هل هذا الشي عادي ؟؟؟؟

[أختكم المسلمة]

السلام عليكم

زوجي يلبس ملابسه جدام اهله و حريم اخوانه

احيانا زوجي يلبس بالغرفه و احيانا يلبس برع الغرفه لانه خزانته اهناك
واهناك يكونوا اهله و يلبس جدامهم

واحيانا اخته ادش علينا الغرفه وهو يلبس ملابسه الداخليه جدامها

فهل هذا الشي عادي او انا ماخذه الموضوع بحساسيه

انا يوم اشوفه جي اتخصص وما ارضى يلبس جدام احد

ابي اناقشه فالموضوع بس ما اعرف كيف لاني اعرفه بيقول لي تفكيرج غلط واحنا فبيتنا عادي

فشو اسوي

 

[كحولة]

بس ممكن توضحين اكثر ،،يعني يكون مثلا عاري تماما جدامهم ويشوفون عورته ولا كيف ؟

 

[hnmydsm]

عزيزتي انا كتبتلك،رد بخصوص ولدك مرتين والله،لكن ينمسح مادري ليش؟

 

[أختكم المسلمة]

وصلتني حبيبتي و مشكوره

 

[أختكم المسلمة]

اهو يلف الفوطه على جزءه السفلي بس لما يلبس ملابسه الداخليه او البنطلون اكيد ابين

 

[hnmydsm]

الحياء من الايمان، كيف كذا الظاهر انه متعود، قوليله ترا أنا أستحي لما تكون انت بالوضع هذا قدامهم، لأني أنا واياك واحد،لذلك لاتحرجني وحاول تتجنب هالشي،وهاتيله كتيبات او مواضيع من النت عن ضرورة التزام الحياء،وحتى لو كنت في عقر دارك//اتمنى الخوات يفيدوك

 

[بحب الحياه 1]

لا طبعاء مش عادى
لان العوره المغلظه مستحيل تبان على احد غير الزوجه
و كمان قولى له عوره الراجل على الراجل حرام
و العوره على القريب و الغريب من السره الى الركبه
حاولى تفهميه بس بالراحه و الموضوع مش هيجى فى يوم و ليله على ما يتعود على الصح

 

[هياووووووي]

لا حبيبتي مش عادي احس انه متعووود
بس انتى خل واحد من هله يكلمه ويقوله عيب هالشي مثل امه او ابووه

 

[الـخزآمى]

لا اختي هذا شي مو عادي
هذا حرام...
طيب قولي لزوجك ترضى اني اسوي مثلك قدام اخواني وابوي وازواج خواتي؟
اكيد بيقول لك لا مارضى ..
قولي مثل ماتغار علي انا اغار عليك انت حلالي انا بس
وقدام اي شخص ثاني حرام

والله يهديه ويملىء قلبه بالخوف من الله​

 

[*ملكة الحب*]

مع احترامي لزوجك تصرفاته غير سويه وتخدش الحيا
مره يبدل قدامهم ومره ينام مع اخته المطلقه
الشيطان شاطر حاولي قدر الامكان تفهمينه حرمة هالشي​

 

[DeEmo0o]

لا مو عااادي ...مايجوز يظهر عورته الا لك ...

انتي فهميه من الناحيه الدينيه ..يمكن هو متعود كذا قبل الزواج واهله متعودين عليه ..بس حاولي تتفاهمين معه بس حاولي يكون وقت رايق ..

الله يخليكم لبعض..
تقبلي مروري ودمتم بخير،،،​

 

[ابي اسجل وبسس]

يمكن هو كان متعود كذا من قبل الزواج
بس انتي حاولي تغيرين طبعه

 

[نهآية البدآيه]

قولي كنك مستغربه انتوا كذآ تبدلون ملابسكم قدآم بعض ؟؟!!!

انتوا غريبين مآعمري شفت اخ يلبس قدام اخته اول شي حرام والشي الثاني من الحياء وقولي ترى حتى اهلك يستحون ومابيبينون لك

فلو سمحت استر نفسك هالشي عيب وحرآم


( سبحآن الله الرجآل اذآ قلتي له حرآم قآم يعآند لكن لا قلتي عيب وفشله والناس و....الخ بيستحي ويتفشل من نفسه)

 

[نهآية البدآيه]

تعديل:
بعض الرجآل

 

[حايل بعد حيي]

مع احترامي لزوجك مايستحي على وجهه وانتي ليش ساكته
اكيد هالشي مو عادي ابد ​

 

[zio0od man]

الظاهر هذا الشي عادي بينهم وماراح يستوعب اذا قلتي له عيب او فشله لانه صعبه تغيرينه على شي تربى عليه وتعود عليه من صغره

بس شوفي لوقلتي حريم اخوانك سمعتهم يتكلمون فيك ويقولون فلان مايستحي يلبس قدامنا وش يقصد

ماعنده حيا وكذا

لانه من ناحيتك ماراح يسمع كلامك بس لو الناس تكلموا يمكن يستجيب
بعدين المفروض ماتسكتين له نهائيا يعني مره ازعلي ومره عصبي
ومره قولي ترضى البس قدام اخوك


الله المستعان

 

[رازيا]

لا مو عااادي ...مايجوز يظهر عورته الا لك ...​

انتي فهميه من الناحيه الدينيه ..يمكن هو متعود كذا قبل الزواج واهله متعودين عليه ..بس حاولي تتفاهمين معه بس حاولي يكون وقت رايق ..​

الله يخليكم لبعض..

تقبلي مروري ودمتم بخير،،،​

مع هذا الرد

 

[أختكم المسلمة]

شكراااا خواتيعلى ردودكم الطيبه

وما شاء الله عليج اختي ملكة الحب للحين تذكرين سالفه نومه مع خواته

والله اتعقدت من هالريال
المشكله انه اهله يحبون هالشي
ما اعرف كيف اشرح لكم بس مثل ما قالوا بعض الخوات انهم اتعودوا على هالشي
حتى حريم اخوانه عادي ما يستحون من هالشي
لو بغوا اهل زوجي حتى ما خلوه يدش عندي الحجره
يبوا ولدهم لهم رغم اني ابد ما حسستهم اني راح اخذ ولدهم
بس هم ناس الله يصلحم
والله يصبرني عليهم و على زوجي
وعلى فكره لحد الحين ينام مع خواته و اخوانه الثانيين قاموا يقلدوه

 

[شرووقه]

طيب انتي جهزي له ملابسه وجيبها للغرفه بكذا مايطلع علشان يلبس وبعدين يتعود

 

[حزينه حد الجنون]

الاخوات ماقصروا الله يعطيهم العافيه