والله محتاجه لكم تكفون دخلوا وعطوني رايكم

[بنت النوور]

السلام عليكم

بنات من البدايه

زوجي راعي نت ويجب يدخل مواقع اباحيه ... من زمان هالشي بس هو دايما يحلف لي انه مايعرف غيري


وحتى بالقران حلف... المهم صدته بدون مايدري في موقع مشهور للتعارف وسجلت انا فيه بدون مايدري


والصدمه ان طلب صداقتي وقبلت انا ودخل علي سوالف وقصيد وكلام حلـــــــــــــــــــــــــــــــــو عمري انا زوجته ماسمعته

وطلع الرجال رومانسي وانا ماادري

مع اني واللله العظيم مو مقصره بشي لا بنيولوك ولا ليالي رومنسيه وهو بنفسه يعترف


وكل يوم يدخل النت ويطرش لي مسجات حب وشوق طبعا هو مايدري ان انا مو وحده ثانيه

قلبي مقهوره وربي انصدمت فيه وعلى فكره صلاته مايخليها الحين هو معاي بالشات قولولي شسوي اصارحه


واتهاوش معاه ولا اكمل وشوف وش اخرتها


انا مااقول الا الله يسامحه والله

والله ماعندي احد افضفض له غيركم ياخواتي


وابي مساعدتكم

 

[صمت الدروب]

الله يكون بعونك حبيبتي بس في رائي الرجال ما يحبون الي تدور وراهم طلما انه ما زال يخاف منك وحلف لك ان ما عنده علاقات هذا معناه انه حاسب لك حساب ولو كشفتيه وقولتي له انا كاشفتك بيصير يسوي كل شي وقدامك وما يهمه عليك بالدعاء وبعدين فيه مميزات حلوه اهم شي صلاته ما يخليها وهاذي نعمة كبيرة
وفقك الله​

 

[بنت النوور]

ااااااااااااااه ترى والله مش شي سهل انه يكلم وحده ويتخيل انه معاه بالفراش


اي صلاه هاي اللي مايخاف ربه في زوجته

 

[S.smsm]

الله يفرج همك ويهدي زوجك ..مافي مثل الدعاء ..قلب زوجك بين أصبعين من أصابع الله سبحانه..إدعي ربك وأساليه والحي في الدعاء


الله معاااااااااااك ياعسل..

 

[ياغيابه]

<P align=center><FONT color=royalblue size=5>نصـــــــــــــــــــــــيحه لايعرف ابــــــــــــــــــــــــــــــــد</FONT></P>
<P align=center><FONT color=royalblue size=5></FONT> </P>
<P align=center><FONT color=royalblue size=5></FONT> </P>
<P align=center><FONT color=royalblue size=5>وهذا شي من صالحكـ كلميه وناقشيه على اساس انكـ تبغي تتعارفين عليه وخ

 

[ياغيابه]

نصـــــــــــــــــــــــيحه لايعرف ابــــــــــــــــــــــــــــــــد


وهذا شي من صالحكـ كلميه وناقشيه على اساس انكـ تبغي تتعارفين عليه وخليه ينعجب فيكـ وفي رومنستكـ انتي كمان واهتمي فيه لين تعرفين ايش يحب وايش يكره وايش خاطره فيه والله راح تعرفي كل شي يخفيه عنكـ في البيت ومدى صدقه واعرفي اذا يحب يتكلم عنكـ او لا ..


بس لو عرف بتطيحي من عينه وبيقول اللي دخلتي لي بتدخلي لغيري وماراح يستوعب انكـ داخله عشانه ..




استمري لين تفهمي ايش رغباته .. متابعه ​

 

[بنت النوور]

اااااااااااااااااااااااامين وجزاجالله خير


والله يعلم اني دايما ادعي له

 

[معتزه بنفسي]

حبيبتي لا تقولين له شيء شوفي وش نهاية الرومنسيه هل ممكن تتطور
اعرفي زوجك لحد ايش وصل يمكن بس دردشه ويحب يعرف سوالف البنات مجرد فضول ومافي بنيته اي تطوير بالعلاقه
الله يخليه لك واستمتعي بتغزله لك بالنت

 

[بنت النوور]

اصلا يقول انه مطلق وان زوجته لسانها طويل


وربي ظلمني

 

[بنت النوور]

اااااااااااااااااه والله العظيم في قلبي نار


والتغزل ياعمري مو لي القصد لغيري

 

[بنت النوور]

حتى ثقتي بنفسي بدت تهتزا


والله اكتب وخانقتني العبره

 

[شمعة الدنيا]

لاحول ولاقوة الا بالله

صدقيني ماراح تستفيدين الا بتتبهذلين وبتعورين راسج وباجر يطلع من هالسالفه ولا كأنه مسوي شي

بعدي عن الجات ووكلي امرج لله سبحانه اهم شي انه حلفلج على القرآن انه مايعرف غيرج وماعنده شي بره البيت ام بالموبايل خلاص والقرآن حسيبه يوم القيامه اذا كان جذاب

حبوبه اشتري راحة بالج وبيتج وعيالج اذا كان عندج عيال وصدقيني مرده لج اغلب الرجال جذي تييلهم نزوات وان شاءالله مرده لج

الله يسخركم لبعض ويبعد عنكم بنات الحرام ويجعلج اجمل نساء الكون بعينه

تحياتي

 

[بنت النوور]

اااااااااااااااااااامين وجزاج الله خير حبيبتي


يعني رايكم بنات اني مااقوله ؟؟؟؟

 

[مبدعـــه]

و عليكم السلام و رحمة الله و بركآته​

صبآحك فل عزيزتي ​

يكفي انك بنت النور​

ترا كذا تتعبي وانتِ تدوري على أخطآءه و هفوآته​

شوفي حبيبتي​

الاعتراف أمامه يزيد من اصراره على التمسك بالموقف سواءً كآن صح أم خطأ ..!​

و انا متأكدة الخطآ راكبه على قولتهم من رجوله لراسه:icon28: اسمحي لي قآهرني بجد
عنده قمر و يطالع هنا وهناك :shutup:​

تداركي الموقف بقليل من الصبر وادري صعب في البدايه لكن استعيني بالواحد الأحد الفرد الصمد​

وفعلا طالما يصلي احمدي ربك / احسن من اللي مايصلي و عالنت
ان الصلاة الصلاه تنهى عن الفحشاء والمنكر
ذكريه بقصص و نهايات العلاقات القذرة ..
استغلي أوقات الفراغ بكل مفيد و نآفع لكما ...

،​

وربي اكتب لك وانا كلي أمنيات ان الله يهديه لك و يصلح شأنه ويقر عينك به ​

هذا مالدي و أساله ان يفرج همومنا تعالى ​

حفظك الرحمن​

 

[بنت النوور]

تسلمين يابعد قلبي

على روعة ماكتبتي

 

[نمله فوشيه]

ياحياتي ماقدامك الا تمنعيه من النت وبعد ماتمنعيه قولي انه انتي اللي معاه فالشات وكشفتي بلاويه
امنعيه باي طريقه

انا كسرت االاب توب وبعدها ماعاد جابه

صحيح قام يروح مقاهي بس فتره ومل منها انه بيي ياخذراحته فالبيت ومدجام عارف اني بكسره مستحيل يشتري

 

[أم الحلووووين]

حبيبتي نصيحه لاتقولين له واستمري معه عشان مايدرو غيرك لكن كوني حذرة انا مثلك سويت لكن تورطت يوم علمت وحده من خواته انتبهي تقولين لاحد يعرفكم انتبهي واذا يصلي وفيه مميزات حلوة اصبري وحاولي تجذبينه لك اكثر ممكن نزوة وتروح اقرأي قصتي وبتشوفين وش صار فيني مااعرف انزل رابطها لكن اسمها قصتي مع زوجي 8سنوات من القهر والظلم الله يكون في عونك والله حاسه فيك

 

[ياغيابه]

نمله فوشيه ياقلبي ترين الرجال مو كلهم شخصيتهم وحده .. وهي ع حسب زوجها ولو درا ممكن هو يستمر وهي يحرمها النت .


انا رجعت اشوف وش صار وخاطري اذا رجع تطبقي كل اللي قال خاطره فيه وبس وشوفي وش باقي يتعذر فيه ولما يقول لسانها طويل طبيعي لان البنات بيسألونه متزوج وتخون زوجتكـ شو تبي من الشات ؟ ف لازم يبرر موقفه ..




متابعه ..؛​

 

[بنت النوور]

ياحياتي ماقدامك الا تمنعيه من النت وبعد ماتمنعيه قولي انه انتي اللي معاه فالشات وكشفتي بلاويه
امنعيه باي طريقه

انا كسرت االاب توب وبعدها ماعاد جابه

صحيح قام يروح مقاهي بس فتره ومل منها انه بيي ياخذراحته فالبيت ومدجام عارف اني بكسره مستحيل يشتري

منعته ياحسره طلع غيره عاد اني ماادري


والله كريم

 

[بنت النوور]

حبيبتي نصيحه لاتقولين له واستمري معه عشان مايدرو غيرك لكن كوني حذرة انا مثلك سويت لكن تورطت يوم علمت وحده من خواته انتبهي تقولين لاحد يعرفكم انتبهي واذا يصلي وفيه مميزات حلوة اصبري وحاولي تجذبينه لك اكثر ممكن نزوة وتروح اقرأي قصتي وبتشوفين وش صار فيني مااعرف انزل رابطها لكن اسمها قصتي مع زوجي 8سنوات من القهر والظلم الله يكون في عونك والله حاسه فيك

على فكره نسيت اقولكم شي انا انا سويت نفس الحركه معاه من شهرين بس جا قالي انا تعرفت


على وحده حسبتها انتي تلعبين علي وعاد انه متحسف

لكن هاي مستمر معاها لانه مستحيل يدري انا انا


والله كريم