(( والصبح اذا تنفس ))

[أنثى بعطر الورد]

أهممم شيء في الحياة إنك تستفتحي يومك بالخير علشان تنعمي بباقي اليوم وتعيشي في راحة نفسيه وإنشرراااااح ..?
زمان كان زوجي بقول لي إنى اليوم اللي بيفوت الفجر و تاخدو نومه ومايصلي الفجر في وقته لحد ما تشرق الشمس يبقى يوم متعب ويوم كئيب وبتقفل معاه باقي تفاصيل اليوم ، بكون مشوش وكأنو في حاجة ناقصه ما عملها ،بتكون في حلقه مفقوده بالنسبه ليه ...
لحد م حصل لي نفس الكلام اللي كان بيقولوا .وحسيت فعلااااا بالأثر العظيم لما تصحي بدررري مع الفجر وتصليه حاااضر ،وتستشعري كمية الطاقة الإيجابية اللي بتنزل عليك وكمية النشاط والبركة اللي بتطرح في وقتك زاتو ..
أخدت لي كم يوم بصحى متأخر من النوم بلقى الشمس طلعت بكون فتراااانه وحاسه بتعب وخمووول وببقى أجري علشان أصلي الفجر متأخر وأجهز العيال للمدرسه وبكون بتسابق مع الزمن لدرجة بحس بالوقت ضييييق ...واليوم قصييير ما بلحق أعمل فيه أي شيء لنفسي ...
اليوم جااااهدت وأصررريت ..أرجع زي أول لما كنت بقوم الفجر قبل الشمس تطلع ،فسبحااان الله كأني أول يوم أقوم في الوقت ده ...وكأنو أول مره أصلي في الوقت ده ..شعوررر مررريح بيشحنك بالقوة والطاقة والحيوية ..والنشاط والرااااحة النفسيه وهذا اكبر كنز ليا والاطمئنان ..
((وَالصُّبْحِ إِذاَ تَنَفَسَ))..

فعلااااا كأنوا بيتنفس وإنت بتتنفسي معاه وتستنشقي أنقى وألطف هواااء ..فيتخلل جسدك ويملأك بالحيوية والسعادة ..،نحن كده مجتهدين في العبادة ،وتجي فترة ننتكس ..،ونتراخى
ونتباطىء ولكن لازلنا متمسكين بحبل الله الي أن يشدنا إليه ويرجعنا مرة أخرى ..
لنشعر بتلك الراحة التي لا نجدها الا بالقرب منه ،وتلك السعادة التى لا نحسها إلا عند ذكره ودعاءه ومناجاااته ..
أضبطوا منبهاتكم وأصحو لصلاة الفجر ،صلوه حاااضر وإستمتعوا وقتها بيوم جميييل مريييح تتنفسوا مع فجره أنقى وأجمل نسيم يملأكم طاقه إيجابيه لدهرررٍ كااامل

#Abeer ALhabeeb

منقول

 

[Lena Dareen]

كلام جميل انثى

مشكورة عزيزتي ​