هي في موقف وأختيار صعب تريد استشارتكن

[عاشقة الشهادة]

السلام عليكم
مساء الخير
يا بنات قريبتي وضعت في موقف يحتاج تفكير واشارة واستشارة
يابنات وضعت قريبتي في اخيار صعب مرة وطلبت مني عرض مشكلتها فهي لا تدخل النت
تقدم لقريبتي رجل مناسب ورجل صالح وتقريبا فيه كل الصفات الذي إن شاء الله تشير الى انه رجل ونعم الرجل
وكلن يثني عليه
وفي الاخير وبعد الرؤئية الشرعية وبعد كل شي اشترط عدم وجود الشغالة عنده
هي تفاجئت وموافقة لكن بعد هذا الشرط مترددة مرة تقول انا عايشة عيشة رغدة ثم فجاة يشترط علي عدم وجودها
وهذا شرط صعب
وفي نفس الوقت تقول الرجل ما يعيبه شي وفيه صفات مرة ممتازة
وهي تطلب رئيكن وبسرعة حتى تبت بالموضوع
لان ضاق صدرها مرة بعد هذا الشرط ولم يتطرق له الا في الاخير
وتقول ابغى استخير مع انها بداية عندما تقدم لها استخارة عليه وارتاحت له
لن الشرط هذا توقفت عنده
ارجوكن اعطنها رئيكن بسرعة لان نفسيتها مرة تعبت
نحن في انتظار ارآئكن وفقكن الله

 

[ملكه بلا تاج]

يابنات وضعت قريبتي في اخيار صعب مرة
عدم وجود الشغالة عنده
وهذا شرط صعب ؟؟

طيب هي تحتاج الشغاله في ايش بالضبط
عادي تحمد ربها انه مايبي شغاله
مادري وين المشكله بالضبط
في الرجال او في قريبتك

 

[تكفين يا دنيا]

انا من رااي دام انه ريااال والنعم فيه
توافق وانا وحده من قرايبي مانعهاا من الجوووال ورضت وبعد سنه من زواجهم طلع
لهاا جوووال ونصيحتي لقريبتج انهاا تؤكل عللى الله وما تماانع ومع الاياام بيووافق

تقبلي مروري والله يكتب اللي في الخير لقريبتج

 

[دلع وكلي ولع]

غاليتي بما انها استخارت وارتاحت له فهذا شي رائع لانه كما ذكرت يحمل صفات ممتازه وما اظن ان موضوع رفضه للخادمه شي هام يجعلها ترفضه لان هالموضوع ممكن مع العشره تقنعه ويغير رايه فيه والله يوفقها

 

[نور الإسلام]

بما انه رجال والنعم وهي مرتاحه بعد الإستخاره تتوكل على الله وتوافق
وبعدين الوحده في بداية حياتها ما تحتاج شغاله
ولو حصل بعدين واحتاجت شغاله ممكن تقنعه انها تجيب اللي باليوم ،وهي ممكن تعرف سبب رفضه
مثلا واحد من اخواني رافض مبدأ الشغاله لأنه مايبيها تمسك عياله وممكن زوجته -اذا ربي رزقهم عيال-واحتاجت شغاله تقوله انها لشغل البيت وبس..
والله يوفقها

 

[ام الغالين8]

بما انه رجال والنعم وهي مرتاحه بعد الإستخاره تتوكل على الله وتوافق
يا اختي خليها توافق البنات ملو البيوت وسبب الشروطهم اللي مالهاداعي دامه رجال ما يتعوض ليه تضيع فرصتها وبعدين يمكن انه من النوع اللي يحب التعاون مع زوجته بالبيت وماهو كثير طلبات ويحب يخدم نفسه والله يسر لها كل خير​

 

[وزني ذهب]

اذا كان فيه مجال تطلب تكلمه (على هاتف أخوها أو يحضر لبيتهم) و تقول أنها شرطه يناسبها جدا لكن نست أن تسأله يفسر ليش يشرط أن الشغالة ما تدخل بيته يعني تقول "أنا لا أحبذ وجود الشغالة في بيتي لأنه مملكتي و لا أحب وحدة تشاركني في الاعتناء بمملكتي لكن أنت وش هو سببك؟"

بهذي الطريقة راح "تضطر" تجيب الشغالة بعد سنتين أو 3 لما تكثر مسؤوليتها و تحتاج لمساعدة وبهذا المعنى هو ما يعارض

عموما قرارها لازم يكون حسب قناعتها اذا مستحيل تفتح بيت بدون مساعدة لا تورط روحها

و اذا تقدر تتعلم تعتمد على نفسها فترة الخطبة و الملكة و تتعلم شغل البيت أفضل

و حسب الخاطب اذا كان فيه مزايا و يستاهل تضحي شوي؛ تضحي بترفها لأجله "لكن في حدود"


و اذا قبلت؛ الله يوفقها أبدا لا تقول أنها تنازلت لأنه يبدأ يطالب بتنازلات أكثر يقول هي تنازلت قبل ما تتعلق في فكيف فيما بعد؟!


و الله يوفقها و ييسر أمرها​

 

[شباصه ورديه]

السلام

دام انه انسان صالح والكل يمدحه خل توافق

حتى احنا تعودنا على الدلع ولما تزوجنا عشنا والحمدالله بخير

ودام هو عارف انها تحب هالشي يمكن بعد الزواج يتعدل كل شي

واكيد انه بيقدرها ويساعدها في امورها ( الرجل الصالح هم مايحب يتعب زوجته )

والله يوفقها ان شاء الله

 

[ran4]

مااحس فيه مشكله

كلنا ببيوت اهلنا مخدومات،وجينا لبيوت ازواجنا وتعبنا وتحملنا التعب لكن خادمه واناوزوجي لوحدنا:نو،وي مستحيل:santa_1:
:no:
شبغى فيها تقابلني :detective2: ولو احتاجت للتنظيف الاسبوعي تجيب وحده باليوم او خادمة اهلها

ياعمري قولي لها بالتوفيق متى تحصل رجالل كفو بنات حمايل الحين؟:schmoll:

 

[حصريا في بلقيس]

إذا كانت المخطوبة معتادة على الدلال والترف فلترفض الشرط بلباقة وتخبر عائلة الخاطب ان الرجل نال اعجابها لكن شرطه سيكون عائق لسعادتهما بعد أن تزداد عليها المسؤوليات والواجبات وانجاب الأبناء


إن عمل الخادمة ليس بالعمل السهل , ولا تتخيل أنها تستطيع ان تقوم بكل مهام الخادمة إضافة الى مسؤوليتها الزوجية بسهولة خصوصا اذا كانت عاملة

فالأمر يحتاج إلى أن تمر بالكثير من الأخطاء وإلى صبر الزوج على أخطائها

أما إذا جربت العمل المنزلي ولديها من التجارب ما يؤهلها على تحمل الحياة الزوجية بمسؤولياتها الجديدة فالله الموفق

هذا رأيي الشخصي والله أعلم

 

[الهنا كله]

والله يا حبيبتي أنا تقريبا كنت نفس حالتها !! :dunno:
يعني هو ما اشترط
بس كان أبدا ما يقتنع بشي اسمه شغاله
وبعد سنة من زواجنا وبعد ما جبت البيبي
شافني دوم اشتكي من التعب ومحد يساعدني قام وجابلي شغاله ....
قوليلها في بداية الزواج ماتحتاج ....

 

[عاشقة الشهادة]

السلام عليكم
مرحبا اخواتي
الله يجزء كل من شاركة وابدت رئيها ويوفقها ربي ويحعلها في الجنة
ولا تحرمونا مزيدا من المشاركات

 

[السهم]

بما انه رجال والنعم وهي مرتاحه بعد الإستخاره تتوكل على الله وتوافق


يا اختي خليها توافق البنات ملو البيوت وسبب الشروطهم اللي مالهاداعي دامه رجال ما يتعوض ليه تضيع فرصتها وبعدين يمكن انه من النوع اللي يحب التعاون مع زوجته بالبيت وماهو كثير طلبات ويحب يخدم نفسه والله يسر لها كل خير​

يمكن بعد فتره هو من نفسه يجيب لها شغاله لما يشوفها تتعب في شغل البيت

 

[جود المشتاق]

هو رجل يبي ياخذ راحته في بيته ،،

وأكيد سامع عن دلــع البنات ،،


وحب يقول هالشئ في البداية ،،


أولآ الإستخارة ،،،تكثر منها ،،


والخدامـــة مو شرط ،،

اصلآ البيت كله ساعتين أو ساعة ترتيب خصوصآ


اذا كانت شقة ،،،

الحمدلله عندي بنتين ،،


وماعندي خدامــة ،،،


ومضبطة أمووووري ،،


يعني مع التخطيط كل شي حلو ،،


،،،،،،،،،،،،،،،،،،،،،،،،،،،


والله يوفقها