هو يخون وانا تجيني كآبه وربي ظلم < دكتوره تكفين ساعديني لي سنه على هالحال

[رسيل24]

السلام عليكم ورحمة الله وبركاته
بنات ترددت كثير عشان اقولكم مشكلتي هذي لاني اخاف احد من اهلي يقراها
انا تزوجت وعمري 19 سنه وكان زوجي عمره 23 سنه
عشت انا واياه احلى 3 سنوات عمري
معيشني ملكه
لكن مشكلتنا كانت بالانجاب كانت المشكله عنده احتاج لعمليه
وبعدها علاج استمر سنه وكنت راضيه وكم مره سألني انتي تبين عيال وانتي لو متزوجه غيري كان الحين عندك عيال ومن الكلام هذا قلتله انت بالدنيا كلها لو يحطون لي 10 اطفال بكفه وانت بكفه ان ترجح الكفه اللي انت فيها انت راس مالي ودنيتي كلها
كان يسكت مايرد علي مثل اللي يحس اني اجامله وانا والله صادقه
المهم تميت 3 سنوات وبيوم رايحه اعلج لان كانت معاي لخبطه بالدوره والام
بالصدفه اكتشفت اني حامل اتصلت عليه علمته فرحنا انا واياه عشنا احلام يقضه وان الطفل بينا
المهم خلال فترة حملي الرجال تغير علي قالت لي اختي زوجك مو طبيعي شكله يعرف له بنات
قلتلها مستحيل فلان يناظر احد غيري اصلا يستحي يحط عينه بعين بنت
كيف تبينه يكلم قالتلي ايه طيب بيجيك يوم تذكرين كلامي
المهم انتهت فترة حملي وجبت عبودي ولدي
كان يجيني وانا بالنفاس يوميا بس كنت اذا جيت اخذ جواله يمنعني ويرفض
لدرجة انه ممكن يطب فوق ويذبحني بس مااشوف جواله على اساس ان فيه كلام مرسله خويه مايبيني اقراه
مع العلم انه يقولي كل شي حتى لو شي غلط وكان يعطيني جواله
بيوم من الايام سولت لي نفسي مادري ليه جاني احساس غريب ابي افتح جواله
وافتح جواله وهو عند التلفزيون الا القى رساله من فلان بن فلان مرسل له رساله
حبيبي اول ماتصحى من النوم دق علي احبك
المشكله الرساله من ولد عمه رحت له وانا ابتسم وبغباء يدل على الحبابه لدرجة السذاجه
انا عارفه انك تكلم بنات هو تغير وجهه وطمر للجوال
جا بالليل وهو نايم وافتح جواله واخذ رقم ولد عمه اللي مرسل هالرساله
ومانمت هذيك الليله من التفكير والهواجس
المهم راح للدوام _ نسيت اقولكم في فترة حملي والرجال طايح كل يوم رقم جديد وكل رقم احلى من الثاني _ يوم راح للدوام واخذ جواله الثاني وابي افتحه بالرقم اللي انا اعرفه مارضى ينفتح يقول انه خطأ
قمت واحرقت الشريحه عشان يطلب مني رمز البيوك
وجلست ادور البطاقه الين لقيتها ودخلت الرقم
المهم فتحتها الا القى رساله
مشكور ياقلبي على سؤالك والله فرحت بسؤالك يا... <<< طبعا مدلعته
وبالاخير كاتبه احبك احبك احبك
قلت حرام اسيء الضن ابي اتأكد من الرقم اذا هي بنت والا واحد من اخوياه يستخف دمه
ماابي اظلمه

مع العلم انه بجواله الاساسي مكتوب فلان بن فلان في جواله الثاني ابو فلان
المهم دقيت سمعت الصوت الا هو صوت بنت
سكرتها بوجهها ودقيت عليه وقلتله انت انسان سافل وقح وماتستاهل انك تكون مع وحده مثلي صاينتك
ورحت بيت اهلي تخيلوا وهو مكابر مره يقولي خوية خويي <<< وشلون خوية خويك والدلع باسمك؟؟
ومره يقولي انه واحد من ربعه مرسلها له تستهبل عليه <<< وشلون تستهبل عليه وهي تقوله مشكور على سؤالك عني؟
بالاخير اعترف وقلتله باكلمها قالي انتي حرام علي ان كلمتيها انقهرت قمت ارسلت لها رساله
انا ام فلان زوجة فلان والله يرزقك برجال مو يكلم وحده غيرك الا يجـ... <<< لاتلوموني على الكلمه وربي من القهر اللي فيني

وربي لو انه متزوج اهون علي من انه يكلم حراااااااااااااااااام

تخيلوا رجعت بعد ماحلف لي وقسم مع اني مالاحظت عليه اي احساس بالذنب والا تأنيب الضمير

بس رجعت له تخيلوا هذيك الليله اللي رجعت له فيها اكتشفت انه مكلمها بعد
وبعدها لقيته مرسل لها رساله يقول انه مرسلها يقول هاتي صورتي <<< معطيها صورته العاشق الولهان

لا وماخذني معاه يوم يصور يقول انها لشغل وهو لابس ثوب مالبس بدلته وانا ماانتبهت من التناحه
لا ويسألني وش رايك فيني وانا اقوله لا لاتلبس الشماغ الحين عشان مايتعفط <<< الله ابوها من دلاخه فيك ياغبيه

المهم غير اني اكتشفت انه يكلمها بعد ماراضاني ودخلت امه وابوه وولد اخوي بالموضوع امه وابوه مايحلون ولا يربطون
ماسوو شي له لانه وحيد امه ماعنده الا اخت وحده من امه وابوه بس
وولد اخوي الحين مايكلمه رجلي مسوي زعلان عليه يقول وش دخله بالموضوع
المشكله اني قبل فتره يمكن شهرين او ثلاثه كشفته معه رقم ثاني وكلمته باللين قلت يمكن يبين في عينه ويحس شوي يمكن هالاسلوب ينفع معاه اهو جلس يترجاني ويستسمح مني
والى الان مامسكت معاه شي بس ماش احس اني عايشه بنار جتني كآبه كل يوم الفجر اصحى من النوم من غلقه فيني احسه يكلم احس وراه شي
قبل كم يوم لقيت رساله من البنت الثانيه اللي كانت تكلمه
رسالة CALL ME
ورساله من جوال غريب اخذت الرقم الغريب دقيت عليه
الى هو صوت بنت بعد
بس مالقيت اي شي صادر لهالرقمين بس ولو شكيت ان معاه شريحه انا مادري عنها لاني قد كشفت معاه شريحه داق علي منها قلتله وش ذا الرقم قال هذا رقم اخذته من ابوي
نسيت اقولكم انه موديني للمستشفى اولد وهو بنص عقل

لا يوم قالت له امه ان عبودي جا قال لاه ايه زين المشكله هو اللي يقولي انه كذا كان ردي
بارد والله قهر والحين لو يطيح جلس يهاوشني عليه
بنات انا الان اكتب بسرعه لانه بيجي واخاف يقرا هالموضوع وتصير سالفه ثانيه بعد لذلك اذا قدرت ارجع ثانيه عدلته وضبطت الناقص

 

[ميوسه]

عزيزتي

ادخلي قسم القصص والحكايات من ملف الاستشارات واقري قصة هذه حكايتي لام بسمه وحاولي تطبقين التطنيش والاهتمام ومحبتها لنفسها

اللي رجعت لها زوجها



واستفيدي


بعدين لاتعتقدين انو البنات هذولي دايمين له تلاقينه قايل لهم ماتزوجت ولا مطلق واذا كانت اكثر من بنت ارتاحي شكله يبي تسليه وبس لاتتعدى المكالمات


ادري انو شي يقهر علينا تقبله بس مازلتي باول المشكله حاولي تتداركين الموضوع قبل لايصير تعلق منه بوحده منهم


والحل هو التطنيش واشتغلي بمحبتك لنفسك بدي نفسك عليه وخليه يلاحظ بشكل غير مباشر
دراسه لغات تجميل تعلم اتكيت اهتمام بالجسم طلعات صداقات سوي لك عالم واستمتعي فيه وهو اللي بيجلس يلاحقك بكره

واللبس البسي لكانتي مو عشان تغرينه يعني خليه يشوفك لابسه ملابس شبه مغريه وبعيده عنه بالبيت تمشين وتمارسين حياتك
الرجل يبي شي جديد فيك مو شكل كثر ماهو فعل وشخصيه واسلوب حياة


لانك مدللته مبين _ الرجال يمل من المره اللي تدلله انشغلي عنه عاطفيا بس _يعني اتحرري عاطفيا منه بس مو تنشغلين عنه بالواجبات اديها على اكمل وجه


ولاتبينننين زعلك خليك مرحه ولا تواجهينه الان مرحلة المواجهه تجي بعد مايقوى مركزك عنده

تحتاجين الصبر وانتي تسوين هالاشياء

موفقه عزيزتي

 

[رسيل24]

انا واجهته وانتهى
وعنده مشكله ثانيه
دايم يقولي انتي سددي جوالك
اذا كنت بروح لاهلي اقوله ابي مبلغ عشان لو احتجت شي وانا عندهم
طبعا نطلب اي شي من مطعم من سوبر ماركت اي شي
طبعا خرابيط اوكي بس يقهرني رده المبلغ بسيط اللي اطلبه
لكن يقولي اذا طلبتي اي شي خذي من امك
الشغاله انا اللي استقدمتها وانا اللي اعطيها راتبها
وانا مو موظفه ويسألني من وين اقوله من امي
ابي احرجه يقولي اذا نقصك شي اجل خذيه من امك
يعني صاير عنده عادي ومشكلته ربعه اااااااااخ من ربعه
تخيلي واحد منهم يتكلم عني يقوله احس زوجتك حلوه
مره دخل على البي سي حقي وجلس يتفرج على المستندات الاخيره
وكلها صوري طبعا انا منقبه وماحد يشوف وجهي
بصراحه زعلت واستشطت عليه وهو ماهمه يقول بالغلط ماكان يقصد دايم يتعذر لربعه
صاحبه هذا يقوله سالفه له يقول انا مره اصريت على واحد من ربعي انام عنده وهو متزوج وانا مابعد تزوجت وزوجته نايمه عند اهلها
اذن الفجر صاحب البيت راح يصلي على اساس انه نايم وطلع ماصحاه للصلاة
يقول يوم شفته طالع ادخل غرفة نومهم واتفرج على الاندروير حق زوجته ويشوف كلـ,,, احمر يوم شافه سوا العاده السريه ونزل على اللبس ورجع للدرج < شوفي وين وصلت الحقاره
ودائما يتكلم عني لدرجة انه يعرف ايميلي ويقول لزوجي انا اعرف ان زوجتك ايميلها كذا وهي مسجله بالمنتدى الفلاني بااسم كذا
يقول انا الحين اسولف معاها بالمنتدى اصلا المنتدى هذا انا مااعرفه بس شاف نفس ايميلي يعني اليوزر حق الايميل مسجله به بنت بالمنتدى يحسبها انا عشان كذا جالس يسولف معاها
واللي قاهرني زوجي مافيه اي تأثر مافيه

 

[عنقود عنب]

اختي زوجك ما عنده غيرة ابدا ابدا

واتوقع كل هذا من رفقة السوء

وانت بعد اختي خذي موقف صاااااااااااااارم من هذه الناحية

قولي له كيف تقبل على نفسك انك تتكلم عني عند ربعك

والله ما ادري وش اقول او اكتب

مصدووووووومة

 

[{عشق الخيول}]

عزبزتبي مثل ماقالت الاخت ميوسه ,,

وانا عن رايي " من كلامج امبين انج محسسته بانج ماتقدري تفارقيه وانه كل شي بحياتج "

وجي. هو لانه ضامن حبج ومتاكد انج ماراح تهديه ,," قام يلعب ويتسلى بلبنات ..

في خاطره يقول اذا هي تحملتني من غير عيال 3 سنين واذا الحين الياهل يا ,, مستحيل تقدر تهدني ,, خلني اسوي اللي ابيه " "

عزيتي ,, هزي الثقه الزايده اللي عنده بطريقتج ,,:e094:


ممكن تحسسيه انج تقدري تعيشي بروحج ,, وخلي الزعل والحزن:e076: بصوب لانه الحين الريال مب حاس بشي

وماراح يفيدج ,, اصبري شوي وطنشيه وعيشي حياتج,, ريحي نفسيتج ودلعيها لانج :c045:

بترتاحي وبنفس الوقت بتردي زوجج... ,, وعشان تخففي على نفسج قولي بخاطرج اذا هو

يغلط ويكلم البنات ربي هو اللي بيحاسبه وذنه على جنبه ,,

المساله شوي يبيلها صبر,, لان النصيحه بحالته الحين ماعتقد بتنفع.

 

[الاستشارية*]

تم الرد علي الموضوع بقسم الاستشارات الخاصة

 

[رسيل24]

عنقود عنب
عزيزتي انا منصدمه قبلك وربي يوم قالي ان خويه دخل على الصور حقتي تضايقت وجلست اصيح قلتله اذا انت ماتغار علي ترا انا اغار على عمري واذا انت ترضى احد يشوفني لا انا ولا اهلي ارضى ان احد يشوفني قالي بس هو ماكان يقصد قلتله وش مايقصد وهو اصلا يبي الوورد وش دخله بالمستندات ؟؟!
ضمني وقالي اسف معليش اخر مره قلتله مو اخر مره المفروض تقطع علاقتك بهالادمي مو صاحي متخلف الظاهر

بنت الامبراطو
تبين الجد احيانا افكر اتطلق منه بس عارفه اني برجع اكلمه
ويصراحه احس اني ضايعه مادري انا احبه او لا يمكن احبه بشخصيته اللي قبل بس الحين لا
أ\ اميره احمد
استاذتي الغاليه اشكرك على الرد وان شاء الله امشي عليه
لله اولا واخيرا جزيتي خيرا ورزقتي بكل ماتمنين يارب
امرأه لاتنسى
اشكرك كل الشكر عزيزتي على الرد وربي بردتوا على خاطري
كنت متوقعه الرد بيكون اقل شي بعد اسبوع بس اعتذر منكم لسوء ضني واتمنى تعذروني
وصدقيني وانا بعد احببتك من ردودك للبنات اول مانزلت مشكلتي دخلت القسم المخصص واقرا ردودك تبرد على القلب الله يسلمك ويخليك ويخلي لك كل غالي ويرزقك ماتمنين يارب