هيـــــرا في حيــرا ..

ه

هيـــــرا

New member
إنضم
2010/04/12
المشاركات
15
السلام عليكم ورحمه الله وبركاته ..

اشحالكم خواتي الغاليات ؟.

انا عضوه يديده وان شاء الله افيدكمو اتفيدوني وانصير كلنا خوات ..


ببدأ فموضوعي على طول من دون مقدمات ..

انا بنت صغيره فبدايه العشرين ..

وما كنت انخطب او كنت انخطب بس بشكل مب رسمي مجرد كلام ..

واهلي يخبون عني هالشي .. لأنهم يشوفونه مب فصالحي ..

المهم من فتره بسيطه انخطبت واهلي رفظوا لأنهم شافو الشخص واهله ما يناسبوني ..


وسبحان الله من اول ما رفظوا فنفس الفتره او الإسبوع ,, خطبني واحد ثاني .,


واهلي رحبوا فيهم ,.

طبعاٌ اول شي مثل ما اتعرفون ..

لازم الحريم ايييون ويشوفون البنت .. وبالظبط هذه اللي صار ..

من اسبوع تقريبا ُ يو الحريم وشافوني ..

وخبروا اهلي كيف وصولوا لنا .. لأنهم ما يعرفونا ابداٌ ونحن نفس الشي ما نعرفهم ..

بس شافوني فمكان وسألوا عنا لين ما وصلوا لنا ..

يعني اووردي شايفيني ..

والحين من بعد ما زارونا لين اليوم ما اتصلوا ولا ردوا علينا خبر ..


مع العلم اني متوسطه الجمال .. وهم ما يوا إلآ عشان اخلاقي وسمعتنا الطيبه .. ولله الحمد
..

انا عااادي عندي ما يهمني الموظوع بس اهلي مستغربين من هالشي ..

انهم ما ردوا علينا خبر سواء يبون ولا ..


فبغيت راييكم ومشورتكم ..


ودعواتكم لي ...



اختكم ... هيـــــرا :8::8:
 
موفقه يارب والله يكتب لك الخيره / زي ماقلتي شايفينك من اول يعني شكلك عاجبهم اجل لاتستعجلين وتتعبين حالك بالتفكير يمكن يتشاورون ويمكن يرتبون وضعهم بعدين يتقدمون رسمي دعواتي لك بالتوفيق وانتي فوق كذا مازلتي صغيره والعمر قدامك معه او مع غيره
 
معقوله 7 يشوفون الموظوع ولا وحده اترد ..


بنات بللليز ساعدوني ..
 
لاتسعجلي اولا وثانيا يمكن غيروا رايهم لاسباب ب نقص فيهم فاستخوا يكونوا ناقين قدامكم لا تهممي ولاتوسوسي ياما سارت قصص ويمكن لك بتاخيرهم خيره لك خيتو
 
لاتستعجلين واذا صار وانخطبتي من احد ثاني وافقي وانسي الناس الاوله لان لوعندهم احساس كان ردو عليك الله يوفقك يااختي وصلي صلاة الاستخاره كثير وربي انشاء الله يطمنك
 
تسلمون خواتي ربي يطمنكم ..

انا فالبدايه رافظه فكره الزواج هالفتره .,

بس بعد ما جوا ارتحت لهم نفسياُ وقبل ما ادخل عليهم صليت استخاره ..

بس المستغربه منه ان صار لهم اكثر عن 10 ايام من شافوني ولين اليوم ما ردوا ..

المشكله ان امي واهلي انتبهوا انهم طولوا .
 
اسمك حلو يا هيرا شيليهم من راسك توك صغيرة
 
عادي حبيبتي

شكلها صايرة موضة

الناس تخطب وبعدين تهف

يمكن ثقل

لا تشغلين بالك ولا تنتظرينهم​
 
شوفي حبيبتي هيرا
أنا أخذت درس
مرة ثانية لا تسمحوا للحريم يجوا عندكم
كل وحدة لها رأي خلي أبوك يقابل الولد واذا عجبه تشوفيه ويشوفك
انت بتعشين معه مو مع هالحريم
 
الله يوفقك ويكتب لك اللي في الخير والصلاح يارب
 
حبيبتي هيرااا انت صديقتي لانك بنفس عمري فديت العشرين والله

وبالنسبه لموضوعك يصير داااايم لاتشيلي هم ابدا ابدا

صديقتي مابين يوم شوفتها ويوم ملكتها شهرين يعني ردوا عليهم بعد شهرييين

وولد خالتي بعد ماشاف البنت جلس اسبوعين بعدين قال يبيها والحين مبسوووطين مع بعض الله يوفقهم
المهم هذي الفتره تدعي اذا كان فيه خير الله يقربه

اما لاتشيلي هم وتفكري اذا ماعجبهم شكلك وتبدي وسوسه خشمي كبير جسمي سمين اصبعي قصير >>>تجيني الحاله هذي فترااات ههههههه

لو ما عجبتيهم ما كانوا جووكم ابدا

وحتى اهلك لايستغربوا من الوضع عاادي جدا قوليلهم مردهم لي اناا

بالتوفيق
 
الحمد انت استخرتي رب العالمين وربي راح ييسر اللي فيه خير لك سواء بتمام الخطبه او بروحتهم بلا رجعه انت تيقني من هالشي والا ليش انت مستخيره رب العالمين ووصلي هالمعلومه لاهلك لايستغربون ولا يتضايقون لان ربي قدر لك الخير بإذنه سبحانه.
 
&الماس& قال:
الحمد لله انت استخرتي رب العالمين وربي راح ييسر اللي فيه خير لك سواء بتمام الخطبه او بروحتهم بلا رجعه انت تيقني من هالشي والا ليش انت مستخيره رب العالمين ووصلي هالمعلومه لاهلك لايستغربون ولا يتضايقون لان ربي قدر لك الخير بإذنه سبحانه.[/
QUOTE]
ياناس وين خاصية التعديل
أنقر للتوسيع...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل