هل يحق لي طلب الطلاق .. ؟!! ، أنا عازمة عليه لكن أول أبسمع نصايحكم

[جوهرة الغد]

السلام عليكم ورحمة الله وبركاته

أولا ما تمنيت يكون موضوعي الأول كذا
لكن الحمد لله على قضاء الله

أخواتي
أبسرد عليكم مشكلتي من إلى
وشوفوا معي حق أطلب الطلاق من زوجي ..

أنا متزوجة من 3 سنوات من قريب لوالدي ..
وطبعا ما يشتغل << هذا أولا
فالوالد الله يخليه لي ما قصر معاه ، وسكننا عندنا في البيت لأنه كان شاااريه مره

وبعد الزواج بسنة
أخذت له سيارة بسلف أكتر من 60 ألف عأساس يشتغل بها ونكف أنفسنا ونعطي الوالد إيجار

المهم
في البداية بس اشتغل وانبسطنا الحمد لله

بعدين بدأت الأعذار ( تعبان ، مريض ، مالي نفس )
وصار يدخن بشراهه

وفوق كده يا أخواتي تخيلوا كل يوم أبات لوحدي
كل ليلة يسهر برا مع أصحابه
ما يجي البيت إلا الفجر أو الظهر ..

وسفريات وروحات وجياااات

وأنا ولا شيء كأني حيطة

حاولت معاه كتير يعلم الله

صرت أقرأ كتب وأطلع على مواقع وأعمل له ليالي رومانسية ومفاجاءات << يتأثر يوم يومين وينتكس

آخر شيء صار ماعاد يناديني باسمي ماعاد يناديني إلا يا غبية ، يا ناقصة العقل ، يا سفيهه

وأنا اسكت مارد

آخرتها قدام أمه وأخواته يشتمني ويرفع صوته علي بشكل فظيييع

وحتى في الأسواق وإلا لما نتمشى < كلام جااارح من قبيل ( الله يحرقك ، الله ياخذك )
من غير سبب والله ..
لكن لأني أخرته على أصحابه

والطامه الكبرى إنه صار مدمنننننن مواقع إباحية ..
أنا شاكة فيها من زمان لكن الآن تأكدت ..

صرت عاجزة كل يوم أبكي وصدري ضايق وزادت علي آلام الشقيقة ..

كيف يعاملني كذا ؟
كيف تطاوعه نفسه ما أدري ..

المهم أنا يئست منه تماما ..

والله يا أخواتي مو مدح فيه لكن ما شاء الله
الخطاب وأنا متزوجة يجوني .. << وهذا دليل إني ماني غبية زي ما يقول لي كل يوم

الحين هو كل يوم يرسل رسايل وسامحيني واشتقت لك
لكن ماني قادره أسامحه
ولا حتى أفكر أرجع له لأني ماني واثقة فيه
كيف أثق بزوج لا احترام ولا تقدير ..
وبعد ما قنعت منه جاي يترجى ويوسط الناس

المهم

حبيت آخد أكبر قدر من الآراء قبل لا أعزم أمري ..

أشيروا علي بالطيب أخواتي
وادعوا لي

 

[قصه الم]

عندك عيال

 

[جوهرة الغد]

عندك عيال

لا ربك ما كتب

 

[جوهرة الغد]

نسيت أقول لكم أخواتي ..
إني جيت بيت أهلي كم مرة من قبل ..
وبابا يردني ..

وآخر مرة جيت عندهم وقعدت 8 أيام
وجاب أبوه وأخوانه وسامحيني وفرصة أخيرة

والله العظيم أسبوعين ورجع لحاله

يعني ما فيه حل أعرفه إلا طبقته معاه ولا فيه فااايدة

 

[سمر ليل]

انا من رأي لا ترجعين اصلا انسان ما يستاهلك منتي ملزومه بواحد كذا وانت ماعندك اولاد لو يقدرك ويقدر ابوك وعنده شيمة رجال ما عاملك بهذا الشكل ....

 

[سهم الفلا]

بو بطبيع ما اجوز عن طبعة رجعي بشروط منفذة مسبقا شوفيها ابعينك بعدين ارجعي

 

[حناني متعبني]

ا تستعجلين بطلاقك واتاخري برجوعك لة خلية يعرف قيمتك يعني لا ترجعين معة على طول

خلية يفتقدك وحطي شروط بس لا تاخذين الطلاق وسيلة حل على طول

وعليك يالدعاء ان الله يهدية ويسخرة لك ويبعدة عن عيال الحرام

واسال الله لك الفرج القريب

ودعواتي القلبية لك

 

[2010 lulu]

اعطيه فرصه اخيره خليه يجيب من اهله رجال كبار وانتي جيبي من اهلك وترجعي بشروط لو مانفع معاه اطلبي الطلاق يكون اعطيتي فرصه اخيره لعل الله يرده لصوابه وللان انتي ماجبتي اطفال ربي يحبك اذا تطلقتي تكوني خفيفه الله يخير لك الخير واستخيري ياغاليه

 

[بداري5]

الله يكون في عونك والله ان كلامك ضيق صدري الله يفرج همك وييسرامرك
الي فهمته من كلامك انك خلاص تبين الطلاق انتي ادرا في مصلحة نفسك
انا من رايي اذا ماعندك عيال للترجعيييييييييين الا اذا وعدك وعد رجااااال
الله يكتب لك الي فيه الخير

 

[زوجه مؤدبه]

والله ياحبيبتي خوذيها من قاصر هذا ماستفدتي منه ولا شي كانك انتي اللي ماخذته مهوب هو اللي مااخذك والرجل اللي مامنه فايده ماله لزمه غيره ابرك لاااا بعد ويحطم هالحين بعد كل الي سويتوله انتي وبوك يقول كذا لاترجعين وتهينين نفسك هالشكل ارفعي نفسك عنه ولاتنزلينها له ابد وربي شي يقهر بكره وش بتصير حالك اذا جبتي عيال موقفك سليم وحكمي عقلك وهو يترجى حبيبتي مهوب لاقي مثلك ومقيوله وان اكرمت اللئيم تمردا .. اسمحيلي بس ترى مهوب كل الناس يقدرون اللي يشتريهم ترى انا حالتي ماتختلف عنك بس انا اردى شوي لاني سكت عليه وخليت الوضع يتطور بس نصيحه لاااااااااترجعيييييييييين وانتي استخيري .. الله يصلح حالي وحالك ويفرجلي .

 

[زوجةاسير]

استخيري في طلاقك منه

 

[جراده شياكه]

الله يفرج همك يارب واستخيري ان الله مايظلم احد

 

[احلىحلاوه]

اظن ربي ماحلل الطلاق الا لمثل هالحالات

 

[نجمة الثرياء]

استخيري قبل كل شي ولكن انا من رايي ان الله مارزقك عيال فهذا افضل لك واستخيري اكثر من مره والله يوفقك والمسلمين والله مايستاهل انك ترجعين له انت تصرفين عليه ويسبك الحمد لله ماجاك عيال واستخيري والله ييسر لك الي فيه الخير

 

[عنقود عنب]

اختي ...انت اكثر واحد تقدر تقرر ...يا انفصال ..يا تواصلي حياتك معه

انت اسألي نفسك كم سؤال

هل هذا الرجل يستحق ان اقضي بقية عمري معه؟؟
هل هذا الرجل سوف يتغير مع الزمن ؟؟

هل هذا الرجل عنده حس المسؤولية ؟؟

هل هذا الرجل استطيع ان اؤمن نفسي واولادي معه ؟؟

يعني الشغلة مو كيمياء ..هي اسئلة بسيطة

من خلال اجابتك عليها ..تقدري تقرري

وربي يعينك

 

[ام لايان]

الله يفرج اهمك يارب
استخيري والله يكتب الي فيه الخير 00

 

[سوليدير]

..اولا شيلي الطلاق من راسك..خذيها نصيحه مني

اقعدي عند اهلك..لاتردين عليه..خليه يحس بقيمتك..خاصه هو معتمد عليك بكل شي

ومصيره يتادب صدقيني

اذا الطلاق..المطلقات فالبيوت محد خذاهم الا اذا بالسر شي ثانيه...والمسيار انتشر

لا لا لا..للطلاق

والايام تثبتلك كلامي

 

[احلام احلام]

خليكي مع عنقود عنب ونعم الرأي
لاتضيعين عمرك بعدين تندمين
الحل بيدك انتي بس انتي ادرى وحدة فية
والله يشرح صدرك للخير

 

[طموح لم يتحقق]

اولا.........
ممكن تعطيه فرصة اخيرة عشان لو ما تعدل وتطلقتي بعدها ما حتندمي ..
وتحسي انك كنتي معطيته فرص عالأخر لكن هو اللي ما يستاهل .. وبناء عليه يكون طلاقك عن قناعة تااااااااااامة مو زي الحين مترددة لو شوي...
ثانيا...........
تأخري شوي بالرجعة.... وارجعي بشروط حااااااااسمة
مثلا.... الإحترام وانه ما يتلفظ عليك اببببببببببببببدا حتى لو كنتي غلطانة...

 

[*حبيبة*زوجها*]

الحياه تجارب

وهذا بدل ما يحطك فوق راسه يسوي فيك كذا

والله عيشه اهلي ولا عيشه المذله

لا تعطينه فرصه دامك مقرره

خلاص استخيري واطلبي الخيره وتطلقي

وصدقيني الحياه ماتوقفت عنده

واحمد الله ان ماعندك منه عيال

اخاف ترجعين ويرجع زي اول وتحملين منه

ويصير بينكم حلقه ضايعه وتنقهرين اكثر


,,


لا لرجعه والطلاق اكرم لك

وتوكلي على الله


وبكره يجيك اللي احسن منه وعيشه اهلك احسن من كل شي

هو مايبغى يخسر البيت اللي ببلاش

توه حس بالمسؤوليه

طــز فيه وفي امثاله


,,,