله يكون بالعون إن شاء الله
 
كيف أخلاق الولد؟؟

كيف صلاته؟؟

كيف بره بوالدينه؟؟

سألتوا عنه أصحابه الخاصين؟؟


اذا كل شي تمام ليش ترفضه ؟؟

الفلوس والوظيفه مصيرها تجي..


لكن الولد الخلوق اللي يتقدم وهو راغب مو سهل يجي..


وحرااااااااااااااااااام تكسر خاطره بالرفض اذا ما فيه سبب وجيه..



 
بماانها مومقتنعه تمااااااما في العريس لاتجامل على حساب نفسها ابداااا
واهم شئ تكرر الاستخاره والله يكتب اللي فيه الخير
 
اذا دينة و اخلاقه كويسه وهو شاريها توافق في هالزمن صعب تلاقي انسان بهالمواصفات
 
اولا اختك ليش ما بينت سبب الرفض ووضحت موقفها من البداية
واذا كان مؤدب واخلاقة زينة ويخاف اللة ويحبها تتوكل على اللة ومو مهم الوظيفة ممكن يدبرها علشانها وعلشان حياتة الجديدة بتفرض علية هذا الشي
وبعدين المثل يقول خذ اللي يبيك ولا تاخذ اللي تبية
وتكثر من الاستخارة وان شاء اللة ما يخيب ضنها
 
هو طيب وخلوق ويصلي الحمدلله ويبر والدينه لكن المشكله في أختي مو متصورته يكون شريك حياتها خصوصاً أن أحنا نعتبره مثل أخونا
 
قال الله تعالى "وعسى أن تكرهوا شيئاَ وهو خيرٌ لكم وعسى أن تحبوا شيئاَوهو شرٌ لكم والله يعلم وأنتم لاتعلمون "
 
عسى ان تكرهو شيئا وهو خير لكم وعسى ان تحبو شيئا وهو شر لكم
يكفي انه شاريها وترفضه ثلاث مرات ويخطبها اضن انه يكفي لو ماهو يحبها كان مره وحده وقال كرامتي ابرك منك مارجع خطبها
وخليها تستخير ولاتنسى ان الخيره فيما اختاره الله ويكفي انه شاريها
 
خليه تستخير كم مره
الزواج مهب لعبه
ان كانت هذي البدايه مو مرتاحه له كيف بتكون حياتهم بعدين !!!!
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل