هنا تشرق شمس السعادة بتحقيق احلامنا

[حبيبه الروح]

كيف تعرف كمية الماء التي يحتاجها جسمك ؟؟؟؟
أعراض نقص الماء:
1الإحساس بالتعب والإجهاد سريعا
2 شحوب الوجه وانعدام الحيوية والنضارة نتيجة جفاف الجلد وظهور التجاعيد والبقع
3 زيادة مستوى التوتر والانفعال
4 الصداع والدوخة وضعف التركيز وربما الشعور بالبلادة
5 ألام بالمفاصل نتيجة تيبس المفاصل وخشونة الغضاريف
6 قابلية زائدة لتجمع الدهون تحت الجلد ( السلوليت)
7 ضعف الدورة الدموية وبرودة الأطراف
8 عسر الهضم والانتفاخ وعدم الانتفاع من الطعام
9 ضعف وظائف الكلى و قلة حجم البول وارتفاع قابلية الإصابة بالحصوات والشعور بألم أثناء التبول
10 بول مركز شديد الصفرة نتيجة كثرة الرواسب والأملاح
11 فساد رائحة النفس
12 الإصابة المتكررة بنزلات البرد
ونتيجة الجفاف الشديد تراجع مقلة العين داخل الجمجمة وضعف الرؤية
هل تعلم ان باستطاعتك معرفة كمية الماء اللازمه لجسمك !! فقط اضرب وزنك في 30 (ثم اقسم الناتج على1000) لتحصل على عدد اللترات اليومية المحتاجة
او اقسم الناتج على 250 مل لتحصل على عدد الأكواب اليومية
مثلا اذا كان وزنك
50

50 x 30 = 1500 ÷250 = 6 cup
او
50 x 30 = 1500 ÷1000 = 1.5L

اذا انت تحتاج الى لتر ونص من الماء اي 6 أكواب من الماء
لطفا ساهم في نشر المعلومة ولنا ولك الأجر بإذن اللّْـھ

 

[حبيبه الروح]

مدمرات الموهبه عند الطفل
١) الضرب على الوجه
يقتل ٣٠٠-٤٠٠ خلية عصبية في الدماغ.
المسح على الرأس يخلق خلايا دماغية جديدة.
٢) الألعاب الإلكترونية
تقتل الذكاء الإجتماعي والذكاء اللغوي.
تسبب نزيف الدماغ لشدة التركيز
استهلاك خلايا الدماغ قبل أوانها وعندما يكبر يفتقد بعض المهارات
في المدينة مركز خاص باسم ضحايا الإلكترونيات : عدد كبير من الأطفال في غيبوبة من الألعاب الإلكترونية.
٣) السخرية من الأم أمام إبنها
يجعل الطفل يركن للإنطواء والخوف والتوقف عن التفكير السليم
لأن الطفل يستمد الموهبة من أمه حسب آخر الدراسات.
٤) السخرية من أفكار الطفل
والتعليق غير التربوي على مايقدمه من إنتاج وتقدم
وبذلك تصبح الدافعية لديه متدنية.
٥) قفل باب الحوار مع الطفل منذ الصغر بحكم العادات التقاليد الخاطئة وبذلك يتم قتل الذكاء اللغوي والإجتماعي لديه
تهميش الأطفال وأمرهم بالسكوت وتعنيفهم في المناسبات مثلاً.
٦) الإقلال من شرب الماء بخاصة أثناء التعليم
الدماغ يتكون من ٨٥٪ من الماء يجب كل خمس وأربعين دقيقة شرب كوب من الماء ( أوقنينة صغيرة )
إذا لم يشرب يصدر الجسم حركات لاإرادية ( كحة - عطس - يحرك الكرسي- يسحب الطاولة ،، يظهر للمربي أنه يفتعل الإزعاج ).
٧) عدم تناول وجبة الإفطار
الناس الذين لايتناولون وجبة الإفطار سوف ينخفض معدل سكر الدم لديهم هذا يقود إلى عدم وصول غذاء كاف لخلايا المخ ممايؤدي إلى إنحلالها
الحذر من الوجبات السريعة.
٨) التعليم بالتلقين وعدم مراعاة ميول وقدرات الطالب.
٩) عدم تمكين الأطفال من عيش طفولتهم الطبيعية وإغراقهم في الأنشطة التعليمية
الكتابة على الجدران سببها عدم التمكين من الكتابة الحرة في السنين الأولى.
١٠) إلزام الطفل تصغير خطه في المرحلة الإبتدائية
الخط الكبير يرمز للثقة بالنفس والأمان
إذا صغر الخط معناه فقد هاتين الصفتين.

 

[حبيبه الروح]

و اتعلمتي تتنفسي صح وتسترخي بجد
هتحسي بمتعة مش عادية ولذة حقيقية
عارفة

لو عرفتي تسترخي صح وتعيشي في عالم احلامك ودنيا الخيال الجميل
هتبرمجي عقلك ونفسك على الهدوء والجمال والتفكير الصافي
هتحسي بالراااااااااااااااااااااااااااااااااحة
والسكينة
والفرررررررررررررررررحة
وهتقدري تطولي بالك مهما حصل
على كل حاجة بتزعلك

تمرين بسيط

استرخي في مكان مريح
تخيلي انك هتسافري خلال الزمن للمستقبل
يعني هتكوني في سنة 2016 مثلا
تخيلي ان احلامك ال كنتي بتحلمي بيها السنة ال فاتت 2014 اتحققت فعلا
الزوج الصالح
البيت الرائع
الاولاد المتميزين
الرشاقة
حفظ القرآن
العمل ال بتحلمي بيه
الاجهزة والمكياجات وكل حاجة نفسك تشتريها

تخيلي ان كل ال كنتي بتحلمي بيه
اتحقق بالفعل
وعيشي الفرحة بكل كيااااااااااااااااااااااانك
وصدقي نفسك جدا جدا ان حلمك تحقق
وتخيلي الناس ال بتحبيهم معاكي
وفرحانين لفرحك
وبيهنوكي على تحقيق حلمك

عيشي في القصة الخيالية الرائعة دي
دقيقتين او تلاتة او اكتر حسب ما تحبي

وبعدها خدي نفس عمييييييييييييييييييييييييق
بريحة الورد وهمس الياسمين وخرجي الهوا بهدووووووووووووووووء وفرحة

وارجعي للدنيا ولسنة 2014 تاني
وخلي عندك يقين ان حلمك هيتحقق باذن الله

وعقلك الباطن بيصدق جدا جدا
اي معلومة تتخيليها بوضوح
وبيشتغل بكل طاقته على تحقيقها

مبروك مقدما
كل احلامك هتتحقق باذن الله

 

[حبيبه الروح]

ارب تكونو بخير جميعا قبل ما ادخل في موضوع انهارده رفعتلكم صور فوط المطبخ بتاعتي بعد التعديل

نتكلم عن حاجه لما بشوفها في اي بيت دمي بيتحرق

مع اني كنت زيي الناس ديه بس الكلام ده انتهي من 6 سنين

من المعتقد عند ستات كتير ان طاسه التحمير هو ده الشكل الرسمي بتاعها انها لازم تكون سوده ومحروقه طب ليه يا جميل فيها ايه لما تكون نظيفه الطاسه هتعيا ولا هيجلها برد من كتر الغسيل بصوا يا قمرات ديه الطاسه بتاعتي ايوه نظافتها مش سوبر بس لان مكان اليد لما اتكيت عليها في الغسيل كانت هتتفك

والموضوع بسيط حضرتك متقليش فيها ابدا وهي مش نظيفه يعني كل ما تغيري الزيت تغسيليها غسلها تمام ومتسبيش فيها اي اثر يعني اثار الاصفرار ديه مع الوقت لونها بيتحول لاسود وتتحرق

الي طاستها بهذا الشكل المعتمد ممكن تنظفها والطريقه هنا

انك ممكن تحرقيها علي النار تشغلي عليها النار هاديه وهي فاضيه خالص بس ده بياخد وقت يعني ممكن 4 ساعات مثلا

وممكن تعمليها بالسنفره

وممكن تجيبي واحده جديده وتحافظي عليها اختاري يا جميل بس لازم منشوفش المنظر ده في مطبخنا تاني

بخصوص الطاسه التيفال فانا لقيت الطريقه ديه في منتدي تاني وقلت انقلهالكم لاهميته

ولا تؤذي طبقة التيفال

خاصة لو كانت الطاسة محروقة
او شديدة الاتساخ نتيجة كثرة الاستعمال والقلي


يوضع في الطاسة معلقة بيكربونات الصوديم ومعلقة ملح وقليل من الخل
ونملاها بالماء
ونتركها تغلي على النار

وبعد الغليان نغسلها بليفة ناعمة بمنتهى السهولة

ولو الاتساخ من الخارج
توضع في حاجة اكبر فيها نفس الخلطة وتغلي مدة طويلة
ثم تدعك جيدا وان شاء الله ترجع زي الجديدة
*****************************

و دى طريقه تانيه

1-تحطي فالطاسه كوب ماء عليه نص كوب خل ومعلقتين كبار بيكنج صودا اللي هي كربوناتو وتغليهم عالبوتجاز 10 دقايق وبعدين ادعكيهاكويس بليفه واشطفيها

2-تعمل معجون مكون من نفس الكميه من الميه والكربوناتو وبعدين تحطي المعجون ده عالاماكن المحترقه فالطاسه بس المعجون يبقي طري وسيبه عليها طول اليل لحد تاني توم كل ما تطول المده يبقي احسن وبعدين ادعكي الطاسه بالليفه او بالفرشه البلاستيك بتاعت الاطباق لحد مايروح اثار الزيت المحترق

3- حطي ميه تغلي فالطاسه وبعدين لما تغلي ضيفي نص كوب من الخل فالطاسه علي حراره متوسطه عالبوتوجاز لحد ما الميه والخل يبداوا يتبخروا هاتي اي معلقه بلاستيك وحاولي تزيلي الزيوت والبقايا المحترقه عالطاسه وهي لسه عالنار وبعدين شيلي الطاسه من عالنار وشيلي منها الميه والخل وبعدين انقعيها 10 دقايق في ميه سخنه وصابون سايل

4- انقعي الطاسه نص ساعه في ميه مغليهوشيلي الميه وبعدين وهي سخنه حطي كوب خل وعليه 3 معالق كبار صابون سايل وسيبيهم نص ساعه وبعدين اغسليها وهي فيها الخل والصابون ب لليفه
ولو لسه فيه علامات للحرق كرري القصه دي وهايزول

 

[حبيبه الروح]

الرياضة جميعنا يعتقد انها شىء صعب والجميع ينفر منها ولو فعلها مرة يتكاسل عنها مرات والجميع ليس بامكانهم الذهاب للجيم اما لان المادة غير متوفرة او الوقت والاولاد وسابدا معكم نصائح بسيطة خطوة خطوة نحاول تنفيذها كل يوم حتى نستطيع الوصول للحلم المنشود الرشاقةمن القائل بإنه ليس هناك وقت لممارسة التمارين الرياضية؟ .. فى البداية دعينا نتفق أن صحتك ولياقتك هى ما ستمدك بالطاقة اللازمة للقيام بأعمال المنزل و تربية الأبناء. و لأن معظم الأمهات تواجههن مشكلة إيجاد الوقت الكافي للذهاب للجيم أو حتي ممارسة التمارين الرياضية فاليوم سأقترح عليكِ فكرة مجربة لممارسة التمارين السهلة فى ثواني!.

هل تحبين احتساء الشاي أو القهوة أو أي مشروب أخر خلال يومكِ؟

فترة انتظار المشروب حتي ينضح أو انتظار الماء حتي يغلي.. تقريباً تأخذ عدة ثواني أو دقائق قليلة يمكنكِ خلالها القيام بالآتي:

عمل 5 تمارين ضغط

ماذا عن وقت انتظار الطعام لينضج فى الفرن؟

قومي بعمل تمارين البطن، قدر المستطاع. بالنوم على ظهرك و رفع رقبتكِ ببطء و تكرار التمرين.

أثناء التحدث فى الهاتف:

-قومي بعمل تمارين الأذرع بفردهما و ثنيهم مرة أخري بالإضافة لتمارين الأرجل بفتحهم و ضمهم كل رجل على حدا.

يمكنكِ أيضاً القيام بالتمارين الآتية، و تبديلها مع التمارين السابقة كل مرة:

الجري فى المكان 3 دقائق.
الشهيق و الزفير ببطء للحصول على الهدوء العصبي.
تمارين الصباح التي كنا نمارسها فى المدرسة
و الآن، اخبريني هل ستقومين بهذه التمارين؟ هل أعجبتكِ الفكرة؟ وهى دى مهمتنا النهاردة باذن الله يلا بينا كلنا امامك ربع ساعة فقط لتنفيذ رياضة بسيطة لاتنسى ان رشاقتك لصحتك قبل جمالك

 

[حبيبه الروح]

كيف تتحولين من إمرأة عادية إلى سوبر وومن في عينين جوزك (متجدد إن شاء الله) - العضوة زكاة العلم تبليغه هي صاحبة المشاركة
السلام عليكم يا قمرات

وحشتوني جداً، أنا الحمد لله رجعت من السفر ومكملة معاكو الموضوع إن شاء الله

احنا دلوقتي وصلنا إن عندنا روتيني صباحي و مسائي و روتين أسبوعي

الروتين المسائي :
- مواعين العشا تتغسل و الحوض يتلمع و يتنشف (لو كسلتي اعملي التايمر على 15 دقيقة وقولي أنا هخلص اللي أقدر عليه في الوقت ده وبعديها أروح أرتااح هتلاقي نفسك يا إما خلصتي كلو في الوقت ده يا إما فاضل لك حاجة بسيطة هتتشجعي تخلصيها )
- امسكي hot spot (حاجة في شغل البيت عاملالك عقدة نفسية وقربتي تروحي الدكتور بسببها هههه ) وإشتغلي عليها 5 دقايق بسسس
- تحضير لبس بكرة (حتى الستات اللي قاعدة في البيت ... اللبس حاجة مهمة للراجل، مش لازم ديماً لبس مغري حتى اللبس العادي لو كان شيك و عليه قيمة و مناسب لجسمك بيديكي ثقة في نفسك )
- أذكار ما قبل النوم

الروتين الصباحي :

- صلاة الفجر
- العناية الشخصية (شعر، أسنان، منظف حلو للوجه، مرطب، كحل، أحمر خدود خفييف)
- ترتيب السرير
- صلاة الضحى

وعيزاكو إجباري تكتبو كل حاجة في الثلاث ورقات اللي قلنا عليهم
النهاردة هنزود شوية في الروتين و هنتناول عملية Decluttering أو التخلص من الأشياء اللي ملهاش لازمة و بتسبب الكركبة و الإزدحام في البيت، احنا الستات عندنا عقدة خطيرة و هي إننا مش بنحب نرمي حاجة يعني ممكن نحتفظ ببرطمان المربى لو شكله حلو، طقم الاطباق اللي بقالك 5 سنين مستعملتهوش، ملابس أولادك اللي بقت ضيقة عليهم، الكرسي أبو رجل مكسورة اللي من أيام الحملة الفرنسية ههههه باضحك وغيره و غيره

لو تلاحظو بيوت الغرب تحسيها شيك حتى لو العفش بسيط عشان مفيش كركبة، و بتدق إحساس بالراحة و بتبين المنزل واسع
أنا عيزاكو تشتغلو في عملية ال-Decluttering أو التخلص من الفوضى دي على مهلكو، يعني ممكن البيت كله ياخد في ايدك شهرين أو أكثر

أدوات "التخلص من الفوضى":

3 كراتين كبيرة
كرتونة للأشياء اللي مبقاش لها أي لازمة و هتترمي
و كرتونة للأشياء اللي لسة كويسة بس مبقتيش تستعمليها ومن الأفضل تتصدقي بيها
وكرتونة للأشياء اللي حاسة إن مكانها مش الغرفة دي ولازم تتحط فمكان تاني في البيت

اضبطي التايمر على 15 دقيقة وابدئي الشغل
وعشان تعرفي الحاجات اللي بتسبب الفوضى ولازم تتخلصي منها اسألي نفسك الأسئلة دي :

- هو الحاجة دي عزيزة عليا للدرجة دي ؟
- أنا استعملت الحاجة ولو مرة السنة اللي فاتت؟
- هي بقت فعلاً غير صالحة ومكانها الطبيعي سلة المهملات ؟
- هي الحاجة دي عندي منها إثنين ؟ هو أنا فعلاً محتاجة الاثنين ؟

لما الكراتين تتملي، خدي كرتونة الصدقة و حطيها على جنب لغاية متديها لحد يستحقها و خدي كرتونة الحاجات اللي هتترمي و ارميها قبل ما ترجعي فكلامك هههه و كرتونة الحاجات اللي مش في مكانها لفي بها على كل الغرف و حطي كل حاجة في مكانها المناسب

ممكن نفس الغرفة تاخد منك أسبوع، إشتغلي بس ال-15 دقيقة عشان متتعبيش و متيئسيش

و كل سنة و انتو طيبين ابتسامة

هذه المشاركة المميزة للعضوة المميزة
زكاة العلم تبليغه
من موضوعها كيف تتحولين من امرأة عادية الى سوبر وومن

 

[حبيبه الروح]

سم الله وصلاه وسلام علي رسول الله

ماتيجوا نخرج من المطبخ شويه والبيت ونروح السوق مع بعض بس سوق في الخيال يعني ايه ؟

انا بضايق جدااا لما بشوف قرارات الللحظه الاخيره والجمله المشهوره بس هما بصراحه كذا جمله
ايه ده مفيش شاي

انزل هات صابونه بسرعه

مستنين بابا يجيب العشا

الضيوف جم فجأه ومفيش حاجه

ليه يا ست الكل ده بيتك لوحدك ولا شركه ؟بيتك يبقي عينك علي حاجتك اول باول ومش بس كده ده احنا نتبع سياسه النص او التلات اربع للمش هتقدر تمشي علي سياسه النص
سياسه النص

زجاجه الزيت في نصه يبقي محفور في ذاكرتي اني عايزه زيت الشاي ناقص منه يا دوبك يعمل 4 كوبيات احنا عايزين شاي
الصلصه يدوبك لاكلتين عايزه صلصه وهكذا

لكن اتفأجي وانا بسمع واحده ده انا نزلت السوبرماركت كم مره وانسي جيب ده او نسيت اعمل مش عارفه ايه علشان ابصر ايه مش موجود
حضرتك لما تنسي مين يفتكرلك ذكرتك ضعيفه اكتبي ورقه هتضيع منك سجلي علي الموبيل



والي بيضايقني اكتر لما يكون بيت فيه اطفال ونستني كل يوم لما بابا يجي ويجيب العشا واللبن
حضرتك في كل الاحوال هجيبي جبنه وعيش ليه لازم تستني لما يبقي مفيش ولا لقمه وعلبه الجبنه فاضيه متقوليش بحب الصابح ده كان زمان لان الثلاجات وافران التسخين بانواعها الكهربائي والميكرويف بقت موجوده في كل بيت ثواني العيش من الفريزر كانك لسه جايبه وهاتي كيلو ولا نص ولا علبه زياده انتي محتاجه تجبيها مره واحده استبن وخلاص

طبعا لايكلف الله نفسا الاوسعها وفي ستات بتاخد مصروف قليل مش بتحب تغامر وتصرفه ربما يحصل اي ظرف وكمان في بتاخد مصروفها بالاسبوع والله انا اعرف واحده زوجها بيديها المصروف باليوم
ايان كانت الطريقه المهم تتصرفي بحكمه في الفلوس ديه

ليه ميكنش عندك حاجه عشا او فطار بزياده ديه ابسط حاجه حتي لو عينات مش علبتين جبنه ولا عشرين بيضه بس شيء يقضي الغرض لو بابا اتاخر حد جيه مش في ميعاده حد جاع يا ستي

ممكن تكونوا كلكم افضل مني ومش محتاجين درس انهارده خالص بس هو للتذكره انا هقولكم طريقتي انا بعمل بحث في دماغي واقسمه بنود لكل طلبات البيت يعني ايه
يعني نشويات ارز مكرونه لسان عصفور شعريه

بقول عدس اصفر فول تدميس فول مدشوش حاجه الكشري عدس بجبه وحمص

بقاله زيت سكر ارز

تلاجه حبنه بيض لبن

مكيفات شاي نسكافيه

عطاره كمون ينسون
منظفات مسحوق كلور سائل اطباق

خلاص بفضل الله ونعمته مش محتاجه اجيب ورقه ولا حاجه برص الرصه في دماغي واكتب الورقه لزوجي وهو يجيب للعلم انا بقالي سنين سايبه مصروف البيت لزوجي وبكتبله الورقه يوم الجمعه يجبلنا الطلبات كلها نادرااااااا لو نسيت حاجه لان ده اسلوب انا متعوده عليه من زمان


اسمع واحده حشريه ومنخيرها مكلبظه تقولي طب سبتي المصروف ليه مادام انتي منظمه كده ؟


لان المبالغه يا ستي في ان يكون البيت كل حاجه موجوده فيه عملت كده كانت بخلي كل حاجه موجوده لكن الفلوس اوف بح

وطبعا مهما كانت الظروف بتكوني محتاجه لسيوله اي شيء

لكن انا اعتبرت عقابه ده منحه الهيه بلا مصروف ولا وجع قلب

طب جالك ضيوف علي غافله

حلي عندك ربع لوبيه مسلوق في الفريزر وطبعا مسلوق فقط وانا علي طوال بشيل الصلصه متسبكه اروح فاتحه علبه اللوبيا وعليها علبه الصلصه وشويه شوربه والارز مش بياخد ثواني مه الي ربنا يقدرك عليه من بروتين لو بسله شيلها مع جزارها ولو سبانخ مع خضرتها يعني كل حاجه ومعاها حاجتها تمام يا ست الستات

انا بفرز الخضار اسبوع باسبوع ونادراا لو الخضار قعد اسبوعين ومش مع تفريز الحاجه من الموسم للموسم نهائي ليه متكليش الحاجه صابحه وبتاعه وقتها

انا بستغرب علي الناس الي عامله الفريزر دولاب تخزين حتي قشر البرتقان بيخزنوه ليه يعني كالفانليا بكم والله مره واحده قالتلي انا بجيب الفراخ واسلقها واللحمه بتاعه الشهر كله وتفرزهم كل فرخه لوحدها وكل كيس لحمه لوحده والشوربه في اكياس يعني اخر استسهال وحاجه ممرضه احنا لو نفتكركده زمان كان حجم التلاجه صغير كانت للضروريات فقط وكانت الناس صحتها احسن شيلي ياقمر بس بمقدار مش كل حاجه وكل الوقت

النقطه ديه بقي كنت قرئتها في منتدي واحده ببتغلب علي صعوبات المصروف ازي بتقول كل مره اشتري فيها حاجات البيت اجيب كميه بسيطه لوجبه تانيه بس تكون يادوبك وجبه وتشيلهم لوحدهم علي جنب يعني ايه مره تجيب نص كيلو ارز مره باكو شاي صغير مره ربع لحمه وهكذا تيجي اخر الشهر لما الميزانيه تخرم يبقي عندها حاجه تسترها بدل ما تقضيها جفاف

لو المصروف بيتعبك وبيشغلك تدويره في كل طلبات البيت قسميه علي اسابيع كده في اخر كل اسبوع عيبقي عندك يوم شعبي عادي جدااا هيمر بسلام احسن لما يكون في اسبوع بحاله

اسيبكم في امان الله

 

[حبيبه الروح]

بكاء السماوات والارض
هل سبق وسمعتم عن بكـاء السمـاء والارض ...؟!
تعالوا إذن
يقول الله سبحانه وتعالى حين أهلك قوم فرعون
"(( فَمَا بَكَتْ عَلَيْهِمُ السَّمَاءُ وَالأرْضُ وَمَا كَانُوا مُنْظَرِينَ ))
روى ابن جرير في تفسيره عن بن عباس رضي الله عنه في هذه الآية
أن رجلاً قال له: يا أبا العباس رأيت قول الله تعالى :
فما بكت عليهم السماء والأرض وما كانوا منظرين"
فهل تبكي السماء والأرض على أحد ؟ فقال رضي الله عنه : نعم إنه ليس أحدٌ من الخلائق إلا وله باب في السماء.
منه ينزل رزقه ومنه يصعد عمله فإذا مات المؤمن فأغلق بابه من السماء
الذي كان يصعد به عمله وينزل منه رزقه فقد بكى عليه وإذا فقده مصلاه
في الأرض التي كان يصلي فيها ويذكر الله عز وجل فيها بكت عليه ..
قال ابن عباس :أن الأرض تبكي على المؤمن أربعين صباحاً .
فقلت له: أتبكي الأرض ؟
قال: أتعجب وما للأرض لا تبكي
على عبد كان يعمرها بالركوع والسجود وما للسماء لا تبكي
على عبد كان لتكبيره وتسبيحه فيها كدوي النحل ..
وحين تعمر مكانك وغرفتك بصلاة وذكر وتلاوة كتاب الله عز وجل
فهي ستبكي عليك يوم تفارقها قريباً أو بعيدا
سيفقدك بيتك وغرفتك التي كنت تأوي إليها سنين عددا ...
ستفقدك عاجلاً أو آ جلاً ؟

 

[حبيبه الروح]

اربع اصناف فاكهة تحرق الدهون المتراكمة
تعتبر الفاكهة من النعم العظيمة التي تمد أجسامنا بالعديد من العناصر الغذائية الصحية، وبالكثير من الفيتامينات والأملاح والمعادن، فهي إن جاز لنا التعبير كالمنجم الذي يحتوي على العديد من العناصر الثمينة، مما يجدر بك عزيزي القارئ أن تحافظ على تناولها ولا تجعلها هباء ، وأجرى مختصو التغذية العديد من الأبحاث وتوصلوا إلى نتائج كثيرة منها أنها أثبتت قدرتها في القضاء على الدهون منها: • التفاح: أوضحت أحدث الدراسات أن قشرة التفاح تساعد في حرق المزيد من الدهون وذلك في أنها ترفع مستوى الأيض في الجسم. • التوت البري: في التوت البري مواد تعمل على حرق الدهون المتراكمة في منطقة البطن فتقضي عليه وتمنع تخزينها في المستقبل. • البرتقال الصغير: هذا النوع من الفاكهة يحتوي على نسبة كبيرة منً الألياف التي تعمل على خفض الدهون في الدم، وبالتالي يساعد في حماية صحة القلب، لمقدرته على تخفيف امتصاص الدهون في الجسم كما أنه يمد الجسم بالمواد المضادة للأكسدة التي تقي الصحة والبشرة. • الإجاص: يتمتع بمذاق حلو ويخفف من الرغبة في تناول الحلويات الغنية بالسعرات الحرارية. كما يحتوي على مادتين مضادتين للأكسدة وتعملان على تخليص المرأة من كل الدهون المتكدس

 

[حبيبه الروح]

فقرت اليوم اعمل موضوع بيتكلم عن سر من اسرار جمال المراة السودانية من جميع التفاصيل والموضوع دا يمكن يفيد الستات المتزوجات اكثر او اللى خلاص فرحهم قرب وممنوع دخول الانسات الاصغر من 18 سنة لان فيه......

ويمكن (اكشن ) او (رعب)يلا ندخل فى تفاصيل الاثارة والاسرار من اوسع ابواب الجمال ......




طبعاً فى حاجات للانسات الدلوعات بس بتكون من غير ريحة ...



ملاحظة هامة : اي ست تعمل الحاجات بره بيتها ربنا ح يحاسبها وانا برئية منها ومش حمل ذنوبها

عالم اسرار الجمال يشمل :-







الدلكة :-هى عجينة خطيرة تتميز بها المراة السودانية تنعم وتعطر بها جسمها وهى اشكال وانواع هنتكلم عنهم بالتفصيل




عطور الخمرة السودانية :- عطور مميزة وخطيرة وذات مفعول سحري لرجل تنفرد بها المراة السودانية فى عالم العطور والجمال والاثــــارة




عطور وبخور :- واسألوا سكان العمارة عن بخور الست السودانية من ناصية الشارع هتعرف تميزه



الحناء واشكالها :- علامة الجودة عند الست السودانية (((بالصور )))

الدخان :- جمال وعبقه واسراره الخطيرة
الثواب السودانى :- حشمة وجمال تفوق الخيال (((بالصور)))

طبعاً ها ابدء اكتب واحكى تفاصيل كل حاجة لوحدها واعلمكم اسرار الاثارة ويمكن يوم فرحك تعملى حاجاتك احسن من ستونة ومن غير ما تصرفى فلوسك عالفاضى وعلي حاجة ممكن تعمليها في بيتك وسهلة جداً ....




وعرفت انه ستونة بتأخذ مبلغ قد كده... عشان تعملك الحاجات السودانية ليه كده يا ستونة دول اخوااااتى وحابيبى

 

[حبيبه الروح]

* المقادير :
- كمية من قشور البرتقال
- ماء ورد
- زيت لوز

* الطريقة : قطعي القشور وجففيها .. واطحنيها في المطحنة الكهربائية..
خدي منها 3 ملاعق كبيرة واعجنيها بماء الورد وتكون سائلة بعض الشيء..
ضعي كمية في الوجه والجسم لمدة 15 دقيقة وخدي شوية من زيت اللوز وافركي بيه حتى تختفي العجينة ولحد ما تتعبي (نفس فكرة عمل السكرب -التقشير-) والنتايج حتعجبك إن شاء الله.. جسم ناعم وبريحة البرتقال وتقدرون تعملونها بالزنجبيل الطازج اوبقشر اللليمون

2- المقـــادير
1برتقالة بقشرها ,
1موزة بقشرها ,
1/2 ليمونة بقشرها

تقطع الفواكة السابقة وتوضع في الخلاط ويوضع معها 1/4 كأس ماء وتخلط

خذي قدر صغير وضعي علية 1/4 كأس ماء + 1/4كأس دقيق أبيض أو أسمر
حتى تكون لديك عجينة سائلة
( إذا كانت العجينة ثقيلة زيدي موية وإذا كانت خفيفية زيدي دقيق المهم إنها تكون سايلة ماتثبت باليد )

توضع العجينة على النار وتقلب قليلاً حتى تتماسك ثم تبعد عن النار وتضاف خليط الفواكة إليها وتعجن باليد حتى تكون عجينة لينه وملمسها ناعم ويمكن تشكيلها باليد

طريقة الإستخـــــــــــــدام :
يغطى الجسم المراد دلكته بالعجينة ويترك لمدة 10 دقائق ثم يوضع على اليد قطرات من زيت الزيتون وتفرك بها العجينة فتتساقط العجينة شيئاً فشيئاً حتى ينظف الجسم

 

[حبيبه الروح]

فوائد التــــــــــرمــــس المطحـــــون وبعض الحاجات الموجودة فى البيت:
1-الترمس الناعم مفيد في تبييض البشرة والجسم ونعومته وإزالة الشعر من الجسم وذلك بدلك جسمك به بالليفه مع مرور الأيام يزول الشعر ويبيض الجسم
2- لإزالة تجعدات ألبشره يمزج صفار البيض مع 1/2 ملعقة زيت زيتون وبضع نقاط من عصير الليمون ويطلى به الوجه والرقبة ويزال بعد 1/4 ساعة بالماء الفاتر
3- دقيق الحمص إذا عجن بالماء وطلي به الوجه والرقبة اذهب صفرة الوجه وحمر اللون ودهن المستكي إذا طلي به الوجه حسنه((بإذن الله ))
4- تطحن قشور البرتقال وتخلط بالعسل وتوضع على الوجه والرقبة وتترك لمدة 1/2 ساعة ثم يغسل بالماء البارد
5- ادهني وجهك ورقبتك كل ليله بنصف ملعقة شاي صغيره من الغذاء الملكي فان هذه الطريقه مهمة جدا في وقاية البشرة من التجاعيد أكثر من مستحضرات التجميل
6- لتنعيم الكوعين استعملي الليمون الزائد في المطبخ مع الملح لدعك الكوعين لمدة دقيقه فان ذلك يزيدها نعومه ويزيل اللون الغامق
هذه والله وصفات مجربه ولها نتائج جنااااااااااااااااااااان بس أهم شي الاستمرار وعدم الكسل يا فتوكاتى

 

[حبيبه الروح]

الخلطة الأولى ...
تجيبي ملح الحليب يوكو سبا ،، مع الشاور جل الإنتي بتحبيهو
وتخلطيهم مع بعض وتخليهم عندك بالحمام وكل ماتتحممي تدعكي جسمك كلو
وتجيبي ليفة من البودي شوب الي زي القفاز أو ليفة مغربية أو الليف بتاعنا العادي
وتدعكي جسمك لمدة 5دقايق
وبعد كده تاخذي حمام وترش شوية من ريحة الخمرة السودانية وادعلي دعوة من قلبك

ده ملح الحليب

 

[حبيبه الروح]

ســـــــر الانجاز في عشر دقائق فقط

مكسلة تفتحي المصحف وتقرأي قرآن ؟؟
مش قادرة تقري الاذكار لان مش عندك وقت
مش قادرة تمارسي هوايتك في القراءة لان مافيش وقت
مكسلة تعملي رياضة
عندك حاجة مهمة وعمااااااالة تسوفي
؟؟؟؟؟؟؟؟؟؟؟؟؟؟؟؟؟؟

ممكن تتخلصي من
كوووووووووووول ده في 10 دقايق

حددي 10 دقايق بس ع الموبايل وخدي لقمة او قطمة من المهمة ال عليكي

وهي دي نفس فكرة كتاب

How to eat an Elephant ?? one bite at atime

كيف تأكل الفيل ؟؟ كل مرة ... لقمة واحدة
وبالهنا والشفا ع الفيل

 

[حبيبه الروح]

السلام عليكم ورحمة الله وبركاته
السلام على نفوس عشقت الخير
مسااااكم عســــــــــــــل

كيف احقق خطتي كيف اصل لهدفي
كيف اقاوم الفتور وهوى النفس والاحباط
كيف اكون قوية كيف اصل ؟؟؟

الحل في كلمتين

عينك على النهاية

دايما شوفي النهاية
شوفي نفسك لما تحققي الهدف شوفي الفرحة شوفي السعادة شوفي الفخر بنفسك

عاوزة تعملي دايت وحاسة الموضوع صعب
اخرجي للسوق وادخلي محل الملابس واختاري في خيالك فستنانك الرائع ال هيخليكي
اميرة في وزنك الجديدة وهيرسم ملامح رشاقتك وثقة بنفسك شوفي نفسك في فستانك الجديد
شوفي نظرة الاعجاب في عيون الاحبة شوفي نشوة الثقة بالنفس




عايزة تصومي وحاسة الموضوع صعب

شوفي نفسك بعيون خيالك في يوم تكوني صايمة فيه وشوفي الفرحة لحظة المغرب
وشوفي العصير البارد المنعش وهو بيجري في عروقك ويرويها سعادة و فرحة
شوفي فرحتك وانتي بتدعي وموقنة ان دعوتك دي لا ترد
شوفي لحظة الفرحة لما تحسي انك بعدتي عن وجهك النار سبعين خريف


عايزة تصلي وحاسة ان الصلاة تقيلة عليكي

شوفي نفسك وانتي خاشعة خلف امام البشر
عارفة مين ؟؟
شوفي نفسك وانتي في صلاة وامامك فيها هو
حبيبك محمد صلى الله عليه وسلم
تخيلــــــــــــــــــــــــــــــــــــــــي
هيكون قلبك عامل ازاي وخشوعك اخباره ايه ؟؟
تفتكري هتتمني ان الصلاة دي تدوم اد ايه ؟؟؟

لو حفظ القرآن او التلاوة صعبة عليكي

شوفي نفسك نايمة وبتشوفي رؤية
وتخيلي مين ؟؟
حبيبك محمد صلى الله عليه وسلم يأتي لك في الرؤية ويوصيكي بحفظ القرآن وتلاوته
تفتكري هيكون شعورك ايه واول عمل هتعمليه اول ما عيونك تفتح هيكون ايه
انك هتجري تدوري على المصحف هو فين وتنفذي الوصية ؟؟؟

لو حاسة ان شغل بيتك تقيل او صعب

شوفي النهاية
شوفي البيت بعيون خيالك بعد ما نظفتيه ولمعتيه
شوفي الجمال والراحة النفسية وحسي بروعة النظافة واحساسها المريح
شمي ريحة العطر افرحي بالجمال
اكيد هتقومي جري وتنفذي صورة الخيال وتحوليها لواقع

دائما دائما
شوفي الهدف لما يتحقق
شوفي الفرحة استمتعي بنشوة العمل ولذة الانجاز



يالا منتظرة ايه

يالا بسسسسسسسرعة شوفي السعادة وحققيها
ولتكن البداية بخطة 21 في 21 وبعدها خطة الاستعداد لاحلى ليالي العمر رمضاااان


شوفي يوم العيد وانتي رايحة للصلاة بلا ذنب وقد كتبتي من عتقاء النار وكتبتي من السعداء

حد شايف ؟؟؟؟؟؟؟؟؟؟؟؟؟

بحبكم في الله
وانتظروا
في القااادم
كل جميل باذن الله


انتظرو باذن الله السلسلة المهمة جدا
للتخلص من الكسل والتسويف ... للأبد
والاقبال على العمل بهمة ونشاط
افكار سهلة وممتعة باذن الله

بس هناخد راحة يومين نطبق افكار المواضيع الاخيرة
وباذن الله عودة الى الانجاااااااز الرائع
والامتياز البشري اللانهائي

 

[حبيبه الروح]

السلام على نفوس عشقت الخيـــــــــــــــــر
وحشتوني يا اجمل وارق واطيب قلوب

اسأل الله العلي العظيم رب العرش العظيم ان يرزقنا جميعا السكينة وراحة البال ويبدل همومنا واحزاننا افراح لا تنتهي
ويحقق لنا كل الامنيات ويرزقنا الخلود في الفردوس الاعلى بغير حساب ولا سابقة عذاب

عايزة تكوني سعيدة ؟؟ تتمني تعيشي كل لحظة في يومك ؟؟ تحبي تعملي كل حااااجة وانتي فرحانة وراضية ؟؟
انا ممكن اقولك على سر نونو يحقق لك الامنية دي ... عارفة ايه هو ؟؟؟

الاول نصلى على الحبيب محمد اللهم صل وسلم وبارك على سيدنا محمد وعلى آله وصحبه وسلم

يالا بينا على السر بقى ...........

عشان تعيشي سعيدة وتهزمي همومك لازم تتعلمي تعيشي في حدود يومك وبس ....يعني ايه يا جنة ؟؟

يعني ببساطة شديدة ماتفكريش في امبارح ولا تحملي هم بكرة
عيشي لحظات يومك وبس ... عيشي كل ثانية بكل كيانك وفكري بايجابية في كل شئ وعشان تعيشي يومك صح ..
قرري بينك وبين نفسك انك مهما حصل ومهما كانت في الحياة من هموم او مشاغل انك هتعيشي يومك كدة

قولي لنفسك هعيش اليوم ده وبس
هبتدي يومي باني اشكر ربنا على هدية الحياة
هحتسب يومي كله عند ربنا واي حاجة هتحصل هتقبلها برضى وسلام نفسي
هعمل برنامج بسيط والتزم بيه عشان احس بلذة الانجاز
هلتزم بالفروض مهما حصل واجتهد في النوافل على اد ما اقدر
لازم يوميا يكون العطاء جزء من برنامج يومي ( كل ما تعطي كل ما تحصل على اكتر )
هزرع الفرحة في اي مكان اتواجد فيه وابسطها حلويات بسيطة في شنطتي هوزعها على الاطفال
واصنع لهم الفرحة


هسامح نفسي واسامح غيري عشان احس بالسكينة الداخليه
هتعلم في يومي حاجة جديدة عشان قيمتي في الحياة تتزايد باستمرار
هعمل عمر خير في السر وبكدة اضمن ثواب الاخلاص
هعمل في يومي ده عمل كنت دايما أئجله او عمل مش بحبه لكن لازم يتعمل
في يومي ده مش هقارن نفسي بأي حد مهما كان
في يومي ده هدخل في خلوة مع ربنا ولو 5 دقايق اناجي الرحمن الرحيم وافضفض واشكي واحكي مع رب الكون
في يومي ده هقرر ان اتحدى الخوف واني ما اخاف من اي شئ مهما كان الا رب السماء
في يومي ده هقرر الاستمتاع بكل جميل

جربي تعيشي يومك بالشكل ده ويقينا هتحسي بالسعادة

جربي ... يعني هتخسري ايه ؟؟؟



وافتكري الحكمة ال بتقول


وما الامس الا حلم
وما الغد الا رؤيا
أم اليوم ان أجدت عيشه
فسيجعل من كل امس حلما للسعادة
ومن كل غد رؤيا للأمل

بحبكم في الله

وقبل ما انسى
باذن الله كل يوم هنزل لكم موضوع جديد
فيه الفايدة والمتعة أكيد
باذن الله

 

[rose doré]

بصراحة موضوع مميز جدا جداًً...
كنت عّم دور ع شي أبدا به السنة الجديدة ،، وكيف ممكن ارتب اهدافي ،،
وضعت موضوع أهداف السنة الجديدة ،، لكن لم ألقى تجاوب ،،
التزمت لموضوعك فهو شامل ،، وممكن تغيري فيه المهام حسب وضعك ،،
انا كنت مجهزة دفتر لتحقيق الأهداف والالتزام والانجاز ،، وتدريب نفسي وعقلي عالعادات الإيجابية ،،
موضوعك كان بالنسبة الي محفز وانا بحاجته فعلا ،،
في اول الدفتر ،، زينته بحكم وعبر رائعة ،،
الصفحة الاولى :
- كتبت جميع المهام ،، ومدة الإنجاز والشرح الوافي الذي يساعدني عالالتزام بها ،،
الصفحة التالية :
عملت جدول ، رقمت واحد وعشرين مهمة عالتوالي ،، وأمامها الأيام الواحد وعشرين أيضا ،،
لتسجيل درجات الإنجاز والالتزام ،،
الصفحات التالية :
كتبت تدوين ملاحظات بعد الانتهاء من الإنجاز ،،
الصفحات التالية :
عملت عنوان لكل مهمة :
( مثلا تجربة السعادة ) وكتبت التمارين اللازمة ...
( الام المحبة الصديقة ) وكذلك نفس الشي ..

وهكذا انتهيت من ترتيب الأهداف والأولويات ،، وسأبدأ من الغد ان شاء الله ..
اليوم سأكمل ترتيبات الأولية من تنظيم وترتيب البيت ،، لأبدأ بنفسية جميلة ومرحة ،،

ساكتب كل خطواتي ومدى نجاحي هنا ،، في هذه المدونة ،،

حتى لو ما تابعتي الموضوع ،، فأنا عاهدت نفسي ان أشجعها .. وسأبدأ من هنا ،، لأني كنت بصدد البدء بخطوة ،، ووجدتها هنا ،،


جزاكي الله خيرا ،، ورزقك من البر والتقوى ،، وجعلني من عباده الصالحين ،، ورزقك الدارين ،،

عجز لساني عن شكرك اختي

 

[حبيبه الروح]

بصراحة موضوع مميز جدا جداًً...
كنت عّم دور ع شي أبدا به السنة الجديدة ،، وكيف ممكن ارتب اهدافي ،،
وضعت موضوع أهداف السنة الجديدة ،، لكن لم ألقى تجاوب ،،
التزمت لموضوعك فهو شامل ،، وممكن تغيري فيه المهام حسب وضعك ،،
انا كنت مجهزة دفتر لتحقيق الأهداف والالتزام والانجاز ،، وتدريب نفسي وعقلي عالعادات الإيجابية ،،
موضوعك كان بالنسبة الي محفز وانا بحاجته فعلا ،،
في اول الدفتر ،، زينته بحكم وعبر رائعة ،،
الصفحة الاولى :
- كتبت جميع المهام ،، ومدة الإنجاز والشرح الوافي الذي يساعدني عالالتزام بها ،،
الصفحة التالية :
عملت جدول ، رقمت واحد وعشرين مهمة عالتوالي ،، وأمامها الأيام الواحد وعشرين أيضا ،،
لتسجيل درجات الإنجاز والالتزام ،،
الصفحات التالية :
كتبت تدوين ملاحظات بعد الانتهاء من الإنجاز ،،
الصفحات التالية :
عملت عنوان لكل مهمة :
( مثلا تجربة السعادة ) وكتبت التمارين اللازمة ...
( الام المحبة الصديقة ) وكذلك نفس الشي ..

وهكذا انتهيت من ترتيب الأهداف والأولويات ،، وسأبدأ من الغد ان شاء الله ..
اليوم سأكمل ترتيبات الأولية من تنظيم وترتيب البيت ،، لأبدأ بنفسية جميلة ومرحة ،،

ساكتب كل خطواتي ومدى نجاحي هنا ،، في هذه المدونة ،،

حتى لو ما تابعتي الموضوع ،، فأنا عاهدت نفسي ان أشجعها .. وسأبدأ من هنا ،، لأني كنت بصدد البدء بخطوة ،، ووجدتها هنا ،،


جزاكي الله خيرا ،، ورزقك من البر والتقوى ،، وجعلني من عباده الصالحين ،، ورزقك الدارين ،،

عجز لساني عن شكرك اختي â‌¤â‌¤â‌¤â‌¤

انا سعيده جداااااااااااااااااااااااا جداااااااا بيكي ومبسوطه اوي انك هتبداي حياه جديده ونشيطه
خلينا نتعرف علي بعد وان شاء الله نسجل اهدافنا سوا ونحقق احلامنا ونشجع بعض

 

[rose doré]

اول يوم من الإنجاز ،، مر تمام ،،
انجزت المهام تماما ،، بس في نهاية الْيَوْمَ تكاسلت ،،
ومع هيك ،، استخدمت حيلة العشرة دقايق ،،
ونجحت ،،

 

[راضية بالمولى]

السلام عليكم ورحمه الله وبركاته



سطر بمدادي حروفاً تتألق شوقاً وحنيناً الى أحبتي..
أولئك الذين ساندوني في كل مرحلة من مراحل رحلة الحياة..
إلى الذين زرعوا الأمل والبسمة في نفسي..
إلى الذي ملئوا حياتي سعادة وأنساً..
من كانت لهم أيد بيضاء في حياتي..
إلى أحبتي.. اهدي قلبي وحبي وتقديري

اهلا وسهلا بك يا ملكة متوجة على عرش التميز
مجرد وجودك هنا بين صحبة زهرات السعادة ولآلئ الفجر الباسم شهادة تقدير لك بانك انسانة متميزة
انسانة اختارت تغير حياتها للاجمل والأروع وتصنع منها رائعة من الروائع لتشرق شمس احلامنا لنعيش الرحلة الماتعة
في بحور السعادة

مدة الدورة
باذن الله 3 اسابيع تبدأ من السبت 8 مارس وتنتهي في الجنة باذن الله


فكرة الدورة
الالتزام يوميا باذن الله بتحقيق 21 انجاز لبرمجة العقل الباطن وصنع عادة النجاح والايجابية وتحقيق اي هدف مهما كان باذن الله

هدف الدورة
ان يكون يومنا رائعة من الروائع وتكون انجازاتنا اليومية شاملة لاهم اسباب السعادة والتعود على الانجاز باذن الله
مع التشجيع المستمر والتحفيز الدائم وكلنا ناخد بايدين بعض بايجابية وحب

اساسيات الدورة باذن الله

الاخلاص وحسن التوكل على الله وحسن الظن بالله
قبل ما تخطي خطوة في حياتك كوووولها اعملي التلاتة دول
خليها لربنا سبحانه وتعالى وحده ولا تهتمي بالمدح او الذم واعتمدي على ربنا بصدق واحسن الظن بيه انه مش هيخذلك ابدا

تحمل المسؤلية
نجاحك مسؤلية حياتك انتي وكوووووووووووووولنا اسباب تساعدك
لكن انتي صاحبة القرار الاول والاخير

استعدي تدفعي التمن
مافيش نجاح ابدا في اي قاموس الا لما تسبقه كلمة عمل
مافيش نجاح من الهوا .. لازم جهد وعطاء عشان يكون في نتيجة

امسحي من قاموس حياتك كلمة التسويف
عاهدي نفسك انك ما تأجلي اي مهمة عليكي مهما حصل .. انجزي
التسويف ضريبته عالية اوي كفاية انه بيسرق منك هدوءك الداخلي وبتفضلي قلقانة وحاسة بالذنب
وانتي عليكي مهام متأجلة ولازم تنفذيها

في حالة التكاسل الشديد عن اداء اي مهمة
اطلقي رصاصة الرحمة عليها
دقيقتين انجاز ... خفضناها بعد ما كانت 4
قومي فورا واعملي المهمة التقيلة على قلبك والمتكاسلة عنها لمدة دقيقتين وهتتشجعي باذن الله
وهتكمليها

لازم وحتما ولابد
الورقة والقلم
اقصر قلم رصاص اطول من اي ذاكرة
دفتر انجازك هو اهم صديق لك في الفترة الحالية
كل شئ سجليه في دفترك مهامك نجاحاتك تطورك كله كله

ارادة الفوز
لازم تمتلكي الارادة دي عشان تفوزي بتحقيق اي هدف تحلمي بيه
وهي
ايمان بالله وحسن ظن + هدف واضح محدد + عمل واجتهاد + اصرار ويقين في الفوز باذن الله
الفائز لا ينهزم ابدا
والانهزامي لا يفوز ابدا

المؤقت
حولي كل مهامك لمسابقة بينك وبين الوقت وخلي عندك اصرار انك دايما تكسبي المسابقة دي
اوعي لحظاتك تتسرق منك وانتي مش حاسة وتلاقي انجازاتك ويومك بقى سراااب

مش مهم كام مرة اخطأت او وقعت لكن المهم جدا جدا
كام مرة قدرت اقوم من تاني
لو حصل اي اخفاق في اي مهمة اوي يوم اوعي تهربي وتختاري الحل الجبان انك تبعدي عننا
استمري واصلي وقومي تاني مش مهم تقعي 7 مرات المهم انك تقومي في ال8

الغد يبتسم لأولئك الذين يستعدون له من اليوم
حاولي تجهزي كل ليلة لليوم التاني كل حاجة عشان يكون الانجاز سهل ولذيذ
ومش يضيع منك الوقت


كرري مرات ومرات ومرات بدون كلل او ملل حتى تترسخ بداخلك عادة النجاز والتميز والانجاز
حتى يكون النجاح جزء من تكوينك وعقلك وتفكيرك

ترتيب الاولويات مهم جدا جدا
تعرفي ايه المهم بالنسبالك وايه الاهم
ولازم تبتدي بالاهم فالاقل اهمية عشان تحافظي دايما على معدل انجازك مرتفع

ياريت يرجع العمر من تاني وانا كنت قضيت معاهم وقت اكتر وقريت لهم اكتر ولعبت معاهم اكتر
دي كانت ست في قمة قمة النظافة والاهتمام ببيتها وفي يوم اصحابها سألوها هي بتعمل كدة ازاي
ردت بأسى وقالت ان تركيزها الشديد على النظافة بس ضيع منها استمتاع بصحبة اطفالها وهما صغيرين
والاهتمام بيهم على الوجه الاكمل
اوعي حاجة مش مهمة تيجي على حساب حاجة اهم وتضيعي عمرك في الاقل اهمية


لو قلنا لك ان كل معلومة جديدة هتتعلميها يوميا ب 100 جنيه تفتكري هتتعلمي كام معلومة وهتعملي فلوس اد ايه
تخيلي ان معلومة واحدة ممكن تعرفيها ممكن تفيد حياتك باكتر من ملايين الجنيهات
ماتحرميش نفسك ابدا ابدا من انك كل يوم تكتسبي معلومة جديدة وتتطوري اكتر



الاستمتاع
اعملي كوووووووووووووووول حاجة مهما كانت صغيرة وانتي مستمتعة جدا
حتى لو مش حاسة بالمتعة تخيلي كما لو كنتي مستمتعة
لحد ما تتحول لعادة ليكي
انك تعيشي حياة في قمة اللذة في كل تفاصيلها الصغيرة قبل الكبيرة

هندعمك باذن الله على مدار الاسبوع انا وملكات التحدي بكل قوة من خلال دروس عميقة جدا تساعدك على
مواصلة النجاح والانجاز الرائع باذن الله

طبعا في مهام مش هتناسب الكل ودي هنحاول نعمل لها بدائل باذن الله

الموضوع هنا فقط للدروس والواجبات اليومية وممنوع تماما اي رغي من اي نوع او اي مشاركة غير مفيدة
وطبعا هتتمسح المشاركة في المرة الاولى ولو تكررت تستبعد صاحبتها من الدورة فورا وده طبعا للصالح العام
واحتراما للجدية ووقت الجميع في موضوع البيت الكبير باذن الله التقارير اليومية للانجاز والرغي والنقاش و و و


ياريت تكتبي الدعاء الرائع ده في اول صفحة في دفتر انجازاتك
ربنا يحفظنا جميعا بحفظه

اللهم اني استودعك نفسي وزوجي واولادي وصحتنا وعافيتنا
واهالينا وبيتنا واموالنا
وكل من احببنا فيك
وجميع ما انعمت به علينا
فاحفظنا واحفظ لنا يا من لا تضيع ودائعك
اللهم عافنا واعفو عنا

اللهم عاملنا بفيض كرمك وجزيل احسانك ولا تعاملنا باعمالنا يا ارحم الراحمين
اللهم اصلح لي العمل والنية والذرية واجعلني وذريتي ووالديي من ورثة جنة النعيم وكل عبادك المسلمين

اللهم امين

المهام ال 21 في المشاركة القادمة باذن الله



منقول عن جنه التفاءل الله يجازيها الف خير ويبارك في عمرها واولادها

ت


ت
تووووحفة مواصلة معك
بارك الله فيك جعله بميزان حسناتك يااا رب
متابعة وفتحت الاجندة و كتبت الدعاء.......