مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

ودي امنعه مايروح له ؟؟؟

ام ميشو*

New member
إنضم
25 يونيو 2008
المشاركات
23
السلام عليكم اسعد الله مساكم خواتي
هذي اول مشاركه لي في هالمنتدى اللي حبيته بصدق وتمنيت من قلبي اقابل استاذة ناعمه تصدقون ماتمنيت شي بفوق ماتصور زي ماتمينت اقابلها يالله كل يوم والثاني احلم فيها الله يحقق امنيتي
المهم ... انا زوجي مدرس وهو عصبي بس قلبه طيب دايما دايما في البر يعني من الا ربعا وهو يشد الرحال ويرجع الجمعه سواء حر او برد اوخريف ... باختصار هو يقنص دايما
والله اني في هم يعني اول لمن كنت اروح لاهلي كانوا يقولون لي وين راح كل يوم , في هالحر ... الخ وكلام كثير لما طفشوني
والحين عندي ولدين وصعبة مرة كل ويكند اروح لهم ز فصرت اجلس بالبيت واقوله اخوي بيجي عندي طبعا اخوي لايجي ولا شي بس هو يعرف اني جالسه لحالي اقصد اخوي لاني امون عليه يعني لو احتجت شي .
مليت مدري وشلون اخليه يجلس زعلت ومافاد تكلمت ومافاد .. صار من يجي يوم الربوع اصير متنكدة ويبين على وجهي والحين صرت اطنشه واجلس ببيتي بس من جد تعبت من الوحدة
غير كذا كل اجازة يا بيحطني عند اهلي يا اروح معه عند اهله بالقرية واهله مرررة طيبين بس انا مليت
مليت
وماودي اقول لاهلي ااني اجلس لحالي ببيتي في الويكند اخاف يكرهوني فيه
واحيانا لما اروح لاهله يخليني عندهم كم يوم وهو يطلع للبر يعني انام لحالي
اخاف اقوله بنسافر اضغط عليه لانه مديون
والله طفشت من هالعيشة حتى اهلي صرت اطفش منهم بسبب مواقف لي معهم
والله اني اتمنى الموت اليوم قبل بكرة اذا كان خير لي
اتمنى يا استاذة ناعمه تردين علي او اي استشارية الله يرفع قدركم
اختكم الحايرة والتايهه واللي مو لاقيه احد يسمعها .....
 
إنضم
1 مارس 2008
المشاركات
77
أعوذ بالله الموت مرة وحده
يا حبيبتي وسعي خياراتك روحي أنتي و عيالك أطلعوا شمو هواء وخوذيها إجازة وانبسطي فيها أستأجري سواق يوديك ولا قولي لأخوك ...
حاولي تطلعين معه بعض المرات
قولي له يقول لأخوياه كل واحد يجيب عياله واجتمعوا في البر
الله يعينك
 

ام ميشو*

New member
إنضم
25 يونيو 2008
المشاركات
23
رد

المشكلة انو ممنوع اطلع مع سواق والا اخوي يوديني السوق ويمشي لازم ينزل معاي واخوي مو فاضي لي غير كذا لو طلبته فلوس بيعطيني 100 او 200 و ش تسوي بهالايام
وهو شباب يطلعون بر مو هنا بر باقصى الدنيا واماكن تخرع يعني يروحون للجنوب على الجبال يصيدون او يروحون التنهات جوا واماكن مايصلح فيها الحريم وش اقول وش اخلي من تزوجت وانا بس منطقة بالبيت
مليت واحيانا ارحمه عيبي ان قلبي طيب وارحمه وارحم امه اذا قالت انه هو طيب بس يمكن حالته المادية ماثره عليه
الله يفرج همي بس
 

هيام2

عضوة مخالفة لقوانين المنتدى
إنضم
15 مايو 2007
المشاركات
2,202
الله يعينك وليش قافله حبيبتى على نفسك خدى عياله واخرجوا وانبسطوا ولو ماعجبه يروح معاكم الله يهديه لك وماتدعى على نفسك بالموت اعوذ بالله تعوذى من الشيطان
 
إنضم
6 يوليو 2008
المشاركات
140
اختي انتي مكبره الموضوع وهو بسيط ومايحتاج الموت انتي اعقل من كذا ولك ابناء مثل القمر لاتوقفين سعادتك وتربطينه فيه اشغلي وقتك بأي شي تحبينه وطلعي ونبسطي وفرفشي ولاتحسسينه انك متضايقه او تعاتبينه كذا يزيد حبيبتي طنشي ومثل ماهو طالع ومنبسط ومادري عنك ويتمنى يطول الله بعمره علشان ينبسط وانتي محروقه وتتمني الموت لييييييييييييييييييييييييييييش وهو ولاعلى باله ياشيخه طلعيه من راسك علشان تعيشين والحدالله كل شي اهون من شي يطلع ولا يموت ويخليكم الله يطول بعمره وشوفي مشاكل غيرك تهون عليك مشكلتك غيرك يتمنى عيشتك تقبلي مــــــــــــــــروري
 
إنضم
30 يناير 2008
المشاركات
74
صارحيه وقولي له اني اطفش انا والاولاد وقررت انه كل اربعاء اطلع مع اهلي نتمشى ونلعب العيال ونتعشى برى ونرجع عطني فلوس ولا تطلبين كثير عشااان مايرفض
 
إنضم
17 فبراير 2008
المشاركات
1,022
حبيبتي ترى لا تصكرين عليه هذي اجازته ويبي يطلع انا اخوي نفس الشي مب يطلع اربعاء وخميس وجمعه الا تجيه حزات يكون شهر برا البلاد عشان المقناص تخيلي شهر مب ثلاثة ايام ومرته صابره وتطلع مع عياله مشاوير انتي استغلي هالوقت وسي زيارات لاهلج بيت عمج بيت خالج المهم تطلعين

لا تزعلين ولا شي وتذكري ان هذا اللي يحبونه في هالوقت وكلن وهوايته
 

ربي ارحمنا

New member
إنضم
30 أبريل 2008
المشاركات
770
الله يوفقك حبيبتي لاتضيقين صدرك اهل البر والصيد داااااايم كذا واسأليني فتنه........
مثل ماقالوا الاخوات اطلعي طيب اذا هو مايرضى الا اخوك ينزل معك واعدي صديقاتك قريباتك خواتك واطلعوا لاسواق نسائيه حلوووووه زي اذا كنتي من اهل الرياض اسواق بشرى والبرجون وغيرها ............
والله يسعدك...........
 

المرهفة

New member
إنضم
14 أبريل 2008
المشاركات
376
حسسيه انك محتاجة له دائما.وانك ما تتحملين بعده.قولي له بدلع ممزوج بزعل :انت الهواء اللي اتنفسه.واذا بعدت عني اختنق
 

ناناسي

New member
إنضم
18 يونيو 2008
المشاركات
608
وسعي صدرج وخله يروح للبر وش فيها احسن مايقعد بالبيت ويحط نقره من نقرج :msn-wink:
 

نشوى

New member
إنضم
28 يونيو 2008
المشاركات
72
حبيبتى انتى لا تحطين بعقلك ولا تحرقين اعصابك
اكيد بيكون لك صحبات اطلعى وياهم ولا حتى خذى اطفالك واطلعى بيهم ملاهى واخرجى وانبسطى ولا تعطيه اى اهميه لما يجيك ولا يحسك مقهورة ولا غضبانه وامسحيه من حياتك وحسسيه انه مو ببالك
 
أعلى