ودي احس اني حرمه واحد مسؤل عني ويصرف علي

[ألم وأمل]

الله يكون في عونك حبيبتي

امين جزاك الله كل خير

 

[ألم وأمل]

انتي الي فتحتي له المجال من الاول صار يعتمد عليج قوليله ابغى هالشئ اتصرف مب شغلي و الله هالرياييل طفشوني حسبي الله عليهم

فعلا انا السبب بس المفروض يقدر لي هاالشي مو يتنازل عن كل شي ويحملني كل شي وسبق وقلت له ابي هاالشي مالي شغل قالي طقي راسك بالجدار ماعندي الا كذا تبيني اسرق:tears: يعني مشكلته راتبه مو كبير بس ماعنده استعداد يتصرف ابد ولا يدور على حلول مثلا الفيزا عادي انا اطلعها بس هو لا يرفضها المفروض مثل مايخاف على نفسه يخاف علي بعد انا

 

[ألم وأمل]

http://www.niswh.com/vb/showthread.php?t=41467

وتقدرين ادشين بعد دورة الانماط الرجالية السيئه

http://www.niswh.com/vb/forumdisplay.php?f=132

وفي مواضيع اكثيره في المنتدى ان شاء الله بتفيدش

وسامحينا على القصور

جزاك الله كل خير يارب ومشكوره على الروابط وماجاء منكم قصور جعل كل كلمه بميزان حسناتكم يارب

 

[ألم وأمل]

:icon26::
:

ياعمررري الله يسخره لك ويرد لك زوجك رداً جميلاً ..

اللهم صب محبتها في قلب زوجها صباً واجعلها ترى ذلك
اللهم صب محبتها في قلب زوجها صباً واجعلها ترى ذلك
اللهم صب محبتها في قلب زوجها صباً واجعلها ترى ذلك




واقرأي قسم قصص وحكايات .. كاتبتهم الاستاذه ناعمه


الكثير والكثييييييييير من النساء بالقصص كانوا مثلك ..


والله يعينك يارب ويفرج لك

امين يارب ياحبيلك والله ماادري وش اقولك على هاالدعوات والكلام كل اللي اقدر اقوله الله يحقق لك ماتتمنين واكثر مماتتمنين والله يسخر لك ويسعدك ويهنيك دنيا واخره يارب:icon26:

 

[ألم وأمل]

والله انا ماحبيت ادش وأقرأ بدون لا أرد ...
وتأكدي يا اختي "كــل" الرجال ماديين .. ومافي رجال مايطمع بزوجته اذا درى ان عندها خير!!

الحل ..؟؟
ان الوحده ماتخلي زوجها يحس انها قادره تتصرف وتصرف!!
اما في حالتك وهي تقريبا حالتي وحالة نساء كثاااااار... مادري شنو الحل ..؟؟


انتي عالأقل اقتنع بفكرة السفر ... احنا اوضاعنا الماديه تسمح بس يقول:"بصراحة مابي اسافر معاج!!"
عاااااادي وبكل برود!!



الله يعينج ويسخر زوجج لــج .. يارب

امين يارب وياك باذن الله الله يسخر لنا رجالنا ويفرج علينا امرنا ياحي ياقيوم

 

[ألم وأمل]

اعانك الله غاليتي

عزيزتي...

انا اعرف كم المحبة التي تكنينها والسعادة التي ترغبينها

ورغبتك الشديدة بان تكوني كاي امراة تعرفينها ..شديدة

ولكنك على الرغم من مساوئ التي ترينها في زوجك تنتظرين ان يتغير

فالنواجه الحقيقة.. مالذي دعى له ان يفعل ذلك..؟؟

من الذي رضية ان ياخذ دور الرجل ... وذلك بحسن النية فلم يكن رغبتك ان تفعلي كل شئ سوا حبك له.. الذي جعلك مع ايام حياتك تنسي المشكلة الرئيسية ان زوجك لم ولن يتغير...وسوف يتعود .. على الاتكالية

فخدماتك المجانية .. وجهدك الفائق لارضائه.. وطيبة قلبك الذي يجعلك تصدقين كلامه ... جعلتك في هذا الموقف...


لربما لم يكتب في نصيبك ان تسافري او تفعلي شئ جديد لانه المسؤول عن ذلك وهو زوجك الذي لم يتغير او اشعرك بقيكمة مافعلتي ..

لربما لحظة فرح هي التي جعلتك تتعلقين بالامل... ولكنك نسيتي ما هي صفات هذا الرجل..
اللحظات السعيدة يجب ان لا تنسينى امور اخرى


والان عليك عزيزتي...ان تاخذي موقفا ليس بالصراخ والعتاب بل بالافعال..

لا تعطيه مالك
ولا تحاولي ان تكوني البطلة وتساعديه كلما قل عنده المال...

ابعدي نفسك عنه.. قليلا بان تفكري بامور اخرى تجعلك تقوي من شخصيتك وتكوني ذات ذكاء ... حتى تعرفي مكر الرجل....

لا تتوقعي النزاهة في زوجك فبعده عنك كل هذه الشهور او اسلوبه بالامبالاة لا يعني بانه لا يفعل شئ من دون علمك..

ابعدي فكرة لماذا لا اكون مثل غيري .. بل قولي ساكون افضل من غيري ولكن ليس بالسفر او المال.. بل بشخصيتك التي ستجعل زوجك يحترمك...

كوني ذكية وحسنة التدبير... ولا تأمني جانبك..

ولا تجعليه يذلك من اجل السفر بل انتي من تذليه بالمال.. فهو مادي...


تغيري فيتغير كل شئ ... ولا تتنتظريه....



واقرائي موموضوع كتبته بقسم الزوج والازواج بعنوان تجربتي بين يديكم ...

وباذن الله تستفيدين منها

فهي حصيلة ما تعلمته في حياتي .... وانا لم اسافر ايضا طيلة 11 سنة ومرة سافرت وحصل فيها ما يصعب تذكره...
ولكني الان الملكة المتوجة على قلب زوجي..

وكل هذا بالصبر وحسن التدبير ومعرفتي بحالة زوجي...والكثير


ووفقك الله

جزاك الله كل خير يارب كلالالالالام راااااااائع جدا جدا وخاصه انه من تجربه وباذن الله راح اقرأ تجربتك والله يعيني على الصبر مشكلتي مااصبر وابي نتيجه سريعه واهم شي عندي يصير اللي ابي وبعدين اتندم انا عارفه اني السبب باللي يصير بس للأسف مااكتشفت هاالشي الا متاخر:tears:

 

[ألم وأمل]

لا تحزني و لا تيأسي فالأمل موجد للتغيير للأفضل
ولكن في البداية يجب أن تعلمي أنك سبب المشكلة عندما قمت بسحب المسئوليه عن زوجك و لكنه نابع من طيبة قلبك و حسن نيتك

يجب أن تكون المرأة من بداية العلاقة معتمدة على زوجها وتسلمه زمام المسئوليه في المنزل حتى يحس أنه هو الرجل في البيت و ليس أنت .. أنه كثير الابتعاد والانشغال عنك لأنه يفقد احساس الرجولة معك فأنت قادرة على القيام بجميع المهمات و انت في غنى عنه

حاولي أن تغيري من أسلوبك في الحياة بالتدريج في الانسحاب عن القيام بمسئولياته و لاتقدمي له المال عندما يطلبه منك ولا تجعلينه يدير أو يسيطر على راتبك
تحلي بالصبر والدعاء والاستغفار والله المعين

انا اعرف بانني السبب في ذلك ولكن هل هذا جزاء المعروف:tears: مشكله هاالرجال والله
باذن الله راح اتغير وراح اكون افضل باذن الله والله يعيني على ذلك وجزاك الله كل خير يارب

 

[ألم وأمل]

خواتي انا لي راي ثاني ويمكن يزعل بعض الاخوات..اول شي قبل اي شي اختي زوجج عنده ديون؟؟
وهل هالديون بسبب الزواج او مكالب انتي طلبتيها؟؟؟
اذا كان نعم فانا اقولج زوجج كل ما تذكر الدين اللي على راسه انهم وانبنت طوبه في الجدار اللي بينكم عشان كذا يبتعد عنج..اختي الدين هم ويخرب الحياه الزوجيه..وانا ضد ان المراه ما تساعد زوجها ..انا اساعد زوجي بس بحدود..انا اعرف متى لازم ازيده ومتى لازم اطلب منه..اختي الحياه الزوجيه شيلني واشيلك..والله في زوجات ازواجهم ما يقصرون معاهم ومع ذلك مو مرتاحين..
اول شي قعدي مع نفسج وحاولى تعرفين سبب عدم صرفه عليج ومن ثم حاولي تحلين المشكله..والله ييسر لج امورج ويهون عليج..ويسخر لج زوجج

ياعمري انا ماعمري طلبت منه ابد بالعكس ارحمه ومااطلب وهاالشي خلاه يتعود وبالنسبه للديون انا اللي علي ديون اكثر منه
بسبب محاولتي اننا نحسن من وضعنا المادي وهو عارف هاالشي وامين يارب الله يستجيب دعواتك وجزاك الله كل خير اختي على كلامك

 

[ألم وأمل]

ياعمري انتي

الله يرفع عنك ويسعد قلبك ويجعل لك من كل ضيق مخرجا

اولا عليكي بالاستغفار والاستخارة
ثانيا من كلامك ممكن اقول انك انتي الغلطانة يعني في البداية انتبهي لنفسك انتي اللي خليتي كذا لانك ماخلتيه يتحمل المسئولية شلتيها انتي والاسؤ برأيي انك اعطيتي هو الفلوس صراحة انا مو فاهمة ليش سويتيها؟؟؟!!!!!!!!!!!
وبعدين تحطي عليه الغلط صدقيني مايجي!!

ثالثا اعتقد انك مع الضغوطات ابعدتي الرجال عنك وهذا اللي خلاه يبعد عنك ويحاول مايسافر معاك اهدي شويه مرررررررررررررررررررررررررررررررررررررررررررررررررررررررررررة
وتغيري انتي اول وحطي ببالك لو ضليتي زي مانتي ماراح تنحل مشاكل بالعكس حتخليه يشرد لحضن واحدة تانية وياكثر اللي ترضى بالحرام واذا مو حق كده في اكثر اللي ترضى مسيار وعرفي والاكثر المعنسات والمطلقات ونفسها تتزوج شرعي بالسر مادام اهلها يدروا ويسويلها فرح ويصرف عليها اللي يمنعه عنك بس بحب ورضى نفس

وكلام الاخت الرقم تسعة فعلا تمام ياليت تسويه

فكري الطلاق ولا تظلي زي مانتي وتحطي الغلط عليه هو ولا تعترفي انك انتي سبب رئيسي ممكن زيه وممكن اكثر وتحاولي تصلحي نفسك وتهدي

والله معاك وسامحيني اذا قلت شي يزعلك

امين يارب جزاك الله كل خير وبالعكس ماقلتي شي يزعلني هذي الحقيقه انا قلت لكم عارفه اني السبب وباذن الله راح اتغير والله يعيني على ذلك بس مشكلتي عصبيه هذي اللي دايم تخرب علي حياتي الله يعيني والله يفرجها علي وعلى كل المسلمين يارب

 

[ألم وأمل]

اهلين اختي الله يفرج همك ويسخره لك ويحنن قلبه عليك

امين يارب الله يجزاك كل خير

 

[تحيه للعلم]

عفواً اختي الم وامل انتي يا عبيطه يا تستعبطين ولاتزعلين مني من حبك طقك وليش انج اختي ان شاءالله

استحمليني ...

اولاً:الله سبحانه اللي هو خلقج وخلقنا قال لنا الرجال قوامون على النساء ليش انتي وغيرج وايد من

الحريم يسوون عكس هالكلام تعاندين يعني والا شنو بالضبط؟؟

ثانياً:طالما الفلوس فلوسج والرحله اصلاُ رغبتج شكو رايحه حاطه الفلوس بحسابه؟؟ ودي افهم هالنقطه!!

ثالثا: شوري عليج لحقي نفسج قبل لا يقول لج بااي !!!

شوفي حياتي خلي السفر الحين يولي فكري بنفسج اول ودلعيها وونسي عمرج شعليج من البيت انتي

خلي مصاريف البيت عليه سواءاً صرف او ماصرف خليه يحس اذا شاف انج تسدين عنه هالموضوع

خلاص اتكل عليج تقومين بواجبات الزوج وبعدين تقعدين تشتكين؟غريبه!!

ليش تزعلين وانتي أساس الغلط كله ؟!!

زعلتي لما قال لج اكرهج؟؟ لانه يشوفج انتي الرياال بالبيت شلون ماتبين يقول لج جذي

يا اختي ياحبيبتي ادري كلامي يضايق بس والله اتكلم الصح قعدي مع نفسج وسأليها شكثر انا يانفسي

دلعت زوجي وما دلعتج يانفسي؟؟ شوفي شراح ترد عليج والله بتبجين على حالج ...حبيبتي الدلال لج

انتي حسيسه بهالشي ومن رايي تسمعين كلام البنات وتدخلين قسم القصص اقري قصة عبر الاثير راح

تفيدج...

تكفين اختي الم لا تزعلين مني بس كلامج يقهررر ... يقهرر اي انثى فينا .. انتي انثى ولازم تعرفين شلون

الانثى تعيش صح اذا تبين فعلاً تكونين انثى..

قولي آمين يعل ربي يبدل حالج لاحسن حال ولاتنسين الذكر والدعاء والاستغفار وتقربي من ربج اكثر

من رجا ربه ماخاب ​

 

[نورالايمان]

الله ييسر امرك ويفرج همك

 

[سحابة ورد]

اختي انتي مو واثقه فيه ولا معطيته فرصه يثبت نفسه كرجل قادر على تحمل المسؤوليه

قلتي له ودي اسافر ويوم وافق......تحملتي مصاريف السفره..........ليه؟؟؟

خليه هو يصرف عليكم ................

بصراحه قصتك مررررررررررررررره قريبه من قصة ام الوليد اللي ذكرتها الاستاذه ناعمه

الله يهديك الغلط منك انتي مو من زوجك...........انتي اللي عودتيه على هالطبع..............

 

[ألم وأمل]

عفواً اختي الم وامل انتي يا عبيطه يا تستعبطين ولاتزعلين مني من حبك طقك وليش انج اختي ان شاءالله​

استحمليني ...​

اولاً:الله سبحانه اللي هو خلقج وخلقنا قال لنا الرجال قوامون على النساء ليش انتي وغيرج وايد من​

الحريم يسوون عكس هالكلام تعاندين يعني والا شنو بالضبط؟؟​

ثانياً:طالما الفلوس فلوسج والرحله اصلاُ رغبتج شكو رايحه حاطه الفلوس بحسابه؟؟ ودي افهم هالنقطه!!​

ثالثا: شوري عليج لحقي نفسج قبل لا يقول لج بااي !!!​

شوفي حياتي خلي السفر الحين يولي فكري بنفسج اول ودلعيها وونسي عمرج شعليج من البيت انتي​

خلي مصاريف البيت عليه سواءاً صرف او ماصرف خليه يحس اذا شاف انج تسدين عنه هالموضوع​

خلاص اتكل عليج تقومين بواجبات الزوج وبعدين تقعدين تشتكين؟غريبه!!​

ليش تزعلين وانتي أساس الغلط كله ؟!!​

زعلتي لما قال لج اكرهج؟؟ لانه يشوفج انتي الرياال بالبيت شلون ماتبين يقول لج جذي​

يا اختي ياحبيبتي ادري كلامي يضايق بس والله اتكلم الصح قعدي مع نفسج وسأليها شكثر انا يانفسي​

دلعت زوجي وما دلعتج يانفسي؟؟ شوفي شراح ترد عليج والله بتبجين على حالج ...حبيبتي الدلال لج​

انتي حسيسه بهالشي ومن رايي تسمعين كلام البنات وتدخلين قسم القصص اقري قصة عبر الاثير راح ​

تفيدج...​

تكفين اختي الم لا تزعلين مني بس كلامج يقهررر ... يقهرر اي انثى فينا .. انتي انثى ولازم تعرفين شلون​

الانثى تعيش صح اذا تبين فعلاً تكونين انثى..​

قولي آمين يعل ربي يبدل حالج لاحسن حال ولاتنسين الذكر والدعاء والاستغفار وتقربي من ربج اكثر​

من رجا ربه ماخاب ​

اولا ماراح ازعل منك بالعكس كلامك صحيح وانا عارفه ان الغلط راكبني كلي بس للأسف توني اصحى وبالنسبه للسفره خلاص بح مافيه وانا حطيت فلوسي بحسابه عشان نقدر نطلع التاشيره لازم رصيد بالحساب عرفتي ليه؟
والله يستجيب دعواتك وجزاك الله كل خير على الدعوات يارب

 

[ألم وأمل]

الله ييسر امرك ويفرج همك

امين يارب جزاك الله كل خير

 

[ألم وأمل]

اختي انتي مو واثقه فيه ولا معطيته فرصه يثبت نفسه كرجل قادر على تحمل المسؤوليه

قلتي له ودي اسافر ويوم وافق......تحملتي مصاريف السفره..........ليه؟؟؟

خليه هو يصرف عليكم ................

بصراحه قصتك مررررررررررررررره قريبه من قصة ام الوليد اللي ذكرتها الاستاذه ناعمه

الله يهديك الغلط منك انتي مو من زوجك...........انتي اللي عودتيه على هالطبع..............

لأن ماعنده فلوس تسمح اننا نسافر وكل ماقلت له شي قال وضعي مايسمح ...هو فعلا راتبه اقل مني بس برضه الرجل اذا اشتهى شي يدبر فلوس انا مااقصد السفر لا اقصد شي ثاني ..
انا ماعمري طلبت منه شي مايقدر عليه دايم اراعيه ودايم مااظغط عليه بس هو ماقدر هاالشي يعني مثلا اشترى لنفسه جوال جديد وانا جوالي رايح فيها ولسه طالعه من النفاس مافكر يشتري لي جوال والا اي شي هديه الولاده يعني تعود مايعطيني:dunno: