ورب البيت تعبت!

[ترف المشاعر]

مرحبا فراشات

انا متابعه لكم من فتره بس اليوم حبيت اخذ رايكم لاني بجد تعبت

انا متزوجه من 14 سنه الحمدلله ربي رزقني ببنتين وولد ويمكن هالشي الوحيد اللي استفدته

من زواجي!

بلاني ربي بأنسان اقل شي اقدر اقول عليه مريض!

مزاجي...متقلب لحظات يحسسني اني اسعد انثى في الدنيا واغلب الوقت مااسوى شي!

وربي انو لما احكي لاحد يقولون معقوله كذا بدون سبب!

طبعا تعرفون افضل اسكت واقول لعل وعسى ربي يهديه!


بعد سنين من الزواج اكتشفت السبب

زوجي حشاش!

بحثت عن الاعراض لقيته تنطبق عليه كلياً

سكت وماقلت لاهلي يمكن لاني مابي احد يلومني اني سكتت!

الحين واكتب هالسطور
متشتته

مدري شسوي!

انا بعد ماكنت شمعة الجلاس صرت اكره الناس!

لان الكل يسئلتي عن سبب نظرة الحزن بعيوني!


مدري شسوي وربي تعبت

قبل كان يهددني بعيالي انو بياخذهم

الحين ماعدت ابي شي

كل اللي ابيه ارتاح وبس!


سؤالي


استحلفكم بالله شسوي!

لاتقولون اصبري لان اتوقع 14 سنه كفايه ذل واهانه وضرب!


انتظر رايكم وربي يحفظكم

اختكم ترف...​

 

[نور كندا]

بس يكبرو ولادك اطلبى الطلاق وارحلى وكفايه متاعب

 

[ترف المشاعر]

نورتي كندا

يعني في رايك انو صح عيالي يتربون في جو مشحون!

مدري والله تعبت
مشكوره قليبي

 

[عزتي في سموي]

إصبري يا أختي شو ذنب هالعيال عليج بالدعاء وتفويض الأمر لله ما في حد مرتاح في هالدنيا

 

[المــهــا]

اللهيفرجهاا علي وعليك ويسهل امري وامرك وامر جميع المسلمين ياحي ياقيووم ويسخر لنا ازواجنناا يا ارحم الراحمين

 

[حرم الطيار]

رب العالمين ماينســـى عباادهـ ...

المهم انتــي عيشي لـــربـــج أولا

ولنفــسج ثانيا ... ولاولادج ثالثا...

ولااا تتعبيــن نفســـج بالتفكـــير .....

 

[بدايه حب]

الله يهدي زوجك وزوجي ويسخرهم لنا امين يارب العالمين....

 

[قلبي عنيد]

حبيبتي اتوووقع 14 سنه كفاااااااااااااااااااااااااااااااااااايه

اطلبي الطلااااق واخذي عيااالج حرااام يعيشووون حياااة كلهااا اهاانات

 

[عابـــرة سبيل]

ياحبيبتي
صـــلاة الليل سهــام الليل لاتخطيء
الأستغفار
الأنشغال بحفظ القرأن
الله يوفقك يااااارب ويرزقك اللي تتمنينه ويخلي لك أطفالـكـ .....​

 

[زوجة وديعة]

انا انصحك تصبري وعليك بالدعاء ومشكلتك ابسط بكثير من مشاكل غيرك واكيد راح تلاقي في زوجك صفات كثيرة حلوه فكري فيها وراح ترتاحين كثير وياما سمعنا عن مدمنين تابوا وابتعدوا عن طريق المخدرت
وربنا يفرج همي و همك ​

 

[حــ خلودي ــلم]

الله يفرج همك ياقلبي ويهدي زوجك لرشده ويسخره لك بالخير ياااااااارب
وكلي امرك لله
وخليكي جنبه وحاولي انك تكلميه وتخليه يتعالج عشان اولادك حرام يعيشوا بدون ابوهم لو اتطلقتي
فكري على مهلك واستخيري قبل ماتاخدي اي قرار
والله يكون معك ويصبرك

 

[زوجه مؤدبه]

والله يااختي مثل ماقلتي 14 سنه كفايه .. تتوقعين ان عيالك راح يكونون اسوياء في بيئة انسان حشاش انتي الان مسؤوله عن اولادك اللي هم جزء من المجتمع انتي بجلستك مع ابوهم تجنين عليهم وتدمرين نفسياتهم وش تتوقعينهم بكره يصيرون ام محطمه واب مريض واعذريني بس هذا حقيقه لازم اقولها وتجلسين علشان تخلفين زياده كم طفل وطفل عاشو حياة سويه افضل مليون مره من حياتهم بين والديهم .. والمدمن اذا اثبتي ادمانه ماله حضانه ليش تخافين ؟؟عيالك ومعك وانتي تجلسين للهم والذل والامراض ليش؟؟ عيشي حياتك وخلي عيالك يعيشون وادعي ربك يصلح حالك .

 

[عمشه عموشه]

لالالالالا الطلاق اصعب شى اذا مو عليج على اعيالج والله يتشتتون
اصبري ياختي غيرج حريم كثيرات والله اصبرو على اكثر من كذا وقامو الليل والحمدلله فرجها الله عليهم
اهم شى اعيالج وفوق كذا فكري بعواقبها اذا تطلقتي وين بتروحين عند اهلج والله ماراح ترتاحين وبذات اذا اخوانج متزوجين والله يقدرونج اول شهرين وبعدين يبدون يتمللون
والله كثير من صديقاتي كذا واندمو انهم خربوا حياتهم وماصبرو
اتمنى ان الله يصخره لج ويخليلج اعيالج

 

[ترف المشاعر]

اشكر كل من رد
اللي قالت اصبري
تدرون اني فقدت الاحساس بالحياه
انا جسد بلاروح
انا مو مراهقه
ومؤمنه
لكن وصلت مرحله لما اصحى اقول ليه صحيت!

ياناس تعبت

وربي تعبت

اخاف عيالي يلوموني لو بادرت بالطلاق

بنفس الوقت انا بديت اخسر ذاتي

{ابيني}

ابي اعيش براحه مو لازم سعاده راضيه بالراحه

اللي تقول غيري يعاني

اناماقلت محد تعبان غيري

لكن البيوت الثانيه

خناق طبيعي مثل كل بيت

انا لا

انسان كل همه يكون مكيف!

انا احس بالذل بكل مره ينام فيها معي

يبي لحمي مايبيني انا!

​

 

[قلبي عنيد]

يا عمري ادري ان الطلاق صعب بس هووو الحل الوحيييييد لنجاااااة بما تبقى من حياااتك .... ضيعتي 14 سنه معااااه وانتي تعبااانه ليش ليش ......

والله حرااااااااااااااااااااااااااااااااااااااااااااااااام بس احتسبي الاجر عند ربك ....

الواااحد يعيش ب الدنيا مره وحده عيشيها مع عيااالج في راحه و سكينه والله حرااااااااااااام تصبرين عليه بعد 14 سنه ت نطرينه يتغير......تضحكين على عمرج .....

 

[اشواااقه]

مرحبا حبيبتي الله يعينك ويصبرك والله حالتك تعور القلب مدري وش اقولك بعد عشرة 14 سنه والله ماهي سهله اذا انتي شايفه مافي حل او ماتقدري ادخلي احد من اهلك او اهله انهم يسنعونه اسخيري الله انك تتطلقن ولا لا وادعي ربك في اوقات استيجابة الدعاء ان الله يصلحه ويهديه ويسخره لك والله يكتبلك الي فيه الخير اسال الله ان يعينك ويعوضك في زوجك ويصلحه ويهديه ويسخره لك وبعد عنكم كل مكروه ويخليلك عيالك ويجعلهم صالحين بارين بوالدينهم تقيين اللهم آمين لاتياسي من رحمت الله فهيا واسعه اكثري من الاستغفار وقول اللهم جرني في مصيبتي وخلفلي خيرن منها الله يفرجها لك

 

[شمس الغد99]

ليش ياحريم كل وحدة وبعد مرور فترة طويلة من الزواج تقول صبرت وما قدرت

 

[المحتاااااااارة]

الله يهديه انشاء الله استشيري احد من اهلك يكون عنده خلفية كيف ممكن يتربوا عيالك لو بعاد عن ابوهم وعقب جوابه استخيري والخيرة فيما اختاره الله والله يعوض صبرج خير حبيبتي ويهون عليج ويعوضج خير بعيالج

 

[راحةالقلوب2]

الله المستعان

 

[الحزينة جدا]

الله يفرج همك وهمي وهموم جميع المهمومين