مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

ورمت عيوني من البكا .. زوجي يخونني

ملاك احمد

New member
إنضم
27 نوفمبر 2011
المشاركات
2
السلام عليكم ورحمة الله وبركاته


أخواتي حابة استشيركم في موضوع مهم ما اقدر استشير اي احد من اهلي او صاحباتي لانه يخص زوجي ..الموضوع اني اكتشفت من شهر تقريبا انو زوجي يراسل بنات من برنامج شات على جواله ولما واجهته انكر وقال لي انو صاحبه بيدخل على الشات من جواله وبيراسل البنات ولما قلت له انو اسلوب الرسالة اللي قراتها زي اسلوبه اعترف وقال انها كانت بس رسالة واحدة رسلها لبنت كانت ناقلة كلام حلو في علم النفس ، زعلت كم يوم وورمت عيوني من كثر البكا والتفكير والوسوسة بانو ممكن بيكون بيكذب علي لانه انكر في البداية ، بعدها راضاني واقسملي انو يموت فيني فحاولت انسى واعيش حياتي مع زوجي بهدوووء ، بس برضو كنت اشك احيانا لما يصر يقابل صاحبه ويسهر معاه بس ما كنت ابين له اي شي ولا حتى اساله عشان لا اهدم حياتي والحب اللي بيننا ..
قبل اسبوع دخلت عليه الغرفة اكثر من مرة كان ماسك جواله وكاتم صوت التلفزيون ومسوي نفسه يتفرج وفي كل مرة ادخل يا يضغط على الجوال وهو يكلمني او يغطيه شكيت فيه واخذت منه الجوال بالقوة ، لقيته داخل الفيسبوك من ايميل صاحبه ومشغل مقطع فيديو خلييييييييع والله خفت رب العالمين ياخذ نظري وانا اطالع وجلست استغفر ، وهو برر موقفه بانو كان يتثقف !!!!!بعدها قرات رسايل صاحبه لبنات ما خلا بنت الا ورسلها ايميله ورقمه طبعا انا ثورت على زوجي وشكيت انو ممكن يكون هو كمان بيراسل ويكلم بنات انكر وقال لي حتى لو كان بيراسل بنات عادي هو وصاحبه شباب وبيستهبلوا على البنات يعني الموضوع كله وناسة واستهبال
سامحوني طولت عليكم وانا احكي بالتفصيل بس ابغى افضفض والله انو الدنيا ضايقة فيني وتعبت من كثر البكا والتفكير ما كنت اتوقع في يوم من الايام احب الناس لقلبي يستغفلني وما يعتبر لي وجود ، ماني عارفة ايش اسوي هل اخذ بنتي واسيب له البيت؟ ولا ابلعها زي المرة اللي فاتت ؟ ولو تعرفوا قد ايش احبه واموت فيه اقسم بالله اني كنت ادعي انو الله يشيل عني وجع ظهري عشان اقدر اسعده واهنيه واذا نقصت عليه اي شي ابكي مع انو طبيعي اي زوجة ما يساعدها زوجها ولا عندها شغالة وبنتها بكاية وما تنام كثير طبيعي حتقصر كتيييييييرفي امور بيتها بس انا كنت ابكي من حبي له وما كنت ابغى انقص عليه اي شي كنت ابغى اكون كل شي في حياته ، والله لما يخرج ادعي له بالرزق والهداية لانه متهاون كثيييييير في الصلاة وراعي مسلسلات وافلام ( وهذا شي تاني يشوف انو عادي ) ولما ينام احصنه ، واتوظفت واستحملت الكرف مع انو ظهري لسى يوجعني عشان نبني بيتنا سوى ونتنهى ونسافر بس يا خساااااااااارة
ظلمت الدنيا قدامي ما كنت اعرف انو مجرد التفكير في الخيانة يكسر قلب الزوجة كذا ، ماني عارفة اصدقه ولا لأ ، طيب ليش ارتبك لما دخلت الغرفة اذا كان ما بيراسل بنت ، واذا كان ما يحبني ولا يقدرني ليش اقعد عنده ؟
قبل امس اعترف لي وكانت القشة اللي قصمت ظهري ، سبحان الله قبل لا تصير مشكلة الاسبوع الماضي يمكن ب3 او 4 ايام صليت قيام الليل وقرات وردي من القران ونمت ، حلمت بيه يكلم بنت ويضحك معاها بالجوال وبعدها اشوفه كانه مريض وماسك الجوال ومتردد يدق عليها ولا لأ مع اني في الحقيقة ما كنت شاكة فيه سبحان الله صحيت من نومي وبعدها كل يوم يرجع اشوف اتصالاته واقسم بالله اني ما اعرف من بين كل الارقام الموجودة شفت رقم وشيكت كم كانت مدة المكالمة لقيت انه كانت نص ساعة في المغرب ونص ساعة تانية بعد العشا قلت يمكن زبون عنده موضوع مهم واليوم التاني شيكت على هذا الرقم لقيت انو اغلب المكالمات كانت من والى هذا الرقم وبرضو المدة كانت طويلة استغربت وقلت يمكن كل مكالماته مع زباينه كده وسبحان الله بعد ما قفلت الجوال قلت خليني اشوف باقي الارقام نفس المدة ولا لأ لقيت انو هذاك الرقم بس اللي كانت مدته طويلة واليوم التالت نفس الشي فقررت اساله والا سبحان الله تجيه زكمة قوية ما قد جاته زيها اتذكرت المنام اللي شفته قلت سبحان الله معقولة الحلم يكون حقيقي ؟
بعدها لما اتحسن شوية صارت المشكلة اللي قلت لكم عليها ، ومن يوم ما مرض ما شفت الرقم ذاك في قائمة اتصالاته الا مرتين كانت من ضمن الميسد كول ، اليوم سالته وبعد انكار كالعادة اعترف انها بنت كان يكلمها وقطع علاقته بيها قبل لا يتزوجني وانها حاولت ترجع علاقتها بيه وهو فهمها انو متزوج ومستقر وانهى الموضوع ما اتمالكت نفسي بكيت وبكيت لما شهقت ، كلامه هذا كان طعنة قوية في صدري ، ما كان يحتاج كل المكالمات هاذي عشان يفهمها انو متزوج وبالذات انو هو اللي كان يدق عليها واول ما ترسل له كول مي يدق عليها آآآآآآآآآآآآآآه يارب تعبت عيوني من البكا يارب اليك الملجأ واليك المشتكى كرهت نفسي وبيتي حاسة اني مكتومة ونفسي مكسورة ، كل شي ما له طعم ، اقسم بالله اني اكتب لكم وماني شايفة الحروف من الدموع اللي مغرقة عيوني ووالله لي 5 ساعات ابكي اول ما شافني ابكي حضني وزي المرة اللي فاتت اقسم انو يموت فيني وانو ما في بني ادم خالي من الاخطاء واقسم انو ما في حياته بنت غيري ولزم انو يخرجني ،خرجت معاه وانا اجر نفسي ،كان نفسي اقول له وديني عند اهلي ما ابغى اشوفك تاني ،كان نفسي اشتكي لاهلي واطلع كل الحرارة اللي في قلبي ، كان نفسي ادق على اهله واشتكيلهم كان نفسي العالم كله يعاقبه بس جلست اتعوذ من الشيطان واستغفر وانا اطالع في بنتي ايش ذنبها في مشاكلنا ليش احرمها تعيش مع ابوها وامها زي اي طفلة تانية ومرة تانية طعني في ظهري وانا معه في السيارة دقت عليه وبدل ما يهزأها سوى نفسه يكلم واحد من زباينه وبعد ما نزل من السيارة دق عليها
سكت الين ما رجعنا البيت واتاكدت انها هي ما اتمالكت نفسي بكيت بهستيريا وطلبت الطلاق لانه ما كان صادق معايا لمن قال انو قطع علاقته بيها وهو بكي وبرر موقفه بانو ماكان
يبغى يكلمها ويقطع علاقته بيها قدامي وانو خلاص فتح صفحة جديدة معايا وحلف على المصحف انو يموت فيني وعلاقته بيها كانت مجرد نزوة وما اطورت لاكثر من مكالمات
ماني عارفة اصدقه ولا لا لانه فنان في الكذب ويحلف انو يخاف الله لانو عنده بنت واخوات ولولا انو ربي كشفه ما كنت حادري باي شي ، وفي اليوم التاني جاب لي باقة ورد
واعتذر مرة تانية وطول اليومين هاذي يرسل لي رسايل حلوة بس انا باكلمه بحدود ومن غير نفس وبابين له هذا الشي عشان يحس انو الموضوع مو هين علي
قولوا لي كيف اتصرف معاه وكيف اتاكد انو قطع علاقته بيها بالذات انو يعرفها من سنتين وهو بيقول انو قطع علاقته بيها قبل الزواج طيب ليش رجع يكلمها اذا ما كان اشتاق لها ؟ وهل فعلا ما كلمها طول الفترة للي فاتت ؟وكيف انسى هذا كله احس اني مجروحة حيييييييييل وماني طايقاه ، كان يكلمها طول النهار ويجيني اخر الليل يطلب حقوقه من عشا ونوم ووووووووو بكل قلب بارد كانه ما سوى شي
وسامحوني مرة تانية على الاطالة

 

سالي.

New member
إنضم
14 سبتمبر 2011
المشاركات
163
اه من الخيانه الخيانه تقتل الله يعينك ياخيتي لايضيق صدرك على واحد مايستاهل هالحين يجيك شي والله ماراح يفيدك عيش حياتك وادعي له بالهديه والصلاح حسبي الله ونعم الوكيل الله يسخره لك
 
إنضم
19 أغسطس 2008
المشاركات
401
مرحبا أختي
ذكرتيني بكلمه قالتها لي أمي الله يرحمها
( زوجك في البيت لكن إذا خرج أنسيه )
معناتو ياغاليه
طالما مايقصر معاك وقايم بواجباتك وملتزم بمصروفك
ويوديك ويجيبك ولا يبين شيء عليه من خيانات متقدمه كــ سفر وتركك لحالك
أو نوم برى البيت
أو هدايا يشتريها للعشيقه
أو تغيير عليك أو أهانه أو ضرب وشتم ,,الخ )
فــ أيش اللي عليك واجب
أولا
أتركي عنك المراقبه تراك ( بتتعبين )
الله سبحانه هو المتكفل فيه
ثانيا"
حاولي بين فترات تذكيره بحديث أن من زنا زنا ولو بجدار بيته
وأذكي له قصه من تأليفك أنو في واحد يلف ويدور وربي عقبه في اخته أو زوجته
وأن الجزاء من جنس العمل وكذا يعني عاد أنتي وشطارتك
لكن أنتبهي تبينين أنو هو المقصود ..

ثالثا
قد ما تقدري اولي تنسيه شوي
أهتمي بنفسك أشغلي نفسك في بيتك بنتك
سخري طاقتك في أي شي غيره
هو هنا بيستغرب منك ردة فعلك
وبيخاف أنو ممكن ماعاد تحبيه
صدقيني هو من نفسه راح يجيك ويسأل عليك
أنتي هنا ردي عااادي جدا ,انك بس مشغوله بالبيت وكذا وكذا
لا تبينين لو أنك تحبيه لأنو ممكن يفرط من يدك
كل شي بحدووووووووود

رابعا
أثبتي له وللعالم أنك أمرأه قويه
ومعتمده على الله ثم نفسك
أبعدي كلمة مالي غيرك من قاموسك نهائيا"
بس عشان مايقول هذي ماتستغنى عني حتى لو خنتها
خلي أملك برب العباد كبير فوق المستوى

خامسا وأخيرا
أستودعيه الله فهو خير حافظ وهو الهادي
صدقيني يختي لو تسوي ايش تسوي وربي ماكتب يهديه
فراح تتعبين معاه
والبكا ممكن يجيب لك أمراض الدنيا لاسمح الله
من ضغط من سكر من أمراض قلب
ليش كل هذا
أنتي متزوجه تبين ترتاحين وتستقرين وألا تعذبين نفسك !
أنسيه شوي شيليه من راسك
ولا تنسين الاستغفار وصلاة الوتر
أدعي ربي يسخره لك ويهديه ويحميه من بنات الحرام
وادايم رددي
( اللهم إني أستودعك قلبي فلا تجعل فيه أحد سواك )

........

أتمنى أكون وفقت
موفقه يارب دنيا وآخره
دعواتك لوالديني بالرحمة والمغفره ...
 

باونتي66

New member
إنضم
12 يوليو 2011
المشاركات
263
يااختي الله يهديكي قوي علاقتك بالله عز وجل ........... واعملي واجباتك نحووه كزوجه واثقلي عليه بالمعقول
واستودعيه الله قولي اللهم انس استودعك زوجي سمعه وبصره ولسانه وقلبه وفرجه في ودائعك ...او اللهم اني استودعك زوجي من شر مااجد واخاف
الله يسخره لك وادعي دائما اللهم اني اسألك رضااك
ولاتفتشي ورااه ترا الامراض تجيك زي ماجاتني
 

باونتي66

New member
إنضم
12 يوليو 2011
المشاركات
263
والاستغفااااااااااااااااااااااااااااااااااااااااااااااااااااااااااااااااار
مفعوله عجيب
 

لمسة حنين

New member
إنضم
29 مايو 2008
المشاركات
1,275
الله يهديه عليك بالدعاء والصبر الحين الكل يشتكي من الخيانه محد مرتاح اهم شي وكلي امرك علي الله ولا تشتغلي عقلك كله فيه لانه هشي ما بيفيدك غير التعب النفسي عيشي لنفسك واهتمي فيها وهو خليه لحسيبه ومصيره يرجع
 
إنضم
1 مارس 2011
المشاركات
1,131
الله يوقفك ويريح بالك ان شاء الله فترة وتعدي لاكن انتي لاتفتشين وره وريح نفسك لايكون تفكيرك في زوجك وبس لافكري في نفسك وبنتك وشغل نفسك وهو ان شاء الله الله يهديه بس عيش حياتك وعشان ترتاحي خليه يغير الشريحه والقديمه اكسريها وكثر من الا ستغفار والدعاء
 
إنضم
30 أكتوبر 2009
المشاركات
108
اختي لاااااااااااااااااااتبكين ياكثر مابكيت ومرضت بس والله ندمت على كل دمعه عليه عاااادي يااختي هذا عشان انك ببدايه زواجك وباقي تحبيه يصير لك كذا بس يوم تكرر عليك خيانته راح يصير الوضوع عندك عاااااااااااااااااادي عااااااااااااااادي عااااااااااااااادي واعتبري هذا الشي حرررررررررررررررررب بينك وبينك اللي يكلمها والحرب بيبلها سلاااااااااااااااااااااااااااااح وسلاحك انك تخليه يحبك ولا اوصيك خليك مهتم ه بكل شي فيك واعرفي نمط وشيخصيه زوجك اول شي عشان تعرفين مفتاااااااااااااااحه والله يااختي كانوا ينصحوني ويقولون اكسبيه وكنت ابكي واصيح ولا اكسبه واللحين والله تخيليه صارت الحقيره تدق وترسل ع جوالي وجوال اختي تبي تخرب بيننا ومع كذا صااااااااااااابره بس عشان نفسي وولدي وابي اعيش ابي اعييييييييش مع اني فقير بس عندي بيت والله يااختي مثلي انك تحبيه وهداياااااااااااا وكلام ورومنسيات واحتويييييييييييييييه ونسيه ماااااااااااضيه وهذا شي طبيعي والله مصيره ينسااااااااااااااااااااااااااااااااموضوع الخياناااااااااااااااها وانتي لاتخربين حياتك خصوصا بدايتها مثلي والله تندمين مثلي شوفي لي 3 سنوات متزوجه وقضيتها زعل وكنت بطلق منه عشان الخيانه ورجعت عشان ولدي مااقدر والرجال انتي ع ماعوتييييييييييييييييييييييييييه عوديه عليك ودلعيه والله اذا صار خاتم بيدك مااااااااايشوف غيييييييييييييرك بس تبين وقت واسلحه والدعاااااااااااااااااااااااااااااااااااااااااااااااااااااااااااااااء والله الدعاء سحر عجيييييييب اوقات تجيني فكره يوم يزعل زوجي واستغرب كيف سويتها انا وحليتها بعد دعااااااااء طويل وبكالله يحل مشكلتي اوقات يستجيب لك ربي دعائك وماتعرفين كيف استجاب ربي لك

الله يفرج همك ويصلح بااااااااااااااالك ونصيحه نصيحه نصيحه وفري دمووووووووووووووووعك وصحتك لك مو له والله اذا صار لك شي وخربت صحتك ع طول يفكر بغيرك ويتزوج .........
 

لين0

New member
إنضم
14 نوفمبر 2011
المشاركات
424
حبيبتي .. هدي نفسك عشان تقدري تركزي .. استهدي بالله .. زوجك واضح انو يحبك .. بس مجرد طيش وتسليه .. مو شي جدي .. دحينا دورك تلعبي لعبتك بذكاء .. عيشي يومك وحياتك مارسيها بشكل طبيعي .. اكشخي واطلعي وتونسي وزوري صحباتك واهلك .. اشغليه بيكي .. مع التزاامك بموقفك .. عشان يعرف غلطه .. اليما تحسيه بدا يرجعلك طبيعي .. بعدين اجسلو جلسة مصارحه وكل مين فيكم يطلع اللي بنفسو .. المهم لاتشدي الحب عشان ماينقطع عليكي .. ترى كل الرجال على دا الحال مع انتشار الاجهزه الذكيه .. بس مو شرط يكون شي جدي بحياتكم .. لكن دا مايمنع انك تخافي وتنتبهي ..

الله يهدي سركم يارب ..
 

صدمتيز

New member
إنضم
26 نوفمبر 2009
المشاركات
487
ما قصرو البنات الله يسخره لك و هديه بس لا تكثري بكى اليوم برضي و بكره و بعدين با طنش استخدمي ذكائك في استرجع زوجك بس نصيحه لالالالالالالالالالالالالالالالالالالا تفكري تطلعي من بيتك
 
إنضم
20 نوفمبر 2011
المشاركات
69
اللله يصبرك يا أختي
زوجك مثل الطفل المدلل يعرف مدى حبك له و طيبة قلبك و يستخدم هذا الشي لمصلحته.... فهو يعلم أن كم من كلمة معسولة ستراضي قلبك الطاهر و صدقيني سيبقى يحاول تحدي الخطوط الحمراء عندك ليعرف الى أي يحد يمكن أن يتمادى . ..... هذا لا يعني أن رجل سيء أو خبيث ...كل ما يعني الأمر أنه رجل فهم زوجته ولكن للأسف أستغل هذا الفهم للأسوء ... ...فما عليكي غاليتي الا أن تفهميه هو و تستخدمي المعرفة للأحسن ...... راجعي الملفات الرائعة لنمط الشخصيات و أفهمي خبايا أسرار شخصيته...أسرار ممكن هو نفسه لا يكون يعرفها

لكن قبل أن تقومي بكل هذا.... عليكي أختي مواجهته للمرة الأخيرة بكل هدوء و عزيمة ....مهما استدعى منك الامر لجراءة و شجاعة و ثقة بالنفس و تحضير ما ستقولين !! قفي أمامه موقف المرأة الواثقة التي تعرف أن الحق معها قانون الله و شرعه معها !!....أستمدي تلك الطاقة من غضبك و خوفك على أبنتك و فرغيها في المسار الصحيح ... أعلميه أن هذه هي أخر مرة ستتغاضين عن أي شيء كالذي سبق وأوهميه أن سبب بقائك معك هو أحترامك للعشرة التي بينكم و حبك له فلا يظن أنه مثلا " ماسكك من الأيد الي بتوجع " فأبنتك سواء في بيته أو بيت أهلك معززة مكرمة مدللة ( حتى و لكان هذا الكلام غير صحيح لأي من الظروف قولييه!!) أنت تحبينه و لا تريدين غيره و لكن اذا الأستغناء و الأستخفاف بحقك و كرامتك لهذه الدرجة سهل عنده فبعون الله ستستطعين الأستغناء عنه أخبريه أنه يجب عليه أن يتغير!!... و أنك تعرفين الأمر ليس بالسهل و أنك عل كل الأستعداد لمساعدته في أصلاح نفسه و مستعد لأستقبال نقده البناء ...فقط ...عليه أن ينوي و الا.......
قد تقولين لي يا بنت الحلال شو هذا الكلام بينهدم بيتي ... أولا أختي أسمحيلي لو ظل الحال نفس ما هو فسينهدم بيتك مهما كان حتى لو كان أستغرق الموضوع 10 سنين ليظهر أو بقي الأمر بالخفاء ولم يعلم بمعاناتك الا ربك و ثانيا أتركك مع كلمات الأستاذة ناعمة من أحد قصص ملف الأستشارات التي أن شاء الله ستلهمك ....:

قولي لنفسك إن الله تعالى قبل ميلادك كتب لك في اللوح المحفوظ يوم ميلادك، ويوم زواجك ويوم طلاقك إن كان لك طلاق، ويوم وفاتك.......... كتب كل شيء عن حياتك........... فإن كان قدرك الطلاق طلقك وأنت ساجدة عند قدمي زوجك... فاتقي الله في نفسك، وآمني بقدره ولا تسمحي لزوجك الظالم باستعبادك، فحق الزوج لا يعني العبودية، وحبك للزوج لا يصح أن يتعدى على حبك لربك ونفسك وإيمانك.

3- يستخدم الأزواج سلاحا آخر لإذلال الزوجة، ألا إنهم الأبناء، لذلك وجب على الزوجة عدم إظهار تعلقها بأولادها أمام زوج ظالم، لكي لا يستخدمهم كسلاح ضدها، بالعكس أشعريه أنك تستطيعين التخلي عنهم، وقولي له هم في أمان معك فالمشكلة........؟؟
لكن الواقع أن الرجل يتلاعب بمشاعر وأحاسيس زوجته ويذلها ويقول بينه وبين نفسه إن لم ترضي حرمتها من اطفالها، وأنا متأكد أنها ستقبل العمل خادمة في بيتي لكي تبقى قرب أولادها........... وهذا خطأ أجعليه يشعر أنك تحبين الأولاد لكن ليس إلى الدرجة التي ستذلين بها نفسك.


بعد أنتهاء المواجهة ...خلاص و كأن شي لم يحصل طبقي ما تعلمتيه من ملفات الشخصيات أعرمي على التغير لأجلك أولا ثم لأجله ... أجعليه يعشقك فهو يحبك الان نعم لكن العشق غير الحب و سيبعده عن كل بنات السوء .
و نصيحة اذا بعد كل محاولاتك أكتشفتي أنه رجع لعادته لااااا تصاريحيه أبقي مثل ما أنت كملي مشاور التغير و أأساريه و ذوبيه ....لكن لا تغضي البصر على ما أكتشفتي ! في نفس الوقت فكري بترااوي و أستشيري من تريدن لتقومي بحركة فعلا تأدبه و تعاقبه ...... و صدقيني سيركض ورائك اذا أيقن أنه يا أما يحصل عليكي يأ اما يحصل عليهن بنات الحرام .

و لا تنسي الأستغفار و الأستخارة و الصلاة فهي ستزيد من عزمك و تسليم أمرك لله .
الله يهدي سركم أمييين .
 

ملاك احمد

New member
إنضم
27 نوفمبر 2011
المشاركات
2
جزاكم الله الف خير حبيباتي واخواتي والله اني هديت بعد كلامكم وحاحاول باذن الله اطبق نصايحكم
بس حابة استشيركم في شغلة
لو جلست واتكلمت معاه بهدوء وثقة وبعدها وقعته على تعهد انو في حال لقيته خانني مرة تانية لي الحق في الخلع وحضانة بنتي وانو
يدفعلي مبلغ بس عشان اثبتله اني ممكن استغنى عنه وعشان يتردد الف مرة قبل لا يخونني
هل هذا التصرف صحيح؟ ولا حيمس رجولته ؟
 
إنضم
20 نوفمبر 2011
المشاركات
69
أنا و الله برأي هذه الفكرة مو بمرتاحالها ابدددد!
فيها حتمية و تحدي كبير قد يراه خط يريد أن يقطعه ليرى ماذا ستفعلين ....

نصيحتي إبقي تهديدك غامض ..مخيف ... فوالله الأيام تدووور و الزمن يتغير فلا تٌردين أن تٌضعي في موقف تندمين فيه على هذا التعهد أو تضطرين لتنفيذ شروطه لحفظ لماء الوجه فمن من دخت بيت الزوجية متوقع أن تواجه نصف التي واجهته و صدمت به ؟
و بصراحة
مهما كان نوعه من الرجال أنا لا أظن أنه سيوافق على شيء مثل هذا ....
و لكن ممكن ان تستخدمي تلك الفكرة كنوع من دهاء الكلام مثلا تقولي شيء من هذا القبيل " أنا و الله يا فلان مادري شصارلك و لولا أني أعرف أنك رجال تملى العين محترم لكان فكرت أسوي مثل بعض حريم هذه الأيام ... أجيب أبوي و شهداء أخليك تكتب تعهد ينص أنه لي الحق في الخلع وحضانة بنتي اذا خنتني بعد مرة.... بس أنا بحكم العشرة بينا أبي أثق فيك و بكلمتك التي تعطيني أياها لأنه إن تكرر الموضوع بعد مرة... لن أحتاج لتعهد !! ولا لشي منك!! أجيب حقي بيدي "
أعذرني أختي إذا نصيحتي فيها نوع من فرض الرأي و لكني لأنصحك من قلبي, أنصحك بالذي كنت سأفعله لو وضعت في نفس الموقف
و كما أريد أن أضيف أنه في قضاء عالمنا الأسلامي العربي بما أنكك لم ترتكبي أي جرم أخلاقي.. أولادك على الأقل لسن الثانية عشر يبقون في رعايتك خاااصة البنات ... فلا تخافي أختي من ناحية هذا الموضوع
و أي شي محتاجاه بعد إحنا بالخدمة :)
 
إنضم
26 نوفمبر 2011
المشاركات
7
وربي نفس حكايتي بس استفدت من اللي كتبوه الاخوات جزاكم الله الف خير
والله يهدي ازواجنا
 
أعلى