والله بجيت اليوم وايد ساعدوني :=(

[مرت ريلها]

السلام عليكم
:schmoll:​

اليوم رحت طبيب العيون حق بنتي الصغيره لان صاير لها اسبوعين تفرك عينها وترمش بشكل مو طبيعي وبنتي عمرها ألحين 4 سنوات الله يحفظها
المهم فحصها الدكتور و قالي نظرها ضعيف ولازم تلبس نظاره و عندها انحراف ناقص درجتين سألته اشلون يعني درجتين طبيعي قالي والله وسط لا طبيعي ولا واايد بس لازم تلبس النظاره و ماتفصخها تخيلوا قمت ابجي جدام الدكتور والله صكت فيني الدنيا بس الحمدلله و الشكر لك يارب العالمين الف حمد و شكر لك يارب جذي ولا شي ثاني بنات بليز الي عندها مثل حالتي تفيدني وتبرد جبدي حدي مهمومه حرام اتخيل شكلها المسكينه تكسر الخاطر هذي وين والنظاره وين :tears: :sadwalk:

عفيه بنات قولولي في حل يعني ممكن تقط النظاره بعدين ؟؟

​

 

[مرت ريلها]

ما احب الي يتطمشون وما يعلقون اي ليش دشيتوا على موضوعي بالاساس
بلقيسات وين ردودكم اشدعوه ؟

 

[رشيقة كول]

الله يشفيها...بس هي من يوم جت ضعيف النظر والا ....
لان سمعت ان اللي ما يشرب ماء كافي يضعف البصر عنده...
او الاطفال الخدج...
شيء ثاني يمكن وعلى حسب كلام الدكتور انت اساليه..ان الانحراف يتعدل..مع الوقت....
واعطيها جزر سواء عصير او مع سلطة مبشور..

 

[سحر التركواز]

اللهم اشفها لاشفاء الا شفاءك
الله يخليها لك ياااااااارب

 

[شموخ المدينه]

يااختي عادي كثير اطفال كذا تطمني الله يحفضها ويجعلها من الصالحات

 

[*أميرة الورد*]

الله يشفيها ويخليها لك ياربي

 

[حلاوة المدينة]

شوفي يا عمري لا تبكين ولا شيء بسيطة ان شاء الله انا بنتي من سن سنتين قالو عندها حول وانحراف ومن يومها وهي تلبس نظارة يا قلبي عليها لكن والله ذكية جدا بسم الله عليها والكل يحبها بنظارتها لاتشيلين هم الأطفال يحبون يلبسون النظارات من غير شيء انتي شجعيها ولبسيها النظارات وتابعي مع الطبيب وإن شاء الله ربك يشفيها وممكن تشوفين طبيب ثاني وتشوفين اذا كلامهم واحد توكلي على الله ولبسيها الحمدلله هي جات على نظارة غيرها من الأطفال عندهم امراض ثانية الحمدلله على العافية حبيبتي وارضي بما قدره الله وإن شاء الله خير لك ولها

 

[قصيميه كيوت]

ماتشوف شر ان شاءالله

انا ولد أخو زوجي نفس حالت بنتك من كم شهر قام يحك عيونه قلت لامه ولدك فيه جفاف بعيونه لان اللي يرمش يصير عنده جفاف ودوه للدكتور وقالهم نفس اللي قالكم وقالت له امه يعني النظارات طول عمره قال ايه لين يكبر بعدين تسون له ليزك وتزين عيونه .. يعني لاتخافين ياقلبي وقولي الحمدلله هاللشي البسيط ولاشي ثاني ...

 

[مرت ريلها]

حبيباتي ريحتوني والله اشكركم كل الشكر على ردودكم الي تريح البال طمنتوني والله

 

[alaa love]

الله يريح بااااااااااالج يارب

واسالش الدعاء لي

 

[آه ياقلب]

اولا ماتشوفون شر انشالله ياحياتي
ثانيا اذا كنتي تلبسين نظاره البسيها جدامها وقولي لها شوفيني آنا بعد لابسه يعني شجعيها
بعدين ييبيلها قصص فيها يهال لابسين نظاره اي والله تلقين في المكتبات وبعدين لاتعبين نفسج تلقينها تستانس تلبسها ..فصليلها نظاره ملونه وفيها حبل علشان ماتطيح منها

انشالله ماتطول فيها الا صاير نظرها 6/6 انشالله بحيل الله
ادعي بصلاتج واحنا ماراح انقصر معاج
واكيد هذا عين عليها موبعيده لآن ماشالله عيالج اسم الله عليهم جنهم العاب ماشالله الله يحفظهم

 

[مرت ريلها]

شكرا لج على المرور

 

[الاماسة]

الله يشفيها وسلامة عيونها

 

[مرت ريلها]

اشكركم على تواصلكم اللطيف معاي حبيباتي

 

[يتيمة]

ماتشوف شر الحلوة بس انتي اتطمني واهم شي ماتبيني لها انك متضايقة من شكلها اوحتى حزينة
ترى الاطفال والله يحسون حسسيها انها اجمل بنت ومو مشكلة لو تجيبي لك نظارة زجاج والبسي
انتي وهي في البداية حتى ماتحس انو شكلها غريب لحد ماتتعوج عليها
والموضوع عادي كثير اطفال بعايلتنا يلبسونها
وبعدين حبيبتي الطب تقدم
وربي يخليها لك وتفرحين بها عروس قولي ااامين

 

[مرت ريلها]

مشكورين ماقصرتوا حبيباتي