وجها هجرها ...؟

[بيونه]

السلام عليكم أخواتي الكريمات ..وحشتوني
من زمان ما كتبت ليكم بسبب إنشغالي ودراستي:schmoll: ..لكن ولايهمكم جيتكم اليوم بمشكلة كبيرة :schmoll:أريد منكم الحل فصديقتي في ضيق وحالها ليس عندي له حل ..قلت سأخبر بنات المملكة رقيقات القلب علهم يجدون لها حل ولو مؤقت...
نعم ..زوجها هجرها ..فترك البيت وذهبت لبيت والده...بعد خلاف بينهم ..هو يقول أنها طويلة لسان وهي تقول لاتحب أن يتهمها وتسكت ..هو يقول أنها تراقبه وهي تقول بأنها تبحث عنه علها تجده ..هو يقول أنها تشك وتظن وهي تقول لا تشك إلا من غموضه وبعده عنها طوال الوقت وهكذا هو الحال بينهم سنوات ...فتوصل إلى أنه يترك البيت لها ..ويرتاح من السين والجيم؟؟لكن هل هذا حل؟؟
وهل تتوقعون منه العوده ؟؟ولمتى سيغيب عن بيت فيه من يحبهم وهم أطفاله؟؟
فبماذا تنصوحنها وانتم تعلمون بأن لكل بيت مشاكل ؟؟فلماذا يعاقبها زوجها بهذا الهجر والجفاء؟؟؟؟
أترك لكم التحليل أخواتي ولاتنسوها من دعائكم فهي في حاجه ماسه ودمتم بألف خير

 

[زمرة مشاعر]

حياك الله اختي المشكله كلها بصديقتك
فلو هي غيرت طباعها معاه اكيد راح يرد لها زي ماتبي
الزوج ينتظر زوجه تشييل عنه اهمومه وتنسيه بدلعها ورقتها في تعاملها معاه
مو لازم تصير كأنها مركز شرطه وين رايح ومن وين جاي وعلى شو ناوي
وتشك فيه بكل صغيره اكيد راح يطفش ويترك لها البيت
خليها تعود نفسها انها ماتسأله كثير وانها تشقل نفسها بروحها وعيالها وتحاول
ترجع لصديقاتها وبهواياتها يعني تفك عنه اشوي مع اهتمامها بنفسه بعدها راح تشوف كيف راح
يتلهف عليها ويدور رضاها
تحياتي ​

 

[بيونه]

زمرة مشاعر ..اشكر مرورك غاليتي
هي تهتم بنفسها لأبعد الحدود وجذابه وجميله ورقيقه لكن ينقصها الحكمه والإندفاع في التفاهم والتأقلم مع وضعها ...هي تعترف لكنها لا تعرف ماذا تفعل لكي تصل لمرحلة البعد عنه وعن التحقيق معه...
هي تحبه وتهتم به كثيرا ومن إهتمامها تريد معرفة مشاريعه وماينوب عمله ومايقوم به...
لكنها طيبه وحنونه ونظيفه ومهندمه وهو لايعيرها أي إهتمام وبأي طريقه فهو جااف وبعيد عنها كثيرا...

 

[(ياسمين)]

الله يعينها يا اختي العزيزة عليها بذكر الله سبحانة وتعالى ( ان بذكر الله تطمئن القلوب)وعليها با الدعاءلاتترك الدعاء قبل الفجر والاستغفار .........

 

[فنووون]

الله يصلح بينهم...ويهديهم..بس اذا تسمحين لي ...انا اقول تبدى هي بالصلح وتصفي النية من جديد مع زوجها..لان من خلال كلامج عنها هي ماعندها دليل ملموس عليه كلها شكوك فقط...وبعدين بينهم عيال..يعني لاتكبر المشكلة اكبر من جذي ودام انها مهتمة بنفسها..تحاول ودوس على نفسها شوي..وتتكلم معاه باسلوب حنون يرقق قلبه عليها وعلى عياله..وتفهمه انها سوت الي سوته من حبها وحرصها عليه...والله يوفقها ويهدي زوجها لها...وتقبلي مروري

 

[The Silent Moon]

حياك الله اختي المشكله كلها بصديقتك

فلو هي غيرت طباعها معاه اكيد راح يرد لها زي ماتبي
الزوج ينتظر زوجه تشييل عنه اهمومه وتنسيه بدلعها ورقتها في تعاملها معاه
مو لازم تصير كأنها مركز شرطه وين رايح ومن وين جاي وعلى شو ناوي
وتشك فيه بكل صغيره اكيد راح يطفش ويترك لها البيت
خليها تعود نفسها انها ماتسأله كثير وانها تشقل نفسها بروحها وعيالها وتحاول
ترجع لصديقاتها وبهواياتها يعني تفك عنه اشوي مع اهتمامها بنفسه بعدها راح تشوف كيف راح
يتلهف عليها ويدور رضاها

تحياتي ​

أنا مع اختي زمرة مشاعر كلامها صحيح 100% وزوجها غامض معاها لأنها دائما تسأله
فبدأ يخفي عليها لكي يستفزها !!!!!! اسألي مجرب انا كيذا يخفي علي اذا سألته وتحمست
لمعرفة اي شئ عنه فلما صرت ما اسأل وعادي اسولف واضحك بدون ما أسأله صار يتكلم من نفسه!!!
وما اقولك كل شئ احيانا يطف بشئ معين او يستخدم كريمات او زيوت !!!! ويرفض يعلمني ويخاصمني
فصرت اتركه واقول يمكن هذا اهتمام بنفسه لي !!!! وليش لا عشان كيذا ما يبغاني اعرف وكبريائه
يمنعه !!!!!! يعني ببعض الأمور التمس له الأعذار ......


الله يوفقها معاه ويسخره لها ...

 

[حبيبت رشيد1]

الله يكون في عونها

 

[ربي ارحمنا]

الله يوفقها ويصلح ما بينهم......... والحل بيدها يعني لاتصارخ وتهاوش تخلي تصرفها اكثرهدوء وحكمه ..........

 

[بيونه]

أشكركم غالياتي على تواجدكم وردودكم ووفقتم لما فيه صلاحكم إنشاء الله
أختي فنوون..... كيف تبدأ بالصلح وهو يرفض الكلام معها ومع اهلها ولايرد على مكالماتها ولا الإيميلات ولاالمسجات؟؟؟
هي تعترف بأنها أخطأت ..لكن ليس معناه أنه لم يخطأ فهو له تقصيرات كثيره جعلت منها إنسانه عصبيه ..
هو يفعل مايفعل ولايريد منها أي سؤال ؟؟أيا كان السؤال يحوله إلى شك وغيره ..!!لا تستطيع أن تحاوره إلا ورفع صوته ..هو أيضا مخطأ وليس الحق كله عليها ..
هي حاولت وبادرت بالهدوء ان تستسمحه لكنه رفض وهي تبكي ليل نهار من سؤال إبنته الصغيره عنه...
كيف السبيل ... ارشدوها فدموعها لاتتوقف تشعر بالذنب على ما فعلت ,,تشعر بالرأفه على حالها الذي لا يستوعبه أحد...
أينكم يا مرشدات ..فالوضع عندها لايحتمل
ودمتم بألف خير

 

[رماني]

الله ايسر امورها ترى الحل كله بايدها وفي هالحالة هي عطته مجال اوسع للبحث عن راحة البال بعيد عنها، يمكن يكون ماله داعي شكها مدام اهي جميلة ومهتمه فيه بس احس انها حاكرته باسالتها اللي مالها داعي ،واذا كان يحبها لازم تعطيه الثقه اللي هي مفتاح التوفيق في الحياة الزوجية، الرجال ما يحب يحس انه مراقب ومن اقرب الناس له.
حبيبتي هي تقدر تر جعه للبيت بسهولة لو تعاملت بانوثتها شوي والله يرجع، لاني انا وحده كل ما ازعل مع زوجي ويتركني فترة مع انه معانا ما يطلع برع احس بشوق ووله كبير في عيونه لانه يحب اسرته هنا انا ما اراضيه واتوددله بالعكس اتعامل معاه بانوثتي باسلوبي مع اعيالي هنا هو ما يقدر يتحمل ويمدلي ايده ويقولي تعالي.
حياتي ترى الله وهبنا نعمة لازم نحافظ عليها، لانه اذا خسرناها احنا اللي راح نندم لانه اذا لقيتي الحب عند انسان وفقدتي هالانسان صعب تعوضينه عند غيره.
سمحيلي يمكن يكون كلامي شوي جارح بس اتمنى من كل قلبي ان الله ما يفرق شمل اسرة لاسباب تافهه.
المحبة لكم جميعا رماني.​

 

[جنون الكون]

ابقولك شي او يحبها بس موجبها خلق معين فيها والا بامكانه يطلقها حتى لو وش كانت بس حبه لها يمنعه


الحل والله ما ادري بس اكيد احد خبره بذا الموضوع اكثر مني

 

[احلام ودموع]

بصراحه انا مع البنات
لازم صديقتك تغير م اطباعها علشان تحسس زوجها بالراحه في البيت مو تحسه انه في سجن وداخل على سين وجيم

 

[زمرة مشاعر]

اوكي يالغلا عودت مره ثانيه
دامها تحاول تغير طباعها وتهون عن سين وجيم اول شيء تسويه
تنقطع من الأتصالات فيه اشوي وتحاول انها تطلع مع بنوتتها وتغير معاها جو
وبعد كم من يوم تروح تزور بيت اهل زوجها زياره رسميه عشان البنوته مشتاقه لأبوها واهلها يعني مو عشان تروحله وتحن عليه يرجع البيت لا لا .........زياره عاديه ولا كأن صاير بينهم شيئ
وتضحك وتسولف عادي وتحاول ماتطول الزياره وحتى لو كان موجود تسولف معاه عادي ولا تعاتبه ولاتطلب منه الرجوع نهائيا.
بعدها اكيد راح يغير اللي براسه ويعود لها ​