والله تعبت واتريا منكم مساعدة

[امنتك قلبي]

السلام عليكم ورحمه الله وبركاته​

اخواتي اعضاء المنتدى انا جيت لكم وحابه انكم تساعدوني><​

مشكلتي تعبت اعصابي وما خلتني ارتاااح من يوم ما صارت
مشكلتي باختصار هي ...
انا ام وعمري 37 وعندي 7 عيال ومتزوجه من 20 سنه والحمدالله وطوال هالفترة
كان كل شي تماااام والحمدالله وكنت عايشه ومرتاحه اغلب الوقت​

زوجي ولله الحمد له شخصيه قويه وما يقصر بطلبات البيت وعيالي
بس في عيب وحيد (( يشرب الخمر))
بس تحملت وياه قلت يمكن ينهدي والله يشهد اني امووووت فيه
وهو يقول انه يحبني واني ما اقصر وياه بأي شي
بس مشكلتي بدأت يوم في مرة سافر ........ ع الاسااااس انه كان رايح
يبني لنا بيت وبيعدله .. اللي هو بيت عايلتنا .. بس اللي صار غير الكان ناوي
يسويه عرفت بعد 15 يوم من سفره انه تزوج علي بدون ما يكون عندي اي
خبر او حتى ما لمح لي انه ناوي يسوي شي ..​

بعد 3 ايام من زواجه اتصل علي وخبرني انه تزوج وسكر موبايله
ومن بعدها قفل الخط بدون ما يسمعني
(( انتوا تخيلوا شعوري كيف بيكون)) ...
حاولت اني ما اكلمه بهالموضوع او حتي ازعل منه
حاولت اتصل عليه .. احيانا كنت اتضارب واعصب عليه
واحيانا كنت اتكلم وياه بهدوء .. لاني ما تحملت يعدي يوم
بدون ما اسمع صوته.. لاني قلت لكم من قبل اني والله احبه​

تقدروووووون تقولون مجنونه او اي شي بس هذا انا
ما تحملت ابعد عنه لو شوي او حتى افارق صوته ..
بعد حوالي خمس ايام كلمته وبديت اسأل عن زوجته يلي تزوجها
يعني مثل :: .. كيف شكلها .. وعمرها .. وشخصيتها ..
لاني حاولت اهدي فضولي.. اول مرة كذب وقال عمرها 28
وقال اني تزوجت عليج لاني كنت ناوي اجيب عيال واني
بعد احسن اسير بالحلاال وانا مسافر ولا اسير الحرام
وقال اني مب مقصر وقال انها تجربه وانه ندم وعرف غلااتي وقتها​

بس بعدين وبعد ما كلمته حاولت اجيب رقم زوجته الين صدق ما جبته
لاني في نفس الوقت كان فيني فضول وكنت اريد اطمن عليه
اول ما كلمتها .. كان خاطري اعصب عليها واتضارب وياها
بس يلي صارت اني لقيت عمري اتكلم وياها بهدوووووووء ..
وحاولت اطلع كل المعلومات منها من ناحيه اسمها وعمرها وكل شي يعني
والصدمه ان عمرها طلع ((16)) وهذا للامانه عمري ولدي الرابع
وبعد ما خلصت الكلاام معاها .. اتصل لى زوجي وخبرته يلي صار بيني بين زوجته الجديدة
انصدم من تصرفي وخاصه كان متعجب اشلون جبت رقمها .. قلت له انت كذبت علي وقلت
ان عمرها 28 وطلع عمرها 16 قال (( شيبه وناوي يجدد شبابه))
وهو اصلا مب كبير بالعمر بس مره 45 بس ما يبين عليه​

وطبعا اتصالاتي زادت له ورسايلي بعد زادت بين حب وخيانه
واذا ما رد علي يكون نايم عندها .. طبعا انا اعصب عليه وما اتحمل
عدت 20 يوووم بصعوووووووبه والله هذا من يوم زواجه
(( تخيلوا ما أنام ودووم اكون سهرانه كله افكر واتخيله نايم معاها ..
(( وانه يمزح ويضحك معاها وكل شي كان يسويه لي صار يسويه لها))
طبعا كان لازم اعوّد نفسي .. وهذا التعب كله صار فيني وهو بعده ما رد من السفر​

كنت اخلي نفسي قويه قدام اهله والكل بس انا كنت اتعذب بكل دقيقه
قبل ما يرد من السفر بيومين قمت وصلحت غرفه النوم وغيرت الاثاث
وسرت الصالون وتكشخت الكل قال غلط يلي تسوينه بس انا عاندت
وخليت نفسي مثل العروس هذا كله علشان استقبله .. ويوم كان جاي بالطريق
وصله خبر اني معصبه عليه واني ما رح ادخله البيت .. بس الصااار
عكسسسسسسسسسسسسسسس .. خليت نفسي مستانسه بوصوله
ويوم شفته نسيت كل شي سواه .. المشكله يلي فيني اني حيل طيبه
وما اخذ بقلبي منه او من اي احد .. المهم تكلمنا بالموضوع شوي
وبعدين طنشته لانه هالشي صارت ببلد بعيد عني فا طبعا ما صدقت هالشي
سألته (( ليش تتزوج)) قال بس تجربه وانتي غير وانتي ام عيالي وانتي الاصل
وانا ما رح اضحي فيج او بعيالي .. هي تجربه نجحت او فشله ما رح تأثر​

ومع الايام ما راح عن بالي انه في زوجه لزوجي غيري
حسيت انه اهتم فيني اكثر عن قبل وحبه لي زاااااااااااد بس كان قلبي متوجع وما قدرت
انسى انه في شريكه لزوجي .. بديت اهتم فيه اكثر عن قبل بالموبايل وبالرساااايل
والاتصالاات .. لدرجه اني احيانا اكلمه اكثر عن 4 مرات باليوم والرسايل بعد اكثر
بالبدايه كان عادي عنده هالشي بس بدى يمل من هالشي .. كنا قبل ننام ويا بعض
اوقات متباعده توصل الى 15 يوم او اسبو الى اسبوعين .. ومن يوم ما تزوج صار
كل يوم او بعد يومين .. صرت اهتم بعمري اكثر عن قبل وصرت كل يوم البس ثوب غير
وثياب نوم غير .. واغير من شكلي علشان ما يمل مني .. بس من اسبوع صار متغير
وااااااااااااااااااااااااااااااااااايد.. جاني في مرة وهو سكران ما اعرف ليش شو صار له
مسكني من شعري وقال هذا السرير يكفي لشخص واحد بس مب شخصين .. وانا ما
اعرف شو غيرة فجأه علي وقال اني هديت حيله وصحتي اريدج لا تدقين علي او ترسلين
رسااااايل مع العلم انه هو وزجته كل يوم اتصالات ورسايل خاصه وانها بدوله غير
يعني هالشي يكلف وااااايد .. واللي يقهر انه كل هالشي صار وهي بعدها ما جات عندنا
وبعدها عند اهلها .. ​

كل يوم اشوف موبايله ومسجاته وياها ونفس الوقت يقول انا ما اكلمها ويقول
اانا مب جالس على بنك علشان اكلمها كل يوم ..
يعني انتوا تخيلوا حالي لا اقدر اكلمه بالموبايل والا ارسل له مسجات واللي يقهر زيادة
اننا بنفس الغرفه بس ما ننام جنب بعض.. انام بعيد عنه بنفس الغرف علشان ما ابعد عنه
يعني هو بالسرير وانا انام ع الارض..
بديت صدق اتضايق من الخاطر ومن ضيقتي صرت كل شوي اجيب طاري زوجته
وهو يرد علي ويقول انتي رح تخليني اسير عنج من كثر ما تحنين..
خليتة قدام اهله قدوة وماطلعت اللي بصدري وتحملت العذاب وما خليت احد
من اهله يغلط عليه بأي كلمه .. ومن كثر ما كنت ادافع عنه صاروا يمدحون فيني
وكانوا يقولون والنعم فيج .. بس الحين تعبت والله تعبت اشيل كل شي بخاطري
وما اخبر احد باللي فيني وخوفي الكبير اني اطلع حرة العصبيه يلي فيني بواحد
من عيالي ..​

الله يخليكم يلي عندها حل لمشكلتي تخبرني لاني خلاااااص اريد
ارتاااااااااااااااااااح ما عاد فيني حيل للضيقه اكثر عن هالحاله
دخيلكم لا تردون طلبي​

اختكم >> امنتك قلبي<<​

 

[×Oالشوق عطري O×]

لاحول ولاقوة الا بالله

 

[مبغضـ أمريكا ـة]

ياقلبي انتي عورتي قلبي ..

الله يفرج لك من عند فاطر السماوات والارض ..

وتذكري اختي ان الفرج مع الصبر وان مع العسر يسرا ..

اسأل الله بمنه وكرمه وفضله وجوده ان يبدل حالك بما يسعدك عاجلاً غير اجل ..

و اعلمي ان بصبرك عليه قد حصدتي من الاجر مالله به عليم ..

عليك بالدعاء له بالهدايه فلديك واحد احد فرد صمد .. لديك رب عظيم لايمل ولايكل من دعاء عبده له .. يجيب دعوة الداعي اذا دعاه ويكشف السوء .. سبحانه ما اعظمه واجل قدره .. والزمي الاستغفار يا اختي ..

ثانياً ..عليك إن اهتممتي بنفسك ان لاتشعريه انك تهتمين بنفسك من اجله ..

دعيه يحس ان اهتمامك بنفسك واناقتك لنفسك انتي فقط .. لذاتك ..

لانك تحبينها لنفسك ..

اعرفي نمط زوجك ياعزيزتي لتستطيعي تملكه بإذن الله ..

ابتعدي عنه قليلاً لاتربطي نفسك وسعادتك به .. اخرجي .. تنزهي .. تسوقي .. عيشي الحياة بطولها وعرضها بمايرضي الله تعالي ..

لا تقصري بحقوقه ابداً حتى لايجد عليك ذريعه ..

لا تتكلمي نهائياً بزوجته الثانيه .. اعتبريها غير موجوده ..

لاتنامي بمكان غير سريرك .. لانه سريرك انتي .. دعيه هو من يقترب منك ..

لاتتنازلي عن حقوقك ياعزيزتي ابداً ..

لي عودة لك بإذن الله ..

 

[امنتك قلبي]

الشوق عطري >> تسلمين والله ع البصمه

مبغضه امريكا>> انا ما احب اطلع برى وااايد البيت وزوجي لاحظ هالشي
فا صار ما يطلع وياي .. وان شاء الله يلي قلتيه رح احاول اسويه

 

[مزوح وتروح]

مع العلم اني تعاطفت معاك ... وأسأل الله إنو يفرج همك !
بس ماورى شارب الخمر من خير ترجينه (( الخمر أم الخبائث))>> مستغربه كيف تمدحيه كل هذا المدح وهو سكير!!ماعلينا نرجع لصلب الموضوع
8
8
8

اللي تزوجها ام 16 سنه مازوجوها أهلها لواحد فوق الأربعين إلا طمعانين في قرشين تجيهم من وراه ..... لاعاد تعبرينه ولا تسألين عنه إن جاك من نفسه كان بها غير كذا عيشي حياتك بالطول والعرض وصدقيني نزوته ماراح تطول حيرجعلك ندمان ومتأسف !!
كثير زواجات صارت بالشكل هذا وما استمرت تدرين ليه؟ لان أهل البنت بمجرد مايحسوا إن زوج بنتهم ماوراه فايده (ماديه) يخلوها تنكد عليه عيشته لحد مايطلقها ويدورولها على ضحيه ثانيه!!
انتي خليك شاطره وذكيه واعرفي كيف تسحبي منه الفلوس اللي انتي وأولادك أولى فيها بدون مايحس إنك تبغي تفلسيه >> وحاتدعي لي

 

[حياتي عصمت]

طنشيه مرده يمل ويرجع لك

 

[ذكريات لاتنسى]

اسئل الله العظيم ان يفرج همك وينفس كربك
الحل انك تطنشيه اهتمي بحالك وبعيالك​

 

[العذيه]

والله يابعدي زي ماقالو لك البنات طنشيه ولا تديه اكبر من حجمه وعليك بصلاة الليل والدعاء له والاستغفار وراح تشوفي كيف ترتاحي والله يفرج همك

 

[امنتك قلبي]

الله يعطيكم العافيه ومشكورات على اجوبتكن الي تريح النفس مششششششششششكورات

 

[حجازيه ذوق]

انتي بعد مارجع من سفرته نشبتي فيه بزيااده حتى زهق منك المفروض شوي شوي وبعدين هذي ماتعتبر الا نزوه وحيرجع لك بس اهم شي تبقي مثل ماكنتي تتوددي له وتشعريه انك الى الان شاريته ومحافظه على بيتك وحاولي تفلسيه وتسحبي كل مخزونه بطريقه ذكيه عشان الزوجه الثانيه اذا مالقيت عنده المال اللي تزوجته عشانه اكيد حتطفش هي منه وتتركه الله يكون معك ويساعدك عليه وعلى نزواته