هم يؤرقني .. مساعدة الله يجزاكم الجنة

[شمعة ليل]

السلام عليكم ...

اخواتي الله يخليكم عندي مشكله معقدتني في حياتي حيييل ..

انا عمري 26 سنة و مو متزوجة , من بلوغي الدورة مو منتظمة عندي ابد احيان توصل 9 شهور ما جت لي , استحي اقول لامي عن الموضوع ..

قبل سنة رحت للدكتورة و سويت تحاليل دم و هرمونات طلعت سليمه و سويت اشعه للمبيض مدري الرحم علشان التكيس و طلع سليم ,
الدكتورة قالت مادري ليش كذا و عطتني حبوب منع الحمل مع اني مو متزوجه و قالت استعمليها لمدة ثلاث شهور و بعدها تعالي اعمل لك تحليل باقي

في الثلاث شهور انتظمت الدورة بسبب الحبوب و تركتها و بعدها ماعاد جت لي 9 شهور مو جايه الدورة , و لا عاد رحت للدكتورة ..

والله تعبت من مشكلتي و زاد خوفي ان صديقتي عندها نفس المشكله و قالوا لها ماعندك بويضات و لا تقدرين تحملين ..

مادري ايش اسوي ؟؟ الله يخليها اللي تعرف تساعدني ...

​

 

[الآمبرآطوره]

الله يعيــنك .. بس لا تخآفين إختي كآنت مثـلك كآنت تتعذب من الدوره مو منتظمه عندهآ وكآنت تستخدم حبوب منع الحمل .. تزوجت الحمد لله بس جلست سنه تعآلجت عند الدكتوره والحمد لله الحين بآقي لهآ شهرين وتولد .. يعني لا تخآفين الله يعينك وييسر لك إمرك يآرب ..

تقبلي تح ــيآإتي ..​

 

[محبة المنتدى]

توكلي على ربك وان شاء الله خير

بس لازم تراجعين طبيبه مره ثانيه يمكن يكون عندك هرمونات

وربك يفرجها ان شاء الله ​

 

[شمعة ليل]

الامبراطورة

محبة المنتدى

الله يجزاكم خير و تسلمون على الردود ....

​

 

[صديقة الحرف]

حبيبتي لا تستحين عن تجربة والله ما ضيعنا غير الحياء ...
أمك ما في أحن من قلبها عليك بس خليها تحتفظ بالموضوع بينك وبينها ولا تسكتين على نفسك لما تتزوجين والله أكبر خطأ تسويه الوحدة في نفسها وأسألي مجرب تجيك كلمة جارحه تكرهك نفسك وأهلك من زوجك ولا أهله

حبيبتي بالله عليك لا تهملين نفسك أبد أبد أبد خذيها مني نصيحة أخت والله العظيم ،


1)- تفقي مع أمك وروحي لحرمة تمرخ عادي حتى لو بنت أنا لما رحت بعد الزواج قالت ليه ما جيتي وإنت بنت ما دام هي ملخبطة عليك من زمان .

2)- جربي الرقية بسورة البقرة ،وحافظي على الأذكار .

3)- ريحي نفسيتك على الآخر ولا تفكرين فيها حاول أدري صعبة بس التفكير والقلق يلعب فيها بس والله القرآن عمووووما يريحك .
4)-جربي الأدوية الشعبية بس باستشارة الممرخة مثل البردقوش والمرمية و....إلى آخ انا ما أنصحك تشربينها كذا بدون استشارة
5)- خلي علاج المستشفى آخر الحلول عشان ما تلعبين بنفسك ما في داعي تستعجلين دامك مو متزوجه

6)-أي دواء تخذينه قولي هذا الدعاء كما قال د.خالد جبيير ((اللهم إني أسألك أن تجعل فيه الشفاء )) 7 مرات
وخلي عندك يقين إن الله معاك ولن يخذلك وأحسني ظنك بالله فالله يقول ((أنا عند ظن عبدي بي فاليظن بي ما شاء ))

ويارب ما تشوفين شر وتتشافين وتنخطبين وتحملين من أول شهر يارب ههههههه أمزح يالله من رابع شهر



دعواتك لي بالحمل السليم المعافى

 

[المها **]

حبيبتي مافي داعي للخوف انا اعرف وحده كذا زي مشكلتك والدوره مو منتظمه احيانا تجلس 9 شهور وكانت خايفه مثلك مره وراحت للمستشفى وقالوا عندك هرمون الحليب بس اعراضه مو موجوده عندها وقالوا لها الحمل استحاله في هالحاله ولكن ماشاء الله تبارك الرحمن تزوجت وما جلست شهرين الا وهي حامل وهي الحين بالشهر التاسع حبيبتي دخلت علشان اطمنك الله اذا اراد للشي ان يقول له كن فيكون وانتي راجعي المستشفى علشان تتطمنين ادعي لي بالذريه الصالحه

 

[نغمات النجاح]

لاتخافين من تاخرها
لكن لابد من مراجعة الطبيبة
بنتي عانت مثلك فكانت اما ان تستمر شهر دم متقطع
او تنقطع شهور
الحبوب ياعزيزتي ليست حبوب منع حمل هي حبوب تنظيم
استخدمتها بنتي سنه كامله
بعدها انتظمت دورتها ولله الحمد
اخبري امك عن المشكلة ولاحياء بين الام وبنتها في هذة الامور
يسر الله امرك وشفاك
تحياتي

 

[شمعة ليل]

صديقة الحرف ...

الله يسعدك يارب ..


المها
تسلميين يا عمري و الله يرزقك بالذريه الصالحة ..

نغمات النجاح ..
الله يجزاك خير يا رب

 

[أم خضر]

أختي لا تقلقي لي قريبة كانت مثلك وتعالجت والحين هىحامل فى شهرها الخامس ربنا يطمنك ونسمع عنك كل خير.