والدي نرجسي ..امي نرجسية كيف اتصرف؟

[راجيه الرضا]

مجموعة مقالات مجمعة تحت وسم
#النرجسيةلدشيمامشرف

٤ ?الأب النرجسي و الأم النرجسية
والكلام يشمل الحما والحماة النرجسية

بالاضافة لما سبق
مع ابنائه او بناته او زوجة الابن او زوج البنت

الام او الاب النرجسي ظالم ولا يعرف الانصاف والعدل بيفرق في المعاملة بين اولاده
فيه ابن مدلل غالبا بيطلع نرجسي زيهم وغالبا مابيفسدوه بالتدليل
وابن مضطهد بيهملوه ومش بس كده لا بيحملوه فوق طاقته بيحملوه مسئولية العناية بيهم والانفاق عليهم هم وابنهم النرجسي المدلل

اولادهم منهم اللي بيطلع اعتمادي مش بيحسن اتخاذ القرارات وضعيف الشخصية
أو ممكن يكون مضطرب الشخصية دايما يلوم نفسه علي كل حاجة بيميل لأنه مستقبلا يكون ضحية في علاقات تسلطية

وفي كل الاحوال فأطفال الشخص النرجسي نادرا مايعيشوا علاقات صحية وطبيعية بسبب نشأتهم في اسر ماليها الاساءة والعنف

?بيعتبروا ان الابناء او ابن منهم ملكية خاصة
دايما يخوفوا اولادهم ويحسسوهم بالعجز عشان يفضلوا محتاجين لهم
?لما بيبدأ يستقل بحياته بيحسوا احساس الفقد
?ممكن يتطور لاحساس الحسد والسخط عند تمام الاستقلال عنهم ومن ثم يبدأوا في الانتقام باذلاله وتحطيمه و نفي اي صفة مميزة بل علي العكس تشويهه
ولو قدر يخرب بيته بيخربه
وممكن بعد زواجه واستقلاله يتصب كل ده علي الزوجة او الزوج المسكين ومش بيهدوا الا بعد ما اولادهم ينفصلوا ويرجعوا لهم
?دايما يمنوا علي عيالهم عملنالكم سوينالكم
?بيرسموا لاولاهم طريقهم
وممكن كمان يطالبوهم بالمستحيل
عشان بس يلوموهم ويوبخوهم علي فشلهم
?مش مسموح بالضعف او القصور او الفشل

?اهم عامل تحفيزي لابنهم عشان ينجح هو نظرة العيلة والاصدقاء
?اذا الابن ماستجبش بشكل مُرْضي لتعزيز شخصية الوالدين النرجسيين
ومثل الامتداد الشخصي البراق لهم
او لو خالف الخطة المرسومة

هيعاقبوه
?العقاب بياخد اشكال
ممكن اعتداء جسدي
او نوبة غضب رهيبة
او لوم عنيف
او اهمال شنيع
او محاولة لزرع الشعور بالذنب واستخدام سلاح الدموع وسيف البر والعقوق
وممكن نقد بشع يكسر قلبه ويسحق روحه

كل الاساءات والقسوة لها اعذار ومبررات لصالح الابناء
اذا ما استفادشوش من انجازات وماديات الابناء لانها بتاعتهم اصلا بيدمروها
بيختلقوا المشاكل ويتلاعبوا بمشاعر اولادهم عشان يحيروهم ويألموهم ويتلذذوا بألمهم
بيتلذذوا بالم الابن المضطهد من اظهارهم تفضيل الابن المدلل عليه اللي بيكون متعمد امعانا في الاذلال

طيب والحل

الابن المضطهد من الام او الاب النرجسي
إما أن يقطع اتصاله بيهم تماماً ( ده بيحصل مع الحما والحماة غالبا )
أو أن يبقي على اتصال محدود معاهم

بس لازم يخلي باله انه اذا قاطعهم و رجع يحاول يرجع العلاقة تاني فاحتمال كبير يخلوه يدفع التمن غالي جدا
ومش هيعتبروا اعادة العلاقة بداية لصفحة جديدة أو فرصة تانية للعلاقة الطيبة ابدا

فاذا إختار أنه يبقى على علاقة محددة بيهم
فعليه الالتزام بارشادات صارمة وواضحة في العلاقة دي:

اشفق عليهم لان مرضهم بالنرجسية مخليهم في عذاب
ماتتخيليش ابدا انهم مرتاحين
ذكر نفسك دايما ان ده سلوك مرضي ومش مجرد تقلب مزاجي عارض

حط حدود صارمة وواضحة في العلاقة بينكم
ماتسمحش باختراق الحدود دي

افهمه
وماتسمحلوش يلعب بنفسيتك وقراراتك وافكارك
اعمل اللي شايفه صح وابعد عن رأيهم طالما جربتهم سنين وسنين

وماتحاولش تقنعهم برأيك لانهم مش بيقتنعوا غير بانهم بس اللي علي صواب
وغالبا بيبقي عكس رغبتك
ومن البداية ماتعرفهمش تفاصيل حياتك فتقلل من سيطرتهم وتدخلاتهم وتحكماتهم

عمر العلاقة ما هتبقي طبيعية
فماتحاولش تبرر لحد تصرفاتك
محدش شاف معاناتك
ولا محاولات برك
ولا هيصدق كلامك عن قسوته و تدميره لك
فمحدش هيفسرها غير انها عقوق

اذا كانت الام او الاب النرجسي بحاجة لعناية في كبرهم حاول انك ماتكونش الوحيد الملتزم بالعناية بيهم لو لك اخوات اجبرهم علي القيام بدورهم معاك
لان ده هيمنعهم من استهلاكك نفسيا
وهيديك الفرصة للتعافي بعد كل مرة يجددوا اذيتهم لك

احمي زوجتك من امك او ابوك النرجسي هي مسكينة مالهاش ذنب

احمي اولادك من جدتهم او جدهم النرجسي كفاية انت مش لازم تعرضهم لسلوكهم المرضي.

??
التعافي من آثار الطفولة المؤذية، صعب.
لكنه مش مستحيل
ودي نصايح عشان تتخلص من قهر وتسلط الأم أو الأب النرجسي
وقف محاولات استرضاءهم
او تغييرهم

بطل لوم في نفسك انت حاولت كتير
وبطل شعور بالذنب انك بعدت

واوعي تكره نفسك زي مااوهموك

انت كبرت خلاص مفيش سبب يخليك تخاف منهم
من حقك تستقل و تبني حياتك انت طبيعي وما اجرمتش
لو حاسس بالتردد والخوف استعن بالله و ابدأ بخطوات بسيطة ده مستقبلك ومسئوليتك

اوعي تصدق انك عاجز من غيرهم او عديم النفع او محدش بيحبك غيرهم عشان تفضل تابع لهم

اندمج في صداقات وعلاقات جديدة انت تستحق علاقات سوية

ادي لنفسك الحق انك تحزن علي الام او الاب اللي اتحرمت من حبه و دعمه وقربه

استرجع ثقتك في نفسك العيب ماكنش منك

استرد احترامك وتقديرك لذاتك انت عندك حاجات حلوة كتير جواك تستاهل انك تُحْتَرم وتُقَدرعشانها
وتستحق انك تتحب زي ما بتحب

تذكر انك مش الوحيد المبتلي بالابتلاء ده
لا دول اكثر مما تتصور.

اطلب مشورة او راجع اختصاصي نفسي اذا مش قادر تتغلب علي رواسب الماضي

د.شيما مشرف

 

[راجيه الرضا]

النقطة الوحيدة التي توقفت عندها نقطة ان يقطع الصلة بهما تماما هذه محل بحث إن شاء الله تعالى