هنا تشرق شمس السعادة بتحقيق احلامنا

[Magic Fairy]

طيب بنات انشالله نجمع اكبر عدد ...
و نبدا و نحط التطورات...

 

[جيداء جود]

سبحااااان الله من كم يوم أفتش في المنتدى على مثل هيك موضوع ، و لأني كنت مصرة و متيقنة اني سأجده دلني ربي عنه ... الله يباركلك فيما خطت أناملك أخيتي
أنا أقترح أن تكون المهمة 21 كالآتي :
وزن الكلام جيدا قبل النطق به ، عدم الثرثرة ، لا تشتكي من أحد لأحد و لا أسمح لأحد أن يشتم لي شخص آخر ، مع ترك الغيبة و الخوض في أعراض الناس و ترك أي مجلس فيه هيك ظواهر ، الإستماع لما يقال بتركيز

 

[جيداء جود]

اقتراح آخر دمج المهمة الخمسة مع المهمة التاسعة و نضع المهمة الخامسة كالآتي :
الإستغفار الأسبوع الأول 400 إستغفار
الأسبوع الثاني 700 استغفار
و الأسبوع الثالث 1000 استغفار
و لا يفزعكم العدد ف 100 إستغفار بتأن أخذت مني أقل من دقيقتين ، يعني 1000 استغفار لن يأخذ منك أكثر من 20 دقيقة ، إجعليها متى شئت : و انت تنظفي الأطباق ، انت تطبخي ، و أنت في الباص رائحة لشغلك ، قبل النوم فقط رسمي في عقلك الباطن انك قادرة عليها

 

[Magic Fairy]

بنات متى نبدا ...

 

[Lena Dareen]

مهمة الاستغفار شو رأيكم نبدأ هذه الجمعة ..

 

[Magic Fairy]

مهمة الاستغفار شو رأيكم نبدأ هذه الجمعة ..

انا معك لينا ...

 

[Lena Dareen]

انا معك لينا ...

طيب ماجيك نبدا هذه الجمعة فرصة والله

 

[Magic Fairy]

طيب ماجيك نبدا هذه الجمعة فرصة والله

طيب لينا نبدا ...

 

[حبيبه الروح]

انا سعيده جدا بيكم اخواتي واتمني اننا نبدا معا ان شاء الله

 

[حبيبه الروح]

طيب لينا نبدا ...

يلا جمعي البنات ونبدا علي بركه الله
تشجيعكم ليا رجعني تاني وحمسني ان شاء الله نبدا

 

[حبيبه الروح]

الانوثه
المفقــــــــــــــــــــــــــــــــــودة

كلمة في ودنك
مهما عليتي في دراستك مهما كنتي شاطرة في كل حاجة مهما كنتي متميزة ومتدينة و و و و

كلمة في ودنك .. كل ده كوم .. وانوثتك مع زوجك كوم تاني خاااالص

مش من عادتي احب اتكلم في المواضيع دي لكن مجبرة المرادي .. من كم المشاكل العجيبة ال للاسف غزت البيوت ومنها حتى بيوت الملتزمين ولا حول ولا قوة الا بالله

عايزين يا اخواتي نعمل تغيير جديد في حياتنا .. عايزين نشتغل مع نفسنا في استعادة الانوثة بكل مشتملاتها لبس ودلع ورقة
وحنية وحركات واغراء تقل وكلللللللللله
محتاجين نلغي الصورة ال اتشهرت بيها المرأة المصرية في الجدعنة والشهامة والشطارة في تربية الاولاد وبس
عايزين

إمرأة متكاملة
زي ما هي شاطرة في ادارة بيتها وتربية ولادها
لازم تكون شاطرة كمان في حب جوزها
لازم تتعلم فنون الحب والانوثة والدلال



مش عايزة واحدة تضحك بينها وبين نفسها دلوقتي وتقول يا اااه لسة هنتعلم وهما الرجالة يستاهلوا ؟؟ وهو ده الموجود واذا كان عاجبهم .....

لا اوعي تكون دي طريقة تفكيرك ... لانك انتي كدة بمنتهى السهولة بتدي جوزك لواحدة تانية تشاركك فيه حتى لو ماكانش في الحقيقة هيكون في الخيال .. هيكون بيحلم وبيتمنى غيرك ال بيدور عندها على ال انتي قصرتي فيه

اوعي تقولي ال خدته القرعة تاخده ام الشعور ما انا عارفاكم ..... اوعي

ده جوزك حبيبك .. اقرب الناس ليكي واكتر انسان ليه حقوق عليكي وهو جنتك ونارك وهو ابو عيالك وهو الصاحب والرفيق
وهو وهو وهو



استعيدي انوثتك
اهتمي بنضافتك الشخصية الداخلية جدا جدا
حاولي تكوني حرير في حرير
ريحة النضافة احلى من اغلى البارفانات العالمية
غيري قصة شعرك .. اعملي حمام مغربي .. دلكة سوداني .. دلكة عطور
اهتمي برشاقتك
غيري استايل لبسك
غيري استايل دلعك غيري المود العادي ... جددي
ادخلي قسم معاملة الازواج واتعلمي حاجات جديدة تنعش حياتك الخاصة وفنون اللذة
اتعلمي الرقة والدلع ولو مكسوفة من اولادك خليها في اودة نومك بس
قربي من جوزك بذكاء .. ماترميش نفسك عليه ابداااااا ... التقل صنعة
واعملي الحاجات دي كووووولها بالتدريج وخليها عادة دايمة عندك
انك حتى لو 50 سنة لازم تكوني عشيقة زوجة مش بس ام العيال

من الاخر كدة

اعملي مع نفسك خطة خلال فترة دورة 21 انك تتجوزي جوزك من اول وجديد
جهزي نفسك طول مدة الدورة انك تكوني عروسة
وعيشي احساس العروسة من جواكي بجد


واجبك النهاردة
انك هتعملي خطة بينك وبين نفسك تشوفي ايه ال ناقصك وتستعدي ليوم فرحك
عايزين بيوت المسلمين غرقانة في السعادة والحب والمتعة الحلال


انا عارفة ان المشاركة ال فاتت مش هتناسب البنات ال معانا في الجروب


لكن انا من رأيي الشخصي
دي فرصة دهبية ليهم
انها تفهم ان مطلوب منها حاجات كتير ولازم تعرفها قبل ماتبتدي الحياة الحلوة مع زوج المستقبل باذن الله
ربنا يسعد كل بناتنا بالازواج الصالحين الاتقياء

انتوا يا بناتنا ابتدو من حيث انتهى الاخرون
اكتسبي الخبرة مننا
لكن في نفس الوقت خلي كل مشاعرك بكر وغلفيها بالقطيفة وشيليها في قلبك
احتفظي بيها لوقتها
شيلي كل حاجة حلوة وكل مشاعر جميلة وكل احلام بتتمنيها للوقت الصح



وكلمي ربنا قوليله انا هعمل كدة يارب حسبة ليك انت
عشان تكون بركة وسعادة لا تنتهي باذن الله في حياتك الحللوة الجاية قريب باذن الله

 

[حبيبه الروح]

هتغسلي اسنانك لانك جميلة من برة وجوة
هتغسلي اسنانك لان ابتسامتك رائعة وهتكون اروع لما تكون اسنانك بيضا وفمك معطر
هتغسلي اسنانك وتستعملي نوع مطهر للمضمضة لان المضمضة دي بتنشط الخلايا المفيدة في الفم وتقوي مناعته ضد الامراض
هتغسلي اسنانك وتتمضمضي كل يوم الصبح لانك هتنشطي الخلايا ال هتنقل النشاط والصحة لجسمك كله
هتغسلي اسنانك الصبح لانك مسلمة يعني من قناعاتك ان النضافة من الايمان
هتغسلي اسنانك الصبح عشان تزودي ثقتك في نفسك
هتغسلي اسنانك الصبح عشان تكوني قدوة حللللوة لاولادك
هتغسلي اسنانك الصبح لانك ليدي وبتحفظي على جمالك بكل تفاصيله



اوعي تكسلي
مهما حصل
ماتستخسريش في نفسك وفي صحتك
بنصرف كتير
وبنيجي عند المهم ونقول الامكانيات

انزلي اشتري فرشاة اسنان حلللوة ومعجون من نوع مضمون وياريت عشان خاطري مضمضة صحية المنعشة
الجميلة دي بالقرنفل والنعناع واشتري كمان سواك من نوع كويس

لو مافيش امكانيات للفرشاة والمعجون والمضمضة
يبقى السواك و مضمضة بمية وملح وقليل من البيكنج صودا هتعمل احلى نتيجة باذن الله وهتلاقي انتعاش طول اليوم

واهم حاجة
انك تتمضمضي كتيييييييييييييير مش اقل من 5 دقايق ل 10 دقايق عشان تنشطي الخلايا الصحية في فمك

وشوفي بعدها
الجمال والبياض والابتسامة الساحرة والثقة في النفس و النشاط والصحة الدائمة باذن الله


استني
اوعي تنسي تغسلي مرة كمان قبل النوم ومعاها المضمضة عشان تكون الفايدة مضاعفة باذن الله


ودي هتكون مهمة ثابتة يوميا من خطة 21
عشان كدة ابتدي عودي نفسك عليها من دلوقتي عشان تكون عادة تستمر معاكي العمر كله باذن الله

 

[حبيبه الروح]

(هي انتظار الاخرين الى أن يتغيروا ))

للأسف هذا هو التصرف الذي يسلكه العديدون .

التغيير الحقيقي يتطلب منك جهد و عزيمة

لا تحاولي تغيير الاخرين لانك ستصابين بخيبة أمل في كل محاولة

ان كان زوجك عصبي ؟ تعلمي ان تمتصي غضبه

ان كان زوجك مهمل ؟ تعلمي الاهتمام بنفسك

ان كان زوجك خائن ؟ تعلمي العيش لنفسك و اخد العاطفة من مصادر اخرى

ان الانسان السعيد هو من يتقبل الناس كما هم و يحاول ان يكون مرنا دون طمس لشخصيته

ولا يسلك طريق يرى نهايتها وتكون سبب في شقائه .

"الشقاء نحن من يصنعه لانفسنا بتفكيرنا العقيم"

 

[حبيبه الروح]

النهارده هنبدأ مع بعض اولى حلقات الطبخ .. قبل ما نبدأ اى حاجه هطلب منكم طلب ..

اول ما تدخلى مطبخك سمِّ الله وطول ما انتى واقفه فى المطبخ بتطبخى او حتى بتغسلى مواعين ماتخليش لسانك يقف عن ذكر الله وفى الوقت ده هتلاقى شوشو نط فى دماغك وحاول يشغلك
غيظيه وركزى اكتر فى الذكر والاستغفار .. والله والله والله عن تجربه هتلاقى الاكل طعمه احلى كتير بس اوعى تعمليها بنية ان الاكل يبقى حلو وبس .. لأ احنا بنعملها بنية الباقيات الصالحات

تانى حاجه .. حاولى دايما تبدأى شغلك فى المطبخ وهو نضيف ومرتب هيسهل عليكى كتير

نبدأ بقى
.
.
الطبق الرئيسى

فراخ كنتاكى

الطبق اللى ناس كتير ضيعت عمرها علشان توصل للسر بتاعه وده عمره ما هيحصل لان دى اسرار حربيه .
انا جربت طرق كتيييييييييير بعدد شعر راسى - بلاش شعر راسى دى - بعدد شعر راس اى حد تانى
اكتر طريقه عجبتنى الطريقه اللى مروه ام البنين كانت منزلاها لان طعم التتبيله حلو اوى والطبقه اللى بره مقرمشه بس مش بتكسر السنان
وده اللينك بتاعها


انا بشيل الفراخ فى الفريزر مغسوله ومتبله لما بتطلع بتبقى شاربه من التتبيله وطعمها بيفرق كتير
انا طلعتها وزودت عليها التتبيله الجديده ..

مشيت بنفس الخطوات وادى النتيجه النهائيه تاتاتاتا

ودي صورة من قريب

ملحوظاتى بقى :
لما نحط الفراخ فى الطاسه الزيت يكون غزير ومانملاش الطاسه على الاخر ونخلى مكان يكفى القطع عشان ماتلزقش فى بعض ونعرف نقلبها براحتنا
ومانقلبش اى قطعه الا لما تكون اتحمرت عشان الطبقه الخارجيه ماتقعش


قدمت معاها بطاطس محمره عاديه مش فارم فريتس لان البطاطس اليومين دول جميله اوى

ندخل على السلطه
واحلى سلطه مع الكنتاكى طبعا هى الكول سلو
نبشر جزرتين مع نص كرنبايه افرنجى بتاعة السلطه ولو مش متوفر عندك اعملى قلب كرنبايه عاديه بس الورق الابيض بس
هنقطع جزء بسيط من كرنبايه موف
انا بحب احط الكرنب الموف لسببين
السبب الاول انه مفيد جدا
والسبب التانى انه بيدى شكل حلو اوى للسلطه
نقطع الكرنب شرايح رفيعه على قد ما نقدر ونحط الكرنب والجزر المبشور فى مصفاه وعليهم 3 او 4 معالق اكل مليانين سكر ونسيبهم نص ساعه ينزلوا الميه اللى فيهم

بعد كده احطهم فى بوله غويطه واقلب معاهم مايونيز ولو المايونيز تقيل اوى ممكن اخففه بشوية لبن صغيرين

واسيبهم فى التلاجه ساعه وكل ما قعدت بتبقى احلى
اللى عندها مايونيز جاهر تماااام
اللى ماعندهاش ماتعطلش تعمله
طيب نعمله ازاى يا نونا ؟
لأ مش هقول هو انا هعمل كل حاجه بنفسى ولا ايه واللى عايزه تبقى تسأل
نيا ها ها ها ( ضحكات متقطعه شريره )
خلاص قلبى الحونين مش راضى يطاوعنى هقولكم وامرى لله
فى طرق كتير للمايونيز .. فى ناس بتعمله بالبياض بس وناس بتعمله بالصفار بس وانا بقى بحب احط البيضه كامله
هو انا هعمل الصفار وادور اعمل ايه بالبياض ؟؟؟ ده ايه وجع القلب ده !!
حطى بيضايه او اتنين حسب الكميه اللى انتى عايزها .. انا كمية السلطه اللى عملتها حطيتلها اتنين
هتحطى عليهم رشة ملح ورشة فلفل اسود ومعلقه كبيره خل وعصير نص ليمونه صغيره وكل ده فى الخلاط
نغطى الخلاط كويس ونشيل الحته المدوره اللى فوق اللى انا شخصيا مش عارفه هى ايه لازمتها غير انى اعمل بيها المايونيز .. شكلهم عاملينها لكده
هننزل منها سرسوب رفيه اوى زيت مع الضرب لغاية ما يبقى قوامه متماسك زى الجاهز .. مش محتاجه اقولكوا نريح الخلاط فى النص شويه بدل ما الخلاط يبوظ وتدعوا عليا

الثوميه
اسهل طريقه للثوميه هى انك تحطى المايونيز وعليهم توم باودر وتقلبيهم


الرززززز

اكتر رز مشهور مع كنتاكى هو الريزو بس انا مش بحب التزم بيه
النهارده ولادى طلبوا رز هندى وده هيبقى مناسب اوى للناس اللى بتحب الاكل الحراااااااااااااااق

مقادير الرز
بصله كبيره مفرومه
ربطة شبت كبيره او اتنين وسط مفرومه
ربطة كزبره كبيره او اتنين وسط مفرومه
مش عايزه حد يتخض من المكون ده : نص كوبايه كبيره فلفل اخضر حااامى مفروم
نص معلقه صغيره شطه زيادة توكيد

هنشوح البصله لغاية ما تبقى دهبى

وبعدين نحط الكزبره والشبت والفلفل ونقلب تقليبتين

ونحط عليهم الشوربه
انا مكنش عندي شوربه حطيت 2 مكعب مرقه

نظبطها بالملح والفلفل والشطه ولما تغلى نحط الرز ونسويه بطريقتنا العاديه
وده شكله النهائى

اه نسيت اقولكوا ان الاساس فى الطبق ده انك بتشوحى فى الاول شرايح لحمه بتلو ( رفيعه وطويله )وتكملى سواها مع الرز وبكده يبقى طبق متكامل



يارب تكون وصفة النهارده عجبتكوا واللى عندها استفسار اي خدمه

 

[حبيبه الروح]

بالتخلص من مخلفات المنزل
نقطه مهمه طبعا لا يخلو بيت من مستحضرات تجميل بانواعها وتنظيف ايضا بانواعها
سؤال لحضرتك بتتخلصي منهم ازي ؟؟؟
علشان تحمي نفسك وتحمي اسر تانيه متواضعه مش هتسمح لهم ظروفهم انهم يشتروا من نفس المكان ؟



حضرتك بعد ازنك بضربه سكينه كده تقطعي الزجاجه باي شكل عشوائي قبل ما ترميها ليه لان النتيجه بتكون كده



في ناس بتتحايل علي الظروف وان كانت الغايه لا تبرر الوسيله وتملاء الزجاجات وعلب الكريم بمستحضرات تانيه ملهاش علاقه خالص بالصحه وللاسف الي بياخدها ناس ظروفهم الماديه متسمحش انهم يشترومن الصيدليه مستحضرات العنايه الشخصيه


ولا انهم يروحوا كارفور ويغتنموا فرصه العرض


انتي كده حميتي نفسك وغيرك وبفكرك وانتي بترمي الزجاجات ديه جددي نيتك ايوه في ناس بتلمها لانا بتعيد تدويرها بشكل او باخر خلي نيتك عفاف شاب او اسره مسلمه لكسب المال الحلال ربنا يوسع عليكي وعلينا جميعا يارب


ملكه الاكياس البلاستك



عارفين مين الي في الصوره؟؟

الي في الصوره كل واحده حاسه انها لازم مترميش ولا شنطه ولا كيس بلاستك يجيلها كانها بتجمع حسنات عمرها وبعد شويه تقعد تفكر طب انسقهم بشكل حلو ازي دول واخدين مكان كبير في المطبخ وشكلهم مش ظريف

حبيبتي انتي شايله كل ده ليه ماتخلي حبه علي قد استخدامك لان الشنط متجدده علي طوااال كل مره بتروحي اسوق او الهايبر بترجعي بكوم شنط




المهم ياريت تتخلصي من الزياده كوريهم واضربيهم في مرمي النفايات الي الابد




نرجع لحفظهم في بنات بطبقهم زي الحجاب كده وتحطهم في علبه طبعا الي عندها وقت حلو جدا لكن انا عن نفسي مفيش وقت

انا عندي باسكت قريب من ده بس اصغر بحط فيه الشنط الي ممكن استخدمه لباسكت الزباله باستمرار هو بس مليان اي زياده مش عايزها خلاص

وعلبه مقفوله بحط فيها الاكياس البيضه الي تنفع للسندوتشات او اي اكل



انا شفت الفكره ديه ببنوته هنا عامله روال للاكياس

http://forums.fatakat.com/thread4260296


والصوره ديه كمان عجبتني


واكيد انتي عندك افكار اجمل


بفكركم اني بحبكم في الله

وافكركم بمهامنا الاساسيه

المطبخ كل مواعينه في مكانها
حوض المطبخ مغسوال ومتنشف
حوض الحمام وقاعده التواليت فله

بالاضافه الي سياسه الالتقاط متطلعيش بايدك فاضيه خلي ايدك زي المغناطيس تلقط كل الي مش في مكانه ترجعه مكانه

 

[حبيبه الروح]

شوية تكات بسيطة لكن الطعم هيفرق

1-عايزة الملوخية مزبوطة حطى ذرة سكر فيها وحطى فصين توم.مدقوقين نيين غير التقلية ومعاهم كزبرة ناشفة غير اللى فى التقلية

2-عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية غطسيه فى المية واحدة.واحدة بسرعة وحطى على النار...لالالالا مش هتطرطش خالص لاتقلقو لأن المية بتلزق فى الدقيق وتثبته

3-الكرنب عشان يبقى اطعم حطى فى الشوربة اللى هتتشربه توم مدقوق وكمون ومعلقتين صلصة

4-البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية تبقى احلى

5-سلطة الكول سلو او الكرنب حطى مع المايونيز زبادى وسكر طعهمها هيبقى زى المطاعم بس سبيها فى التلاجة الأول كام ساعة فى الخليط

6-البهارات الصحيحة قبل ماتطحنيها شوحيها ع النار طعمها هيبان اكتر

7-البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة

8-التومية حطى نشا متدوب فى مية ع النار لما تبقى مهلبية سيبيه يبرد وإضربيه مع فصين توم وخل وبعدين زيت طعمها افضل

9-ماتحطيش لمون خالص بقشره على صوانى السمك او الجمبرى او فى الشوربة فى النار الطعم هيبقى مر ضفيه بعد مايستوى المقصود القشر فقط

10-الكبدة الاسكندرانى حطى عليها طحينة قبل السوا حبة صغيرين
هفتكر حاجات تانية واقولكم عليها جربو التكات دى...

 

[حبيبه الروح]

بايبي انهارده عن حاجات مختلفه كوكتيل يعني بعد اذنكم

اول حاجه
حضرتك لما بتصحي الصبح ولو لقدر الله متاخره ولازم تنجزي سنوتشات الاولاد بسرعه

ثانيه واحده وانتبهي



لو انتي جريتي عي كيس العيش ولا الفينو وبداتي تعمل السندوتشات بفكرك انك لازم تغسلي ايدك كويس الاول


وده مش كلامي انا ده وصيه الحبيب المصطفي صلي الله عليه وسلم

والموضوع ده اساسي ولازم تعلميه لاولادك

دلوقتي اسيبك تعمليلهم الفطار واحب اقولك شكرا علي انتباهك

 

[حبيبه الروح]

نتكلم بامر الله عن حاجتين مرتبطين ببعض الغسيل والدولاب ماهو مدام اتلبس يبقي هيتغسل ولو اتغسل لازم تشيله تاني في الدولاب

معظمنا عنده اتوماتك




او هاف اتوماتك او الاتنين وساعات واحده اتوماتك وعاديه كمان طب اللخبطه ديه كلها سببها ايه ان الغساله الاتوماتك زي ما هو شائع مش موفره للمسحوق ولا بتنظف زي العاديه واسباب كتير مش ده وقت الكلام عنها

والمسحوق بانواعه المختلفه





حاجات للابيض والي للالوان وفي مننا الي بتستعمل خلطات ملح الليمون والكربوناته او تخلط اريال مع اي مسحوق تاني رخيص

بس بصراحه المنتج بتاع اريال بتاع الكبسولات ده روعه



بس هو غالي جداا لانك بتحطي كبسوله واحده للغسله الوحده بس وسعرها 5 جنيه بس بتنظف جداااااااااااا وريحتها مش بتفارق الهدوم حتي لما تغسليهم مره تانيه علشان كده لو بتغسلي لبس الخروج بتاع زوجك والاولاد ممكن تجيبي منه بالطلب لانه فعلا ممتاز بس عبياتك ولبس خروجك لا اللهم بلغت اللهم فاشهد لان ريحته نفاذه وجميله

طب ارجع لوراء شويه لباسكت الغسيل


انا بضايق جدااااا من الي عاملين الباسكت كده


ازي يعني لازم الغسيل يكون متهوي ده يعمل ريحه مش تمام خالص خاصه لو الغسيل اتركن كذا يوم

بصوا يا بنات انا مقدرش افتي في موضوع الغسيل ده كتير بس الخلاصه الي عرفتها متاخر ان مش مهم ان الباسكت يكون فاضي علي طوال

ونتيجه لكده اخلط غسيل فاتح وغامق مع بعض



او الفوط والمليات





مع اي هدوم تانيه

لا كده مينفعش لازم تخلي غسله للفوط بس وتحطلهم معطر لو ظروفك تسمح وكمان غسله للملايات وهدوم الاولاد لوحدهم لانها في الغالب بتحتاج مبيضات وكلور الوان وملابس الخروج لوحدها لانها بتحتاج دوره خفيفه

وبعدين عندك مفتاح للنصف حموله استخدميه انتي ناسيه ولا ايه ؟

نيجي بقي لنقطه مهمه جداا واخيره بخصوص المحافظه علي الغساله

1. تنظيف الغساله بشكل دورى
لو الملابس مش بتخرج نظيفه ولاقيتى ليها ريحه يبقى غسالتك محتاجه تنظيف داخلى وتشغيلها دوره فاضيه على الماء السخن مع اضافة محلول او مسحوق منظف ومعقم للغساله لازالة روائح الغساله الكريهه والمحلول عباره عن كوب الا ربع مبيض كلوركس وملعقه كبيره من مسحوق الغساله الاتوماتيك وشغلى الغساله دوره على الفاضى لغساله وغسيل من غير ريحه او ممكن تشغليها على دورة خل



2- ابقاء باب الغساله مفتوحه بعد انتهاء دورة الغسيل
ليه تسيبى غطاء او باب الغساله مفتوح بعد ماتخلص غسيل عشان تسمحى للرطوبه تخرج من الغساله
وماتنسيس تجفيف كاوتش الغساله اللى بيكون فيه كمية ميه متبقيه فتعمر معاكى مده اطول


3- حماية سطح الغساله العلوى
بعدم وضع اى شىء قابل للانسكاب فوق الغساله وخصوصا العصائر او المشروبات اللى فيها سكر ليه؟؟
عشان نسيتى تزيلى اثار العصير هينشف وهيلزق فوق سطح الغساله المغطاه بطبقة من البورسلين المينا اوالمينا الصناعيه
والمشكله ان البقعه اللاصقه محتاجه محلول تنظيف زى الامونيا او الكلور لتنظيفها وده ممكن يسبب خدش فى الطلاء وتتقشر

4. ابعدى الادوات الحاده عن سطح الغساله
لو بتستعملى سطح الغساله حاولى تحطى فوطه او منشفه سميكه لحماية السطح من البقع وكمان حاولى تجنب الادوات الحاده كالسكين او المقص

5-تاكدى من توصيلات خراطيم المياه والصرف

حاولى تتاكدىى دايما ان وصلات خرطوم المياه المتوصل بالغساله غير مثنى
لان لو غسالتك قديمه وخرطوم الصرف فيه ثنيات ممكن يحصل تسرب الميه على الارض ويبقى عندك بحر

واخيرا حاولى تتركى فتره زمنيه كبيره بين كل غسله والتانيه

المشاركه القادمه نتكلم عن الدولاب ان شاء الله

 

[حبيبه الروح]

متحبوطنيش بالله عليكم شجعوني

 

[حبيبه الروح]

مين يكي لا قدر الله وكلنا بيحلم ان الدولاب يكون كده علي طوال


وعلشان الخص الموضوع والحق اجيب عيالي من المدرسه

عندك نقطتين مفيش غيرهم هما سبب كركبه الدولاب

الاولي احتفاظك باكوام من الملابس او المفروشات الي خلاص اخدت اعفاء من اللبس ومصممه تحتفظي بيها او الملابس الضيقه او الواسعه مع اني اشك ان في حد ملابسه وسعت عليه

وطبعا ديه بتزود الكميه اضعاف مضعفه يبقي تكسبي ثواب في نفسك وتصدقي بيهم وروقي بالك ولك الاجر ان شاء الله

الحاجه التانيه ان حضرتك وانا اولكم لميت الغسيل وخلاص زوجي هيوصل مينفعش اسيبه كده اروح مطبقه اي كلام ورميه في الدولاب بدل ما اصبر 5 دقائق واطبقه كويس واحط كل حاجه في مكانها صح لا استعل مره علشان المره ديه ومعاه كم مره كلهم مش هياخدو ربع ساعه اضطر بعد كم يوم اضيع يوم بحاله في ترويق الدولاب وتنظيمه مع العلم ان طوال ما اكوام الملابس ديه موجوده فرصتك في الحصول علي دولاب منظم بتقل

نقطه ملهاش علاقه اوي بالموضوع اوعي تفتكري انك لما تشتري منظم للبرهات ومنظم للشنط ومنظم للملابس و
و
و
و ان كده انتي حليتي المشكله لا خلي التنظيم من عندك انتي لان ممكن تجيبي منظم شربات وحضرتك تحطي في كل خانه فرده من لون مختلف

التنظيم باختصار حبه وقت نونو اشتغل فيهم بضمير هيوفرو عليا ساعات كتير

بفكركم بحبكم في الله

وبفكركم بالحقنه الجميله ديه


للبنات الي مش ملتزمه معانا بتظبيط المطبخ والحمام وسياسه الالتقاط لكل حاجه في البيت

دمتم بخير وليا طلب واحد نفسي تدعولي من قلبكم