ترتيلة حب
New member
- إنضم
- 2010/04/06
- المشاركات
- 35
السلام عليكم ورحمة الله وبركاته
عندي مشكله معقده وطويله لكن الله اللي يشهد علي اني احس بالمسؤوليه اتجاه هالموضوع ..
عشان تفهمون الموضوع بحاول اقوله بالتفصيل والله يمتعها برؤيه وجهه الكريم اللي تستمر بالقراءه وترد علي وتساعدني لو بالدعاء بالهدايه والستر
عندي بنات اخوي ثنتين وحده عمرها 15 سنة ووحده عمرها 14 سنة .. مرو بأقسى الظروف اللي تتخيلونها
اصول المشكله:
الام والابو انفصلو قبل اكثر من 11 سنة ( كانو بنتين وولد) ومع تنازل الام عن حضانة عيالها.. البنات قعدو عند مرت ابوهم , في هالفتره اشتغلو خدم واهمه للحين اطفال ما دخلو المدرسه وحده تغسل ثياب على ايدينها ووحده تنظف وتخم الارض والولد كان الطوفه الهبيطه ينضرب بالوايرات وهو لا يزال طفل واخوانه حيل مستصغرينه ومو عاملين له حساب
هذا غير الطق المبرح اللي مره انشوفه على شكل كدمات ومره حروق الله المستعان.. وطبعا الابو ما كانه يشوف لان دايما برى + لما يسأل تقول له طيحه او اي عذر عادي ولما يسأل البنت تقوله نفس الشي من الخوف اكيد
حرمتهم من كد ابوهم حتى اللبس كانو محرومين منه وكانت تاخذ قطع خام من النوع الردي وتخيطهم اهيه على يدها وتلبسهم وصارو جنهم عيال شحاذين واللبس والبدل خلتهم لعيالها
امي بعد فترة تدخلت بالموضوع وغصبته يجيب البنات واخوهم يعيشون معانا لما شافت حالتهم سيئه.. وللأسف الموضوع ما انحل وزاد تعقيد وسوء.. الولد عاش عندنا فتره وبعدها رجعوه لابوه..
اختي الكبيره كانت حيــــــــــــل عصبيه وما ترضى بالغلط ومن سلبياتها انها ما تميز بين كبير وصغير اذا عصبت ودايما تتعامل بالضرب مع هالبنات وغيرهم ,, كانو يسمعون كلامها من باب الخوف ويصلون عشان ما تهاوشهم ومؤدبات عشان ما تعصب عليهم .. وكان فيها عاده انها ما تنادي الا بالالقاب واغلبها سيئه مثل يا بقره يا غبيه يا حيوانه .. هذا كله كان يلغي طيبة قلبها وحنيتها ومحد كان يقدر ينتقدها لانها كبيره واهيه اللي مربيتنا ويخافون عليها تزعل لانها مرت بظروف قاسية في حياتها.. وذا صار وحد نصحها تقول الله اللي يعلم اني اقسو عليهم لمصلحتهم ونيتها فعلا صافيه بس الطريقه 1000% غلط وامي -الله يحفظها ويطول بعمرها- مره كبيره فالسن فما كانت تتدخل في ذيك الفتره..
استمر الوضع السابق سنين طويله لحد قبل 3 سنوات تقريبا يوم تزوجت اختي وصاروالبنات بدون متابعه واللي كانو يعملون لها حساب تيسرت وما عاد فيه حد فوق راسهم.. تراجع مستوى البنت الكبيره دراسيا مع انها كانت متفوقه ووصل الامر للرسوب اما الصغيره - من اول كانت تعاني من صعوبات فالتعلم- بس الحين بزوود يعني قبل يخافون عليها ترسب في ماده او ثنتين والحين يتمنون تنجح لو بماده..
المشكلة فالوقت الحاضر ومن بعد زواج اختي:
- تطور عندهم الشعور بالا مباالاة وتبلد الاحاسيس بشكل رهيييييب وصار الخوف شي من الماضي عندهم.. يعني الضرب صار مثل شرب الماي ما يأثر والكلام القاسي كذلك.. وامي ما تتحمل لذلك قامت تعاملهم كانهم مو موجودين وما زالت الالقاب السيئه موجوده ..
الحين 24 ساعه جالسين في غرفتهم وما ينزلون تحت الا وقت الاكل ووقت الروحة للمدرسة.. ومطورين علاقه اقدر اوصفها بالـ "مريبه" مع مرت اخوي اللي عايشه وياهم فالبيت..
- مجرد ما يحسون ان الواحد غير اسلوبه ويعاملهم بطيب وحنيه "يركبون على ظهره" ويتمادون باللالفاظ وعدم الاحترام
الاب ما يدري عنهم خييير شر لا بمصروف معبرهم ولا بكلمة طيبه وحتى اذا كانت في مشكله بالمدرسه ما يتدخل الا على شكل استعراض يعني يختار الوقت الناس تكون ملتمه فيه وهات يا ضرب ويا صراخ .. حتى الحين احس انه ما يحبونه اذا جا وفزو وراحو يسلمون عليه قالهم ذلفو وراكم واذا تمو قاعدين ايتم يتفل ويسب انتو ما تعرفوني الا وقت الطلبات وطبعا تنشف ارياقهم على ما يجيبها لهم ودايما فيه مشاكل بينه وبين امي على موضوع البنات انه اهتم فيهم خاف ربك هذول من عيالك بعد اصرف عليهم او على الاقل احضنهم عشان يلقون في باب حنان في حياتهم .. واخوي الله يهديه فيه عقوق وكان ولا يزال يقط كلام قوي ويزعل امي حيل اذا فتحت موضوع المصروف والاغراض الأمر اللي خلاها تنسحب من المطالبه بمصروفهم + بدت تكره البنات وسيرتهم بشكل واضح < وصراحة ما الومها لا البنات مو من النوع اللي يحببون بانفسهم ويسون الاشياء اللي تبيها منهم ولا الابو مقدر اللي تسويه لهم
- الجانب الديني عندهم حيل متدهور والاخلاق 0 يعني سلوكيات غلط كثييييييره يسوونها, منها حركات ماعرف اشلون اوصفها لكن بقول انها اقرب للجنسيه بينهم < هالموضوع كان حيل واضح واهم في بيت ابوهم وللحين موجود في شخصيتهم بس حاليا محد يدري فيه غيري وماعرف اتصرف فيه> بالاضافه لتطاول عالبنات والمدرسات عدم احترام للجميع وتجاهل لكل الاوامر اللي يسمعونها..
ميول البنت الصغيره لمصاحبة البنات اللي اكبر منها ومن ضمنهم البويات ..
- النظافه الشخصيه زنظافة الغرفه ومظهرهم اسوء من السيئ يعني ما يهتمون والسبوح لما امي تقولهم تسبحو يالله يتسبحون < ما تفيد فيهم النصايح ابدااااااااااااا
الحل المطروح:
امي لما شافت ان الموضوع وصل لين هالحد قالت بالحرف
انا طول هالسنين مخليتهم عندي ومابي اطلعهم من بيتي الا لبيت ازواجهم .. لاني متأكده ان حريم ابوهم ما يخافون الله ولا بيرحمونهم وابسط شي بيسوونه بيطعنونهم بأعراضهم .. بس نيتي الطيبه وخوفي عليهم ما نفعني واستأثمت فيهم وما قدرت اربيهم .. وحتى ما ذاقو لقمة من كد ابوهم.. وعمهم متحملهم بالمصروف ومعتبرهم من عياله بس مسؤولياته قاعده تكبر وهو ساكت ما يقول ولا يشتكي ودايما يقول الفلوس اللي احطها عليهم ماراح تفقرني (اسأل الله ان يغنيه من فضله) .. فمجرد ما يخلص هالكورس -بعد شهر يعني- راح اوديهم لبيت ابوهم واهو يتصرف لاني تعبت معاهم لا حنية نفعت ولا قسوه نفعت.. واي شي بيسويه اهوه وحريمه فيهم الله بيجازيهم عليه)
------------
اعرف ان الموضوع طووويل ومتشعب لكن الله يشهد اني حاسه بخوف على مستقبلهم مابي يضيع
ابي اساهم بالتغيير لو بالشي البسيط .. ابيهم يكونون احسن البنات بالاخلاق
ابي تصير مخافة الله بين عيونهم .. لان لو خافو من الله ما ينخاف منهم
فالسابق جربت اصاحبهم واكون لهم صديقه واخت كبيره بس ما نفع والحين انا فبيت زوجي وشايله همهم حيل.. ابي اسوي كل يطلع بايدي عشان اصلح من حالهم
-هل اللي بتسويه امي هو الحل الصح؟؟ كلنا خايفين عليهم لان طعن الاعراض مثل الماي والهوا عند مرت ابوهم
-شنو طريقة التعامل اللي تساعد بتقويم سلوكهم ومسح الذكريات السيئه من حياتهم؟
-وشلون نخليهم ينزلون ويندمجون بشكل صحيح وسنع مع اهل البيت ؟
اسأل الله العظيم رب العرش العظيم أن يُيسر كل عسير في وجه كل من تساعدني بالرد الخير والنصح
بانتظاركم
عندي مشكله معقده وطويله لكن الله اللي يشهد علي اني احس بالمسؤوليه اتجاه هالموضوع ..
عشان تفهمون الموضوع بحاول اقوله بالتفصيل والله يمتعها برؤيه وجهه الكريم اللي تستمر بالقراءه وترد علي وتساعدني لو بالدعاء بالهدايه والستر
عندي بنات اخوي ثنتين وحده عمرها 15 سنة ووحده عمرها 14 سنة .. مرو بأقسى الظروف اللي تتخيلونها
اصول المشكله:
الام والابو انفصلو قبل اكثر من 11 سنة ( كانو بنتين وولد) ومع تنازل الام عن حضانة عيالها.. البنات قعدو عند مرت ابوهم , في هالفتره اشتغلو خدم واهمه للحين اطفال ما دخلو المدرسه وحده تغسل ثياب على ايدينها ووحده تنظف وتخم الارض والولد كان الطوفه الهبيطه ينضرب بالوايرات وهو لا يزال طفل واخوانه حيل مستصغرينه ومو عاملين له حساب
هذا غير الطق المبرح اللي مره انشوفه على شكل كدمات ومره حروق الله المستعان.. وطبعا الابو ما كانه يشوف لان دايما برى + لما يسأل تقول له طيحه او اي عذر عادي ولما يسأل البنت تقوله نفس الشي من الخوف اكيد
حرمتهم من كد ابوهم حتى اللبس كانو محرومين منه وكانت تاخذ قطع خام من النوع الردي وتخيطهم اهيه على يدها وتلبسهم وصارو جنهم عيال شحاذين واللبس والبدل خلتهم لعيالها
امي بعد فترة تدخلت بالموضوع وغصبته يجيب البنات واخوهم يعيشون معانا لما شافت حالتهم سيئه.. وللأسف الموضوع ما انحل وزاد تعقيد وسوء.. الولد عاش عندنا فتره وبعدها رجعوه لابوه..
اختي الكبيره كانت حيــــــــــــل عصبيه وما ترضى بالغلط ومن سلبياتها انها ما تميز بين كبير وصغير اذا عصبت ودايما تتعامل بالضرب مع هالبنات وغيرهم ,, كانو يسمعون كلامها من باب الخوف ويصلون عشان ما تهاوشهم ومؤدبات عشان ما تعصب عليهم .. وكان فيها عاده انها ما تنادي الا بالالقاب واغلبها سيئه مثل يا بقره يا غبيه يا حيوانه .. هذا كله كان يلغي طيبة قلبها وحنيتها ومحد كان يقدر ينتقدها لانها كبيره واهيه اللي مربيتنا ويخافون عليها تزعل لانها مرت بظروف قاسية في حياتها.. وذا صار وحد نصحها تقول الله اللي يعلم اني اقسو عليهم لمصلحتهم ونيتها فعلا صافيه بس الطريقه 1000% غلط وامي -الله يحفظها ويطول بعمرها- مره كبيره فالسن فما كانت تتدخل في ذيك الفتره..
استمر الوضع السابق سنين طويله لحد قبل 3 سنوات تقريبا يوم تزوجت اختي وصاروالبنات بدون متابعه واللي كانو يعملون لها حساب تيسرت وما عاد فيه حد فوق راسهم.. تراجع مستوى البنت الكبيره دراسيا مع انها كانت متفوقه ووصل الامر للرسوب اما الصغيره - من اول كانت تعاني من صعوبات فالتعلم- بس الحين بزوود يعني قبل يخافون عليها ترسب في ماده او ثنتين والحين يتمنون تنجح لو بماده..
المشكلة فالوقت الحاضر ومن بعد زواج اختي:
- تطور عندهم الشعور بالا مباالاة وتبلد الاحاسيس بشكل رهيييييب وصار الخوف شي من الماضي عندهم.. يعني الضرب صار مثل شرب الماي ما يأثر والكلام القاسي كذلك.. وامي ما تتحمل لذلك قامت تعاملهم كانهم مو موجودين وما زالت الالقاب السيئه موجوده ..
الحين 24 ساعه جالسين في غرفتهم وما ينزلون تحت الا وقت الاكل ووقت الروحة للمدرسة.. ومطورين علاقه اقدر اوصفها بالـ "مريبه" مع مرت اخوي اللي عايشه وياهم فالبيت..
- مجرد ما يحسون ان الواحد غير اسلوبه ويعاملهم بطيب وحنيه "يركبون على ظهره" ويتمادون باللالفاظ وعدم الاحترام
الاب ما يدري عنهم خييير شر لا بمصروف معبرهم ولا بكلمة طيبه وحتى اذا كانت في مشكله بالمدرسه ما يتدخل الا على شكل استعراض يعني يختار الوقت الناس تكون ملتمه فيه وهات يا ضرب ويا صراخ .. حتى الحين احس انه ما يحبونه اذا جا وفزو وراحو يسلمون عليه قالهم ذلفو وراكم واذا تمو قاعدين ايتم يتفل ويسب انتو ما تعرفوني الا وقت الطلبات وطبعا تنشف ارياقهم على ما يجيبها لهم ودايما فيه مشاكل بينه وبين امي على موضوع البنات انه اهتم فيهم خاف ربك هذول من عيالك بعد اصرف عليهم او على الاقل احضنهم عشان يلقون في باب حنان في حياتهم .. واخوي الله يهديه فيه عقوق وكان ولا يزال يقط كلام قوي ويزعل امي حيل اذا فتحت موضوع المصروف والاغراض الأمر اللي خلاها تنسحب من المطالبه بمصروفهم + بدت تكره البنات وسيرتهم بشكل واضح < وصراحة ما الومها لا البنات مو من النوع اللي يحببون بانفسهم ويسون الاشياء اللي تبيها منهم ولا الابو مقدر اللي تسويه لهم
- الجانب الديني عندهم حيل متدهور والاخلاق 0 يعني سلوكيات غلط كثييييييره يسوونها, منها حركات ماعرف اشلون اوصفها لكن بقول انها اقرب للجنسيه بينهم < هالموضوع كان حيل واضح واهم في بيت ابوهم وللحين موجود في شخصيتهم بس حاليا محد يدري فيه غيري وماعرف اتصرف فيه> بالاضافه لتطاول عالبنات والمدرسات عدم احترام للجميع وتجاهل لكل الاوامر اللي يسمعونها..
ميول البنت الصغيره لمصاحبة البنات اللي اكبر منها ومن ضمنهم البويات ..
- النظافه الشخصيه زنظافة الغرفه ومظهرهم اسوء من السيئ يعني ما يهتمون والسبوح لما امي تقولهم تسبحو يالله يتسبحون < ما تفيد فيهم النصايح ابدااااااااااااا
الحل المطروح:
امي لما شافت ان الموضوع وصل لين هالحد قالت بالحرف
انا طول هالسنين مخليتهم عندي ومابي اطلعهم من بيتي الا لبيت ازواجهم .. لاني متأكده ان حريم ابوهم ما يخافون الله ولا بيرحمونهم وابسط شي بيسوونه بيطعنونهم بأعراضهم .. بس نيتي الطيبه وخوفي عليهم ما نفعني واستأثمت فيهم وما قدرت اربيهم .. وحتى ما ذاقو لقمة من كد ابوهم.. وعمهم متحملهم بالمصروف ومعتبرهم من عياله بس مسؤولياته قاعده تكبر وهو ساكت ما يقول ولا يشتكي ودايما يقول الفلوس اللي احطها عليهم ماراح تفقرني (اسأل الله ان يغنيه من فضله) .. فمجرد ما يخلص هالكورس -بعد شهر يعني- راح اوديهم لبيت ابوهم واهو يتصرف لاني تعبت معاهم لا حنية نفعت ولا قسوه نفعت.. واي شي بيسويه اهوه وحريمه فيهم الله بيجازيهم عليه)------------
اعرف ان الموضوع طووويل ومتشعب لكن الله يشهد اني حاسه بخوف على مستقبلهم مابي يضيع
ابي اساهم بالتغيير لو بالشي البسيط .. ابيهم يكونون احسن البنات بالاخلاق
ابي تصير مخافة الله بين عيونهم .. لان لو خافو من الله ما ينخاف منهم
فالسابق جربت اصاحبهم واكون لهم صديقه واخت كبيره بس ما نفع والحين انا فبيت زوجي وشايله همهم حيل.. ابي اسوي كل يطلع بايدي عشان اصلح من حالهم
-هل اللي بتسويه امي هو الحل الصح؟؟ كلنا خايفين عليهم لان طعن الاعراض مثل الماي والهوا عند مرت ابوهم
-شنو طريقة التعامل اللي تساعد بتقويم سلوكهم ومسح الذكريات السيئه من حياتهم؟
-وشلون نخليهم ينزلون ويندمجون بشكل صحيح وسنع مع اهل البيت ؟
اسأل الله العظيم رب العرش العظيم أن يُيسر كل عسير في وجه كل من تساعدني بالرد الخير والنصح
بانتظاركم
