وحدتي ذبحتني..طلبتكم ساعدوني ارهقني همي*شكواي إليكم*

أ

أنين فتاة

New member
إنضم
2008/08/09
المشاركات
15
السلام عليكم ورحمة الله وبركاته..

أخواتي الغاليات أود منكم المساعده..

بقولكم قصتي باختصار ..أنا بنت بالمرحلة الثانويه ..وحده بين ستة أولاد الله يحفظهم..

بس مشكلتي أني أحس بوحده قاتله..:اخواني طبعا صغار مافي الا واحد اكبر مني وصار بينا خلاق وتغيرت علاقتنا مرره,,
وابوي مرره بعيد عني علاقتنا جدا رسميه لاتقولون لي زيني العلاقه ومالى ذلك لان بطبيعته كذا يميل للاولاد اكثر..

امي ماتقصر بس ماتفهمني ابدا امنيتي بحياتي اني اشكي لها..
مرره قررت قبل فتره قصره اني اروح اقول لها كنت احس الضيقه تخنقني لما رحت لهاا..

وانا صوت العبره يخنقني وقلت لها :يماا احس بضيقة تذبحني..هاوشتني وقالت توك صغيره ومن هالكلام وسفهتني..تفكيرها تفكير اغلب الامهات أن الهم فقط للكبار..

مشكلتي اني احس بوحده قاااااااااااااااااتله تذبحني..

فيني هموم ارهقتني..ولكل عمر همه..
بس اعوذ بالله يجيني تفكير كبير بالحب والعلاقه بس طبعا ابتعد عنها ابتعاد كبير..
فيكون تفكيري متى اتزوج ,,
صار ودي اتزوج وباعتقادي ان بيجيني رجال يهتم فيني,,

امنيتي احد من اهلي يجي يسالني وش فيك؟؟أو اذا تعبت يهتم فيني,,

امي داخله علي وكان فيني انفلونزا قويه..ماقوى اتحرك قلت لها يما وانا اصيح من التعب ..قالت دهني نفسك بفكس وطلعت..

اشياااااااااء كثيره بس ماحب اشكي المواقف,,
دايم اتمنى عندي اخت او بنات عم او خال المهم احد يكبرني بس المشكله علاقتنا مع عمانا رسميه..

وماعندي بنات خالات بكبري كلهم صغار مرره..

تهربت عقب كل هذا لجئت لصديقاتي..بس انصدمت بصديقة الطفوله من يوم اني بأولى ابتدائي ..
بس اقدر اقولكم صديقاتي كل واحد وهمه..

صحيح الحمدلله اني قريبه من ربي..بس بجد احس الصبر مني مل..
وحدتي تذيح..كل ليلة مو عد للهم ..
صياح بكل ليله ..ومشكلتي أكابر قدام الناس انا القويه ..حتى احس اني صرت عصبيه ..

مع اني اتندم على عصبيتي بس غصب عني..
همومي ارهقتني..وحده تذبح تذبح..
اقرب ماعندي غرفتي اقدر اقولكم جزء مني..
والاقرب دفتر اشعاري..اللي اشكي له..صرت شاعره من الهم..
اتمنى امي تضمني..هين ابوي استبعااااااااد كامل من هالشي..

بس امي ماذكر ابد انها ضمتني ابدا واذا قلت لها تقول يامصل هالحركاات..

بس مرره اذكرها كنا بنصور انا وياها,,وضمتني بخفيف خنقتني العبره..

انا ماقدر اكمل لكم بس هذا اللي قدرت عليه واللي بالقلب اكبر..
ابي منكم مساعدتكم حلوووووووول..
اناا تعبااااااااااانه نفسيا..
واذا ماقدرتوا دعواتكم لي..
 
انين فتاه انا مدرسه مرحله ثانويه وتركت التدرس لى سنتين فى غربه للندن اسلوبك ذكرنى بطالباتى وحنيت وبكيت انا حبيبه مع طالباتى لدرجه انى اسمع شكواهم دائما فى العمر هذا يتكلمون عن الام وعدم اتخاذها بنتها كصديقه وهذا الشئ السئ لدرجه رغم اشغالى فى المدرسه احاول اسمع لبنتى وسعى صدرك انتى شباب واجلسى معها مصارحه بس فى وقت مناسب
 
هلا اختي

انتي تقولين انك مهمومه ووووالخ
ياشيخه ابعدي عنك هاذا الكلام والخرابيط
.
.
.

>> كل يوم ابدي يومك من جديد <<
ولاتنتظرين احد يجي عندك ويسال عن اخبارك >> لاتنتــــــــــــــــــــــــــــــــــــظرين <<
انتي على قولتك عندك عم وبنات عم بس علاقتك فيهم رسميه
طيب عادي انتي كلميهم واسالي عن اخبارهم وسولفي واضحكي ونكتي وطنشي الدنيا وهمومها
ولاتشغلين وقتك بافكار الهمووم واشعار الحزن وووالخ
من صباح الله خير قومي واضحكي وسولفي وتدلعي وخليك كيوووووووووووووت
^^ مو لازم احد يدلعك >> انتي دلعي روحك
واتصلي على صديقااااااتك حتى لو كانت علاقتك فيهم رسميه >>اتصلي << وسلمي وشفي اخبارها ونكتي عليها وعلقي لما تقولين بس
انتي في خطاء واحد للاسف >> واضح منك من اول ماحكيتي قصتك !!!!!!!
انك تنتظرين الناس لما يجووونك
عااااادي قابلي الدنيا بفرح وبابتسامه
وموولازم احد يجي عندك ويسال عنك انتي روحي لهم >> مع الايام << هم راح يجون عندك
بس اهم شئ انك تعييشين يوووومك
مو دايم في غرفتك محد يدري عنك انتي ميته ولا حيه ولا تعبانه ووو الخ
اهم شئ انك تدلعين نفسك وتعيشين يومك وترمين همومـــــــــــــــــك وراء ظهـــــــــرك
واهم شئ وهو الاسااااس انك لاتنتظرين احد يجي عندك ويسال عن اخباااااارك

اختك
وردة الجوري
 
إلزمي الاستغفار

ثانيا اذا اهي ما تقربت منج .. روحي لزقي فيها وسمعيها كلام حلو .. حسسيها انج تموتين عليها ويبيلها اخبار تثير فضولها

الفتي انتباهها انج بنت ذكية

والله يشرح صدرج غاليتي
 
حبيبتي لاتزعلين امثالك كثيرواناواخواتي الخمس
نعاني من ابتعادالام وهجران الاب وقسوته
واذا فكريصيرلطيف مع اخواني الاولاد فقط
والبنات وجودهم وعدمهم واحد
لدرجة ان كل وحده فينا تمربمرحلة المراهقه لازم تتعرض لازمه نفسيه
بس انا استغرب انك البنت الوحيده المفروض قايم عزش بالدلال .
حبيبتي مثل ماقالت الاخت انتي دلعي نفسش وتقربي من
قريباتش وصديقاتش
ونشالله ازمتش تعدي على خير
 
انا مثلك وحيده ومالي خوات

بس انتي لا تنتظرين أحد يجي لعندك ويدلع أستغفري بنية الزواج وربي يوفقك
 
كأنك تتحدثين عني عندما كنت في نفس المرحلة!

عزيزتي انا كنت مثلك احسست بوحدة فظييعة و كل يوم هم و بكاء و عصبية جدا و اصبحت عدوانية في اسلوبي
و اي شي يبكيني اذكر ان ابي امسك بيدي و نحن نعبر الشارع احسست انني سأنهار من الفرحة و عندما مرضت و تحسس حرارة جبهتي تمنيت ان أظل مريضة للأبد فقط ليكون الى جانبي
كما انني كنت اغضب عندما تستاثر اخي الاكبر بالمشورة و الرأي و انا لا تقيم لكلامي وزنا:icon1366:

طبعا الكلام هذا زماان عندما كنت بعمرك لكن في يوم واحد قررت ان اتغير اختلف
فكرت في حالي و كيف ان الدموع رفيقتي و امراض القولون هاجمتني و نالت مني و قلت لنفسي كبيرها تكبير.. صغريها تصغر
ليش الهموم و انا لسه صغيرة ، و من بعدها تقربت من الله اكثر و بنات خالتي و عمتي المبتعدات عنا تقربت منهم
صار الابتسامة هي رفيقتي ، صرت اخرج اكثر و اشارك في اعمال تطوعية إلتفت لهواياتي
و اخرج الى صديقاتي و الحدائق و الحفلات و حاولت الاستمتاع بحياتي بأفضل طريقة ممكنة
امي ما تاخذ برايي عادي ما عدت اهتم اصلا ما صرت احشر نفسي في امور الكبار
اذهب الى المدرسة و انا سعيدة و اذا ما دلعني احد دلعت نفسي و دللتها :) و من الصبح اقوم و انا مبتسمة
و من بعدها تحسنت نفسيتي كثيييييييييييييير و مرت شهور و انا مبسوطة و تدرين؟ امي بعدها صارت تاخذ رايي و تستشيرني لأنها شافت اني كبرت و بطلت اعصب و ابكي و ما صرت مهمومة و قعدتي تجيب الهم
و الحين وانا 27 صرت الكل بالكل بالبيت و رايي يمشي ههههههههههههههه
يا خسارة ايام الاكتئاب كنت سأكبر عاجلا او آجلا و ستأخذ امي برأيي فلم الهم؟؟
اضحك مرات عندما اتذكر هذا ، لكن مسألة الحنان هذه لم تحل :blushing: لا بأس الله يعين
لكن الحياة مستمرة:shiny:
تطنش تعش
جربي ،ا حلو التطنيش
 
الله يكون في عونج ويسهل عليج

صدق الوحدة شي فظيع (لا يطاق )

بس مثل ما قلتي انتي قريبة من رب العالمين .. فلا تخلين الشيطان يدخل من بينكم

اذا تحبين الشعر لو شوي نمي ها المهارة .. ادخلي على مواقع واتعلمي اشيا يديدة

كوني صدقات خاصة من ها المنتدى .. في وايد بنات وشخصياتهم حلوة ..

اذا انتي تحسين ان صديقاتج كل وحدة لها همها.. وكل وحة لاهية بحياتها ..

انتي بادري بانج تساعدينهم .. وحتى ولو مجرد وقفة وياهم .. بيحسسهم بشي كبير ..

وطبعا بيردون لج الجميل .. واذا حلوا مشاكلهم .. بيجيهم اليوم اللي يشوفون مشاكلج ويعينونج..

وقوي علاقتج مع اهلج لو أصغر منج خليهم يتعلمون منج بحكم انج اكبر منهم..

العلاقة من بين أهل أبوج رسمية ~ انتي غيريها .. سولفي وياهم وخليهم يحبونج .. يعني تواصلي وياهم بالمسن أو الموبايل..

شوفي اذا في لكم جيران تعرفي عليهم .. وتعرفي منها على أهلهم .. ترا الصداقة فالجيرة يمكن تكون أكثر منها بين الأهل..

إذا عن اخوانج .. هم أولاد والامر مختلف بيننا وبينهم .. بس لا تخلين هالشي حاجز .. والله ترا في بنات يسولفون ويا اخوانهم مثل خواتهم..واشيا ما تتوقعينها.. بس اذا ما تحبين ها الشي .. يعني مثلا تيمعوا في الصالة والعبي ويا واحد منهم ورقة .. مونوبولي .. وبتشوفين كل شوي واحد منهم بييج .. صدقيني هاذي الالعاب وااايد تجذبهم .. وهم بيعلمونج الالعاب اللي يلعبونها في القهاوي..

وسولفي وياهم لو بأمور عادية .. واذا اخوج بيطلعج انتي وحد من خوانج على البحر مثلا .. تشربون عصير .. تتمشون .. ( بس هذا بعد ما تتقربين منهم)

وحاولي تصلحين اللي بينج وبين اخونج بيتم هذا اخوج .. صدقيني باجر بتحتاجين له .. وبتقولين يا ليتني ما سويت جيه .. وكنت ياهل وحرام اللي سويته .. خلي علاقتج زينة وياه مش زعل .. عادية

وربي ييسر أمورج .. ويبعد عنج الضيق والحزن .. ويوفقج ويهدي لج أمج وأهلج

بالتوفيق
 
انا مع كلام الاخوات هونيها وتهون والاهم لاتنتضرين الناس يجونك انتي روحيلهم
 
ياهلا وغلا فيكم ياحبايبي بصراحه ماتخيلتوا فرحتي يوم تفاعلتوا بموضوعي..

وبصراحه مادري وش اقتبس وش اخلي بس ودي شي اقوله لكم..

انا مانتظر احد يجيني بالعكس امي دايم تشكيلي وصديقاتي يشكون لي فاكون انا القويه قدامهم..

وماضعف نفسي..

احاول بكل ماقدر اطور نفسي ابحث عن سعادتي بقد ماقدر..

بس ياخواتي انا انسانه ومحتاجه لحد يسمعني بس لاتقولون روحي وحاولي انا وربي حاولت وبخصوص بنات عمي ..
مستحيل تتغير العلاقه..

اسمع لشكاوي الناس واحاول اساعدهم بس ياحبايبي عن نفسي ضعيفه مرره..

دايم اقوي نفسي واكون مكابره بس فجاه استسلمت..وبخصوص فقد الحنان..
مثل ماقلتوا مشكله عجزنا لها حل ..
وبخصوص المعلمه اللي ردت..ياليت كل المعلمات زيك..

واللي يعاتبني عن غرفتي لاتلموني ان طلعت منها..
ارجع بمصيبه حاولت حاولت بس ماقدرت..

حتى اني كثير اقعد بالبيت لوحدي مايهتمون بهالناحيه..
حتى اذا بغيت اطلع لصديقه موثوثه او اي مكان عام ماتتخيلون درة فعلهم حتى وانا فهمهم..

يالله مرره بالسنه..طلعت مهاراتي واستخدمها حاولت انميها احبطوني مرره..

انا الحمدلله راضيه بقسمة ربي لي بس..ولو احس همي أكبر من عمري,,أرهقني حتى اصابني القولون..
عصبيتي عجزت لااهديها اذا صرهت على احد ماتتخيلون كيف ندمي..

اخواتي ماقصرتوا بس ابي معونتكم اكثر ,,
ابي طريقه اوصل لامي كيف اني في مرحله همي كذا..

حاولت .ابوي اتمنة حنانه او سؤاله عني..اخواني يهتم مره فيهم..يسال عنهم يدخب عليهم..

انا مافكر الشي الوحيد اللي يسعدني انه يقومني لصلاة الفجر..
اقولكم شي.بعض الاحيان اغمض عيوني عشان اسمعه يكرر اسمي وهو يقومني..

اذا حاولت اتقرب منه ردة فعله تخيب ظني..
اذا صديقاتي قاموا يسولفون عن ابائهم واخوانهم ماتخيل..
المشكله اخواني كلهم صغار مافي الا واحد لاهي بنفسه ,,

اسفه ثم اسفه لاطالتي بشكواي ..
بس اول مره اجرب..واحس اكتب بلا شعور..
ولاتنسوني من دعائكم..
ودعواتي ان ربي يفرج لكم كل هم..اللهم آمين..
 
شوفي حبيبتي حضري لك مجموعه قصص وكل يوم قولي لامك قصه وتناقشوها
وكذا تكونين قربتي لامك خطوه...وخطوه خطوه....لين تقتربي اكثر...
 
انا مادري ليش مشكلة الجفاءوالجفاف من الاباء
يخلونا غصب ننقل اسلوبهم لابناءنا
لان فاقد الشيء لا يعطيه
انشالله يرزقش بولد الحلال اللي يعوضك عن حنان الدنيا
 
السلآمـ عليكمـ ..

عزيزتي اول شي احب اقولكـ حاجــة
ترا أنتي منتي غيـر عن بـآقــي البنآت
ترا مو كل العائلآت مثاليـــة يااااقلبي ..
بيتك مثلي بيتي ومثل باقي البيوت .. عاااادي ..
لا والله بالذات عندنـا بالخليج يعني وين وين تلاقين بيت مثآلــي ؟

وأنـا عندكـ مثــآل .. نحنا 6 .. واخوآني بالنسبه لي أطفـال ..
مع ان اخوي اصغر مني بـ 3 سنين بس.. لكن اعتبره طفل جنبـي ..
أمــي تحب العيـآل .. اهئ اهئ تمووت على أخـوي واحنـا البنآت من جنبهـآ ..
انا كنت مثلك والله .. انا اقرأ كلامكـ واقول سبحآاااان الله مثلي بالزبط ..

اسمعيني .. بلآش هالزعــل وهالاوهــآمـ .. ترا الحيــاه مو كلهــآ حب وحنـاآان !
اصحي على نفسـك وبلآش تحطين نفسك في هالمــود .. لاتعقديــن نفسك ..

أمك يا قلبـي هي كذآ .. هذي قدراتهــآ .. هذا اسلوبــهـا .. أعذريهــآ .. هي كذآ
بس ترآهــا تمووووت فيكي .. انتي بنتهــا ! ما تفهميــن ؟ بنتهـــــــااااااااااااااااااااا
والوحيــده كمآن ! .. بس هذي طريقتهــآ في التعبيــر يا عسـل .. كيف اوصلك المعلومــه يعني ؟
انا أمي بعد ما تهتم فيني .. ماعندي هالحنان والكلام المثالـي اللي نسمعه عن الام .. لا والله عاديه على قد حالهـا
وانا كنت ازعل واعصب وانقهــر .. لكن يوم فهمتها واتقبلت طبيعتهــآ .. يا سلااام اول شي انا ارتحت بشكل فظيع
ثاني شي قمت اضحك على حركاتهــا يا حليلها .. ما تعرف تعبر ماتعرف شلون تهتمـ .. مع اني اكثر اخواني طاعه لها لكن هذي قدراتهــا ..

بقولك على حكايـه ..
انا مره كنت في السوق .. وانا ماشيــه الا الاقي حرمــه تبكي وتصيح تدور على ولدهــا ضايــع منهــا ..
صارت زي المهبولــه تمشي وتصيح .. وتكلم الامــن .. وتسأل الناس .. والله اني رحمتها .. واتأثرت وبكيت
المهــم صارو يدورون على الولد عمره 5 سنوآت لين لقووهـ .. ورجعووه لأمـــه ..
وش تتوقعين رده فعلهــا ؟ وش أول شي سوتــه يوم ردو لهـأ ولدهـــا ؟؟ لا تضحكيني وتقولين لي حضنته وباسته والخ الخ
والله ياهي صفقته ذآك الكــف الولد طآح عالارض من قوته .. عمره 5 سنين .. وطاحت فيه ضرب
ويا كلــ ... ويا حمـ .. ويا زفـ .. يابن الـ ... يا حيـ ... يا يا يا يا .. انت ما تفهم والله لو اتحركت مره ثانيه لاذبحـك وطاااخ طيخ ..
هي تحبـــه كلنا ندري انها تحبه .. بس يا حليلها ما تعرف تعبــر زين .. ما اتعلمت شلون تعبــر .. ما نلومهـــا .. كل مااتذكرها اضحك عليها

بلاش ياعمري تزعلين نفسك بشي ما يسوى انك تزعلين عشانــه ..
لا تعيشيـن دور الضحيـــه .. انتي تقولين انا اسوي نفسي قويه والخ والخ .. ايه وش فيها يعني ! خلك انتي القويــه .. ترا ما يعيش الا القوي
تقولين صحباتي كل وحده وهمهــآ .. ياعمري كل النآس كذآ .. الناس كافيهم اللي فيهم .. ليش تجين تنكدين عليهم بعد !​

نظفي رآسك من هالكلام .. وعيشي حيآتكـ ! انا كنت مثلك .. لكن شوفيني الحين عايشه أحلى حياه .. وامي ماتغيرت وابوي مااتغير واخواني مااتغيرو
وصديقاتي نفسهم مااتغيرو .. بس حياتي صارت احلى .. لان انا اللي اتغيرت !​


حيااااتك تشبه حياة اغلب البناااات انتي منتي الوحيده اللي عايشه بجفا .. اهالينا عاشو حياه ماكان فيها هالكلام ولكنهم عاشو وكبرو وفتحو بيووت !
الفرق بينك وبين اغلب البنات انهم راضين بحياتهم وفاهمين اهلهم ومقتنعين فيهم .. اما انتي فا ودك يتغيرون !

قولي لي اذا اهلك ما تغيرو وتمو على هالحاله وش بتسوين ؟
- بتقعدين طول عمرك تشكين ؟
- بتضيعين عمرك في البكي والاشعار والهم والمرض ؟
- بتبدلين اهلك ؟ تروحين تعيشين ويا ناس ثانيين ؟
- خلاص هذي بتصير حياتك ؟ هل تقبلين على نفسك انك تعيشين هالدور ؟ دور الضحيه ؟
* بتقولين لي انك انسانه ومحتاجه هالحب وهالحنان ؟ بقولك وانا يعني ماني انسانه مثلك ؟ مااحتاج الحب والحنان مثلك ؟
* بتقولين لي بستنى الين الله يرزقني بزوج يحن علي والخ الخ ؟؟ بقولك هل تتزوجين واحد عشان يحن عليكي ؟ يحس بالشفقه عليك ؟ افاااااااا والله ما هقيتها منك .. تبينين ضعفك لرجال غريب !!!
- هل تقبلين على نفسك كذا ؟ غالبا هالزوج مارح يحترمك هذا اولا .. ثانيا بيطفش منك لانك نكديه والخ الخ الزوج يبي وحده فرفووشه وطموحه وحلوة
الا وش يبي بالنكد ..؟
* شوفي كل شي اطلبيه وكل شي سويه .. الا انك تقولين زوجي يحن علي عشان اهلى كانو قاسين ! افتكري هالكلام زين اذا اتزوجتي !

انشغلي بالدراسه واشتركي في نشاطات وسوي اللي يجي في بالك .. والشعر اذا انتي شاطره فيه طوري موهبتك .. لكن بلاش حزن وخرابيط
بس لاتقعدين تدورين عالحب والحنان .. بتضيع حياتك وانتي تدورين عليه !
مو لانه ماهو موجود .. لا الحب والحنان موجودين .. لكن انتي مشغووله في همومك وغرقانه في اوهامك .. وهالشي اعماك عنه ​

وبعدين انتي في مرحله الثانوي .. يعني سن مراهقه فا طبيعي هالشي تحسين فيه .. لكن اتغلبي عليه !
​

- انا حضرت دوره والدكتور قال انه اغلب النآس يميلووون للحزن .. والدليل انك تشوفين في المنتديااات تواقيع بعض الاعضاء
كلها دمووع وفراااق وقلب مكسووور وسواااااد والواااان غاااااامقــه .. وبعض الاسماء حزينــه مثل : الحزين والجريح والخ الخ ..
وهو لاهو حزين ولاهو جريح ولا هو وحيد .. لكن هذي طبيعه البشر يميلون للحزن بدون اسباب !!! لاحظي بدون اسباب !

لاتستنين احد .. واهلك تراهم يحبوونك بس ما يعرفوون يعبرووون .. ومعذورييييين لانهم مااتعلمو هالشي وما يعرفووونه​

وعلى قوولــه امك بلاش هالحركات المااااصله >> ـههههههـ والله بس ابي امزح معك لان امك مثل امي تعتبر هالاشياء مالها داعي

تكفين بس لاتستنين زوجك هو اللي يعوضك عن هالشي .. غلط هالتفكير .. انا هالنقطه ذابحتني .. كل الناس الا زوجك بلاش​



آسفــه عالاطالــــه .. :in_love:
​
​
 
لان فاقد الشيء لا يعطيه
أنقر للتوسيع...

كلمه تحتاج الى تغيير..

يعطيكم ربي الف عافيه على تفاعلكم ..

واهو صحيح ان مو بس انا وكل من يعاني مثلي ان شاءالله ..

تحياتي الخاصه لكم..
 
ياحبيبة قلبي ولله كنك تتكلمين وتوصفين حالتي منذ فترة ابي افهم ليش الاباء موحنونين مع فلذات اكبادهم

البنت تحتاج حنان كبير من الاهل لان يمكن الشيطان يلعب بمشاعرها وعقلها ويخليها تدور على من يهتم بها ويعطيها الحنان عن طريق العلاقات المحرمة

تقربي اكثر من امك ثقلي دم عليها ساعديها بالبيت كثيرا والزمي الاستغفار اكثر واخرجي من تلك الدائره القاتمة الحزينة التي وضعت نفسك بها

حبيبتي انتبهي على نفسك ويارب يرزقك ويرزق جميع ينات المسلمين الزوج الصالح
 
مثل حالتي

والاآن أنا في المرحله الثانويه آخر سنه وتزوجت السنه اللي فاتت بحثا عن الحب والحنان

ومثل ماقالت قووووودي هذا اكبر غلط لأنه بيحن عليك كم شهر ثمين بيمل منك ومن نكديتك وطلبك للحنان والصياح وغيره,,

والحين احاول أخلي صورة اهلي قدامه احسن ناس وانهم سووا لي شئ ماقدر يسويه لي عشان يعرف ان وراي سند

بعكس اذا قلتله اهلي قاسين ومحتاجه منك الحنان

الكلام كثييييييييير

الله يعينك ياخيتي ويشرح صدرك
 
ابي افهم ليش الاباء موحنونين مع فلذات اكبادهم
أنقر للتوسيع...
بصراحة سؤال يستحق الاجابه..

لك خالص حبي لاهتمامك بموضوعي..
خالص دعواتي لك بتحقيق ماتتمنينه..

ومثل ماقالت قووووودي هذا اكبر غلط لأنه بيحن عليك كم شهر ثمين بيمل منك ومن نكديتك وطلبك للحنان والصياح وغيره,,
أنقر للتوسيع...

افدتيني بكلامك يالغاليه ودعواتي لك ان ربي يسخره لك ..ياارب

لان بصراحه هذا واقع تفكير البنات..
 
أنا آسفة جبيبتي على الرد المتأخر بس أنا بصراحة تأثرت بكلامك وحبيت أني اسجل في هالمنتدى علشان اقولك إذا ماعندك مانع نكون صديقات لأني أنا زيك في المرحلة الثانوية ،وإذا ماعندك مانع تقولين لي انتي من وين أنا من السعودية وتحديدآ من الرياض
 
شوفي بقولك شي هو مجرد وجهة نظر ومدري صح او خطاء!!

اشوف ماشاء الله شخصيج قويه من كلامج ماعرف يمكن من التربيه يعني مو لانج البنت الوحيده قاموا يدلعونها في بعض الاسر كذي تسوي مع بناتهم ولكن للاسف البنت تتعود على الدلع وماتقدر تواجه اي مشكله في المستقبل

وانتي الحين يااقلبي مالج الا صديقاتج لانهم بنفس عمرج وبيفهمونج وانتبهي انتبهي انتبهي انه هالملل والافكار الي تدور في راسج تخليج لا سمح الله تتوجهين للتصرف الخاطئ مهمن كان اهلج مابقول قاسين بقول جافين هم ادرى بمصلحتج .

واحمدي ربج انه عندج اخوان اصغر منج تتسلين فيهم شوي يعني تلعبين هذا وتضربين هذا خخخخ
تخيلي انج بروووحج !!

الله يرزقج ياارب بالزوج الصالح الحنون الي يعوضج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل