ه

رماد الشوق

رماد الشوق

New member
إنضم
2007/08/25
المشاركات
52
السلااااااام عليكم ورحمة الله وبركااته
يابلقيسيات ,, جايه بمشكله لوحده من البناات متزووجه ,,
وطلبت مشورتي بحياتها الزوجيه ,,
وماقدرت ارد عليها غير ادعي له واكثري من الاستغفار وقيام الليل ,,
وباذن الله تفرج ,,
لان ماني متزوجه ولا لي خبره بهالشي ,,
وماابي اعطيها رأي وما اكون دارسته من جميع نواحيه ,,
المشكله هي انها تدرس بالجامعه ومتزوجه لها 8 شهور تقريبا ..
مابقى شي وتتخرج ان شاءالله بالكثير سنه بس ,,
زوجها شهادته ثانوي ,, ومتوظف ,,
واغلب هوشاتهم انها مقصر بحقه والسبب الدراسه ويقولها دراستك اهم مني ,,
ومنتي معطتني حقوقي ,,
هي تدرس بمدينه بعيده عن بيتها فـ مشواار طوويل من بيتها للجامعه والعكس
تطلع من بيتها بعد صلاة الفجر مباشره وترجع ع الساعه 4 العصر تكون مرهقه وتعباانه تبي تنام ,,
لكن زوجها يتصل عليها من بيت اهله ويقول يافلانه تعالي انا عند امي وابوي تعالي,,
تقوله انا تعبانه وبنام و و و يعصب ,, وآخر شي ترووح مجبره عشان تسلم من الهواش ,,
وتجاامل على حسااب نفسها ورااحتها ..
بيتها مافي اي شي ينوكل ماغير حلويات عصيرات الفطور والعشاء والغداء عند اهله ,,
مدري عشاان يجبرها تاكل عند اهله ,,!!!!!!
مشاكلهم كلها على موضوع الدرااسه يقول اتركيها شوفي مرة فلان شوفي
مرة اخوي مو مقصرين على زواجهم بشي وماعندهم شهاده جامعيه ,,
كلهن ثانوي ومتوسط وابتداائي احياان كثيره ,, تقول وش علي منهم ,,
انا ابي اكون احسن .. منهم ,,,
المهم تطورت الهوشاات الى انه بغى يضربها بالعقال ,, لانها تأخرت تسوي العشاء ,,
لما زاروهم ضيوف !!!
ويعلل سبب ضربه كله من درااستك تجين تناامين الى العشاء ومقصره بكل شي يخصني ..
قلت يمكن هو يغاار منها خصوصا انها جامعيه وهو ثاانوي ,,
لذلك يطلب منها تترك الدرااسه !!
بناات انا ماودي تترك درااستها خصوصا انه ماباقي شي وتتخرج باذن الواحد الاحد ,,
وهي تقوولي يا شووق ,, ابي آخذ شهادتي عشان اعز نفسي ,,
بكرى يمكن يتزوج علي ولا يقصر بحقي ..
ماابي ينقصني شي ,,
بناات حتى السووق مايوديها تقوول آخر مره رااحت السوق بعييد الفطر !!!!!!!!!
سااعدووني ماابي اتركها وهي مااشتكتلي الا واثقه اني بسااعدها ان شااءالله ..
ايش تعمل ...
الكلام مو مرتب .. بس من قهري عليها ,,
ربي يفرج همها ويسخره لها يااااقاادر يااكريم ,,
​
 
تحاول تنظم نومها يعني تصلي العشا وتحط راسها واذا جت لا تنام العصر وتسوي الغداء من الليل قبل لاتروح تنام وذا جت تسخين بس هو معه حق يزعل لانها ماهي منظمه نومها
 
انا انصحها انها تنظم اوقاتها وتستحمل عدم النوم شوية

عشان زوجها ما يكون له حجة بعدها​
 
الله يــفرج همها وهم المهموميــن

ليـــش ماتحــاول تتفاهــم ويــاه بالليــــن ،،تاخذه بأسـلوب حلو عشــان تقنعه
يمكن مثـل ما قلتي أنـه يغـار بــس تحــاول تتعب نفسها شوي وتهتم فيــه عشان
بعدين ترتـاح ولا أؤيــد أنها تخلي دراستها عليها بالدعـاء والاستغفار عسى الله يسخره لها
وتهتم به شوي بعد له حق عليها ..​
 
واضح انه ما يبغاها تكون احسن منه
طيب لو تأجل ترم
وتشوف حياتها معه ممكن تستقر بعدها تتفاهم وياه
والله يكون بعون الجميع
​
 
حرام مابقى الا هالترم واقل من ثلاثه شهور وتخلص الدراسه

يعني تحاول انها تتفاهم معه ولا تجلس معاه وتنظم وقتها

بالطبخ والدراسه وانشالله انها تفتك ‘

والله يعينها ​
 
شوفي حبيبتي مو شرط زوجها يغار منها عشان ماتكون احسن منه
بس اهو ماتزوج الا اكيد يبي يستقر ويستانس معاها ويشوف روحه
مو حياتهم صايره فوق تحت
مافيها شي اذا تركت دراستها علشان زوجها وحياتها
يعني عشان ادرس انكد عيشتي لاوالله مانيها هالدراسه
 
ترتب نومهااااا وتضغط على نفسها شوي عشاان مستقبلهااا
الرجاال مالهم امااااان
نصيحه لاتترك دراستهاا هو تزوجهاا وعارف انهاا تدرس
الله يعيينهاا
وكمااان لاتسكت له على الضرررب
عشان لا يتجاااوز حدوده مرره ثانيه
الله يوفقهاا​
 
اذا باقيلها شوي حرام توقف الحين .. بس اهم شي تيلس مع زوجها و تحاول تتفاهم معاه بالهداوة و بروح مرحة .. ترى الاسلوب في الكلام هو المفتاح .. و تقول له انه يصبر معاها شوي لين ما تخلص و انها بتعوضه عن كل هالايام اللي فاتت .. - يمكن هو يخاف انها تشوف نفسها عليه بعد ما تاخذ الشهادة - .. لكن تقدر تخليه يوقف بصفها اذا كلمته بلطف و مدحته و قالت له أنها وايد شاكرة له لأنه مقدر ظروفها و أنه ما كانت بتقدر تكمل لولا انه ساندها و وقف معاها (مع انه هو العكس في الواقع .. بس لازم شوية سياسة) تقول له حتى لو انه ما يبين لها مساندته بس مجرد سماحه لها باكمال دراستها خلا قدره يكبر في عينها و انه هو الأساس و هي ما تسوى شي بدونه ..
صدقيني الريايل يحبون المدح و الشكر خاصة من الزوجة .. و ان شاء الله يتحسن اسلوبه معاها ..
بس ضروري تغير وقت نومها .. و تصبر على التعب .. و الله سبحانه يقول: "ان مع العسر يسرا"
 
-سمعي حياتي اول شي اكيد هو تزوج وعارف انها تدرس وموافق على هذا الوضع من البدايه
عندها ايام الويكند تحاول ان الاكل تسويه في البيت وتعطي الوقت كله له وتحضر بعض الطبخات تبلها وتفرزنها وتكون اكلات للعشاء وقبل ما تطلع رايحه الكليه طلعها لين رجعت تقدر دخلها الفرن
-تنظم وقتها بين الدراسه وزوجها -
تحاول انها تتفاهم معاه ظاهر انه متأثر من بيت أهله الله يوفقها نشالله
-






























 
ربي يجزاااكم خييير على تفااعلكم بنيااات ,,
ولايحرمكم الاجر ,,
وبغيت انوه على شيء ,,
هو مايحب الشي اللي له فتره جاهز يعني اسوي غداي بالليل
وبكره اسخنه يحب كل شيء بووقته ,,
لان اقترحت عليها قبل ,, وجاوبتني باللي قلت لكم اياه..
وغير هذا وذااك البنت ماشاءالله عليها عندها اسلوب ,,
وتحب تتفاهم لكن هو يردد داايم ...
هذا انتم يالحريم ,, عندكم اسلوب بس لعلمك ماراح تقنعيني !!!!
زعووول وعصبي ,,
وعلى فكره بااقي لها سنه مو ترم بس ,,
والتأجييل ماتقدر تأجل ,, لانها استوفت كل فرص التأجييل ,,
 
مهما كان لاتترك دراستها وخليها تجي معاه بللين الرجال ينضحك عليهم بكلمتين ترا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل