والله ما اعرف كيف أتصرف ساعدوني بالنصيحة

[جوانة بلقيس]

بعد السلام والتحيه كيف حالكن ولله أني محتاجه لكن وصراحة أنا عضوة جديدة على المنتدى وكانت مشكلتي التى طرحته في المنتدى وساهمت :ألاخ أحساس ومعها أخرى الله يجزيهم الخيركله .وهى أني اصالح زوجي اللي مطنشني له فتره والسبب جدا تافه المهم بادرت وجيت لعنده وناقشت المشكله وقال أنت غلطانه وقال اعتذري وقولي أنا اسفة طبعا رفضت فلت انا ماغلطت عليك وهو مصر ويقول بالحرف الواحد قولي اسفة علشان ارضى عليك علما اني أحس انه وده يرضى وهل قول اسفة مني تعني لي ضعف . انصحوني مع شمالي شرقي دلوني تحياتي

 

[منينه]

شوفي عسوله انتي مخيرةلامحيره,, بس للمعلوميه ترى الشمالي الشرقي مغرور وشايف نفسه اذا انك بتحسين ان ه الحركة بيستغلها ويصير كل ماصار شي قولي اسفه طنشيه وبقولك شي ترى الشمالي الشرقي يحب زوجته تكون قوية الشخصيه وعنيدة انصحك لاتتطاوعيه مدامك مااخطيتي في حقه وشوفي شلون بعدين بيستسلم.
ووبس
الله يسخره لك

 

[جوانة بلقيس]

اختي منينه اللي أعرفه أن الرجل الشمالي الشرقي مايحب المراة العنيدة يكرها وصراحة سبق انه في مشكلة سابقه طلب أني اتاسف وصح كلامك شايف نفسه صح مستحيل يعترف بالغلط او يعتذر

 

[اميره الذوق]

عزيزتي خلي عنك العناد..من رأيي لايزيد الجفاء بينكم الشمالي الشرقي نفسه طويــــــــــــــــــــــــل..

اعتذري له برساله..اكتبي انا اسفه او ايام سوري,,

واكتبي كل الي تبين انو انا كنت محتاجه لك وقمت سكرت التلفون في وجهي ادري انو هذا مو من طبعك وكنت معصب ولا كان مارجعت لك جلست عند اهلي الي يحترموني افضل لي..
واكتبي كل الي تبين بس خاطبي عقله لالالالا تدخلين عواطف انت ماتحبني ما تشتاق لي<<مايفهم في هاذي الامور..

وعيشي حياتك معه طبيعي سولفي معه ومع العيال اهو بعد وقت بيرجع من نفسه بس لاتلاحقينه رضيت ولا مارضيت؟؟

وانتي ياشاطره اقري عن الشمالي الشرقي واتعلمي..

والمفروض قلتي له من البدايه ابي اسافر وابي مصرووف ماينفع زوجة فلان تحتاج للناس واهو موجود<<كبري راسه بالمدح

اهو حس انك تلعبي عليه ضمنتي انك عند اهلك قمتي تتشرطين؟؟

انا لو عندي حاجه اعلم الشمالي حقي قبل باسبوعين؟؟؟

وهو مايجي بالعناد والمقارنه؟وهذول اهله ملزوم فيهم..

يجي يالكلام الزين الهادي احس الشمالي الشرقي نفس رجال اول..يبون زوجه سنعه ونظيفه وذربه واذا دخل عليها اغرقته مدح تو مانور البيت_ياهلا بالغالي_حيا الله ابو عيالي

ونصيحه لاتمدحين وتطلبين ع طول..خلي المدح والابتسامه من طبعك


الله يسخر لك

 

[~ منتهى الرقة ~]

أولا أختي أسأل الله أن يصلح شأنكم ويوفقكم الى كل خير......
ليش الحواجز وليش الكبرياء على الزوج.........؟؟؟؟؟؟ خلينا نتكلم بالشرع مو الرسول قال لو أمرت أحد أن يسجد لأحد لأمرت الزوجه تسجد لزوجها....وفي حديث ان الزوج اذا نام وهو غاضب على زوجته لعنتها الملائكة......معليش يابنات لاحد يزعل مني الي تشوف ان مراضاة الزوج مذله ليش تتزوج أصلا؟؟؟؟؟؟أدري ان زوجك غلطان وووووو...... بس طالما قلك تأسفي وبرضى قولي غالي والطلب رخيص وبوسي رأسه وتأسفي وخلي في نيتك انه ارضاء لربك أولا وصدقيني مدامك أرضيتي ربك ربي بيخلي زوجك بيرضى عنك غصصصصصب

 

[جوانة بلقيس]

وين أختي احساس واخواتي في المنتدى ساعدوني ابغى المشورة ( وشكرا للاخت منينه)

 

[جوانة بلقيس]

اشكر اخواتي ( منتهى الرقة واميرة الذوق الله يسلمكم فعلا ريحني كلامكم

 

[~ منتهى الرقة ~]

وبعدين انتم تتغلون على أزواجكم وتشوفون أنفسكم عليهم....وبعدين لاخانوكم وراحوا يدورون غيركم تزعلوووون....انتم عارفين ويش يقولون بنات الحرام للشباب اذا زعلوا منهم...سمعت مكالمه مسجلة في النت لوحده تراضي حبيبها بالجوال تقله تكفى أبوس رجولك ولا تزعل دقيقه مني وجالسه تراضيه وتترجاه وتقله مأقدر أنام وانت زعلان وووو......ماقالت ليش أذل نفسي وأنا وأنا......أنتبهوا لبيوتكم لاتتدمربسب الكبر.....أنا ماأقول لاتكونون شخصيه وضعيفات لالالا....بس شيلوا الكبر من رأسكم