وجزاة السنين... زوجي يقول هذا الكلام.. ابغى الحكيمات يدخلون
السلام عليكم ورحمة الله.
حبيت اطرح مشكلتي وياليت تردون علية ومن خلالكم اقرر وضعي مع زوجي... انا مابتكلم عن سنين زواجنا ومابتكلم عن تعامله معي طول السنين حتى مايطول الموضوع بس اقول انه انا متزوجة من 21 سنة اكبر بناتي ثاني جامعة واصغرهم تسع سنوات... في البداية اختصر حياتنا انها مابين حب وسعادة ومابين هواش وضرب نعم كيف تجي ماادري كنا مرتاحين شهور إلى أن دخل بيتي كم من عايلة... وانا على نياتي طبعي الهدوء والكرم أكرم ضيفي وبشوشة في وجههم ماكنت ادري ان فيهم من يضمر الحقد والحسد طبعا من سنوات بسيطة عرفت هذا الشي عموما... بدأت مشاكلنا وقوية على اسباب تافهة كنت اشكي لأبوه رحمة الله عليه بحكم وفاة والدي اول سنوات زواجنا...ويهدي الموضوع ويتعدل فترة بعدها يرجع لعادته حسيته غيور يحب يعيش أصغر من سنه عكس شخصيتي... إلى أن بدأوا بناتي يكبرون حصل موقف مرة وضربني ضرب وناديت ابوه الله يرحمه وقلت له كلام قوي... هو قريبي وكان يعزني كثير قلت لو ابوي عايش ماخلاني اعيش مع ولدك وانت اول من يستنكر وضع ولدك بس تهدي وضعنا عشان الناس ولا مو مقتنع باللي تسويه.. لو بنت من بناتك ماترضى لها الإهانة كذا وتسحبها من بيت زوجها ... هنا قام قال لا انت بنتي وانت ماأرضى فيك وانت الداخلة وهو الخارج.. قلت عموما انا ناديتك مو عشان تحل المشكلة انا بس اقولك ولدك في يوم من الايام بيكون في مجلس رجال وانت شاهد عاللي كان يسويه... بعد هذي الجلسة كلم ولده كلام قوي على قول زوجي بعدين... من بعد هذي الجلسة ماعاد يمد ايده ابدا لأني أساسا مديت ايدي انا كمان وبعدها ناديت ابوه... تغير الوضع وانتقل الضرب لبناته وتعبت منه وصاروا يعاندوه وخاصة الكبيرة وماألومهم بنت في ثانوي تنضرب وقتها... وعلى فكرة هي كارهته إلى الآن تقول عمري مااسامحه.. أخواتها أهون شوية مرة كذا ومرة كذا بس بالعموم مافيه تقارب بينهم.. طبعه انسان انتقادي كثير يكسر المجاديف على قولتهم احسه يغار من النجاح والناجحين... دايما يوصف بناته بالفاشلات وزي امكم مو منظمات زي امكم... و الحمدلله شهادة الناس العكس... بناتي ولله الحمد متفوقات ماينزلون عن 98 وإذا قلل من نجاحهم وقمت انتقده انا في هذا الشي قال امزح بس انا افتخر فيكم... بس بعد ايش... عاد انا نقد لاذع لي وعند الناس يمدحني بس معي.. غريب طبعه احسه يغار مني في كل شي ان كان كلام او تصرفات أو أشياء اعملها الاحظ انه يسويه.. ويقلل مني ومن اللي اسويه
ماعلية من هذا الشي الحمدلله واثقة من نفسي واوضح هذا الشي له اني مافكرت في كلامه... لكن تعبت في داخلي من تصرفاته..الفاظه بذيئة جدا وقدام بناته يقولها حتى ولده الصغير تسع سنوات ينتقده.. صلاته يصلي لكن احيانا يهمل
ولايحب احد ينصحه... عنده عظمة عجيبة يحب يكون شي مهم ومحور الاهتمام من الجميع.. مشكلتي الان معه من فترة يردد انه يبغى يتزوج ويقول والله ناس دلني على بيوت وكذا قلت روح بس تحمل ردة فعلي قال وش بتسوين تزعلين فترة وترجعين... قلت لا تدري ليش لاني مانسيت ماضيك وصبرت وتناسيت لكن إذا فكرت في الزواج تأكد اني باخذ حق السنين وعمري اللي ضيعته عليك وفترات اقوله طيب وبعدين وش المطلوب مني تزوج ماحد يردك لكن مالك دخل في ردة فعلي وزي كذا... البارح كنا عاديين وراضين شوية قال لازم اتزوج اخذ ثلاثينية تجدد شبابي.. قلت والثلاثينية ماراح تقبل فيك الا اذا عيشتها عيشة كريمة ودلع ولا وش تبى بواحد داخل عالخمسين... قال يمين انا نويت بس انتظر ارتب اموري بس وانت لك الخيار اما البقاء أو الخروج من البيت سويت نفسي قدامه اني هادية بس حسيته كسرني ومااكلمه من البارح قلت في نفسي هذي اخرتها صبرت عليه وجاب لي الامراض عندي الضغط الان ومشاكل القولون بسببه.. ويجازيني قدام الناس كذا...
مااخفيكم اعرف اللي يسكته هو يبغى كل يوم يسوي علاقة وانا تعبت منه هو يهمل في صلاته وانا اتعب... ويرجع يقول بتزوج صغيرة غلط اللي ياخذ وحدة قريبة من عمره..
والكثير الكثير من المواقف ماذكرتها واعتذر عن الاطالة...
عمره تسعة وأربعين ثلاث شهور ويدخل الخمسين... وانا أربعة وأربعين... بس الحمدلله مهتمة بنفسي ولايبان اني بهذا العمر ماشاء الله لكن اهلكني من التفكير وهذا كله من صحتي..
حبيت اطرح مشكلتي وياليت تردون علية ومن خلالكم اقرر وضعي مع زوجي... انا مابتكلم عن سنين زواجنا ومابتكلم عن تعامله معي طول السنين حتى مايطول الموضوع بس اقول انه انا متزوجة من 21 سنة اكبر بناتي ثاني جامعة واصغرهم تسع سنوات... في البداية اختصر حياتنا انها مابين حب وسعادة ومابين هواش وضرب نعم كيف تجي ماادري كنا مرتاحين شهور إلى أن دخل بيتي كم من عايلة... وانا على نياتي طبعي الهدوء والكرم أكرم ضيفي وبشوشة في وجههم ماكنت ادري ان فيهم من يضمر الحقد والحسد طبعا من سنوات بسيطة عرفت هذا الشي عموما... بدأت مشاكلنا وقوية على اسباب تافهة كنت اشكي لأبوه رحمة الله عليه بحكم وفاة والدي اول سنوات زواجنا...ويهدي الموضوع ويتعدل فترة بعدها يرجع لعادته حسيته غيور يحب يعيش أصغر من سنه عكس شخصيتي... إلى أن بدأوا بناتي يكبرون حصل موقف مرة وضربني ضرب وناديت ابوه الله يرحمه وقلت له كلام قوي... هو قريبي وكان يعزني كثير قلت لو ابوي عايش ماخلاني اعيش مع ولدك وانت اول من يستنكر وضع ولدك بس تهدي وضعنا عشان الناس ولا مو مقتنع باللي تسويه.. لو بنت من بناتك ماترضى لها الإهانة كذا وتسحبها من بيت زوجها ... هنا قام قال لا انت بنتي وانت ماأرضى فيك وانت الداخلة وهو الخارج.. قلت عموما انا ناديتك مو عشان تحل المشكلة انا بس اقولك ولدك في يوم من الايام بيكون في مجلس رجال وانت شاهد عاللي كان يسويه... بعد هذي الجلسة كلم ولده كلام قوي على قول زوجي بعدين... من بعد هذي الجلسة ماعاد يمد ايده ابدا لأني أساسا مديت ايدي انا كمان وبعدها ناديت ابوه... تغير الوضع وانتقل الضرب لبناته وتعبت منه وصاروا يعاندوه وخاصة الكبيرة وماألومهم بنت في ثانوي تنضرب وقتها... وعلى فكرة هي كارهته إلى الآن تقول عمري مااسامحه.. أخواتها أهون شوية مرة كذا ومرة كذا بس بالعموم مافيه تقارب بينهم.. طبعه انسان انتقادي كثير يكسر المجاديف على قولتهم احسه يغار من النجاح والناجحين... دايما يوصف بناته بالفاشلات وزي امكم مو منظمات زي امكم... و الحمدلله شهادة الناس العكس... بناتي ولله الحمد متفوقات ماينزلون عن 98 وإذا قلل من نجاحهم وقمت انتقده انا في هذا الشي قال امزح بس انا افتخر فيكم... بس بعد ايش... عاد انا نقد لاذع لي وعند الناس يمدحني بس معي.. غريب طبعه احسه يغار مني في كل شي ان كان كلام او تصرفات أو أشياء اعملها الاحظ انه يسويه.. ويقلل مني ومن اللي اسويه
ماعلية من هذا الشي الحمدلله واثقة من نفسي واوضح هذا الشي له اني مافكرت في كلامه... لكن تعبت في داخلي من تصرفاته..الفاظه بذيئة جدا وقدام بناته يقولها حتى ولده الصغير تسع سنوات ينتقده.. صلاته يصلي لكن احيانا يهمل
ولايحب احد ينصحه... عنده عظمة عجيبة يحب يكون شي مهم ومحور الاهتمام من الجميع.. مشكلتي الان معه من فترة يردد انه يبغى يتزوج ويقول والله ناس دلني على بيوت وكذا قلت روح بس تحمل ردة فعلي قال وش بتسوين تزعلين فترة وترجعين... قلت لا تدري ليش لاني مانسيت ماضيك وصبرت وتناسيت لكن إذا فكرت في الزواج تأكد اني باخذ حق السنين وعمري اللي ضيعته عليك وفترات اقوله طيب وبعدين وش المطلوب مني تزوج ماحد يردك لكن مالك دخل في ردة فعلي وزي كذا... البارح كنا عاديين وراضين شوية قال لازم اتزوج اخذ ثلاثينية تجدد شبابي.. قلت والثلاثينية ماراح تقبل فيك الا اذا عيشتها عيشة كريمة ودلع ولا وش تبى بواحد داخل عالخمسين... قال يمين انا نويت بس انتظر ارتب اموري بس وانت لك الخيار اما البقاء أو الخروج من البيت سويت نفسي قدامه اني هادية بس حسيته كسرني ومااكلمه من البارح قلت في نفسي هذي اخرتها صبرت عليه وجاب لي الامراض عندي الضغط الان ومشاكل القولون بسببه.. ويجازيني قدام الناس كذا...
مااخفيكم اعرف اللي يسكته هو يبغى كل يوم يسوي علاقة وانا تعبت منه هو يهمل في صلاته وانا اتعب... ويرجع يقول بتزوج صغيرة غلط اللي ياخذ وحدة قريبة من عمره..
والكثير الكثير من المواقف ماذكرتها واعتذر عن الاطالة...
عمره تسعة وأربعين ثلاث شهور ويدخل الخمسين... وانا أربعة وأربعين... بس الحمدلله مهتمة بنفسي ولايبان اني بهذا العمر ماشاء الله لكن اهلكني من التفكير وهذا كله من صحتي..
اسم الموضوع : وجزاة السنين... زوجي يقول هذا الكلام.. ابغى الحكيمات يدخلون
|
المصدر : الأستشارات الزوجية العامة